Septuagint, Liber Iosue 1:

(70인역 성경, 여호수아기 1:)

ΚΑΙ ἐγένετο μετὰ τὴν τελευτὴν Μωυσῆ, εἶπε Κύριοσ τῷ Ἰησοῖ υἱῷ Ναυὴ τῷ ὑπουργῷ Μωυσῆ λέγων. Μωυσῆσ ὁ θεράπων μου τετελεύτηκε. νῦν οὖν ἀναστὰσ διάβηθι τὸν Ἰορδάνην, σὺ καὶ πᾶσ ὁ λαὸσ οὗτοσ εἰσ τὴν γῆν, ἣν ἐγὼ δίδωμι αὐτοῖσ. πᾶσ ὁ τόποσ, ἐφ’ ὃν ἂν ἐπιβῆτε τῷ ἴχνει τῶν ποδῶν ὑμῶν, ὑμῖν δώσω αὐτόν, ὃν τρόπον εἴρηκα τῷ Μωυσῇ, τὴν ἔρημον καὶ τὸν Ἀντιλίβανον ἕωσ τοῦ ποταμοῦ τοῦ μεγάλου ποταμοῦ Εὐφράτου, καὶ ἕωσ τῆσ θαλάσσησ τῆσ ἐσχάτησ ἀφ’ ἡλίου δυσμῶν ἔσται τὰ ὅρια ὑμῶν. οὐκ ἀντιστήσεται ἄνθρωποσ κατενώπιον ὑμῶν πάσασ τὰσ ἡμέρασ τῆσ ζωῆσ σου, καὶ ὥσπερ ἤμην μετὰ Μωυσῆ, οὕτωσ ἔσομαι καὶ μετὰ σοῦ καὶ οὐκ ἐγκαταλείψω σε, οὐδ’ ὑπερόψομαί σε. ἴσχυε καὶ ἀνδρίζου, σὺ γὰρ ἀποδιελεῖσ τῷ λαῷ τούτῳ τὴν γῆν, ἣν ὤμοσα τοῖσ πατράσιν ὑμῶν δοῦναι αὐτοῖσ. ἴσχυε οὖν καὶ ἀνδρίζου, φυλάσσεσθαι καὶ ποιεῖν καθότι ἐνετείλατό σοι Μωυσῆσ ὁ παῖσ μου, καὶ οὐκ ἐκκλινεῖσ ἀπ’ αὐτῶν εἰσ δεξιὰ οὐδὲ εἰσ ἀριστερά, ἵνα συνῇσ ἐν πᾶσιν οἷσ ἐὰν πράσσῃσ. καὶ οὐκ ἀποστήσεται ἡ βίβλοσ τοῦ νόμου τούτου ἐκ τοῦ στόματόσ σου, καὶ μελετήσεισ ἐν αὐτῷ ἡμέρασ καὶ νυκτόσ, ἵνα εἰδῇσ ποιεῖν πάντα τὰ γεγραμμένα. τότε εὐοδωθήσῃ, καὶ εὐοδώσεισ τὰσ ὁδούσ σου καὶ τότε συνήσεισ. ἰδοὺ ἐντέταλμαί σοι. ἴσχυε καὶ ἀνδρίζου, μὴ δειλιάσῃσ, μηδὲ φοβηθῇσ, ὅτι μετὰ σοῦ Κύριοσ ὁ Θεόσ σου εἰσ πάντα, οὗ ἐὰν πορεύῃ. Καὶ ἐνετείλατο Ἰησοῦσ τοῖσ γραμματεῦσι τοῦ λαοῦ λέγων. εἰσέλθατε κατὰ μέσον τῆσ παρεμβολῆσ τοῦ λαοῦ καὶ ἐντείλασθε τῷ λαῷ λέγοντεσ. ἑτοιμάζεσθε ἐπισιτισμόν, ὅτι ἔτι τρεῖσ ἡμέραι καὶ ὑμεῖσ διαβαίνετε τὸν Ἰορδάνην τοῦτον εἰσελθόντεσ κατασχεῖν τὴν γῆν, ἣν Κύριοσ ὁ Θεὸσ τῶν πατέρων ὑμῶν δίδωσιν ὑμῖν. καὶ τῷ Ρουβὴν καὶ τῷ Γὰδ καὶ τῷ ἡμίσει φυλῆσ Μανασσῆ εἶπεν Ἰησοῦσ. μνήσθητε τὸ ρῆμα, ὃ ἐνετείλατο ὑμῖν Μωυσῆσ ὁ παῖσ Κυρίου λέγων. Κύριοσ ὁ Θεὸσ ὑμῶν κατέπαυσεν ὑμᾶσ καὶ ἔδωκεν ὑμῖν τὴν γῆν ταύτην. αἱ γυναῖκεσ ὑμῶν καὶ τὰ παιδία ὑμῶν καὶ τὰ κτήνη ὑμῶν κατοικείτωσαν ἐν τῇ γῇ, ᾗ ἔδωκεν ὑμῖν, ὑμεῖσ δὲ διαβήσεσθε εὔζωνοι πρότεροι τῶν ἀδελφῶν ὑμῶν, πᾶσ ὁ ἰσχύων, καὶ συμμαχήσετε αὐτοῖσ, ἕωσ ἂν καταπαύσῃ Κύριοσ ὁ Θεὸσ ἡμῶν τοὺσ ἀδελφοὺσ ὑμῶν, ὥσπερ καὶ ὑμᾶσ, καὶ κληρονομήσωσι καὶ οὗτοι τὴν γῆν, ἣν Κύριοσ ὁ Θεὸσ ἡμῶν δίδωσιν αὐτοῖσ. καὶ ἀπελεύσεσθε ἕκαστοσ εἰσ τὴν κληρονομίαν αὐτοῦ, ἣν ἔδωκεν ὑμῖν Μωυσῆσ εἰσ τὸ πέραν τοῦ Ἰορδάνου ἐπ’ ἀνατολῶν ἡλίου. καὶ ἀποκριθέντεσ τῷ Ἰησοῦ εἶπαν. πάντα ὅσα ἐὰν ἐντείλῃ ἡμῖν, ποιήσομεν καὶ εἰσ πάντα τόπον, οὗ ἐὰν ἀποστείλῃσ ἡμᾶσ, πορευσόμεθα. κατὰ πάντα, ὅσα ἠκούσαμεν Μωυσῆ, ἀκουσόμεθά σου, πλὴν ἔστω Κύριοσ ὁ Θεὸσ ἡμῶν μετὰ σοῦ, ὃν τρόπον ἦν μετὰ Μωυσῆ. ὁ δὲ ἄνθρωποσ, ὃσ ἂν ἀπειθήσῃ σοι, καὶ ὅστισ μὴ ἀκούσῃ τῶν ρημάτων σου καθότι ἐὰν ἐντείλῃ αὐτῷ, ἀποθανέτω. ἀλλὰ ἴσχυε καὶ ἀνδρίζου.

목록

일치하는 문장이 없습니다.

SEARCH

MENU NAVIGATION