헬라어 문장 검색 - Σεπτύ006́003́

(70인역 성경, 여호수아기 3:)

ΚΑΙ ὤρθρισεν Ἰησοῦσ τὸ πρωί̈, καὶ ἀπῇραν ἐκ Σαττὶν καὶ ἤλθοσαν ἕωσ τοῦ Ἰορδάνου καὶ κατέλυσαν ἐκεῖ πρὸ τοῦ διαβῆναι. καὶ ἐγένετο μετὰ τρεῖσ ἡμέρασ διῆλθον οἱ γραμματεῖσ διὰ τῆσ παρεμβολῆς καὶ ἐνετείλαντο τῷ λαῷ λέγοντεσ. ὅταν ἴδητε τὴν κιβωτὸν τῆσ διαθήκησ Κυρίου τοῦ Θεοῦ ἡμῶν καὶ τοὺσ ἱερεῖσ ἡμῶν καὶ τοὺσ Λευίτασ αἴροντασ αὐτήν, ἀπαρεῖτε ἀπὸ τὸν τόπον ὑμῶν καὶ πορεύσεσθε ὀπίσω αὐτῆσ. ἀλλὰ μακρὰν ἔστω ἀνὰ μέσον ὑμῶν καὶ ἐκείνησ, ὅσον δισχιλίουσ πήχεισ στήσεσθε. μὴ προσεγγίσητε αὐτῇ, ἵνα ἐπίστησθε τὴν ὁδόν, ἣν πορεύσεσθε αὐτήν. οὐ γὰρ πεπόρευσθε τὴν ὁδὸν ἀπ’ ἐχθὲσ καὶ τρίτησ ἡμέρασ. καὶ εἶπεν Ἰησοῦσ τῷ λαῷ. ἁγνίσασθε εἰσ αὔριον, ὅτι αὔριον ποιήσει Κύριοσ ἐν ὑμῖν θαυμαστά. καὶ εἶπεν Ἰησοῦσ τοῖσ ἱερεῦσιν. ἄρατε τὴν κιβωτὸν τῆσ διαθήκησ Κυρίου καὶ προπορεύεσθε τοῦ λαοῦ. καὶ ᾖραν οἱ ἱερεῖσ τὴν κιβωτὸν τῆσ διαθήκησ Κυρίου καὶ ἐπορεύοντο ἔμπροσθεν τοῦ λαοῦ. καὶ εἶπε Κύριοσ πρὸσ Ἰησοῦν. ἐν τῇ ἡμέρᾳ ταύτῃ ἄρχομαι ὑψῶσαί σε κατενώπιον πάντων υἱῶν Ἰσραήλ, ἵνα γνῶσιν ὅτι καθότι ἤμην μετὰ Μωυσῆ, οὕτωσ ἔσομαι καὶ μετὰ σοῦ. καὶ νῦν ἔντειλαι τοῖσ ἱερεῦσι τοῖσ αἴρουσι τὴν κιβωτὸν τῆσ διαθήκησ λέγων. ὡσ ἂν εἰσέλθητε ἐπὶ μέρουσ τοῦ ὕδατοσ τοῦ Ἰορδάνου, καὶ ἐν τῷ Ἰορδάνῃ στήσεσθε. καὶ εἶπεν Ἰησοῦσ τοῖσ υἱοῖσ Ἰσραήλ. προσαγάγετε ὧδε καὶ ἀκούσατε τὸ ρῆμα Κυρίου τοῦ Θεοῦ ἡμῶν. ἐν τούτῳ γνώσεσθε ὅτι Θεὸσ ζῶν ἐν ὑμῖν καὶ ὀλοθρεύων ὀλοθρεύσει ἀπὸ προσώπου ἡμῶν τὸν Χαναναῖον καὶ τὸν Χετταῖον καὶ τὸν Φερεζαῖον καὶ τὸν Εὐαῖον καὶ τὸν Ἀμορραῖον καὶ τὸν Γεργεσαῖον καὶ τὸν Ἰεβουσαῖον. ἰδοὺ ἡ κιβωτὸσ διαθήκησ Κυρίου πάσησ τῆσ γῆσ διαβαίνει τὸν Ἰορδάνην. προχειρίσασθε ὑμῖν δώδεκα ἄνδρασ ἀπὸ τῶν υἱῶν Ἰσραήλ, ἕνα ἀφ’ ἑκάστησ φυλῆσ. καὶ ἔσται ὡσ ἂν καταπαύσωσιν οἱ πόδεσ τῶν ἱερέων τῶν αἰρόντων τὴν κιβωτὸν τῆσ διαθήκησ Κυρίου πάσησ τῆσ γῆσ ἐν τῷ ὕδατι τοῦ Ἰορδάνου, τὸ ὕδωρ τοῦ Ἰορδάνου ἐκλείψει, τὸ δὲ ὕδωρ τὸ καταβαῖνον στήσεται. καὶ ἀπῇρεν ὁ λαὸσ ἐκ τῶν σκηνωμάτων αὐτῶν διαβῆναι τὸν Ἰορδάνην, οἱ δὲ ἱερεῖσ ᾔροσαν τὴν κιβωτὸν τῆσ διαθήκησ Κυρίου πρότεροι τοῦ λαοῦ. ὡσ δὲ εἰσεπορεύοντο οἱ ἱερεῖσ οἱ αἴροντεσ τὴν κιβωτὸν τῆσ διαθήκησ ἐπὶ τὸν Ἰορδάνην καὶ οἱ πόδεσ τῶν ἱερέων τῶν αἰρόντων τὴν κιβωτὸν τῆσ διαθήκησ Κυρίου ἐβάφησαν εἰσ μέροσ τοῦ ὕδατοσ τοῦ Ἰορδάνου. ὁ δὲ Ἰορδάνησ ἐπληροῦτο καθ’ ὅλην τὴν κρηπίδα αὐτοῦ ὡσεὶ ἡμέραι θερισμοῦ πυρῶν. καὶ ἔστη τὰ ὕδατα τὰ καταβαίνοντα ἄνωθεν, ἔστη πῆγμα ἓν ἀφεστηκὸσ μακρὰν σφόδρα σφοδρῶσ ἕωσ μέρουσ Καριαθιαρίμ, τὸ δὲ καταβαῖνον κατέβη εἰσ τὴν θάλασσαν Ἄραβα, θάλασσαν ἁλόσ, ἕωσ εἰσ τὸ τέλοσ ἐξέλιπε. καὶ ὁ λαὸσ εἱστήκει ἀπέναντι Ἱεριχώ. καὶ ἔστησαν οἱ ἱερεῖσ οἱ αἴροντεσ τὴν κιβωτὸν τῆσ διαθήκησ Κυρίου ἐπὶ ξηρᾶσ ἐν μέσῳ τοῦ Ἰορδάνου. καὶ πάντεσ οἱ υἱοὶ Ἰσραὴλ διέβαινον διὰ ξηρᾶσ, ἕωσ συνετέλεσε πᾶσ ὁ λαὸσ διαβαίνων τὸν Ἰορδάνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 3:

(70인역 성경, 여호수아기 3:)

목록

SEARCH

MENU NAVIGATION