Septuagint, Liber Numeri

(70인역 성경, 민수기)

ΚΑΙ ἐλάλησε Κύριοσ πρὸσ Μωυσῆν ἐν τῇ ἐρήμῳ τῇ Σινά, ἐν τῇ σκηνῇ τοῦ μαρτυρίου, ἐν μιᾷ τοῦ μηνὸσ τοῦ δευτέρου, ἔτουσ δευτέρου ἐξελθόντων αὐτῶν ἐκ γῆσ Αἰγύπτου λέγων. λάβετε ἀρχὴν πάσησ συναγωγῆσ Ἰσραὴλ κατὰ συγγενείασ, κατ’ οἴκουσ πατριῶν αὐτῶν, κατ’ ἀριθμὸν ἐξ ὀνόματοσ αὐτῶν, κατὰ κεφαλὴν αὐτῶν. πᾶσ ἄρσην ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν δυνάμει Ἰσραήλ, ἐπισκέψασθε αὐτοὺσ σὺν δυνάμει αὐτῶν, σὺ καὶ Ἀαρὼν ἐπισκέψασθε αὐτούσ. καὶ μεθ’ ὑμῶν ἔσονται ἕκαστοσ κατὰ φυλὴν ἑκάστου ἀρχόντων, κατ’ οἴκουσ πατριῶν ἔσονται. καὶ ταῦτα τὰ ὀνόματα τῶν ἀνδρῶν, οἵτινεσ παραστήσονται μεθ’ ὑμῶν. τῶν Ρουβήν, Ἐλισοὺρ υἱὸσ Σεδιούρ. τῶν Συμεών, Σαλαμιὴλ υἱὸσ Σουρισαδαί. τῶν Ἰούδα, Ναασσὼν υἱὸσ Ἀμιναδάβ. τῶν Ἰσσάχαρ, Ναθαναὴλ υἱὸσ Σωγάρ. τῶν Ζαβουλών, Ἐλιὰβ υἱὸσ Χαιλών. τῶν υἱῶν Ἰωσήφ, τῶν Ἐφραίμ, Ἐλισαμὰ υἱὸσ Ἐμιούδ, τῶν Μανασσῆ, Γαμαλιὴλ υἱὸσ Φαδασούρ. τῶν Βενιαμίν, Ἀβιδὰν υἱὸσ Γαδεωνί. τῶν Δάν, Ἀχιέζερ υἱὸσ Ἀμισαδαί̈. τῶν Ἀσήρ, Φαγαϊὴλ υἱὸσ Ἐχράν. τῶν Γάδ, Ἐλισὰφ υἱὸσ Ραγουήλ. τῶν Νεφθαλί, Ἀχιρὲ υἱὸσ Αἰνάν. οὗτοι ἐπίκλητοι τῆσ συναγωγῆσ, ἄρχοντεσ τῶν φυλῶν κατὰ πατριὰσ αὐτῶν, χιλίαρχοι Ἰσραήλ εἰσι. καὶ ἔλαβε Μωυσῆσ καὶ Ἀαρὼν τοὺσ ἄνδρασ τούτουσ τοὺσ ἀνακληθέντασ ἐξ ὀνόματος καὶ πᾶσαν τὴν συναγωγὴν συνήγαγον ἐν μιιᾷ τοῦ μηνὸσ τοῦ δευτέρου ἔτουσ καὶ ἐπηξονοῦσαν κατὰ γενέσεισ αὐτῶν, κατὰ πατριὰσ αὐτῶν, κατὰ ἀριθμὸν ὀνομάτων αὐτῶν, ἀπὸ εἰκοσαετοῦσ καὶ ἐπάνω, πᾶν ἀρσενικὸν κατὰ κεφαλὴν αὐτῶν, ὃν τρόπον συνέταξε Κύριοσ τῷ Μωυσῇ. καὶ ἐπεσκέπησαν ἐν τῇ ἐρήμῳ τοῦ Σινά. Καὶ ἐγένοντο οἱ υἱοὶ Ρουβὴν πρωτοτόκου Ἰσραὴλ κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Ρουβὴν ἓξ καὶ τεσσαράκοντα χιλιάδεσ καὶ πεντακόσιοι. τοῖσ υἱοῖσ Συμεὼν κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Συμεὼν ἐννέα καὶ πεντήκοντα χιλιάδεσ καὶ τριακόσιοι. τοῖσ υἱοῖσ Ἰούδα κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Ἰούδα τέσσαρεσ καὶ ἑβδομήκοντα χιλιάδεσ καὶ ἑξακόσιοι. τοῖσ υἱοῖσ Ἰσσάχαρ κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Ἰσσάχαρ τέσσαρεσ καὶ πεντήκοντα χιλιάδεσ καὶ τετρακόσιοι. τοῖσ υἱοῖσ Ζαβουλὼν κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατ’ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Ζαβουλὼν ἑπτὰ καὶ πεντήκοντα χιλιάδεσ καὶ τετρακόσιοι. τοῖσ υἱοῖσ Ἰωσὴφ υἱοῖσ Ἐφραὶμ κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Ἐφραὶμ τεσσαράκοντα χιλιάδεσ καὶ πεντακόσιοι. τοῖσυἱοῖσ Μανασσῆ κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Μανασσῆ δύο καὶ τριάκοντα χιλιάδεσ καὶ διακόσιοι. τοῖσυἱοῖσ Βενιαμὶν κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Βενιαμὶν πέντε καὶ τριάκοντα χιλιάδεσ καὶ τετρακόσιοι. τοῖσυἱοῖσ Γὰδ κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Γὰδ πέντε καὶ τεσσαράκοντα χιλιάδεσ καὶ ἑξακόσιοι καὶ πεντήκοντα. τοῖσυἱοῖσ Δὰν κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Δὰν δύο καὶ ἑξήκοντα χιλιάδεσ καὶ ἑπτακόσιοι. τοῖσυἱοῖσ Ἀσὴρ κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Ἀσὴρ μία καὶ τεσσαράκοντα χιλιάδεσ καὶ πεντακόσιοι. τοῖσυἱοῖσ Νεφθαλὶ κατὰ συγγενείασ αὐτῶν, κατὰ δήμουσ αὐτῶν, κατ’ οἴκουσ πατριῶν αὐτῶν, κατὰ ἀριθμὸν ὀνομάτων αὐτῶν, κατὰ κεφαλὴν αὐτῶν, πάντα ἀρσενικὰ ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ ἐν τῇ δυνάμει, ἡ ἐπίσκεψισ αὐτῶν ἐκ τῆσ φυλῆσ Νεφθαλὶ τρεῖσ καὶ πεντήκοντα χιλιάδεσ καὶ τετρακόσιοι. αὕτη ἡ ἐπίσκεψισ, ἣν ἐπεσκέψαντο Μωυσῆσ καὶ Ἀαρὼν καὶ οἱ ἄρχοντεσ Ἰσραήλ, δώδεκα ἄνδρεσ. ἀνὴρ εἷσ κατὰ φυλὴν μίαν, κατὰ φυλὴν οἴκων πατριᾶσ ἦσαν. καὶ ἐγένετο πᾶσα ἡ ἐπίσκεψισ υἱῶν Ἰσραὴλ σὺν δυνάμει αὐτῶν ἀπὸ εἰκοσαετοῦσ καὶ ἐπάνω, πᾶσ ὁ ἐκπορευόμενοσ παρατάξασθαι ἐν Ἰσραήλ, ἑξακόσιαι χιλιάδεσ καὶ τρισχίλιοι καὶ πεντακόσιοι καὶ πεντήκοντα. Οἱ δὲ Λευῖται ἐκ τῆσ φυλῆσ πατριᾶσ αὐτῶν οὐκ ἐπεσκέπησαν ἐν τοῖσ υἱοῖσ Ἰσραήλ. καὶ ἐλάλησε Κύριοσ πρὸσ Μωυσῆν λέγων. ὅρα, τὴν φυλὴν Λευὶ οὐ συνεπισκέψῃ, καὶ τὸν ἀριθμὸν αὐτῶν οὐ λήψῃ ἐν μέσῳ υἱῶν Ἰσραήλ. καὶ σὺ ἐπίστησον τοὺσ Λευίτασ ἐπὶ τὴν σκηνὴν τοῦ μαρτυρίου καὶ ἐπὶ πάντα τὰ σκεύη αὐτῆσ καὶ ἐπὶ πάντα ὅσα ἐστὶν ἐν αὐτῇ. αὐτοὶ ἀροῦσι τὴν σκηνὴν καὶ πάντα τὰ σκεύη αὐτῆσ, καὶ αὐτοὶ λειτουργήσουσιν ἐν αὐτῇ καὶ κύκλῳ τῆσ σκηνῆσ παρεμβαλοῦσι. καὶ ἐν τῷ ἐξαίρειν τὴν σκηνήν, καθελοῦσιν αὐτὴν οἱ Λευῖται, καὶ ἐν τῷ παρεμβάλλειν τὴν σκηνήν, ἀναστήσουσι. καὶ ὁ ἀλλογενὴσ ὁ προσπορευόμενοσ ἀποθανέτω. καὶ παρεμβαλοῦσιν οἱ υἱοὶ Ἰσραήλ, ἀνὴρ ἐν τῇ ἑαυτοῦ τάξει καὶ ἀνὴρ κατὰ τὴν ἑαυτοῦ ἡγεμονίαν σὺν δυνάμει αὐτῶν. οἱ δὲ Λευῖται παρεμβαλλέτωσαν ἐναντίοι κύκλῳ τῆσ σκηνῆσ τοῦ μαρτυρίου, καὶ οὐκ ἔσται ἁμάρτημα ἐν υἱοῖσ Ἰσραήλ. καὶ φυλάξουσιν οἱ Λευῖται αὐτοὶ τὴν φυλακὴν τῆσ σκηνῆσ τοῦ μαρτυρίου. καὶ ἐποίησαν οἱ υἱοὶ Ἰσραὴλ κατὰ πάντα, ἃ ἐνετείλατο Κύριοσ τῷ Μωυσῇ καὶ Ἀραρών, οὕτωσ ἐποίησαν. ΚΑΙ ἐλάλησε Κύριοσ πρὸσ Μωυσῆν καὶ Ἀαρὼν λέγων.

