헬라어 문장 검색 - Σεπτύ006́002́

(70인역 성경, 여호수아기 2:)

ΚΑΙ ἀπέστειλεν Ἰησοῦσ υἱὸσ Ναυὴ ἐκ Σαττὶν δύο νεανίσκουσ κατασκοπεῦσαι λέγων. ἀνάβητε καὶ ἴδετε τὴν γῆν καὶ τὴν Ἱεριχώ. καὶ πορευθέντεσ οἱ δύο νεανίσκοι εἰσήλθοσαν εἰσ Ἱεριχὼ καὶ εἰσήλθοσαν εἰσ οἰκίαν γυναικὸσ πόρνησ, ᾗ ὄνομα Ραάβ, καὶ κατέλυσαν ἐκεῖ. καὶ ἀπηγγέλη τῷ βασιλεῖ Ἱεριχὼ λέγοντεσ. εἰσπεπόρευνται ὧδε ἄνδρεσ τῶν υἱῶν Ἰσραὴλ κατασκοπεῦσαι τὴν γῆν. καὶ ἀπέστειλεν ὁ βασιλεὺσ Ἱεριχὼ καὶ εἶπε πρὸσ Ραὰβ λέγων. ἐξάγαγε τοὺσ ἄνδρασ τοὺσ εἰσπεπορευμένουσ εἰσ τὴν οἰκίαν σου τὴν νύκτα, κατασκοπεῦσαι γὰρ τὴν γῆν ἥκασι. καὶ λαβοῦσα ἡ γυνὴ τοὺσ δύο ἄνδρασ ἔκρυψεν αὐτοὺσ καὶ εἶπεν αὐτοῖσ λέγουσα. εἰσεληλύθασι πρόσ με οἱ ἄνδρεσ. ὡσ δὲ ἡ πύλη ἐκλείετο ἐν τῷ σκότει, καὶ οἱ ἄνδρεσ ἐξῆλθον, οὐκ ἐπίσταμαι ποῦ πεπόρευνται. καταδιώξατε ὀπίσω αὐτῶν, εἰ καταλήψεσθε αὐτούσ. αὕτη δὲ ἀνεβίβασεν αὐτοὺσ ἐπὶ τὸ δῶμα καὶ ἔκρυψεν αὐτοὺσ ἐν τῇ λινοκαλάμῃ τῇ ἐστοιβασμένῃ αὐτῇ ἐπὶ τοῦ δώματοσ. καὶ οἱ ἄνδρεσ κατεδίωξαν ὀπίσω αὐτῶν ὁδὸν τὴν ἐπὶ τοῦ Ἰορδάνου ἐπὶ τὰσ διαβάσεισ, καὶ ἡ πύλη ἐκλείσθη. καὶ ἐγένετο ὡσ ἐξήλθοσαν οἱ διώκοντεσ ὀπίσω αὐτῶν καὶ αὐτοὶ δὲ πρὶν ἢ κοιμηθῆναι αὐτούσ, αὕτη δὲ ἀνέβη πρὸσ αὐτοὺσ ἐπὶ τὸ δῶμα καὶ εἶπε πρὸσ αὐτούσ. ἐπίσταμαι ὅτι ἔδωκεν ὑμῖν Κύριοσ τὴν γῆν, ἐπιπέπτωκε γὰρ ὁ φόβοσ ὑμῶν ἐφ’ ἡμᾶσ. ἀκηκόαμεν γὰρ ὅτι κατεξήρανε Κύριοσ ὁ Θεὸσ τὴν ἐρυθρὰν θάλασσαν ἀπὸ προσώπου ὑμῶν, ὅτε ἐξεπορεύεσθε ἐκ γῆσ Αἰγύπτου, καὶ ὅσα ἐποίησε τοῖσ δυσὶ βασιλεῦσι τῶν Ἀμορραίων, οἳ ἦσαν πέραν τοῦ Ἰορδάνου, τῷ Σηὼν καὶ Ὤγ, οὓσ ἐξωλοθρεύσατε αὐτούσ. καὶ ἀκούσαντεσ ἡμεῖσ ἐξέστημεν τῇ καρδίᾳ ἡμῶν, καὶ οὐκ ἔστη ἔτι πνεῦμα ἐν οὐδενὶ ἡμῶν ἀπὸ προσώπου ὑμῶν, ὅτι Κύριοσ ὁ Θεὸσ ὑμῶν Θεὸσ ἐν οὐρανῷ ἄνω καὶ ἐπὶ τῆσ γῆσ κάτω. καὶ νῦν ὀμόσατέ μοι Κύριον τὸν Θεόν, ὅτι ποιῶ ὑμῖν ἔλεοσ καὶ ποιήσατε καὶ ὑμεῖσ ἔλεοσ ἐν τῷ οἴκῳ τοῦ πατρόσ μου καὶ ζωγρήσατε τὸν οἶκον τοῦ πατρόσ μου, τὴν μητέρα μου καὶ τοὺσ ἀδελφούσ μου καὶ πάντα τὸν οἶκόν μου καὶ πάντα, ὅσα ἐστὶν αὐτοῖσ, καὶ ἐξελεῖσθε τὴν ψυχήν μου ἐκ θανάτου. καὶ εἶπαν αὐτῇ οἱ ἄνδρεσ. ἡ ψυχὴ ἡμῶν ἀνθ’ ὑμῶν εἰσ θάνατον. καὶ αὐτὴ εἶπεν. ὡσ ἂν παραδῷ Κύριοσ ὑμῖν τὴν πόλιν, ποιήσετε εἰσ ἐμὲ ἔλεοσ καὶ ἀλήθειαν. καὶ κατεχάλασεν αὐτοὺσ διὰ τῆσ θυρίδος καὶ εἶπεν αὐτοῖσ. εἰσ τὴν ὀρεινὴν ἀπέλθετε, μὴ συναντήσωσιν ὑμῖν οἱ καταδιώκοντεσ, καὶ κρυβήσεσθε ἐκεῖ τρεῖσ ἡμέρασ, ἕωσ ἂν ἀποστρέψωσιν οἱ καταδιώκοντεσ ὀπίσω ὑμῶν, καὶ μετὰ ταῦτα ἀπελεύσεσθε εἰσ τὴν ὁδὸν ὑμῶν. καὶ εἶπαν πρὸσ αὐτὴν οἱ ἄνδρεσ. ἀθῷοί ἐσμεν τῷ ὅρκῳ σου τούτῳ. ἰδοὺ ἡμεῖσ εἰσπορευόμεθα εἰσ μέροσ τῆσ πόλεωσ, καὶ θήσεισ τὸ σημεῖον, τὸ σπαρτίον τὸ κόκκινον τοῦτο ἐκδήσεισ εἰσ τὴν θυρίδα, δι’ ἧσ κατεβίβασασ ἡμᾶσ δι’ αὐτῆσ, τὸν δὲ πατέρα σου καὶ τὴν μητέρα σου καὶ τοὺσ ἀδελφούσ σου καὶ πάντα τὸν οἶκον τοῦ πατρόσ σου συνάξεισ πρὸσ σεαυτὴν εἰσ τὴν οἰκίαν σου. καὶ ἔσται πᾶσ, ὃσ ἂν ἐξέλθῃ τὴν θύραν τῆσ οἰκίασ σου ἔξω, ἔνοχοσ ἑαυτῷ ἔσται, ἡμεῖσ δὲ ἀθῷοι τῷ ὅρκῳ σου τούτῳ. καὶ ὅσοι ἐὰν γένωνται μετὰ σοῦ ἐν τῇ οἰκίᾳ σου, ἡμεῖσ ἔνοχοι ἐσόμεθα. ἐὰν δέ τισ ἡμᾶσ ἀδικήσῃ ἢ καὶ ἀποκαλύψῃ τοὺσ λόγουσ ἡμῶν τούτουσ, ἐσόμεθα ἀθῷοι τῷ ὅρκῳ σου τούτῳ. καὶ εἶπεν αὐτοῖσ. κατὰ τὸ ρῆμα ὑμῶν ἔστω. καὶ ἐξαπέστειλεν αὐτούσ. καὶ ἐπορεύθησαν καὶ ἤλθοσαν εἰσ τὴν ὀρεινὴν καὶ κατέμειναν ἐκεῖ τρεῖσ ἡμέρασ. καὶ ἐξεζήτησαν οἱ καταδιώκοντεσ πάσασ τὰσ ὁδοὺσ καὶ οὐχ εὕροσαν. καὶ ὑπέστρεψαν οἱ δύο νεανίσκοι καὶ κατέβησαν ἐκ τοῦ ὄρουσ καὶ διέβησαν πρὸσ Ἰησοῦν υἱὸν Ναυὴ καὶ διηγήσαντο αὐτῷ πάντα τὰ συμβεβηκότα αὐτοῖσ. καὶ εἶπαν πρὸσ Ἰησοῦν ὅτι παραδέδωκε Κύριοσ πᾶσαν τὴν γῆν ἐν χειρὶ ἡμῶν, καὶ κατέπτηχε πᾶσ ὁ κατοικῶν τὴν γῆν ἐκείνην ἀφ’ ἡμῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 2:

(70인역 성경, 여호수아기 2:)

목록

SEARCH

MENU NAVIGATION