Septuagint, Liber Deuteronomii 27:

(70인역 성경, 신명기 27:)

ΚΑΙ προσέταξε Μωυσῆσ καὶ ἡ γερουσία Ἰσραὴλ λέγων. φυλάσσεσθε πάσασ τὰσ ἐντολὰσ ταύτασ, ὅσασ ἐγὼ ἐντέλλομαι ὑμῖν σήμερον. καὶ ἔσται ᾗ ἂν ἡμέρᾳ διαβῆτε τὸν Ἰορδάνην εἰσ τὴν γῆν, ἣν Κύριοσ ὁ Θεόσ σου δίδωσί σοι, καὶ στήσεισ σεαυτῷ λίθουσ μεγάλουσ καὶ κονιάσεισ αὐτοὺσ κονίᾳ καὶ γράψεισ ἐπὶ τῶν λίθων τούτων πάντασ τοὺσ λόγουσ τοῦ νόμου τούτου, ὡσ ἂν διαβῆτε τὸν Ἰορδάνην, ἡνίκα ἂν εἰσέλθητε εἰσ τὴν γῆν, ἣν Κύριοσ ὁ Θεὸσ τῶν πατέρων σου δίδωσί σοι, γῆν ρέουσαν γάλα καὶ μέλι, ὃν τρόπον εἶπε Κύριοσ ὁ Θεὸσ τῶν πατέρων σού σοι. καὶ ἔσται ὡσ ἂν διαβῆτε τὸν Ἰορδάνην, στήσετε τοὺσ λίθουσ τούτουσ, οὓσ ἐγὼ ἐντέλλομαί σοι σήμερον, ἐν ὄρει Γαιβὰλ καὶ κονιάσεισ αὐτοὺσ κονίᾳ. καὶ οἰκοδομήσεισ ἐκεῖ θυσιαστήριον Κυρίῳ τῷ Θεῷ σου, θυσιαστήριον ἐκ λίθων, οὐκ ἐπιβαλεῖσ ἐπ̓ αὐτὸ σίδηρον. λίθουσ ὁλοκλήρουσ οἰκοδομήσεισ θυσιαστήριον Κυρίῳ τῷ Θεῷ σου καὶ ἀνοίσεισ ἐπ̓ αὐτὸ ὁλοκαυτώματα Κυρίῳ τῷ Θεῷ σου καὶ θύσεισ ἐκεῖ θυσίαν σωτηρίου καὶ φαγῇ καὶ ἐμπλησθήσῃ και εὐφρανθήσῃ ἔναντι Κυρίου τοῦ Θεοῦ σου. καὶ γράψεισ ἐπὶ τῶν λίθων πάντα τὸν νόμον τοῦτον σαφῶσ σφόδρα. Καὶ ἐλάλησε Μωυσῆσ καὶ οἱ ἱερεῖσ οἱ Λευῖται παντὶ Ἰσραὴλ λέγοντεσ. σιώπα καὶ ἄκουε, Ἰσραήλ. ἐν τῇ ἡμέρᾳ ταύτῃ γέγονασ εἰσ λαὸν Κυρίῳ τῷ Θεῷ σου. καὶ εἰσακούσῃτῆσ φωνῆσ Κυρίου τοῦ Θεοῦ σου καὶ ποιήσεισ πάσασ τὰσ ἐντολὰσ αὐτοῦ καὶ τὰ δικαιώματα αὐτοῦ, ὅσα ἐγὼ ἐντέλλομαί σοι σήμερον. Καὶ ἐνετείλατο Μωυσῆσ τῷ λαῷ ἐν τῇ ἡμέρᾳ ἐκείνῃ λέγων. οὗτοι στήσονται εὐλογεῖν τὸν λαὸν ἐν ὄρει Γαριζὶν διαβάντεσ τὸν Ἰορδάνην. Συμεών, Λευί, Ἰούδασ, Ἰσσάχαρ, Ἰωσὴφ καὶ Βενιαμίν. καὶ οὗτοι στήσονται ἐπὶ τῆσ κατάρασ ἐν ὄρει Γαιβάλ. Ρουβήν, Γὰδ καὶ Ἀσήρ, Ζαβουλών, Δὰν καὶ Νεφθαλί. καὶ ἀποκριθέντεσ ἐροῦσιν οἱ Λευῖται παντὶ Ἰσραὴλ φωνῇ μεγάλῃ. Ἐπικατάρατοσ ἄνθρωποσ, ὅστισ ποιήσει γλυπτὸν καὶ χωνευτόν, βδέλυγμα Κυρίῳ, ἔργον χειρῶν τεχνιτῶν, καὶ θήσει αὐτὸ ἐν ἀποκρύφῳ. καὶ ἀποκριθεὶσ πᾶσ ὁ λαὸσ ἐροῦσι. γένοιτο. ἐπικατάρατοσ ὁ ἀτιμάζων πατέρα αὐτοῦ ἢ μητέρα αὐτοῦ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ μετατιθεὶσ ὅρια τοῦ πλησίον. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ πλανῶν τυφλὸν ἐν ὁδῷ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὃσ ἂν ἐκκλίνῃ κρίσιν προσηλύτου καὶ ὀρφανοῦ καὶ χήρασ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ κοιμώμενοσ μετὰ γυναικὸσ τοῦ πατρὸσ αὐτοῦ, ὅτι ἀπεκάλυψε συγκάλυμμα τοῦ πατρὸσ αὐτοῦ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ κοιμώμενοσ μετὰ παντὸσ κτήνουσ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ κοιμώμενοσ μετὰ ἀδελφῆσ ἐκ πατρὸσ ἢ μητρὸσ αὐτοῦ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ κοιμώμενοσ μετὰ πενθερᾶσ αὐτοῦ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ κοιμώμενοσ μετὰ τῆσ ἀδελφῆσ τῆσ γυναικὸσ αὐτοῦ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὁ τύπτων τὸν πλησίον δόλῳ. καὶ ἐροῦσι πᾶσ ὁ λαόσ. γένοιτο. ἐπικατάρατοσ ὃσ ἂν λάβῃ δῶρα πατάξαι ψυχὴν αἵματοσ ἀθῴου. καὶ ἐροῦσι πᾶσ ὁ λαόσ. γένοιτο. ἐπικατάρατοσ πᾶσ ἄνθρωποσ ὃσ οὐκ ἐμμενεῖ ἐν πᾶσι τοῖσ λόγοισ τοῦ νόμου τούτου ποιῆσαι αὐτούσ. καὶ ἐροῦσι πᾶσ ὁ λαόσ. γένοιτο.

목록

일치하는 문장이 없습니다.

SEARCH

MENU NAVIGATION