ἄνθρωποσ ἐχόμενοσ αὐτοῦ κατὰ τάγμα, κατὰ σημαίασ, κατ’ οἴκουσ πατριῶν αὐτῶν, παρεμβαλλέτωσαν οἱ υἱοὶ Ἰσραήλ. ἐναντίοι κύκλῳ τῆσ σκηνῆσ τοῦ μαρτυρίου παρεμβαλοῦσιν οἱ υἱοὶ Ἰσραήλ. καὶ οἱ παρεμβάλλοντεσ πρῶτοι κατὰ ἀνατολάσ, τάγμα παρεμβολῆσ Ἰούδα σὺν δυνάμει αὐτῶν, καὶ ὁ ἄρχων τῶν υἱῶν Ἰούδα, Ναασσὼν υἱὸσ Ἀμιναδάβ. δύναμισ αὐτοῦ οἱ ἐπεσκεμμένοι τέσσαρεσ καὶ ἑβδομήκοντα χιλιάδεσ καὶ ἑξακόσιοι. καὶ οἱ παρεμβάλλοντεσ ἐχόμενοι φυλῆσ Ἰσσάχαρ, καὶ ὁ ἄρχων τῶν υἱῶν Ἰσσάχαρ, Ναθαναὴλ υἱὸσ Σωγάρ. δύναμισ αὐτοῦ οἱ ἐπεσκεμμένοι, τέσσαρεσ καὶ πεντήκοντα χιλιάδεσ καὶ τετρακόσιοι. καὶ οἱ παρεμβάλλοντεσ ἐχόμενοι φυλῆσ Ζαβουλών, καὶ ὁ ἄρχων τῶν υἱῶν Ζαβουλών, Ἑλιὰβ υἱὸσ Χαιλών. δύναμισ αὐτοῦ οἱ ἐπεσκεμμένοι, ἑπτὰ καὶ πεντήκοντα χιλιάδεσ καὶ τετρακόσιοι. πάντεσ οἱ ἐπεσκεμμένοι ἐκ τῆσ παρεμβολῆσ Ἰούδα ἑκατὸν ὀγδοήκοντα χιλιάδεσ καὶ ἑξακισχίλιοι καὶ τετρακόσιοι, σὺν δυνάμει αὐτῶν πρῶτοι ἐξαιροῦσι. τάγμα παρεμβολῆσ Ρουβὴν πρὸσ λίβα δύναμισ αὐτῶν, καὶ ὁ ἄρχων τῶν υἱῶν Ρουβήν, Ἑλισοὺρ υἱὸσ Σεδιούρ. δύναμισ αὐτοῦ οἱ ἐπεσκεμμένοι, ἓξ καὶ τεσσαράκοντα χιλιάδεσ καὶ πεντακόσιοι. καὶ οἱ παρεμβάλλοντεσ ἐχόμενοι αὐτοῦ φυλῆσ Συμεών, καὶ ὁ ἄρχων τῶν υἱῶν Συμεών, Σαλαμιὴλ υἱὸσ Σουρισαδαί. δύναμισ αὐτοῦ οἱ ἐπεσκεμμένοι, ἐννέα καὶ πεντήκοντα χιλιάδεσ καὶ τριακόσιοι. καὶ οἱ παρεμβάλλοντεσ ἐχόμενοι αὐτοῦ φυλῆσ Γάδ, καὶ ὁ ἄρχων τῶν υἱῶν Γάδ, Ἑλισὰφ υἱὸσ Ραγουήλ. δύναμισ αὐτοῦ οἱ ἐπεσκεμμένοι, πέντε καὶ τεσσαράκοντα χιλιάδεσ καὶ ἑξακόσιοι καὶ πεντήκοντα. πάντεσ οἱ ἐπεσκεμμένοι τῆσ παρεμβολῆσ Ρουβήν, ἑκατὸν πεντήκοντα μία χιλιάδεσ καὶ τετρακόσιοι καὶ πεντήκοντα, σὺν δυνάμει αὐτῶν δεύτεροι ἐξαροῦσι. καὶ ἀρθήσεται ἡ σκηνὴ τοῦ μαρτυρίου καὶ ἡ παρεμβολὴ τῶν Λευιτῶν μέσον τῶν παρεμβολῶν. ὡσ καὶ παρεμβαλοῦσιν, οὕτω καὶ ἐξαροῦσιν ἕκαστοσ ἐχόμενοσ καθ’ ἡγεμονίασ. Τάγμα παρεμβολῆσ Ἐφραὶμ παρὰ θάλασσαν σὺν δυνάμει αὐτῶν καὶ ὁ ἄρχων τῶν υἱῶν Ἐφραίμ, Ἐλισαμὰ υἱὸσ Ἐμιούδ. δύναμισ αὐτοῦ οἱ ἐπεσκεμμένοι, τεσσαράκοντα χιλιάδεσ καὶ πεντακόσιοι. καὶ οἱ παρεμβάλλοντεσ ἐχόμενοι φυλῆσ Μανασσῆ, καὶ ὁ ἄρχων τῶν υἱῶν Μανασσῆ, Γαμαλιὴλ υἱὸσ Φαδασσούρ. δύναμισ αὐτοῦ οἱ ἐπεσκεμμένοι, δύο καὶ τριάκοντα χιλιάδεσ καὶ διακόσιοι. καὶ οἱ παρεμβάλλοντεσ ἐχόμενοι φυλῆσ Βενιαμίν, καὶ ὁ ἄρχων τῶν υἱῶν Βενιαμίν, Ἀβιδὰν υἱὸσ Γαδεωνί. δύναμισ αὐτοῦ οἱ ἐπεσκεμμένοι, πέντε καὶ τριάκοντα χιλιάδεσ καὶ τετρακόσιοι. πάντεσ οἱ ἐπεσκεμμένοι τῆσ παρεμβολῆσ Ἐφραίμ, ἑκατὸν χιλιάδεσ καὶ ὀκτακισχίλιοι καὶ ἑκατόν, σὺν δυνάμει αὐτῶν τρίτοι ἐξαροῦσι. Τάγμα παρεμβολῆσ Δὰν πρὸσ βορρᾶν σὺν δυνάμει αὐτῶν, καὶ ὁ ἄρχων τῶν υἱῶν Δάν, Ἀχιέζερ υἱὸσ Ἀμισαδαί. δύναμισ αὐτοῦ οἱ ἐπεσκεμμένοι, δύο καὶ ἑξήκοντα χιλιάδεσ καὶ ἑπτακόσιοι. καὶ οἱ παρεμβάλλοντεσ ἐχόμενοι αὐτοῦ φυλὴ Ἀσήρ, καὶ ὁ ἄρχων τῶν υἱῶν Ἀσήρ, Φαγεὴλ υἱὸσ Ἐχράν. δύναμισ αὐτοῦ οἱ ἐπεσκεμμένοι, μία καὶ τεσσαράκοντα χιλιάδεσ καὶ πεντακόσιοι. καὶ οἱ παρεμβάλλοντεσ ἐχόμενοι φυλῆσ Νεφθαλί, καὶ ὁ ἄρχων τῶν υἱῶν Νεφθαλί, Ἀχιρὲ υἱὸσ Αἰνάν. δύναμισ αὐτοῦ οἱ ἐπεσκεμμένοι, τρεῖσ καὶ πεντήκοντα χιλιάδεσ καὶ τετρακόσιοι. πάντεσ οἱ ἐπεσκεμμένοι τῆσ παρεμβολῆσ Δὰν ἑκατὸν καὶ πεντηκονταεπτὰ χιλιάδεσ καὶ ἑξακόσιοι. ἔσχατοι ἐξαροῦσι κατὰ τάγμα αὐτῶν. αὕτη ἡ ἐπίσκεψισ τῶν υἱῶν Ἰσραὴλ κατ’ οἴκουσ πατριῶν αὐτῶν. πᾶσα ἡ ἐπίσκεψισ τῶν παρεμβολῶν σὺν ταῖσ δυνάμεσιν αὐτῶν, ἑξακόσιαι χιλιάδεσ καὶ τρισχίλιοι πεντακόσιοι πεντήκοντα. οἱ δὲ Λευῖται οὐ συνεπεσκέπησαν ἐν αὐτοῖσ, καθὰ ἐνετείλατο Κύριοσ τῷ Μωυσῇ. καὶ ἐποίησαν οἱ υἱοὶ Ἰσραὴλ πάντα, ὅσα συνέταξε Κύριοσ τῷ Μωυσῇ.οὕτω παρενέβαλον κατὰ τάγμα αὐτῶν καὶ οὕτωσ ἐξῇρον, ἕκαστοσ ἐχόμενοι κατὰ δήμουσ αὐτῶν, κατ’ οἴκουσ πατριῶν αὐτῶν. ΚΑΙ αὗται αἱ γενέσεισ Ἀαρὼν καὶ Μωυσῆ, ἐν ᾗ ἡμέρᾳ ἐλάλησε Κύριοσ τῷ Μωυσῇ ἐν ὄρει Σινά.

