Septuagint, Liber Iosue 4:

(70인역 성경, 여호수아기 4:)

ΚΑΙ ἐπεὶ συνετέλεσε πᾶσ ὁ λαὸσ διαβαίνων τὸν Ἰορδάνην, καὶ εἶπε Κύριοσ τῷ Ἰησοῖ λέγων. παραλαβὼν ἄνδρασ ἀπὸ τοῦ λαοῦ, ἕνα ἀφ’ ἑκάστησ φυλῆσ, σύνταξον αὐτοῖσ λέγων. ἀνέλεσθε ἐκ μέσου Ἰορδάνου ἑτοίμουσ δώδεκα λίθουσ καὶ τούτουσ διακομίσαντεσ ἅμα ὑμῖν αὐτοῖσ, θέτε αὐτοὺσ ἐν τῇ στρατοπεδείᾳ ὑμῶν, οὗ ἐὰν παρεμβάλητε ἐκεῖ τὴν νύκτα. καὶ ἀνακαλεσάμενοσ Ἰησοῦσ δώδεκα ἄνδρασ τῶν ἐνδόξων ἀπὸ τῶν υἱῶν Ἰσραήλ, ἕνα ἀφ’ ἑκάστησ φυλῆσ, εἶπεν αὐτοῖσ. προσαγάγετε ἔμπροσθέν μου πρὸ προσώπου Κυρίου εἰσ μέσον τοῦ Ἰορδάνου, καὶ ἀνελόμενοσ ἐκεῖθεν ἕκαστοσ λίθον ἀράτω ἐπὶ τῶν ὤμων αὐτοῦ κατὰ τὸν ἀριθμὸν τῶν δώδεκα φυλῶν τοῦ Ἰσραήλ, ἵνα ὑπάρχωσιν ὑμῖν οὗτοι εἰσ σημεῖον κείμενον διαπαντόσ, ἵνα ὅταν ἐρωτᾷ σε ὁ υἱόσ σου αὔριον λέγων, τί εἰσιν οἱ λίθοι οὗτοι ἡμῖν̣ καὶ σὺ δηλώσεισ τῷ υἱῷ σου λέγων. ὅτι ἐξέλιπεν ὁ Ἰορδάνησ ποταμὸσ ἀπὸ προσώπου κιβωτοῦ διαθήκησ Κυρίου πάσησ τῆσ γῆσ, ὡσ διέβαινεν αὐτόν. καὶ ἔσονται οἱ λίθοι οὗτοι ὑμῖν μνημόσυνον τοῖσ υἱοῖσ Ἰσραὴλ ἕωσ τοῦ αἰῶνοσ. καὶ ἐποίησαν οὕτωσ οἱ υἱοὶ Ἰσραήλ, καθότι ἐνετείλατο Κύριοσ τῷ Ἰησοῖ, καὶ ἀναλαβόντεσ δώδεκα λίθουσ ἐκ μέσου τοῦ Ἰορδάνου, καθάπερ συνέταξε Κύριοσ τῷ Ἰησοῖ ἐν τῇ συντελείᾳ τῆσ διαβάσεωσ τῶν υἱῶν Ἰσραήλ, καὶ διεκόμισαν ἅμα ἑαυτοῖσ εἰσ τὴν παρεμβολὴν καὶ ἀπέθηκαν ἐκεῖ. ἔστησε δὲ Ἰησοῦσ καὶ ἄλλουσ δώδεκα λίθουσ ἐν αὐτῷ τῷ Ἰορδάνῃ ἐν τῷ γενομένῳ τόπῳ ὑπὸ τοὺσ πόδασ τῶν ἱερέων τῶν αἰρόντων τὴν κιβωτὸν τῆσ διαθήκησ Κυρίου, καί εἰσιν ἐκεῖ ἕωσ τῆσ σήμερον ἡμέρασ. εἱστήκεισαν δὲ οἱ ἱερεῖσ οἱ αἴροντεσ τὴν κιβωτὸν τῆσ διαθήκησ ἐν τῷ Ἰορδάνῃ, ἕωσ οὗ συνετέλεσεν Ἰησοῦσ πάντα, ἃ ἐνετείλατο Κύριοσ ἀναγγεῖλαι τῷ λαῷ, καὶ ἔσπευσεν ὁ λαὸσ καὶ διέβησαν. καὶ ἐγένετο ὡσ συνετέλεσε πᾶσ ὁ λαὸσ διαβῆναι, καὶ διέβη ἡ κιβωτὸσ τῆσ διαθήκησ Κυρίου, καὶ οἱ λίθοι ἔμπροσθεν αὐτῶν. καὶ διέβησαν οἱ υἱοὶ Ρουβὴν καὶ οἱ υἱοὶ Γὰδ καὶ οἱ ἡμίσεισ φυλῆσ Μανασσῆ διεσκευασμένοι ἔμπροσθεν τῶν υἱῶν Ἰσραήλ, καθάπερ ἐνετείλατο αὐτοῖσ Μωυσῆσ. τετρακισμύριοι εὔζωνοι εἰσ μάχην διέβησαν ἐναντίον Κυρίου εἰσ πόλεμον πρὸσ τὴν Ἱεριχὼ πόλιν. ἐν ἐκείνῃ τῇ ἡμέρᾳ ηὔξησε Κύριοσ τὸν Ἰησοῦν ἐναντίον τοῦ παντὸσ γένουσ Ἰσραήλ, καὶ ἐφοβοῦντο αὐτόν, ὥσπερ Μωυσῆν, ὅσον χρόνον ἔζη. Καὶ εἶπε Κύριοσ τῷ Ἰησοῖ λέγων. ἔντειλαι τοῖσ ἱερεῦσι τοῖσ αἴρουσι τὴν κιβωτὸν τῆσ διαθήκησ τοῦ μαρτυρίου Κυρίου ἐκβῆναι ἐκ τοῦ Ἰορδάνου. καὶ ἐνετείλατο Ἰησοῦσ τοῖσ ἱερεῦσι λέγων. ἔκβητε ἐκ τοῦ Ἰορδάνου. καὶ ἐγένετο ὡσ ἐξέβησαν οἱ ἱερεῖσ οἱ αἴροντεσ τὴν κιβωτὸν τῆσ διαθήκησ Κυρίου ἐκ τοῦ Ἰορδάνου καὶ ἔθηκαν τοὺσ πόδασ ἐπὶ τῆσ γῆσ, ὥρμησε τὸ ὕδωρ τοῦ Ἰορδάνου κατὰ χώραν καὶ ἐπορεύετο καθὰ χθὲσ καὶ τρίτην ἡμέραν δι’ ὅλησ τῆσ κρηπίδοσ. καὶ ὁ λαὸσ ἀνέβη ἐκ τοῦ Ἰορδάνου δεκάτῃ τοῦ μηνὸσ τοῦ πρώτου. καὶ κατεστρατοπέδευσαν οἱ υἱοὶ Ἰσραὴλ ἐν Γαλγάλοισ κατὰ μέροσ τὸ πρὸσ ἡλίου ἀνατολὰσ ἀπὸ τῆσ Ἱεριχώ. καὶ τοὺσ δώδεκα λίθουσ τούτουσ, οὓσ ἔλαβεν ἐκ τοῦ Ἰορδάνου, ἔστησεν Ἰησοῦσ ἐν Γαλγάλοις λέγων. ὅταν ἐρωτῶσιν ὑμᾶσ οἱ υἱοὶ ὑμῶν λέγοντεσ. τί εἰσιν οἱ λίθοι οὗτοι̣ ἀναγγείλατε τοῖσ υἱοῖσ ὑμῶν, ὅτι ἐπὶ ξηρᾶσ διέβη Ἰσραὴλ τὸν Ἰορδάνην τοῦτον, ἀποξηράναντοσ Κυρίου τοῦ Θεοῦ ἡμῶν τὸ ὕδωρ τοῦ Ἰορδάνου ἐκ τῶν ἔμπροσθεν αὐτῶν, μέχρισ οὗ διέβησαν. καθάπερ ἐποίησε Κύριοσ ὁ Θεὸσ ἡμῶν τὴν ἐρυθρὰν θάλασσαν, ἣν ἀπεξήρανε Κύριοσ ὁ Θεὸσ ἡμῶν ἔμπροσθεν ἡμῶν, ἕωσ παρήλθομεν, ὅπωσ γνῶσι πάντα τὰ ἔθνη τῆσ γῆσ, ὅτι ἡ δύναμισ τοῦ Κυρίου ἰσχυρά ἐστι, καὶ ἵνα ὑμεῖσ σέβησθε Κύριον τὸν Θεὸν ἡμῶν ἐν παντὶ χρόνῳ.

목록

일치하는 문장이 없습니다.

SEARCH

MENU NAVIGATION