Septuagint, Liber Iosue 5:

(70인역 성경, 여호수아기 5:)

ΚΑΙ ἐγένετο ὡσ ἤκουσαν οἱ βασιλεῖσ τῶν Ἀμορραίων, οἳ ἦσαν πέραν τοῦ Ἰορδάνου, καὶ οἱ βασιλεῖσ τῆσ Φοινίκησ οἱ παρὰ τὴν θάλασσαν, ὅτι ἀπεξήρανε Κύριοσ ὁ Θεὸσ τὸν Ἰορδάνην ποταμὸν ἐκ τῶν ἔμπροσθεν τῶν υἱῶν Ἰσραὴλ ἐν τῷ διαβαίνειν αὐτούσ, καὶ ἐτάκησαν αὐτῶν αἱ διάνοιαι καὶ κατεπλάγησαν καὶ οὐκ ἦν ἐν αὐτοῖσ φρόνησισ οὐδεμία ἀπὸ προσώπου τῶν υἱῶν Ἰσραήλ. ὑπό δὲ τοῦτον τὸν καιρὸν εἶπε Κύριοσ τῷ Ἰησοῖ. ποίησον σεαυτῷ μαχαίρασ πετρίνασ ἐκ πέτρασ ἀκροτόμου καὶ καθίσασ περίτεμε τοὺσ υἱοὺσ Ἰσραὴλ ἐκ δευτέρου. καὶ ἐποίησεν Ἰησοῦσ μαχαίρασ πετρίνασ ἀκροτόμουσ καὶ περιέτεμε τοὺσ υἱοὺσ Ἰσραὴλ ἐπὶ τοῦ καλουμένου τόπου Βουνὸσ τῶν ἀκροβυστιῶν. ὃν δὲ τρόπον περιεκάθαρεν Ἰησοῦσ τοὺσ υἱοὺσ Ἰσραήλ, ὅσοι ποτὲ ἐγένοντο ἐν τῇ ὁδῷ καὶ ὅσοι ποτὲ ἀπερίτμητοι ἦσαν τῶν ἐξεληλυθότων ἐξ Αἰγύπτου, πάντασ τούτουσ περιέτεμεν Ἰησοῦσ. τεσσαράκοντα γὰρ καὶ δύο ἔτη ἀνέστραπται Ἰσραὴλ ἐν τῇ ἐρήμῳ τῇ Μαβδαρίτιδι, διὸ ἀπερίτμητοι ἦσαν οἱ πλεῖστοι αὐτῶν τῶν μαχίμων τῶν ἐξεληλυθότων ἐκ γῆσ Αἰγύπτου οἱ ἀπειθήσαντεσ τῶν ἐντολῶν τοῦ Θεοῦ, οἷσ καὶ διώρισε μὴ ἰδεῖν αὐτοὺσ τὴν γῆν, ἣν ὤμοσε Κύριοσ τοῖσ πατράσιν αὐτῶν δοῦναι, γῆν ρέουσαν γάλα καὶ μέλι. ἀντὶ δὲ τούτων ἀντικατέστησε τοὺσ υἱοὺσ αὐτῶν, οὓσ Ἰησοῦσ περιέτεμε, διὰ τὸ αὐτοὺσ γεγεννῆσθαι κατὰ τὴν ὁδὸν ἀπεριτμήτουσ. περιτμηθέντεσ δὲ ἡσυχίαν εἶχον αὐτόθι καθήμενοι ἐν τῇ παρεμβολῇ, ἕωσ ὑγιάσθησαν. καὶ εἶπε Κύριοσ τῷ Ἰησοῖ υἱῷ Ναυή. ἐν τῇ σήμερον ἡμέρᾳ ἀφεῖλον τὸν ὀνειδισμὸν Αἰγύπτου ἀφ’ ὑμῶν. καὶ ἐκάλεσε τὸ ὄνομα τοῦ τόπου ἐκείνου Γάλγαλα. Καί ἐποίησαν οἱ υἱοὶ Ἰσραὴλ τὸ πάσχα τῇ τεσσαρεσκαιδεκάτῃ ἡμέρᾳ τοῦ μηνὸσ ἀφ’ ἑσπέρασ ἐπὶ δυσμῶν Ἱεριχὼ ἐν τῷ πέραν τοῦ Ἰορδάνου ἐν τῷ πεδίῳ καὶ ἐφάγοσαν ἀπὸ τοῦ σίτου τῆσ γῆσ ἄζυμα καὶ νέα. ἐν ταύτῃ τῇ ἡμέρᾳ ἐξέλιπε τὸ μάννα μετὰ τὸ βεβρωκέναι αὐτοὺσ ἐκ τοῦ σίτου τῆσ γῆσ, καὶ οὐκέτι ὑπῆρχε τοῖσ υἱοῖσ Ἰσραὴλ μάννα. ἐκαρπίσαντο δὲ τὴν χώραν τῶν Φοινίκων ἐν τῷ ἐνιαυτῷ ἐκείνῳ. Καὶ ἐγένετο ὡσ ἦν Ἰησοῦσ ἐν Ἱεριχώ, καὶ ἀναβλέψασ τοῖσ ὀφθαλμοῖσ εἶδεν ἄνθρωπον ἑστηκότα ἐναντίον αὐτοῦ, καὶ ἡ ρομφαία ἐσπασμένη ἐν τῇ χειρὶ αὐτοῦ. καὶ προσελθὼν Ἰησοῦσ εἶπεν αὐτῷ. ἡμέτεροσ εἶ ἢ τῶν ὑπεναντίων̣ ὁ δὲ εἶπεν αὐτῷ. ἐγὼ ἀρχιστράτηγοσ δυνάμεωσ Κυρίου νυνὶ παραγέγονα. καὶ Ἰησοῦσ ἔπεσεν ἐπὶ πρόσωπον ἐπὶ τὴν γῆν καὶ εἶπεν αὐτῷ. δέσποτα, τί προστάσσεισ τῷ σῷ οἰκέτῃ̣ καὶ λέγει ὁ ἀρχιστράτηγοσ Κυρίου πρὸσ Ἰησοῦν. λῦσαι τὸ ὑπόδημα ἐκ τῶν ποδῶν σου. ὁ γὰρ τόποσ, ἐφ’ ᾧ νῦν ἕστηκασ ἐπ’ αὐτοῦ, ἅγιόσ ἐστι.

목록

일치하는 문장이 없습니다.

SEARCH

MENU NAVIGATION