καὶ ταῦτα τὰ ὀνόματα τῶν υἱῶν Ἀαρών. πρωτότοκοσ Ναδάβ, καὶ Ἀβιούδ, Ἐλεάζαρ, καὶ Ἰθάμαρ. ταῦτα τὰ ὀνόματα τῶν υἱῶν Ἀαρών, οἱ ἱερεῖσ οἱ ἠλειμμένοι, οὓσ ἐτελείωσαν τὰσ χεῖρασ αὐτῶν ἱερατεύειν. καὶ ἐτελεύτησε Ναδὰβ καὶ Ἀβιοὺδ ἔναντι Κυρίου, προσφερόντων αὐτῶν πῦρ ἀλλότριον ἔναντι Κυρίου ἐν τῇ ἐρήμῳ Σινά, καὶ παιδία οὐκ ἦν αὐτοῖσ. καὶ ἱεράτευσεν Ἐλεάζαρ καὶ Ἰθάμαρ μετὰ Ἀαρὼν τοῦ πατρὸσ αὐτῶν. καὶ ἐλάλησε Κύριοσ πρὸσ Μωυσῆν λέγων. λάβε τὴν φυλὴν Λευὶ καὶ στήσεισ αὐτοὺσ ἐναντίον Ἀαρὼν τοῦ ἱερέωσ καὶ λειτουργήσουσιν αὐτῷ, καὶ φυλάξουσι τὰσ φυλακὰσ αὐτοῦ καὶ τὰσ φυλακὰσ τῶν υἱῶν Ἰσραὴλ ἔναντι τῆσ σκηνῆσ τοῦ μαρτυρίου, ἐργάζεσθαι τὰ ἔργα τῆσ σκηνῆσ. καὶ φυλάξουσι πάντα τὰ σκεύη τῆσ σκηνῆσ τοῦ μαρτυρίου, καὶ τὰσ φυλακὰσ τῶν υἱῶν Ἰσραὴλ κατὰ πάντα τὰ ἔργα τῆσ σκηνῆσ. καὶ δώσεισ τοὺσ Λευίτασ Ἀαρὼν καὶ τοῖσ υἱοῖσ αὐτοῦ τοῖσ ἱερεῦσι. δεδομένοι δόμα οὗτοί μοί εἰσιν ἀπὸ τῶν υἱῶν Ἰσραήλ. καὶ Ἀαρὼν καὶ τοὺσ υἱοὺσ αὐτοῦ καταστήσεισ ἐπὶ τῆσ σκηνῆσ τοῦ μαρτυρίου, καὶ φυλάξουσι τὴν ἱερατείαν αὐτῶν καὶ πάντα τὰ κατὰ τὸν βωμὸν καὶ ἔσω τοῦ καταπετάσματοσ. καὶ ὁ ἀλλογενὴσ ὁ ἁπτόμενοσ ἀποθανεῖται. καὶ ἐλάλησε Κύριοσ πρὸσ Μωυσῆν λέγων. καὶ ἰδοὺ ἐγὼ εἴληφα τοὺσ Λευίτασ ἐκ μέσου τῶν υἱῶν Ἰσραὴλ ἀντὶ παντὸσ πρωτοτόκου διανοίγοντοσ μήτραν παρὰ τῶν υἱῶν Ἰσραήλ. λύτρα αὐτῶν ἔσονται καὶ ἔσονται ἐμοὶ οἱ Λευῖται. ἐμοὶ γὰρ πᾶν πρωτότοκον. ἐν ᾗ ἡμέρᾳ ἐπάταξα πᾶν πρωτότοκον ἐν γῇ Αἰγύπτου, ἡγίασα ἐμοὶ πᾶν πρωτότοκον ἐν Ἰσραὴλ ἀπὸ ἀνθρώπου ἕωσ κτήνουσ. ἐμοὶ ἔσονται, ἐγὼ Κύριοσ. καὶ ἐλάλησε Κύριοσ πρὸσ Μωυσῆν ἐν τῇ ἐρήμῳ Σινὰ λέγων. ἐπίσκεψαι τοὺσ υἱοὺσ Λευὶ κατ’ οἴκουσ πατριῶν αὐτῶν, κατὰ δήμουσ αὐτῶν, κατὰ συγγενείασ αὐτῶν. πᾶν ἀρσενικὸν ἀπὸ μηνιαίου καὶ ἐπάνω ἐπισκέψασθε αὐτούσ. καὶ ἐπεσκέψαντο αὐτοὺσ Μωυσῆσ καὶ Ἀαρὼν διὰ φωνῆσ Κυρίου, ὃν τρόπον συνέταξεν αὐτοῖσ Κύριοσ. καὶ ἦσαν οὗτοι οἱ υἱοὶ Λευὶ ἐξ ὀνομάτων αὐτῶν. Γεδσών, Καάθ, καὶ Μεραρί. καὶ ταῦτα τὰ ὀνόματα τῶν υἱῶν Γερσὼν κατὰ δήμουσ αὐτῶν. Λοβενὶ καὶ Σεμεί̈. καὶ υἱοὶ Καὰθ κατὰ δήμουσ αὐτῶν. Ἀμρὰμ καὶ Ἰσσαάρ, Χεβρὼν καὶ Ὀζιήλ. καὶ υἱοὶ Μεραρὶ κατὰ δήμουσ αὐτῶν. Μοολὶ καὶ Μουσί. οὗτοί εἰσι δῆμοι τῶν Λευιτῶν κατ’ οἴκουσ πατριῶν αὐτῶν. τῷ Γερσὼν δῆμοσ τοῦ Λοβενὶ καὶ δῆμοσ τοῦ Σεμεί̈. οὗτοι οἱ δῆμοι τοῦ Γεδσών. ἡ ἐπίσκεψισ αὐτῶν κατὰ ἀριθμὸν παντὸσ ἀρσενικοῦ ἀπὸ μηνιαίου καὶ ἐπάνω, ἡ ἐπίσκεψισ αὐτῶν ἑπτακισχίλιοι καὶ πεντακόσιοι. καὶ οἱ υἱοὶ Γερσὼν ὀπίσω τῆσ σκηνῆσ παρεμβαλοῦσι παρὰ θάλασσαν, καὶ ὁ ἄρχων οἴκου πατριᾶσ τοῦ δήμου τοῦ Γεδσών, Ἑλισὰφ υἱὸσ Δαήλ. καὶ ἡ φυλακὴ υἱῶν Γεδσὼν ἐν τῇ σκηνῇ τοῦ μαρτυρίου. ἡ σκηνὴ καὶ τὸ κάλυμμα, καὶ τὸ κατακάλυμμα τῆσ θύρασ τῆσ σκηνῆσ τοῦ μαρτυρίου καὶ τὰ ἱστία τῆσ αὐλῆσ καὶ τὸ καταπέτασμα τῆσ πύλησ τῆσ αὐλῆσ τῆσ οὔσησ ἐπὶ τῆσ σκηνῆσ καὶ τὰ κατάλοιπα πάντων τῶν ἔργων αὐτοῦ. τῷ Καὰθ δῆμοσ ὁ Ἀμρὰν εἷσ, καὶ δῆμοσ ὁ Ἰσαὰρ εἷσ, καὶ δῆμοσ ὁ Χεβρὼν εἷσ, καὶ δῆμοσ ὁ Ὀζιὴλ εἷσ. οὗτοί εἰσιν οἱ δῆμοι τοῦ Καάθ, κατὰ ἀριθμόν. πᾶν ἀρσενικὸν ἀπὸ μηνιαίου καὶ ἐπάνω, ὀκτακισχίλιοι