헬라어 문장 검색 - Σεπτύ006́009́

(70인역 성경, 여호수아기 9:)

ΩΣ δὲ ἤκουσαν οἱ βασιλεῖσ τῶν Ἀμορραίων οἱ ἐν τῷ πέραν τοῦ Ἰορδάνου, οἱ ἐν τῇ ὀρεινῇ καὶ οἱ ἐν τῇ πεδινῇ καὶ οἱ ἐν πάσῃ τῇ παραλίᾳ τῆσ θαλάσσησ τῆσ μεγάλησ καὶ οἱ πρὸσ τῷ Ἀντιλιβάνῳ καὶ οἱ Χετταῖοι καὶ οἱ Χαναναῖοι καὶ οἱ Φερεζαῖοι καὶ οἱ Εὐαῖοι καὶ οἱ Ἀμορραῖοι καὶ οἱ Γεργεσαῖοι καὶ οἱ Ἰεβουσαῖοι, συνήλθοσαν ἐπὶ τὸ αὐτὸ ἐκπολεμῆσαι Ἰησοῦν καὶ Ἰσραὴλ ἅμα πάντεσ. α Τότε ᾠκοδόμησεν Ἰησοῦσ θυσιαστήριον Κυρίῳ τῷ Θεῷ̓Ισραὴλ ἐν ὄρει Γαιβάλ, β καθότι ἐνετείλατο Μωυσῆσ ὁ θεράπων Κυρίου τοῖσ υἱοῖσ Ἰσραήλ, καθὰ γέγραπται ἐν τῷ νόμῳ Μωυσῆ, θυσιαστήριον λίθων ὁλοκλήρων, ἐφ’ οὓσ οὐκ ἐπεβλήθη σίδηροσ, καὶ ἀνεβίβασεν ἐκεῖ ὁλοκαυτώματα Κυρίῳ καὶ θυσίαν σωτηρίου. γ καὶ ἔγραψεν Ἰησοῦσ ἐπὶ τῶν λίθων τὸ δευτερονόμιον, νόμον Μωυσῆ, ὃν ἔγραψεν ἐνώπιον τῶν υἱῶν Ἰσραὴλ δ καὶ πᾶσ Ἰσραὴλ καὶ οἱ πρεσβύτεροι αὐτῶν καὶ οἱ δικασταὶ καὶ οἱ γραμματεῖσ αὐτῶν παρεπορεύοντο ἔνθεν καὶ ἔνθεν τῆσ κιβωτοῦ ἀπέναντι, καὶ οἱ ἱερεῖσ καὶ οἱ Λευῖται ᾖραν τὴν κιβωτὸν τῆσ διαθήκησ Κυρίου, καὶ ὁ προσήλυτοσ καὶ ὁ αὐτόχθων, οἳ ἦσαν ἥμισυ πλησίον ὄρουσ Γαριζίν, καὶ οἳ ἦσαν ἥμισυ πλησίον ὄρουσ Γαιβάλ, καθότι ἐνετείλατο Μωυσῆσ ὁ θεράπων Κυρίου εὐλογῆσαι τὸν λαὸν ἐν πρώτοισ. ε καὶ μετὰ ταῦτα οὕτωσ ἀνέγνω Ἰησοῦσ πάντα τὰ ρήματα τοῦ νόμου τούτου, τὰσ εὐλογίασ καὶ τὰσ κατάρασ, κατὰ πάντα τὰ γεγραμμένα ἐν τῷ νόμῳ Μωυσῆ. ζ οὐκ ἦν ρῆμα ἀπὸ πάντων ὧν ἐνετείλατο Μωυσῆσ τῷ Ἰησοῖ, ὃ οὐκ ἀνέγνω Ἰησοῦσ εἰσ τὰ ὦτα πάσησ ἐκκλησίασ υἱῶν Ἰσραήλ, τοῖσ ἀνδράσι καὶ ταῖσ γυναιξὶ καὶ τοῖσ παιδίοισ καὶ τοῖσ προσηλύτοισ τοῖσ προσπορευομένοισ τῷ Ἰσραήλ. Καὶ οἱ κατοικοῦντεσ Γαβαὼν ἤκουσαν πάντα, ὅσα ἐποίησε Κύριοσ τῇ Ἱεριχὼ καὶ τῇ Γαί. καὶ ἐποίησαν καί γε αὐτοὶ μετὰ πανουργίασ καὶ ἐλθόντεσ ἐπεσιτίσαντο καὶ ἡτοιμάσαντο καὶ λαβόντεσ σάκκουσ παλαιοὺσ ἐπὶ τῶν ὄνων αὐτῶν καὶ ἀσκοὺσ οἴνου παλαιοὺσ καὶ κατερρωγότασ ἀποδεδεμένουσ, καὶ τὰ κοῖλα τῶν ὑποδημάτων αὐτῶν, καὶ τὰ σανδάλια αὐτῶν παλαιὰ καὶκαταπεπελματωμένα ἐν τοῖσ ποσὶν αὐτῶν. καὶ τὰ ἱμάτια αὐτῶν πεπαλαιωμένα ἐπάνω αὐτῶν, καὶ ὁ ἄρτοσ αὐτῶν τοῦ ἐπισιτισμοῦ ξηρὸσ καὶ εὐρωτιῶν καὶ βεβρωμένοσ. καὶ ἤλθοσαν πρὸσ Ἰησοῦν εἰσ τὴν παρεμβολὴν Ἰσραὴλ εἰσ Γάλγαλα καὶ εἶπαν πρὸσ Ἰησοῦν καὶ Ἰσραήλ. ἐκ γῆσ μακρόθεν ἥκαμεν, καὶ νῦν διάθεσθε ἡμῖν διαθήκην.καὶ εἶπαν οἱ υἱοὶ Ἰσραὴλ πρὸσ τὸν Χορραῖον. ὅρα μὴ ἐν ἐμοὶ κατοικεῖσ, καὶ πῶσ σοι διαθῶμαι διαθήκην̣ καὶ εἶπαν πρὸσ Ἰησοῦν. οἰκέται σού ἐσμεν. καὶ εἶπε πρὸσ αὐτοὺσ Ἰησοῦσ. πόθεν ἐστὲ καὶ πόθεν παραγεγόνατε̣ καὶ εἶπαν. ἐκ γῆσ μακρόθεν σφόδρα ἥκασιν οἱ παῖδέσ σου ἐν ὀνόματι Κυρίου τοῦ Θεοῦ σου. ἀκηκόαμεν γὰρ τὸ ὄνομα αὐτοῦ καὶ ὅσα ἐποίησεν ἐν Αἰγύπτῳ καὶ ὅσα ἐποίησε τοῖσ βασιλεῦσι τῶν Ἀμορραίων, οἳ ἦσαν πέραν τοῦ Ἰορδάνου, τῷ Σηὼν βασιλεῖ τῶν Ἀμορραίων καὶ τῷ Ὢγ βασιλεῖ τῆσ Βασάν, ὃσ κατῴκει ἐν Ἀσταρὼθ καὶ ἐν Ἐδραί̈ν. καὶ ἀκούσαντεσ εἶπαν πρὸσ ἡμᾶσ οἱ πρεσβύτεροι ἡμῶν καὶ πάντεσ οἱ κατοικοῦντεσ τὴν γῆν ἡμῶν λέγοντεσ. λάβετε ἑαυτοῖσ ἐπισιτισμὸν εἰσ τὴν ὁδὸν καὶ πορεύθητε εἰσ συνάντησιν αὐτῶν καὶ ἐρεῖτε πρὸσ αὐτούσ. οἰκέται σού ἐσμεν, καὶ νῦν διάθεσθε ἡμῖν τὴν διαθήκην. οὗτοι οἱ ἄρτοι, θερμοὺσ ἐφωδιάσθημεν αὐτοὺσ ἐν τῇ ἡμέρᾳ, ᾗ ἐξήλθομεν παραγενέσθαι πρὸσ ὑμᾶσ. νῦν δὲ ἐξηράνθησαν καὶ γεγόνασι βεβρωμένοι. καὶ οὗτοι οἱ ἀσκοὶ τοῦ οἴνου, οὓσ ἐπλήσαμεν καινούσ, καὶ οὗτοι ἐρρώγασι. καὶ τὰ ἱμάτια ἡμῶν καὶ τὰ ὑποδήματα ἡμῶν πεπαλαίωται ἀπὸ τῆσ πολλῆσ ὁδοῦ σφόδρα. καὶ ἔλαβον οἱ ἄρχοντεσ τοῦ ἐπισιτισμοῦ αὐτῶν καὶ Κύριον οὐκ ἐπηρώτησαν. καὶ ἐποίησεν Ἰησοῦσ πρὸσ αὐτοὺσ εἰρήνην καὶ διέθεντο πρὸσ αὐτοὺσ διαθήκην τοῦ διασῶσαι αὐτούσ, καὶ ὤμοσαν αὐτοῖσ οἱ ἄρχοντεσ τῆσ συναγωγῆσ. καὶ ἐγένετο μετὰ τρεῖσ ἡμέρασ μετὰ τὸ διαθέσθαι πρὸσ αὐτοὺσ διαθήκην, ἤκουσαν ὅτι ἐγγύθεν αὐτῶν εἰσι, καὶ ὅτι ἐν αὐτοῖσ κατοικοῦσι. καὶ ἀπῇραν οἱ υἱοὶ Ἰσραὴλ καὶ ἦλθον εἰσ τὰσ πόλεισ αὐτῶν. αἱ δὲ πόλεισ αὐτῶν Γαβαὼν καὶ Κεφιρὰ καὶ Βηρὼθ καὶ πόλεισ Ἰαρίν. καὶ οὐκ ἐμαχέσαντο αὐτοῖσ οἱ υἱοὶ Ἰσραήλ, ὅτι ὤμοσαν αὐτοῖσ πάντεσ οἱ ἄρχοντεσ Κύριον τὸν Θεὸν Ἰσραήλ. καὶ διεγόγγυσαν πᾶσα ἡ συναγωγὴ ἐπὶ τοῖσ ἄρχουσι. καὶ εἶπαν οἱ ἄρχοντεσ πάσῃ τῇ συναγωγῇ. ἡμεῖσ ὠμόσαμεν αὐτοῖσ Κύριον τὸν Θεὸν Ἰσραὴλ καὶ νῦν οὐ δυνησόμεθα ἅψασθαι αὐτῶν. τοῦτο ποιήσομεν, ζωγρῆσαι αὐτούσ, καὶ περιποιησόμεθα αὐτούσ, καὶ οὐκ ἔσται καθ’ ἡμῶν ὀργὴ διὰ τὸν ὅρκον, ὃν ὠμόσαμεν αὐτοῖσ. ζήσονται καὶ ἔσονται ξυλοκόποι καὶ ὑδροφόροι πάσῃ τῇ συναγωγῇ, καθάπερ εἶπαν αὐτοῖσ οἱ ἄρχοντεσ. καὶ συνεκάλεσεν αὐτοὺσ Ἰησοῦσ καὶ εἶπεν αὐτοῖσ. διατί παρελογίσασθέ με λέγοντεσ, μακρὰν ἀπὸ σοῦ ἐσμεν σφόδρα, ὑμεῖσ δὲ ἐγχώριοί ἐστε τῶν κατοικούντων ἐν ἡμῖν̣ καὶ νῦν ἐπικατάρατοί ἐστε. οὐ μὴ ἐκλίπῃ ἐξ ὑμῶν δοῦλοσ οὐδὲ ξυλοκόποσ οὐδὲ ὑδροφόροσ ἐμοὶ καὶ τῷ Θεῷ μου. καὶ ἀπεκρίθησαν τῷ Ἰησοῖ λέγοντεσ. ἀνηγγέλη ἡμῖν ὅσα συνέταξε Κύριοσ ὁ Θεόσ σου Μωυσῇ τῷ παιδὶ αὐτοῦ, δοῦναι ὑμῖν τὴν γῆν ταύτην καὶ ἐξολοθρεῦσαι ἡμᾶσ καὶ πάντασ τοὺσ κατοικοῦντασ ἐπ’ αὐτῆσ πρὸ προσώπου ὑμῶν, καὶ ἐφοβήθημεν σφόδρα περὶ τῶν ψυχῶν ἡμῶν ἀπὸ προσώπου ὑμῶν καὶ ἐποιήσαμεν τὸ πρᾶγμα τοῦτο. καὶ νῦν ἰδοὺ ἡμεῖσ ὑποχείριοι ὑμῖν. ὡσ ἀρέσκει ὑμῖν καὶ ὡσ δοκεῖ ὑμῖν, ποιήσατε ἡμῖν. καὶ ἐποίησαν αὐτοῖσ οὕτωσ. καὶ ἐξείλατο αὐτοὺσ Ἰησοῦσ ἐν τῇ ἡμέρᾳ ἐκείνῃ ἐκ χειρῶν υἱῶν Ἰσραήλ, καὶ οὐκ ἀνεῖλον αὐτούσ. καὶ κατέστησεν αὐτοὺσ Ἰησοῦσ ἐν τῇ ἡμέρᾳ ἐκείνῃ ξυλοκόπουσ καὶ ὑδροφόρουσ πάσῃ τῇ συναγωγῇ καὶ τῷ θυσιαστηρίῳ τοῦ Θεοῦ. διὰ τοῦτο ἐγένοντο οἱ κατοικοῦντεσ Γαβαὼν ξυλοκόποι καὶ ὑδροφόροι τοῦ θυσιαστηρίου τοῦ Θεοῦ ἕωσ τῆσ σήμερον ἡμέρασ, καὶ εἰσ τὸν τόπον, ὃν ἂν ἐκλέξηται Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 9:

(70인역 성경, 여호수아기 9:)

목록

SEARCH

MENU NAVIGATION