Septuagint, Liber Deuteronomii 23:

(70인역 성경, 신명기 23:)

ΟΥ λήψεται ἄνθρωποσ τὴν γυναῖκα τοῦ πατρὸσ αὐτοῦ καὶ οὐκ ἀποκαλύψει συγκάλυμμα τοῦ πατρὸσ αὐτοῦ. Οὐκ εἰσελεύσεται θλαδίασ οὐδὲ ἀποκεκομμένοσ εἰσ τὴν ἐκκλησίαν Κυρίου. οὐκ εἰσελεύσεται ἐκ πόρνησ εἰσ ἐκκλησίαν Κυρίου. οὐκ εἰσελεύσεται Ἀμμανίτησ καὶ Μωαβίτησ εἰσ ἐκκλησίαν Κυρίου. καὶ ἕωσ δεκάτησ γενεᾶσ οὐκ εἰσελεύσεται εἰσ τὴν ἐκκλησίαν Κυρίου καὶ ἕωσ εἰσ τὸν αἰῶνα, παρὰ τὸ μὴ συναντῆσαι αὐτοὺσ ὑμῖν μετὰ ἄρτων καὶ ὕδατοσ ἐν τῇ ὁδῷ, ἐκπορευομένων ὑμῶν ἐξ Αἰγύπτου, καὶ ὅτι ἐμισθώσαντο ἐπὶ σὲ τὸν Βαλαὰμ υἱὸν Βεὼρ ἐκ τῆσ Μεσοποταμίασ καταρᾶσθαί σε. καὶ οὐκ ἠθέλησε Κύριοσ ὁ Θεόσ σου εἰσακοῦσαι τοῦ Βαλαάμ, καὶ μετέστρεψε Κύριοσ ὁ Θεόσ σου τὰσ κατάρασ εἰσ εὐλογίαν, ὅτι ἠγάπησέ σε Κύριοσ ὁ Θεόσ σου. οὐ προσαγορεύσεισ εἰρηνικὰ αὐτοῖσ καὶ συμφέροντα αὐτοῖσ πάσασ τὰσ ἡμέρασ σου εἰσ τὸν αἰῶνα. οὐ βδελύξῃ Ἰδουμαῖον, ὅτι ἀδελφόσ σού ἐστιν. οὐ βδελύξῃ Αἰγύπτιον, ὅτι πάροικοσ ἐγένου ἐν τῇ γῇ αὐτοῦ. υἱοὶ ἐὰν γεννηθῶσιν αὐτοῖσ, γενεᾷ τρίτῃ εἰσελεύσονται εἰσ ἐκκλησίαν Κυρίου. Ἐὰν δὲ ἐξέλθῃσ παρεμβαλεῖν ἐπὶ τοὺσ ἐχθρούσ σου, καὶ φυλάξῃ ἀπὸ παντὸσ ρήματοσ πονηροῦ. ἐὰν ᾖ ἐν σοὶ ἄνθρωποσ, ὃσ οὐκ ἔσται καθαρὸσ ἐκ ρύσεωσαὐτοῦ νυκτόσ, καὶ ἐξελεύσεται ἔξω τῆσ παρεμβολῆσ καὶ οὐκ εἰσελεύσεται εἰσ τὴν παρεμβολήν. καὶ ἔσται τὸ πρὸσ ἑσπέραν λούσεται τὸ σῶμα αὐτοῦ ὕδατι καὶ δεδυκότοσ ἡλίου εἰσελεύσεται εἰσ τὴν παρεμβολήν. καὶ τόποσ ἔσται σοι ἔξω τῆσ παρεμβολῆσ, καὶ ἐξελεύσῃ ἐκεῖ ἔξω. καὶ πάσσαλοσ ἔσται σοι ἐπὶ τῆσ ζώνησ σου, καὶ ἔσται ὅταν διακαθιζάνῃσ ἔξω, καὶ ὀρύξεισ ἐν αὐτῷ καὶ ἐπαγαγὼν καλύψεισ τὴν ἀσχημοσύνην σου ἐν αὐτῷ. ὅτι