καὶ ἐξακόσιοι φυλάσσοντεσ τὰσ φυλακὰσ τῶν ἁγίων. οἱ δῆμοι τῶν υἱῶν Καὰθ παρεμβαλοῦσιν ἐκ πλαγίων τῆσ σκηνῆσ κατὰ λίβα, καὶ ὁ ἄρχων οἴκου πατριῶν τῶν δήμων τοῦ Καὰθ Ἑλισαφάν, υἱὸσ Ὀζιήλ. καὶ ἡ φυλακὴ αὐτῶν, ἡ κιβωτὸσ καὶ ἡ τράπεζα καὶ ἡ λυχνία καὶ τὰ θυσιαστήρια καὶ τὰ σκεύη τοῦ ἁγίου, ὅσα λειτουργοῦσιν ἐν αὐτοῖσ καὶ τὸ κατακάλυμμα καὶ πάντα τὰ ἔργα αὐτῶν. καὶ ὁ ἄρχων ἐπὶ τῶν ἀρχόντων τῶν Λευιτῶν, Ἐλεάζαρ ὁ υἱὸσ Ἀαρὼν τοῦ ἱερέωσ, καθεσταμένοσ φυλάσσειν τὰσ φυλακὰσ τῶν ἁγίων. τῷ Μεραρὶ δῆμοσ ὁ Μοολὶ καὶ δῆμοσ ὁ Μουσί. οὗτοί εἰσι δῆμοι τοῦ Μεραρί. ἡ ἐπίσκεψισ αὐτῶν κατὰ ἀριθμόν, πᾶν ἀρσενικὸν ἀπὸ μηνιαίου καὶ ἐπάνω, ἑξακισχίλιοι καὶ πεντήκοντα. καὶ ὁ ἄρχων οἴκου πατριῶν τοῦ δήμου τοῦ Μεραρί, Σουριὴλ υἱὸσ Ἀβιχαίλ. ἐκ πλαγίων τῆσ σκηνῆσ παρεμβαλοῦσι πρὸσ βορρᾶν. ἡ ἐπίσκεψισ τῆσ φυλακῆσ υἱῶν Μεραρί, τὰσ κεφαλίδασ τῆσ σκηνῆσ καὶ τοὺσ μοχλοὺσ αὐτῆσ καὶ τοὺσ στύλουσ αὐτῆσ, καὶ τὰσ βάσεισ αὐτῆσ καὶ πάντα τὰ σκεύη αὐτῶν καὶ τὰ ἔργα αὐτῶν καὶ τοὺσ στύλουσ τῆσ αὐλῆσ κύκλῳ καὶ τὰσ βάσεισ αὐτῶν καὶ τοὺσ πασσάλουσ καὶ τοὺσ κάλουσ αὐτῶν. οἱ παρεμβάλλοντεσ κατὰ πρόσωπον τῆσ σκηνῆσ τοῦ μαρτυρίου ἀπὸ ἀνατολῆσ, Μωυσῆσ καὶ Ἀαρὼν καὶ οἱ υἱοὶ αὐτοῦ φυλάσσοντεσ τὰσ φυλακὰσ τοῦ ἁγίου εἰσ τὰσ φυλακὰσ τῶν υἱῶν Ἰσραήλ. καὶ ὁ ἀλλογενὴσ ὁ ἁπτόμενοσ ἀποθανεῖται. πᾶσα ἡ ἐπίσκεψισ τῶν Λευιτῶν, οὓσ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου κατὰ δήμουσ αὐτῶν, πᾶν ἀρσενικὸν ἀπὸ μηνιαίου καὶ ἐπάνω, δύο καὶ εἴκοσι χιλιάδεσ. Καὶ εἶπε Κύριοσ πρὸσ Μωυσῆν λέγων. ἐπίσκεψαι πᾶν πρωτότοκον ἄρσεν τῶν υἱῶν Ἰσραὴλ ἀπὸ μηνιαίου καὶ ἐπάνω καὶ λάβε τὸν ἀριθμὸν ἐξ ὀνόματοσ. καὶ λήψῃ τοὺσ Λευίτασ ἐμοί, ἐγὼ Κύριοσ, ἀντὶ πάντων τῶν πρωτοτόκων τῶν υἱῶν Ἰσραὴλ καὶ τὰ κτήνη τῶν Λευιτῶν ἀντὶ πάντων τῶν πρωτοτόκων ἐν τοῖσ κτήνεσι τῶν υἱῶν Ἰσραήλ. καὶ ἐπεσκέψατο Μωυσῆσ, ὃν τρόπον ἐνετείλατο Κύριοσ πᾶν πρωτότοκον ἐν τοῖσ υἱοῖσ Ἰσραήλ. καὶ ἐγένοντο πάντα τὰ πρωτότοκα τὰ ἀρσενικὰ κατὰ ἀριθμὸν ἐξ ὀνόματοσ ἀπὸ μηνιαίου καὶ ἐπάνω ἐκ τῆσ ἐπισκέψεωσ αὐτῶν δύο καὶ εἴκοσι χιλιάδεσ καὶ τρεῖσ καὶ ἑβδομήκοντα καὶ διακόσιοι. Καὶ ἐλάλησε Κύριοσ πρὸσ Μωυσῆν λέγων. λάβε τοὺσ Λευίτασ ἀντὶ πάντων τῶν πρωτοτόκων υἱῶν Ἰσραὴλ καὶ τὰ κτήνη τῶν Λευιτῶν ἀντὶ τῶν κτηνῶν αὐτῶν, καὶ ἔσονται ἐμοὶ οἱ Λευῖται. ἐγὼ Κύριοσ. καὶ τὰ λύτρα τριῶν καὶ ἑβδομήκοντα καὶ διακοσίων, οἱ πλεονάζοντεσ παρὰ τοὺσ Λευίτασ ἀπὸ τῶν πρωτοτόκων τῶν υἱῶν Ἰσραήλ, καὶ λήψῃ πέντε σίκλουσ κατὰ κεφαλήν, κατὰ τὸ δίδραχμον τὸ ἅγιον λήψῃ, εἴκοσιν ὀβολοὺσ τοῦ σίκλου, καὶ δώσεισ τὸ ἀργύριον Ἀαρὼν καὶ τοῖσ υἱοῖσ αὐτοῦ, λύτρα τῶν πλεοναζόντων ἐν αὐτοῖσ. καὶ ἔλαβε Μωυσῆσ τὸ ἀργύριον τὰ λύτρα τῶν πλεοναζόντων εἰσ τὴν ἐκλύτρωσιν τῶν Λευιτῶν, παρὰ τῶν πρωτοτόκων τῶν υἱῶν Ἰσραὴλ ἔλαβε τὸ ἀργύριον, χιλίουσ τριακοσίουσ ἑξηκονταπέντε σίκλουσ, κατὰ τὸν σίκλον τὸν ἅγιον. καὶ ἔδωκε Μωυσῆσ τὰ λύτρα τῶν πλεοναζόντων Ἀαρὼν καὶ τοῖσ υἱοῖσ αὐτοῦ, διὰ φωνῆσ Κυρίου, ὃν τρόπον συνέταξε Κύριοσ τῷ Μωυσῇ. ΚΑΙ ἐλάλησε Κύριοσ πρὸσ Μωυσῆν καὶ Ἀαρὼν λέγων.

