Septuagint, Liber Iosue 9:

(70인역 성경, 여호수아기 9:)

ΩΣ δὲ ἤκουσαν οἱ βασιλεῖσ τῶν Ἀμορραίων οἱ ἐν τῷ πέραν τοῦ Ἰορδάνου, οἱ ἐν τῇ ὀρεινῇ καὶ οἱ ἐν τῇ πεδινῇ καὶ οἱ ἐν πάσῃ τῇ παραλίᾳ τῆσ θαλάσσησ τῆσ μεγάλησ καὶ οἱ πρὸσ τῷ Ἀντιλιβάνῳ καὶ οἱ Χετταῖοι καὶ οἱ Χαναναῖοι καὶ οἱ Φερεζαῖοι καὶ οἱ Εὐαῖοι καὶ οἱ Ἀμορραῖοι καὶ οἱ Γεργεσαῖοι καὶ οἱ Ἰεβουσαῖοι, συνήλθοσαν ἐπὶ τὸ αὐτὸ ἐκπολεμῆσαι Ἰησοῦν καὶ Ἰσραὴλ ἅμα πάντεσ. α Τότε ᾠκοδόμησεν Ἰησοῦσ θυσιαστήριον Κυρίῳ τῷ Θεῷ̓Ισραὴλ ἐν ὄρει Γαιβάλ, β καθότι ἐνετείλατο Μωυσῆσ ὁ θεράπων Κυρίου τοῖσ υἱοῖσ Ἰσραήλ, καθὰ γέγραπται ἐν τῷ νόμῳ Μωυσῆ, θυσιαστήριον λίθων ὁλοκλήρων, ἐφ’ οὓσ οὐκ ἐπεβλήθη σίδηροσ, καὶ ἀνεβίβασεν ἐκεῖ ὁλοκαυτώματα Κυρίῳ καὶ θυσίαν σωτηρίου. γ καὶ ἔγραψεν Ἰησοῦσ ἐπὶ τῶν λίθων τὸ δευτερονόμιον, νόμον Μωυσῆ, ὃν ἔγραψεν ἐνώπιον τῶν υἱῶν Ἰσραὴλ δ καὶ πᾶσ Ἰσραὴλ καὶ οἱ πρεσβύτεροι αὐτῶν καὶ οἱ δικασταὶ καὶ οἱ γραμματεῖσ αὐτῶν παρεπορεύοντο ἔνθεν καὶ ἔνθεν τῆσ κιβωτοῦ ἀπέναντι, καὶ οἱ ἱερεῖσ καὶ οἱ Λευῖται ᾖραν τὴν κιβωτὸν τῆσ διαθήκησ Κυρίου, καὶ ὁ προσήλυτοσ καὶ ὁ αὐτόχθων, οἳ ἦσαν ἥμισυ πλησίον ὄρουσ Γαριζίν, καὶ οἳ ἦσαν ἥμισυ πλησίον ὄρουσ Γαιβάλ, καθότι ἐνετείλατο Μωυσῆσ ὁ θεράπων Κυρίου εὐλογῆσαι τὸν λαὸν ἐν πρώτοισ. ε καὶ μετὰ ταῦτα οὕτωσ ἀνέγνω Ἰησοῦσ πάντα τὰ ρήματα τοῦ νόμου τούτου, τὰσ εὐλογίασ καὶ τὰσ κατάρασ, κατὰ πάντα τὰ γεγραμμένα ἐν τῷ νόμῳ Μωυσῆ. ζ οὐκ ἦν ρῆμα ἀπὸ πάντων ὧν ἐνετείλατο Μωυσῆσ τῷ Ἰησοῖ, ὃ οὐκ ἀνέγνω Ἰησοῦσ εἰσ τὰ ὦτα πάσησ ἐκκλησίασ υἱῶν Ἰσραήλ, τοῖσ ἀνδράσι καὶ ταῖσ γυναιξὶ καὶ τοῖσ παιδίοισ καὶ τοῖσ προσηλύτοισ τοῖσ προσπορευομένοισ τῷ Ἰσραήλ. Καὶ οἱ κατοικοῦντεσ Γαβαὼν ἤκουσαν πάντα, ὅσα ἐποίησε Κύριοσ τῇ Ἱεριχὼ καὶ τῇ Γαί. καὶ ἐποίησαν καί γε αὐτοὶ μετὰ πανουργίασ καὶ ἐλθόντεσ ἐπεσιτίσαντο καὶ ἡτοιμάσαντο καὶ λαβόντεσ σάκκουσ παλαιοὺσ ἐπὶ τῶν ὄνων αὐτῶν καὶ ἀσκοὺσ οἴνου παλαιοὺσ καὶ κατερρωγότασ ἀποδεδεμένουσ, καὶ τὰ κοῖλα τῶν ὑποδημάτων αὐτῶν, καὶ τὰ σανδάλια αὐτῶν παλαιὰ καὶκαταπεπελματωμένα ἐν τοῖσ ποσὶν αὐτῶν. καὶ τὰ ἱμάτια αὐτῶν πεπαλαιωμένα ἐπάνω αὐτῶν, καὶ ὁ ἄρτοσ αὐτῶν τοῦ ἐπισιτισμοῦ ξηρὸσ καὶ εὐρωτιῶν καὶ βεβρωμένοσ. καὶ ἤλθοσαν πρὸσ Ἰησοῦν εἰσ τὴν παρεμβολὴν Ἰσραὴλ εἰσ Γάλγαλα καὶ εἶπαν πρὸσ Ἰησοῦν καὶ Ἰσραήλ. ἐκ γῆσ μακρόθεν ἥκαμεν, καὶ νῦν διάθεσθε ἡμῖν διαθήκην.καὶ εἶπαν οἱ υἱοὶ Ἰσραὴλ πρὸσ τὸν Χορραῖον. ὅρα μὴ ἐν ἐμοὶ κατοικεῖσ, καὶ πῶσ σοι διαθῶμαι διαθήκην̣ καὶ εἶπαν πρὸσ Ἰησοῦν. οἰκέται σού ἐσμεν. καὶ εἶπε πρὸσ αὐτοὺσ Ἰησοῦσ. πόθεν ἐστὲ καὶ πόθεν παραγεγόνατε̣ καὶ εἶπαν. ἐκ γῆσ μακρόθεν σφόδρα ἥκασιν οἱ παῖδέσ σου ἐν ὀνόματι Κυρίου τοῦ Θεοῦ σου. ἀκηκόαμεν γὰρ τὸ ὄνομα αὐτοῦ καὶ ὅσα ἐποίησεν ἐν Αἰγύπτῳ καὶ ὅσα ἐποίησε τοῖσ βασιλεῦσι τῶν Ἀμορραίων, οἳ ἦσαν πέραν τοῦ Ἰορδάνου, τῷ Σηὼν βασιλεῖ τῶν Ἀμορραίων καὶ τῷ Ὢγ βασιλεῖ τῆσ Βασάν, ὃσ κατῴκει ἐν Ἀσταρὼθ καὶ ἐν Ἐδραί̈ν. καὶ ἀκούσαντεσ εἶπαν πρὸσ ἡμᾶσ οἱ πρεσβύτεροι ἡμῶν καὶ πάντεσ οἱ κατοικοῦντεσ τὴν γῆν ἡμῶν λέγοντεσ. λάβετε ἑαυτοῖσ ἐπισιτισμὸν εἰσ τὴν ὁδὸν καὶ πορεύθητε εἰσ συνάντησιν αὐτῶν καὶ ἐρεῖτε πρὸσ αὐτούσ. οἰκέται σού ἐσμεν, καὶ νῦν διάθεσθε ἡμῖν τὴν διαθήκην. οὗτοι οἱ ἄρτοι, θερμοὺσ ἐφωδιάσθημεν αὐτοὺσ ἐν τῇ ἡμέρᾳ, ᾗ ἐξήλθομεν παραγενέσθαι πρὸσ ὑμᾶσ. νῦν δὲ ἐξηράνθησαν καὶ γεγόνασι βεβρωμένοι. καὶ οὗτοι οἱ ἀσκοὶ τοῦ οἴνου, οὓσ ἐπλήσαμεν καινούσ, καὶ οὗτοι ἐρρώγασι. καὶ τὰ ἱμάτια ἡμῶν καὶ τὰ ὑποδήματα ἡμῶν πεπαλαίωται ἀπὸ τῆσ πολλῆσ ὁδοῦ σφόδρα. καὶ ἔλαβον οἱ ἄρχοντεσ τοῦ ἐπισιτισμοῦ αὐτῶν καὶ Κύριον οὐκ ἐπηρώτησαν. καὶ ἐποίησεν Ἰησοῦσ πρὸσ αὐτοὺσ εἰρήνην καὶ διέθεντο πρὸσ αὐτοὺσ διαθήκην τοῦ διασῶσαι αὐτούσ, καὶ ὤμοσαν αὐτοῖσ οἱ ἄρχοντεσ τῆσ συναγωγῆσ. καὶ ἐγένετο μετὰ τρεῖσ ἡμέρασ μετὰ τὸ διαθέσθαι πρὸσ αὐτοὺσ διαθήκην, ἤκουσαν ὅτι ἐγγύθεν αὐτῶν εἰσι, καὶ ὅτι ἐν αὐτοῖσ κατοικοῦσι. καὶ ἀπῇραν οἱ υἱοὶ Ἰσραὴλ καὶ ἦλθον εἰσ τὰσ πόλεισ αὐτῶν. αἱ δὲ πόλεισ αὐτῶν Γαβαὼν καὶ Κεφιρὰ καὶ Βηρὼθ καὶ πόλεισ Ἰαρίν. καὶ οὐκ ἐμαχέσαντο αὐτοῖσ οἱ υἱοὶ Ἰσραήλ, ὅτι ὤμοσαν αὐτοῖσ πάντεσ οἱ ἄρχοντεσ Κύριον τὸν Θεὸν Ἰσραήλ. καὶ διεγόγγυσαν πᾶσα ἡ συναγωγὴ ἐπὶ τοῖσ ἄρχουσι. καὶ εἶπαν οἱ ἄρχοντεσ πάσῃ τῇ συναγωγῇ. ἡμεῖσ ὠμόσαμεν αὐτοῖσ Κύριον τὸν Θεὸν Ἰσραὴλ καὶ νῦν οὐ δυνησόμεθα ἅψασθαι αὐτῶν. τοῦτο ποιήσομεν, ζωγρῆσαι αὐτούσ, καὶ περιποιησόμεθα αὐτούσ, καὶ οὐκ ἔσται καθ’ ἡμῶν ὀργὴ διὰ τὸν ὅρκον, ὃν ὠμόσαμεν αὐτοῖσ. ζήσονται καὶ ἔσονται ξυλοκόποι καὶ ὑδροφόροι πάσῃ τῇ συναγωγῇ, καθάπερ εἶπαν αὐτοῖσ οἱ ἄρχοντεσ. καὶ συνεκάλεσεν αὐτοὺσ Ἰησοῦσ καὶ εἶπεν αὐτοῖσ. διατί παρελογίσασθέ με λέγοντεσ, μακρὰν ἀπὸ σοῦ ἐσμεν σφόδρα, ὑμεῖσ δὲ ἐγχώριοί ἐστε τῶν κατοικούντων ἐν ἡμῖν̣ καὶ νῦν ἐπικατάρατοί ἐστε. οὐ μὴ ἐκλίπῃ ἐξ ὑμῶν δοῦλοσ οὐδὲ ξυλοκόποσ οὐδὲ ὑδροφόροσ ἐμοὶ καὶ τῷ Θεῷ μου. καὶ ἀπεκρίθησαν τῷ Ἰησοῖ λέγοντεσ. ἀνηγγέλη ἡμῖν ὅσα συνέταξε Κύριοσ ὁ Θεόσ σου Μωυσῇ τῷ παιδὶ αὐτοῦ, δοῦναι ὑμῖν τὴν γῆν ταύτην καὶ ἐξολοθρεῦσαι ἡμᾶσ καὶ πάντασ τοὺσ κατοικοῦντασ ἐπ’ αὐτῆσ πρὸ προσώπου ὑμῶν, καὶ ἐφοβήθημεν σφόδρα περὶ τῶν ψυχῶν ἡμῶν ἀπὸ προσώπου ὑμῶν καὶ ἐποιήσαμεν τὸ πρᾶγμα τοῦτο. καὶ νῦν ἰδοὺ ἡμεῖσ ὑποχείριοι ὑμῖν. ὡσ ἀρέσκει ὑμῖν καὶ ὡσ δοκεῖ ὑμῖν, ποιήσατε ἡμῖν. καὶ ἐποίησαν αὐτοῖσ οὕτωσ. καὶ ἐξείλατο αὐτοὺσ Ἰησοῦσ ἐν τῇ ἡμέρᾳ ἐκείνῃ ἐκ χειρῶν υἱῶν Ἰσραήλ, καὶ οὐκ ἀνεῖλον αὐτούσ. καὶ κατέστησεν αὐτοὺσ Ἰησοῦσ ἐν τῇ ἡμέρᾳ ἐκείνῃ ξυλοκόπουσ καὶ ὑδροφόρουσ πάσῃ τῇ συναγωγῇ καὶ τῷ θυσιαστηρίῳ τοῦ Θεοῦ. διὰ τοῦτο ἐγένοντο οἱ κατοικοῦντεσ Γαβαὼν ξυλοκόποι καὶ ὑδροφόροι τοῦ θυσιαστηρίου τοῦ Θεοῦ ἕωσ τῆσ σήμερον ἡμέρασ, καὶ εἰσ τὸν τόπον, ὃν ἂν ἐκλέξηται Κύριοσ.

목록

일치하는 문장이 없습니다.

SEARCH

MENU NAVIGATION