Κύριοσ ὁ Θεόσ σου ἐμπεριπατεῖ ἐν τῇ παρεμβολῇ σου ἐξελέσθαι σε καὶ παραδοῦναι τὸν ἐχθρόν σου πρὸ προσώπου σου, καὶ ἔσται ἡ παρεμβολή σου ἁγία, καὶ οὐκ ὀφθήσεται ἐν σοὶ ἀσχημοσύνη πράγματοσ καὶ ἀποστρέψει ἀπὸ σοῦ. Οὐ παραδώσεισ παῖδα τῷ κυρίῳ αὐτοῦ, ὃσ προστέθειταί σοι παρὰ τοῦ κυρίου αὐτοῦ. μετὰ σοῦ κατοικήσει, ἐν ὑμῖν κατοικήσει οὗ ἂν ἀρέσῃ αὐτῷ, οὐ θλίψεισ αὐτόν. Οὐκ ἔσται πόρνη ἀπὸ θυγατέρων Ἰσραήλ, καὶ οὐκ ἔσταιπορνεύων ἀπὸ υἱῶν Ἰσραήλ. οὐκ ἔσται τελεσφόροσ ἀπὸ θυγατέρων Ἰσραήλ, καὶ οὐκ ἔσται τελεισκόμενοσ ἀπὸ υἱῶν Ἰσραήλ. οὐ προσοίσεισ μίσθωμα πόρνησ οὐδὲ ἄλλαγμα κυνὸσ εἰσ τὸν οἶκον Κυρίου τοῦ Θεοῦ σου πρὸσ πᾶσαν εὐχήν, ὅτι βδέλυγμα Κυρίῳ τῷ Θεῷ σού ἐστι καὶ ἀμφότερα. Οὐκ ἐκτοκιεῖσ τῷ ἀδελφῷ σου τόκον ἀργυρίου καὶ τόκον βρωμάτων καὶ τόκον παντὸσ πράγματοσ, οὗ ἐὰν ἐκδανείσῃσ. τῷ ἀλλοτρίῳ ἐκτοκιεῖσ, τῷ δὲ ἀδελφῷ σου οὐκ ἐκτοκιεῖσ, ἵνα εὐλογήσῃ σε Κύριοσ ὁ Θεόσ σου ἐν πᾶσι τοῖσ ἔργοισ σου ἐπὶ τῆσ γῆσ, εἰσ ἣν εἰσπορεύῃ ἐκεῖ κληρονομῆσαι αὐτήν. Ἐὰν δὲ εὔξῃ εὐχὴν Κυρίῳ τῷ Θεῷ σου, οὐ χρονιεῖσ ἀποδοῦναι αὐτήν, ὅτι ἐκζητῶν ἐκζητήσει Κύριοσ ὁ Θεόσ σου παρὰ σοῦ, καὶ ἔσται ἐν σοὶ ἁμαρτία. ἐὰν δὲ μὴ θέλῃσ εὔξασθαι, οὐκ ἔστιν ἐν σοὶ ἁμαρτία. τὰ ἐκπορευόμενα διὰ τῶν χειλέων σου φυλάξῃ καὶ ποιήσεισ ὃν τρόπον ηὔξω Κυρίῳ τῷ Θεῷ σου δόμα, ὃ ἐλάλησασ τῷ στόματί σου. Ἐὰν δὲ εἰσέλθῃσ εἰσ ἀμητὸν τοῦ πλησίον σου, καὶ συλλέξῃσ ἐν ταῖσ χερσί σου στάχυσ καὶ δρέπανον οὐ μὴ ἐπιβάλῃσ ἐπ̓ ἀμητὸν τοῦ πλησίον σου. ἐὰν δὲ εἰσέλθῃσ εἰσ τὸν ἀμπελῶνα τοῦ πλησίον σου, φαγῇ σταφυλὴν ὅσον ψυχήν σου ἐμπλησθῆναι, εἰσ δὲ ἄγγοσ οὐκ ἐμβαλεῖσ.

목록

일치하는 문장이 없습니다.

SEARCH

MENU NAVIGATION