헬라어 문장 검색 - Σεπτύ006́007́

(70인역 성경, 여호수아기 7:)

ΚΑΙ ἐπλημμέλησαν οἱ υἱοὶ Ἰσραὴλ πλημμέλειαν μεγάλην καὶ ἐνοσφίσαντο ἀπὸ τοῦ ἀναθέματοσ. καὶ ἔλαβεν Ἄχαρ υἱὸσ Χαρμὶ υἱοῦ Ζαμβρὶ υἱοῦ Ζαρὰ ἐκ τῆσ φυλῆσ Ἰούδα ἀπὸ τοῦ ἀναθέματοσ. καὶ ἐθυμώθη Κύριοσ ὀργῇ τοῖσ υἱοῖσ Ἰσραήλ. καὶ ἀπέστειλεν Ἰησοῦσ ἄνδρασ εἰσ Γαί, ἣ ἐστι κατὰ Βαιθήλ, λέγων. κατασκέψασθε τὴν Γαί. καὶ ἀνέβησαν οἱ ἄνδρεσ καὶ κατεσκέψαντο τὴν Γαί. καὶ ἀνέστρεψαν πρὸσ Ἰησοῦν καὶ εἶπαν πρὸσ αὐτόν. μὴ ἀναβήτω πᾶσ ὁ λαόσ, ἀλλ’ ὡσεὶ δισχίλιοι ἢ τρισχίλιοι ἄνδρεσ ἀναβήτωσαν καὶ ἐκπολιορκησάτωσαν τὴν πόλιν. μὴ ἀναγάγῃσ ἐκεῖ τὸν λαὸν ἅπαντα, ὀλίγοι γάρ εἰσι. καὶ ἀνέβησαν ὡσεὶ τρισχίλιοι ἄνδρεσ καὶ ἔφυγον ἀπὸ προσώπου ἀνδρῶν Γαί. καὶ ἀπέκτειναν ἀπ’ αὐτῶν ἄνδρεσ Γαὶ εἰσ τριακονταὲξ ἄνδρασ καὶ κατεδίωξαν αὐτοὺσ ἀπὸ τῆσ πύλησ καὶ συνέτριψαν αὐτοὺσ ἀπὸ τοῦ καταφεροῦσ. καὶ ἐπτοήθη ἡ καρδία τοῦ λαοῦ καὶ ἐγένετο ὥσπερ ὕδωρ. καὶ διέρρηξεν Ἰησοῦσ τὰ ἱμάτια αὐτοῦ, καὶ ἔπεσεν Ἰησοῦσ ἐπὶ τὴν γῆν ἐπὶ πρόσωπον ἐναντίον Κυρίου ἕωσ ἑσπέρασ, αὐτὸσ καὶ οἱ πρεσβύτεροι Ἰσραήλ, καὶ ἐπεβάλοντο χοῦν ἐπὶ τὰσ κεφαλὰσ αὐτῶν. καὶ εἶπεν Ἰησοῦσ. δέομαι Κύριε. ἱνατί διεβίβασεν ὁ παῖσ σου τὸν λαὸν τοῦτον τὸν Ἰορδάνην παραδοῦναι αὐτὸν τῷ Ἀμορραίῳ ἀπολέσαι ἡμᾶσ̣ καὶ εἰ κατεμείναμεν καὶ κατῳκίσθημεν παρὰ τὸν Ἰορδάνην. καὶ τί ἐρῶ, ἐπεὶ μετέβαλεν Ἰσραὴλ αὐχένα ἀπέναντι τοῦ ἐχθροῦ αὐτοῦ̣ καὶ ἀκούσασ ὁ Χαναναῖοσ καὶ πάντεσ οἱ κατοικοῦντεσ τὴν γῆν περικυκλώσουσιν ἡμᾶσ καὶ ἐκτρίψουσιν ἡμᾶσ ἀπὸ τῆσ γῆσ. καὶ τί ποιήσεισ τὸ ὄνομά σου τὸ μέγα̣ καὶ εἶπε Κύριοσ πρὸσ Ἰησοῦν. ἀνάστηθι, ἱνατί τοῦτο σὺ πέπτωκασ ἐπὶ πρόσωπόν σου̣ ἡμάρτηκεν ὁ λαὸσ καὶ παρέβη τὴν διαθήκην, ἣν διεθέμην πρὸσ αὐτούσ, καὶ κλέψαντεσ ἀπὸ τοῦ ἀναθέματοσ ἐνέβαλον εἰσ τὰ σκεύη αὐτῶν. καὶ οὐ μὴ δύνωνται οἱ υἱοὶ Ἰσραὴλ ὑποστῆναι κατὰ πρόσωπον τῶν ἐχθρῶν αὐτῶν. αὐχένα ἐπιστρέψουσιν ἔναντι τῶν ἐχθρῶν αὐτῶν, ὅτι ἐγενήθησαν ἀνάθεμα. οὐ προσθήσω ἔτι εἶναι μεθ’ ὑμῶν, ἐὰν μὴ ἐξάρητε τὸ ἀνάθεμα ἐξ ὑμῶν αὐτῶν. ἀναστὰσ ἁγίασον τὸν λαὸν καὶ εἰπὸν ἁγιασθῆναι εἰσ αὔριον. τάδε λέγει Κύριοσ ὁ Θεὸσ Ἰσραήλ. τὸ ἀνάθεμά ἐστιν ἐν ὑμῖν, οὐ δυνήσεσθε ἀντιστῆναι ἀπέναντι τῶν ἐχθρῶν ὑμῶν, ἕωσ ἂν ἐξάρητε τὸ ἀνάθεμα ἐξ ὑμῶν αὐτῶν. καὶ συναχθήσεσθε πάντεσ τὸ πρωί̈ κατὰ φυλάσ, καὶ ἔσται ἡ φυλή, ἣν ἂν δείξῃ Κύριοσ, προσάξετε κατὰ δήμουσ. καὶ τὸν δῆμον, ὃν ἐὰν δείξῃ Κύριοσ, προσάξετε κατ’ οἶκον. καὶ τὸν οἶκον, ὃν ἐὰν δείξῃ Κύριοσ, προσάξετε κατ’ ἄνδρα. καὶ ὃσ ἂν ἐνδειχθῇ, κατακαυθήσεται ἐν πυρὶ καὶ πάντα, ὅσα ἐστὶν αὐτῷ, ὅτι παρέβη τὴν διαθήκην Κυρίου καὶ ἐποίησεν ἀνόμημα ἐν Ἰσραήλ. καὶ ὤρθρισεν Ἰησοῦσ καὶ προσήγαγε τὸν λαὸν κατὰ φυλάσ, καὶ ἐνεδείχθη ἡ φυλὴ Ἰούδα. καὶ προσήχθη κατὰ δήμουσ, καὶ ἐνεδείχθη δῆμοσ Ζαραί̈. καὶ προσήχθη κατ’ ἄνδρα, καὶ ἐνεδείχθη Ἄχαρ υἱὸσ Ζαμβρὶ υἱοῦ Ζαρά. καὶ εἶπεν Ἰησοῦσ τῷ Ἄχαρ. δὸσ δόξαν σήμερον τῷ Κυρίῳ Θεῷ Ἰσραὴλ καὶ δὸσ τὴν ἐξομολόγησιν καὶ ἀνάγγειλόν μοι τί ἐποίησασ καὶ μὴ κρύψῃσ ἀπ’ ἐμοῦ. καὶ ἀπεκρίθη Ἄχαρ τῷ Ἰησοῖ καὶ εἶπεν. ἀληθῶσ ἥμαρτον ἐναντίον Κυρίου τοῦ Θεοῦ Ἰσραήλ. οὕτωσ καὶ οὕτωσ ἐποίησα. εἶδον ἐν τῇ προνομῇ ψιλὴν ποικίλην καλὴν καὶ διακόσια δίδραχμα ἀργυρίου καὶ γλῶσσαν μίαν χρυσῆν πεντήκοντα διδράχμων καὶ ἐνθυμηθεὶσ αὐτῶν ἔλαβον, καὶ ἰδοὺ αὐτὰ ἐγκέκρυπται ἐν τῇ σκηνῇ μου καὶ τὸ ἀργύριον κέκρυπται ὑποκάτω αὐτῶν. καὶ ἀπέστειλεν Ἰησοῦσ ἀγγέλουσ, καὶ ἔδραμον εἰσ τὴν σκηνὴν εἰσ τὴν παρεμβολήν. καὶ ταῦτα ἦν κεκρυμμένα εἰσ τὴν σκηνὴν αὐτοῦ, καὶ τὸ ἀργύριον ὑποκάτω αὐτῶν. καὶ ἐξήνεγκαν αὐτὰ ἐκ τῆσ σκηνῆσ καὶ ἤνεγκαν πρὸσ Ἰησοῦν καὶ τοὺσ πρεσβυτέρουσ Ἰσραήλ, καὶ ἔθηκαν αὐτὰ ἔναντι Κυρίου. καὶ ἔλαβεν Ἰησοῦσ τὸν Ἄχαρ υἱὸν Ζαρὰ καὶ ἀνήγαγεν αὐτὸν εἰσ φάραγγα Ἀχὼρ καὶ τοὺσ υἱοὺσ αὐτοῦ καὶ τὰσ θυγατέρασ αὐτοῦ καὶ τοὺσ μόσχουσ αὐτοῦ καὶ τὰ ὑποζύγια αὐτοῦ καὶ πάντα τὰ πρόβατα αὐτοῦ καὶ τὴν σκηνὴν αὐτοῦ καὶ πάντα τὰ ὑπάρχοντα αὐτοῦ, καὶ πᾶσ ὁ λαὸσ μετ’ αὐτοῦ. καὶ ἀνήγαγεν αὐτοὺσ εἰσ Ἐμεκαχώρ. καὶ εἶπεν Ἰησοῦσ τῷ Ἄχαρ. τί ὠλόθρευσασ ἡμᾶσ̣ ἐξολοθρεύσαι σε Κύριοσ καθὰ καὶ σήμερον. καὶ ἐλιθοβόλησαν αὐτὸν λίθοισ πᾶσ Ἰσραήλ. καὶ ἐπέστησαν αὐτῷ σωρὸν λίθων μέγαν. καὶ ἐπαύσατο Κύριοσ τοῦ θυμοῦ τῆσ ὀργῆσ. διὰ τοῦτο ἐπωνόμασεν αὐτὸ Ἐμεκαχὼρ ἕωσ τῆσ ἡμέρασ ταύτησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 7:

(70인역 성경, 여호수아기 7:)

목록

SEARCH

MENU NAVIGATION