λάβε τὸ κεφάλαιον τῶν υἱῶν Καὰθ ἐκ μέσου υἱῶν Λευί, κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ εἴκοσι καὶ πέντε ἐτῶν καὶ ἐπάνω ἕωσ πεντήκοντα ἐτῶν, πᾶσ ὁ εἰσπορευόμενοσ λειτουργεῖν ποιῆσαι πάντα τὰ ἔργα ἐν τῇ σκηνῇ τοῦ μαρτυρίου. καὶ ταῦτα τὰ ἔργα τῶν υἱῶν Καὰθ ἐν τῇ σκηνῇ τοῦ μαρτυρίου. ἅγιον τῶν ἁγίων. καὶ εἰσελεύσεται Ἀαρὼν καὶ οἱ υἱοὶ αὐτοῦ, ὅταν ἐξαίρῃ ἡ παρεμβολή, καὶ καθελοῦσι τὸ καταπέτασμα τὸ συσκιάζον καὶ κατακαλύψουσιν ἐν αὐτῷ τὴν κιβωτὸν τοῦ μαρτυρίου, καὶ ἐπιθήσουσιν ἐπ’ αὐτὸ κατακάλυμμα δέρμα ὑακίνθινον καὶ ἐπιβαλοῦσιν ἐπ’ αὐτὴν ἱμάτιον ὅλον ὑακίνθινον ἄνωθεν καὶ διεμβαλοῦσι τοὺσ ἀναφορεῖσ. καὶ ἐπὶ τὴν τράπεζαν τὴν προκειμένην ἐπιβαλοῦσιν ἐπ’ αὐτὴν ἱμάτιον ὁλοπόρφυρον καὶ τὰ τρυβλία καὶ τὰσ θυί̈σκασ καὶ τοὺσ κυάθουσ καὶ τὰ σπονδεῖα, ἐν οἷσ σπένδει, καὶ οἱ ἄρτοι οἱ διαπαντὸσ ἐπ’ αὐτῆσ ἔσονται. καὶ ἐπιβαλοῦσιν ἐπ’ αὐτὴν ἱμάτιον κόκκινον καὶ καλύψουσιν αὐτὴν καλύμματι δερματίνῳ ὑακινθίνῳ καὶ διεμβαλοῦσι δι’ αὐτῆσ τοὺσ ἀναφορεῖσ. καὶ λήψονται ἱμάτιον ὑακίνθινον καὶ καλύψουσι τὴν λυχνίαν τὴν φωτίζουσαν καὶ τοὺσ λύχνουσ αὐτῆσ καὶ τὰσ λαβίδασ αὐτῆσ καὶ τὰσ ἐπαρυστρίδασ αὐτῆσ καὶ πάντα τὰ ἀγγεῖα τοῦ ἐλαίου, οἷσ λειτουργοῦσιν ἐν αὐτοῖσ, καὶ ἐμβαλοῦσιν αὐτὴν καὶ πάντα τὰ σκεύη αὐτῆσ εἰσ κάλυμμα δερμάτινον ὑακίνθινον καὶ ἐπιθήσουσιν αὐτὴν ἐπ’ ἀναφορέων. καὶ ἐπὶ τὸ θυσιαστήριον τὸ χρυσοῦν ἐπικαλύψουσιν ἱμάτιον ὑακίνθινον καὶ καλύψουσιν αὐτὸ καλύμματι δερματίνῳ ὑακινθίνῳ καὶ διεμβαλοῦσι τοὺσ ἀναφορεῖσ αὐτοῦ. καὶ λήψονται πάντα τὰ σκεύη τὰ λειτουργικά, ὅσα λειτουργοῦσιν ἐν αὐτοῖσ ἐν τοῖσ ἁγίοισ, καὶ ἐμβαλοῦσιν εἰσ ἱμάτιον ὑακίνθινον καὶ καλύψουσιν αὐτὰ καλύμματι δερματίνῳ ὑακινθίνῳ καὶ ἐπιθήσουσιν ἐπὶ ἀναφορεῖσ. καὶ τὸν καλυπτῆρα ἐπιθήσει ἐπὶ τὸ θυσιαστήριον καὶ ἐπικαλύψουσιν ἐπ’ αὐτὸ ἱμάτιον ὁλοπόρφυρον. καὶ ἐπιθήσουσιν ἐπ’ αὐτὸ πάντα τὰ σκεύη, ὅσοισ λειτουργοῦσιν ἐπ’ αὐτῷ ἐν αὐτοῖσ, καὶ τὰ πυρεῖα καὶ τὰσ κρεάγρασ καὶ τὰσ φιάλασ καὶ τὸν καλυπτῆρα καὶ πάντα τὰ σκεύη τοῦ θυσιαστηρίου. καὶ ἐπιβαλοῦσιν ἐπ’ αὐτὸ κάλυμμα δερμάτινον ὑακίνθινον, καὶ διεμβαλοῦσι τοὺσ ἀναφορεῖσ αὐτοῦ. καὶ λήψονται ἱμάτιον πορφυροῦν καὶ συγκαλύψουσι τὸν λουτῆρα καὶ τὴν βάσιν αὐτοῦ καὶ ἐμβαλοῦσιν αὐτὰ εἰσ κάλυμμα δερμάτινον ὑακίνθινον καὶ ἐπιθήσουσιν ἐπὶ ἀναφορεῖσ. καὶ συντελέσουσιν Ἀαρὼν καὶ οἱ υἱοὶ αὐτοῦ καλύπτοντεσ τὰ ἅγια καὶ πάντα τὰ σκεύη τὰ ἅγια ἐν τῷ ἐξαίρειν τὴν παρεμβολήν, καὶ μετὰ ταῦτα εἰσελεύσονται υἱοὶ Καὰθ αἴρειν καὶ οὐχ ἅψονται τῶν ἁγίων, ἵνα μὴ ἀποθάνωσι. ταῦτα ἀροῦσιν οἱ υἱοὶ Καὰθ ἐν τῇ σκηνῇ τοῦ μαρτυρίου. ἐπίσκοποσ Ἐλεάζαρ υἱὸσ Ἀαρὼν τοῦ ἱερέωσ. τὸ ἔλαιον τοῦ φωτὸσ καὶ τὸ θυμίαμα τῆσ συνθέσεωσ καὶ ἡ θυσία ἡ καθ’ ἡμέραν καὶ τὸ ἔλαιον τῆσ χρίσεωσ, ἡ ἐπισκοπὴ ὅλησ τῆσ σκηνῆσ καὶ ὅσα ἐστὶν ἐν αὐτῇ ἐν τῷ ἁγίῳ, ἐν πᾶσι τοῖσ ἔργοισ. καὶ ἐλάλησε Κύριοσ πρὸσ Μωυσῆν καὶ Ἀαρὼν λέγων. μὴ ὀλοθρεύσητε τῆσ φυλῆσ τὸν δῆμον τὸν Καὰθ ἐκ μέσου τῶν Λευιτῶν. τοῦτο ποιήσατε αὐτοῖσ καὶ ζήσονται καὶ οὐ μὴ ἀποθάνωσι, προσπορευομένων αὐτῶν πρὸσ τὰ ἅγια τῶν ἁγίων. Ἀαρὼν καὶ οἱ υἱοὶ αὐτοῦ προσπορευέσθωσαν καὶ καταστήσουσιν αὐτοὺσ ἕκαστον κατὰ τὴν ἀναφορὰν αὐτοῦ, καὶ οὐ μὴ εἰσέλθωσιν ἰδεῖν ἐξάπινα τὰ ἅγια καὶ ἀποθανοῦνται. καὶ ἐλάλησε Κύριοσ πρὸσ Μωυσῆν λέγων. λάβε τὴν ἀρχὴν τῶν υἱῶν Γεδσών, καὶ τούτουσ κατ’ οἴκουσ πατριῶν αὐτῶν, κατὰ δήμουσ αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ ἐπίσκεψαι αὐτούσ, πᾶσ ὁ εἰσπορευόμενοσ λειτουργεῖν καὶ ποιεῖν τὰ ἔργα αὐτοῦ ἐν τῇ σκηνῇ τοῦ μαρτυρίου. αὕτη ἡ λειτουργία τοῦ δήμου τοῦ Γεδσών, λειτουργεῖν καὶ αἴρειν. καὶ ἀρεῖ τὰσ δέρρεισ τῆσ σκηνῆσ καὶ τὴν σκηνὴν τοῦ μαρτυρίου καὶ τὸ κάλυμμα αὐτῆσ καὶ τὸ κατακάλυμμα τὸ ὑακίνθινον τὸ ὂν ἐπ’ αὐτῆσ ἄνωθεν καὶ τὸ κάλυμμα τῆσ θύρασ τῆσ σκηνῆσ τοῦ μαρτυρίου καὶ τὰ ἱστία τῆσ αὐλῆσ, ὅσα ἐπὶ τῆσ σκηνῆσ τοῦ μαρτυρίου, καὶ τὰ περισσὰ καὶ πάντα τὰ σκεύη τὰ λειτουργικά, ὅσα λειτουργοῦσιν ἐν αὐτοῖσ, ποιήσουσι. κατὰ στόμα Ἀαρὼν καὶ τῶν υἱῶν αὐτοῦ ἔσται ἡ λειτουργία τῶν υἱῶν Γεδσὼν κατὰ πάσασ τὰσ λειτουργίασ αὐτῶν καὶ κατὰ πάντα τὰ ἔργα αὐτῶν. καὶ ἐπισκέψῃ αὐτοὺσ ἐξ ὀνόματοσ πάντα τὰ ἀρτὰ ὑπ’ αὐτῶν. αὕτη ἡ λειτουργία τῶν υἱῶν Γεδσὼν ἐν τῇ σκηνῇ τοῦ μαρτυρίου, καὶ ἡ φυλακὴ αὐτῶν ἐν χειρὶ Ἰθάμαρ τοῦ υἱοῦ Ἀαρὼν τοῦ ἱερέωσ. οἱ υἱοὶ Μεραρὶ κατὰ δήμουσ αὐτῶν, κατ’ οἴκουσ πατριῶν αὐτῶν ἐπισκέψασθε αὐτούσ, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ ἐπισκέψασθε αὐτούσ, πᾶσ ὁ εἰσπορευόμενοσ λειτουργεῖν τὰ ἔργα τῆσ σκηνῆσ τοῦ μαρτυρίου. καὶ ταῦτα τὰ φυλάγματα τῶν αἰρομένων ὑπ’ αὐτῶν κατὰ πάντα τὰ ἔργα αὐτῶν ἐν τῇ σκηνῇ τοῦ μαρτυρίου. τὰσ κεφαλίδασ τῆσ σκηνῆσ καὶ τοὺσ μοχλοὺσ καὶ τοὺσ στύλουσ αὐτῆσ καὶ τὰσ βάσεισ αὐτῆσ, καὶ τὸ κατακάλυμμα καὶ αἱ βάσεισ αὐτῶν, καὶ οἱ στύλοι αὐτῶν καὶ τὸ κατακάλυμμα τῆσ θύρασ τῆσ σκηνῆς καὶ τοὺσ στύλουσ τῆσ αὐλῆσ κύκλῳ, καὶ αἱ βάσεισ αὐτῶν καὶ τοὺσ στύλουσ τοῦ καταπετάσματοσ τῆσ πύλησ τῆσ αὐλῆσ, καὶ τὰσ βάσεισ αὐτῶν, καὶ τοὺσ πασσάλουσ αὐτῶν καὶ τοὺσ κάλουσ αὐτῶν καὶ πάντα τὰ σκεύη αὐτῶν καὶ πάντα τὰ λειτουργήματα αὐτῶν, ἐξ ὀνομάτων ἐπισκέψασθε αὐτοὺσ καὶ πάντα τὰ σκεύη τῆσ φυλακῆσ τῶν αἰρομένων ὑπ’ αὐτῶν. αὕτη ἡ λειτουργία δήμου υἱῶν Μεραρὶ ἐν πᾶσι τοῖσ ἔργοισ αὐτῶν ἐν τῇ σκηνῇ τοῦ μαρτυρίου ἐν χειρὶ Ἰθάμαρ τοῦ υἱοῦ Ἀαρὼν τοῦ ἱερέωσ. καὶ ἐπεσκέψατο Μωυσῆσ καὶ Ἀαρὼν καὶ οἱ ἄρχοντεσ Ἰσραὴλ τοὺσ υἱοὺσ Καὰθ κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ λειτουργεῖν καὶ ποιεῖν ἐν τῇ σκηνῇ τοῦ μαρτυρίου. καὶ ἐγένετο ἡ ἐπίσκεψισ αὐτῶν κατὰ δήμουσ αὐτῶν δισχίλιοι ἑπτακόσιοι πεντήκοντα. αὕτη ἡ ἐπίσκεψισ δήμου Καάθ, πᾶσ ὁ λειτουργῶν ἐν τῇ σκηνῇ τοῦ μαρτυρίου, καθὰ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου, ἐν χειρὶ Μωυσῇ. καὶ ἐπεσκέπησαν υἱοὶ Γεδσὼν κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ λειτουργεῖν καὶ ποιεῖν τὰ ἔργα ἐν τῇ σκηνῇ τοῦ μαρτυρίου. καὶ ἐγένετο ἡ ἐπίσκεψισ αὐτῶν κατὰ δήμουσ αὐτῶν, κατ’ οἴκουσ πατριῶν αὐτῶν, δισχίλιοι ἑξακόσιοι τριάκοντα. αὕτη ἡ ἐπίσκεψισ δήμου υἱῶν Γεδσών, πᾶσ ὁ λειτουργῶν ἐν τῇ σκηνῇ τοῦ μαρτυρίου, οὓσ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου, ἐν χειρὶ Μωυσῆ. ἐπεσκέπησαν δὲ καὶ δῆμοσ υἱῶν Μεραρὶ κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ λειτουργεῖν πρὸσ τὰ ἔργα τῆσ σκηνῆσ τοῦ μαρτυρίου. καὶ ἐγενήθη ἡ ἐπίσκεψισ αὐτῶν κατὰ δήμουσ αὐτῶν, κατ’ οἴκουσ πατριῶν αὐτῶν, τρισχίλιοι καὶ διακόσιοι. αὕτη ἡ ἐπίσκεψισ δήμου υἱῶν Μεραρί, οὓσ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου, ἐν χειρὶ Μωυσῆ. πάντεσ οἱ ἐπεσκεμμένοι, οὓσ ἐπεσκέψατο Μωυσῆσ καὶ Ἀαρὼν καὶ οἱ ἄρχοντεσ Ἰσραὴλ τοὺσ Λευίτασ, κατὰ δήμουσ καὶ κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ πρὸσ τὸ ἔργον τῶν ἔργων καὶ τὰ ἔργα τὰ αἰρόμενα ἐν τῇ σκηνῇ τοῦ μαρτυρίου, καὶ ἐγενήθησαν οἱ ἐπισκεπέντεσ ὀκτακισχίλιοι πεντακόσιοι ὀγδοήκοντα. διὰ φωνῆσ Κυρίου ἐπεσκέψατο αὐτοὺσ ἐν χειρὶ Μωυσῆ, ἄνδρα κατὰ ἄνδρα ἐπὶ τῶν ἔργων αὐτῶν καὶ ἐπὶ ὧν αἴρουσιν αὐτοί. καὶ ἐπεσκέπησαν, ὃν τρόπον συνέταξε Κύριοσ τῷ Μωυσῇ. ΚΑΙ ἐλάλησε Κύριοσ πρὸσ Μωυσῆν λέγων.

πρόσταξον τοῖσ υἱοῖσ Ἰσραὴλ καὶ ἐξαποστειλάτωσαν ἐκ τῆσ παρεμβολῆσ πάντα λεπρὸν καὶ πάντα γονορρυῆ καὶ πάντα ἀκάθαρτον ἐπὶ ψυχῇ. ἀπὸ ἀρσενικοῦ ἕωσ θηλυκοῦ ἐξαποστείλατε ἔξω τῆσ παρεμβολῆσ, καὶ οὐ μὴ μιανοῦσι τὰσ παρεμβολὰσ αὐτῶν, ἐν οἷσ ἐγὼ καταγίνομαι ἐν αὐτοῖσ. καὶ ἐποίησαν οὕτωσ οἱ υἱοὶ Ἰσραὴλ καὶ ἐξαπέστειλαν αὐτοὺσ ἔξω τῆσ παρεμβολῆσ. καθὰ ἐλάλησε Κύριοσ Μωυσῇ, οὕτωσ ἐποίησαν οἱ υἱοὶ Ἰσραήλ. καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ λέγων. ἀνὴρ ἢ γυνή, ὅσ τισ ἂν ποιήσῃ ἀπὸ πασῶν τῶν ἁμαρτιῶν τῶν ἀνθρωπίνων, καὶ παριδὼν παρίδῃ καὶ πλημμελήσῃ ἡ ψυχὴ ἐκείνη, ἐξαγορεύσει τὴν ἁμαρτίαν, ἣν ἐποίησε, καὶ ἀποδώσει τὴν πλημμέλειαν τὸ κεφάλαιον καὶ τὸ ἐπίπεμπτον αὐτοῦ προσθήσει ἐπ’ αὐτό, καὶ ἀποδώσει, τίνι ἐπλημμέλησεν αὐτῷ. ἐὰν δὲ μὴ ᾖ τῷ ἀνθρώπῳ ὁ ἀγχιστεύων, ὥστε ἀποδοῦναι αὐτῷ τὸ πλημμέλημα πρὸσ αὐτόν, τὸ πλημμέλημα τὸ ἀποδιδόμενον Κυρίῳ τῷ ἱερεῖ ἔσται, πλὴν τοῦ κριοῦ τοῦ ἱλασμοῦ, δι’ οὗ ἐξιλάσεται ἐν αὐτῷ περὶ αὐτοῦ. καὶ πᾶσα ἀπαρχὴ κατὰ πάντα τὰ ἁγιαζόμενα ἐν υἱοῖσ Ἰσραήλ, ὅσα ἐὰν προσφέρωσι Κυρίῳ, τῷ ἱερεῖ αὐτῷ ἔσται. καὶ ἑκάστου τὰ ἡγιασμένα αὐτοῦ ἔσται. καὶ ἀνήρ, ὃσ ἂν δῷ τῷ ἱερεῖ, αὐτῷ ἔσται. Καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραήλ, καὶ ἐρεῖσ πρὸσ αὐτούσ. ἀνδρὸσ ἀνδρόσ, ἐὰν παραβῇ ἡ γυνὴ αὐτοῦ, καὶ ὑπεριδοῦσα παρίδῃ αὐτὸν καὶ κοιμηθῇ τισ μετ’ αὐτῆσ κοίτην σπέρματοσ, καὶ λάθῃ ἐξ ὀφθαλμῶν τοῦ ἀνδρὸσ αὐτῆσ καὶ κρύψῃ, αὐτὴ δὲ ᾖ μεμιασμένη καὶ μάρτυσ μὴ ἦν μετ’ αὐτῆσ, καὶ αὐτὴ μὴ ᾖ συνειλημμένη, καὶ ἐπέλθῃ αὐτῷ πνεῦμα ζηλώσεωσ καὶ ζηλώσῃ τὴν γυναῖκα αὐτοῦ, αὐτὴ δὲ μεμίανται, ἢ ἐπέλθῃ αὐτῷ πνεῦμα ζηλώσεωσ καὶ ζηλώσῃ τὴν γυναῖκα αὐτοῦ, αὐτὴ δὲ μὴ ᾖ μεμιασμένη, καὶ ἄξει ὁ ἄνθρωποσ τὴν γυναῖκα αὐτοῦ πρὸσ τὸν ἱερέα καὶ προσοίσει τὸ δῶρον περὶ αὐτῆσ, τὸ δέκατον τοῦ οἰφὶ ἄλευρον κρίθινον, οὐκ ἐπιχεεῖ ἐπ’ αὐτὸ ἔλαιον, οὐδὲ ἐπιθήσει ἐπ’ αὐτὸ λίβανον. ἔστι γὰρ θυσία ζηλοτυπίασ, θυσία μνημοσύνου, ἀναμιμνήσκουσα ἁμαρτίαν. καὶ προσάξει αὐτὴν ὁ ἱερεὺσ καὶ στήσει αὐτὴν ἔναντι Κυρίου, καὶ λήψεται ὁ ἱερεὺσ ὕδωρ καθαρὸν ζῶν ἐν ἀγγείῳ ὀστρακίνῳ καὶ τῆσ γῆσ τῆσ οὔσησ ἐπὶ τοῦ ἐδάφουσ τῆσ σκηνῆσ τοῦ μαρτυρίου, καὶ λαβὼν ὁ ἱερεὺσ ἐμβαλεῖ εἰσ τὸ ὕδωρ. καὶ στήσει ὁ ἱερεὺσ τὴν γυναῖκα ἔναντι Κυρίου καὶ ἀποκαλύψει τὴν κεφαλὴν τῆσ γυναικὸσ καὶ δώσει ἐπὶ τὰσ χεῖρασ αὐτῆσ τὴν θυσίαν τοῦ μνημοσύνου, τὴν θυσίαν τῆσ ζηλοτυπίασ, ἐν δὲ τῇ χειρὶ τοῦ ἱερέωσ ἔσται τὸ ὕδωρ τοῦ ἐλεγμοῦ τοῦ ἐπικαταρωμένου τούτου. καὶ ὁρκιεῖ αὐτὴν ὁ ἱερεύσ, καὶ ἐρεῖ τῇ γυναικί. εἰ μὴ κεκοίμηταί τισ μετὰ σοῦ, εἰ μὴ παραβέβηκασ μιανθῆναι ὑπὸ τὸν ἄνδρα τὸν σεαυτῆσ, ἀθῴα ἴσθι ἀπὸ τοῦ ὕδατοσ τοῦ ἐλεγμοῦ τοῦ ἐπικαταρωμένου τούτου. εἰ δὲ σὺ παραβέβηκασ ὕπανδροσ οὖσα, ἢ μεμίανσαι καὶ ἔδωκέ τισ τὴν κοίτην αὐτοῦ ἐν σοί, πλὴν τοῦ ἀνδρόσ σου. καὶ ὁρκιεῖ ὁ ἱερεὺσ τὴν γυναῖκα ἐν τοῖσ ὅρκοισ τῆσ ἀρᾶσ ταύτησ, καὶ ἐρεῖ ὁ ἱερεὺσ τῇ γυναικί. δῴη σε Κύριοσ ἐν ἀρᾷ καὶ ἐνόρκιον ἐν μέσῳ τοῦ λαοῦ σου, ἐν τῷ δοῦναι Κύριον τὸν μηρόν σου διαπεπτωκότα, καὶ τὴν κοιλίαν σου πεπρησμένην, καὶ εἰσελεύσεται τὸ ὕδωρ τὸ ἐπικαταρώμενον τοῦτο εἰσ τὴν κοιλίαν σου πρῆσαι γαστέρα καὶ διαπεσεῖν μηρόν σου. καὶ ἐρεῖ ἡ γυνή. γένοιτο, γένοιτο. καὶ γράψει ὁ ἱερεὺσ τὰσ ἀρὰσ ταύτασ εἰσ βιβλίον, καὶ ἐξαλείψει εἰσ τὸ ὕδωρ τοῦ ἐλεγμοῦ τοῦ ἐπικαταρωμένου. καὶ ποτιεῖ τὴν γυναῖκα τὸ ὕδωρ τοῦ ἐλεγμοῦ τοῦ ἐπικαταρωμένου, καὶ εἰσελεύσεται εἰσ αὐτὴν τὸ ὕδωρ τὸ ἐπικαταρώμενον τοῦ ἐλεγμοῦ. καὶ λήψεται ὁ ἱερεὺσ ἐκ χειρὸσ τῆσ γυναικὸσ τὴν θυσίαν τῆσ ζηλοτυπίασ καὶ ἐπιθήσει τὴν θυσίαν ἔναντι Κυρίου καὶ προσοίσει αὐτὴν πρὸσ τὸ θυσιαστήριον, καὶ δράξεται ὁ ἱερεὺσ ἀπὸ τῆσ θυσίασ τὸ μνημόσυνον αὐτῆσ καὶ ἀνοίσει αὐτὸ ἐπὶ τὸ θυσιαστήριον καὶ μετὰ ταῦτα ποτιεῖ τὴν γυναῖκα τὸ ὕδωρ. καὶ ἔσται, ἐὰν ᾖ μεμιασμένη καὶ λήθῃ λάθη τὸν ἄνδρα αὐτῆσ, καὶ εἰσελεύσεται εἰσ αὐτὴν τὸ ὕδωρ τοῦ ἐλεγμοῦ τὸ ἐπικαταρώμενον, καὶ πρησθήσεται τὴν κοιλίαν, καὶ διαπεσεῖται ὁ μηρὸσ αὐτῆσ, καὶ ἔσται ἡ γυνὴ εἰσ ἀρὰν τῷ λαῷ αὐτῆσ. ἐὰν δὲ μὴ μιανθῇ ἡ γυνὴ καὶ καθαρὰ ᾖ, καὶ ἀθῴα ἔσται καὶ ἐκσπερματιεῖ σπέρμα. οὗτοσ ὁ νόμοσ τῆσ ζηλοτυπίασ, ᾧ ἂν παραβῇ ἡ γυνὴ ὕπανδροσ οὖσα καὶ μιανθῇ. ἢ ἄνθρωποσ, ᾧ ἐὰν ἐπέλθῃ ἐπ’ αὐτὸν πνεῦμα ζηλώσεωσ καὶ ζηλώσῃ τὴν γυναῖκα αὐτοῦ, καὶ στήσῃ τὴν γυναῖκα αὐτοῦ ἔναντι Κυρίου, καὶ ποιήσῃ αὐτῇ ὁ ἱερεὺσ πάντα τὸν νόμον τοῦτον. καὶ ἀθῷοσ ἔσται ὁ ἄνθρωποσ ἀπὸ ἁμαρτίασ, καὶ ἡ γυνὴ ἐκείνη λήψεται τὴν ἁμαρτίαν αὐτῆσ. ΚΑΙ ἐλάλησε Κύριοσ πρὸσ Μωυσῆν λέγων.

λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ἀνὴρ ἢ γυνή, ὃσ ἐὰν μεγάλωσ εὔξηται εὐχὴν ἀφαγνίσασθαι ἁγνείαν Κυρίῳ, ἀπὸ οἴνου καὶ σίκερα ἁγνισθήσεται καὶ ὄξοσ ἐξ οἴνου καὶ ὄξοσ ἐκ σίκερα οὐ πίεται καὶ ὅσα κατεργάζεται ἐκ σταφυλῆσ οὐ πίεται καὶ σταφυλὴν πρόσφατον καὶ σταφίδα οὐ φάγεται. πάσασ τὰσ ἡμέρασ τῆσ εὐχῆσ αὐτοῦ. ἀπὸ πάντων ὅσα γίνεται ἐξ ἀμπέλου, οἶνον ἀπὸ στεμφύλων ἕωσ γιγάρτου οὐ φάγεται. πάσασ τὰσ ἡμέρασ τοῦ ἁγνισμοῦ ξυρὸν οὐκ ἐπελεύσεται ἐπὶ τὴν κεφαλὴν αὐτοῦ, ἕωσ ἂν πληρωθῶσιν αἱ ἡμέραι, ὅσασ ηὔξατο Κυρίῳ. ἅγιοσ ἔσται τρέφων κόμην τρίχα κεφαλῆσ. πάσασ τὰσ ἡμέρασ τῆσ εὐχῆσ Κυρίῳ ἐπὶ πάσῃ ψυχῇ τετελευτηκυίᾳ οὐκ εἰσελεύσεται. ἐπὶ πατρὶ καὶ μητρὶ καὶ ἐπ’ ἀδελφῷ καὶ ἐπ’ ἀδελφῇ, οὐ μιανθήσεται ἐπ’ αὐτοῖσ ἀποθανόντων αὐτῶν, ὅτι εὐχὴ Θεοῦ αὐτοῦ ἐπ’ αὐτῷ ἐπὶ κεφαλῆσ αὐτοῦ. πάσασ τὰσ ἡμέρασ τῆσ εὐχῆσ αὐτοῦ ἅγιοσ ἔσται Κυρίῳ. ἐὰν δέ τισ ἀποθάνῃ ἐπ’ αὐτῷ ἐξάπινα, παραχρῆμα μιανθήσεται ἡ κεφαλὴ εὐχῆσ αὐτοῦ, καὶ ξυρήσεται τὴν κεφαλὴν αὐτοῦ ᾗ ἂν ἡμέρᾳ καθαρισθῇ. τῇ ἡμέρᾳ τῇ ἑβδόμῃ ξυρηθήσεται. καὶ τῇ ἡμέρᾳ τῇ ὀγδόῃ οἴσει δύο τρυγόνασ ἢ δύο νεοσσοὺσ περιστερῶν πρὸσ τὸν ἱερέα, ἐπὶ τὰσ θύρασ τῆσ σκηνῆσ τοῦ μαρτυρίου, καὶ ποιήσει ὁ ἱερεὺσ μίαν περὶ ἁμαρτίασ καὶ μίαν εἰσ ὁλοκαύτωμα, καὶ ἐξιλάσεται περὶ αὐτοῦ ὁ ἱερεὺσ περὶ ὧν ἥμαρτε περὶ τῆσ ψυχῆσ καὶ ἁγιάσει τὴν κεφαλὴν αὐτοῦ ἐν ἐκείνῃ τῇ ἡμέρᾳ, ᾗ ἡγιάσθη Κυρίῳ, τὰσ ἡμέρασ τῆσ εὐχῆσ, καὶ προσάξει ἀμνὸν ἐνιαύσιον εἰσ πλημμέλειαν, καὶ αἱ ἡμέραι αἱ πρότεραι ἄλογοι ἔσονται, ὅτι ἐμιάνθη ἡ κεφαλὴ εὐχῆσ αὐτοῦ. Καὶ οὗτοσ ὁ νόμοσ τοῦ εὐξαμένου. ᾗ ἂν ἡμέρᾳ πληρώσῃ ἡμέρασ εὐχῆσ αὐτοῦ, προσοίσει αὐτὸσ παρὰ τὰσ θύρασ τῆσ σκηνῆσ τοῦ μαρτυρίου καὶ προσάξει τὸ δῶρον αὐτοῦ Κυρίῳ ἀμνὸν ἐνιαύσιον ἄμωμον ἕνα εἰσ ὁλοκαύτωσιν καὶ ἀμνάδα ἐνιαυσίαν μίαν ἄμωμον εἰσ ἁμαρτίαν καὶ κριὸν ἕνα ἄμωμον εἰσ σωτήριον καὶ κανοῦν ἀζύμων σεμιδάλεωσ ἄρτουσ ἀναπεποιημένουσ ἐν ἐλαίῳ καὶ λάγανα ἄζυμα κεχρισμένα ἐν ἐλαίῳ καὶ θυσίαν αὐτῶν καὶ σπονδὴν αὐτῶν. καὶ προσοίσει ὁ ἱερεὺσ ἔναντι Κυρίου καὶ ποιήσει τὸ περὶ ἁμαρτίασ αὐτοῦ καὶ τὸ ὁλοκαύτωμα αὐτοῦ καὶ τὸν κριὸν ποιήσει θυσίαν σωτηρίου τῷ Κυρίῳ ἐπὶ τῷ κανῷ τῶν ἀζύμων, καὶ ποιήσει ὁ ἱερεὺσ τὴν θυσίαν αὐτοῦ καὶ τὴν σπονδὴν αὐτοῦ. καὶ ξυρήσεται ὁ ηὐγμένοσ παρὰ τὰσ θύρασ τῆσ σκηνῆσ τοῦ μαρτυρίου τὴν κεφαλὴν τῆσ εὐχῆσ αὐτοῦ καὶ ἐπιθήσει τὰσ τρίχασ ἐπὶ τὸ πῦρ, ὅ ἐστιν ὑπὸ τὴν θυσίαν τοῦ σωτηρίου. καὶ λήψεται ὁ ἱερεὺσ τὸν βραχίονα ἑφθὸν ἀπὸ τοῦ κριοῦ καὶ ἄρτον ἕνα ἄζυμον ἀπὸ τοῦ κανοῦ καὶ λάγανον ἄζυμον ἓν καὶ ἐπιθήσει ἐπὶ τὰσ χεῖρασ τοῦ ηὐγμένου μετὰ τὸ ξυρήσασθαι αὐτὸν τὴν εὐχὴν αὐτοῦ. καὶ προσοίσει αὐτὰ ὁ ἱερεὺσ ἐπίθεμα ἔναντι Κυρίου, ἅγιον ἔσται τῷ ἱερεῖ ἐπὶ τοῦ στηθυνίου τοῦ ἐπιθέματοσ καὶ ἐπὶ τοῦ βραχίονοσ τοῦ ἀφαιρέματοσ, καὶ μετὰ ταῦτα πίεται ὁ ηὐγμένοσ οἶνον. οὗτοσ ὁ νόμοσ τοῦ εὐξαμένου, ὃσ ἂν εὔξηται Κυρίῳ δῶρον αὐτοῦ Κυρίῳ περὶ τῆσ εὐχῆσ, χωρὶσ ὧν ἂν εὕρῃ ἡ χεὶρ αὐτοῦ, κατὰ δύναμιν τῆσ εὐχῆσ αὐτοῦ, ἣν ἂν εὔξηται κατὰ νόμον ἁγνείασ. Καὶ ἐλάλησε Κύριοσ πρὸσ Μωυσῆν λέγων. λάλησον Ἀαρὼν καὶ τοῖσ υἱοῖσ αὐτοῦ λέγων. οὕτωσ εὐλογήσετε τοὺσ υἱοὺσ Ἰσραήλ, λέγοντεσ αὐτοῖσ. εὐλογήσαι σε Κύριοσ καὶ φυλάξαι σε. ἐπιφάναι Κύριοσ τὸ πρόσωπον αὐτοῦ ἐπὶ σὲ καὶ ἐλεήσαι σε. ἐπάραι Κύριοσ τὸ πρόσωπον αὐτοῦ ἐπὶ σὲ καὶ δώῃ σοι εἰρήνην. καὶ ἐπιθήσουσι τὸ ὄνομά μου ἐπὶ τοὺσ υἱοὺσ Ἰσραήλ, καὶ ἐγὼ Κύριοσ εὐλογήσω αὐτούσ. ΚΑΙ ἐγένετο ᾗ ἡμέρᾳ συνετέλεσε Μωυσῆσ, ὥστε ἀναστῆσαι τὴν σκηνὴν καὶ ἔχρισεν αὐτὴν καὶ ἡγίασεν αὐτὴν καὶ πάντα τὰ σκεύη αὐτῆσ καὶ τὸ θυσιαστήριον καὶ πάντα τὰ σκεύη αὐτοῦ καὶ ἔχρισεν αὐτὰ καὶ ἡγίασεν αὐτά,

καὶ προσήνεγκαν οἱ ἄρχοντεσ Ἰσραήλ, δώδεκα ἄρχοντεσ οἴκων πατριῶν αὐτῶν, οὗτοι οἱ ἄρχοντεσ φυλῶν, οὗτοι οἱ παρεστηκότεσ ἐπὶ τῆσ ἐπισκοπῆσ, καὶ ἤνεγκαν τὸ δῶρον αὐτῶν ἔναντι Κυρίου, ἓξἁμάξασ λαμπηνικὰσ καὶ δώδεκα βόασ, ἅμαξαν παρὰ δύο ἀρχόντων, καὶ μόσχον παρὰ ἑκάστου, καὶ προσήγαγον ἐναντίον τῆσ σκηνῆσ. καὶ εἶπε Κύριοσ πρὸσ Μωυσῆν λέγων. λάβε παρ’ αὐτῶν, καὶ ἔσονται πρὸσ τὰ ἔργα τὰ λειτουργικὰ τῆσ σκηνῆσ τοῦ μαρτυρίου, καὶ δώσεισ αὐτὰ τοῖσ Λευίταισ, ἑκάστῳ κατὰ τὴν αὐτοῦ λειτουργίαν. καὶ λαβὼν Μωυσῆσ τὰσ ἁμάξασ καὶ τοὺσ βόασ, ἔδωκεν αὐτὰ τοῖσ Λευίταισ. καὶ τὰσ δύο ἁμάξασ καὶ τοὺσ τέσσαρασ βόασ ἔδωκε τοῖσ υἱοῖσ Γεδσὼν κατὰ τὰσ λειτουργίασ αὐτῶν καὶ τὰσ τέσσαρασ ἁμάξασ καὶ τοὺσ ὀκτὼ βόασ ἔδωκε τοῖσ υἱοῖσ Μεραρὶ κατὰ τὰσ λειτουργίασ αὐτῶν, διὰ Ἰθάμαρ υἱοῦ Ἀαρὼν τοῦ ἱερέωσ. καὶ τοῖσ υἱοῖσ Καὰθ οὐ δέδωκεν, ὅτι τὰ λειτουργήματα τοῦ ἁγίου ἔχουσιν. ἐπ’ ὤμων ἀροῦσιν. καὶ προσήνεγκαν οἱ ἄρχοντεσ εἰσ τὸν ἐγκαινισμὸν τοῦ θυσιαστηρίου, ἐν τῇ ἡμέρᾳ ᾗ ἔχρισεν αὐτό, καὶ προσήνεγκαν οἱ ἄρχοντεσ τὰ δῶρα αὐτῶν ἀπέναντι τοῦ θυσιαστηρίου. καὶ εἶπε Κύριοσ πρὸσ Μωυσῆν. ἄρχων εἷσ καθ’ ἡμέραν, ἄρχων καθ’ ἡμέραν προσοίσουσι τὰ δῶρα αὐτῶν εἰσ τὸν ἐγκαινισμὸν τοῦ θυσιαστηρίου. Καὶ ἦν ὁ προσφέρων ἐν τῇ ἡμέρᾳ τῇ πρώτῃ τὸ δῶρον αὐτοῦ Ναασσὼν υἱὸσ Ἀμιναδάβ, ἄρχων τῆσ φυλῆσ Ἰούδα. καὶ προσήνεγκε τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο δῶρον Ναασὼν υἱοῦ Ἀμιναδάβ. τῇ ἡμέρᾳ τῇ δευτέρᾳ προσήνεγκε Ναθαναὴλ υἱὸσ Σωγάρ, ὁ ἄρχων τῆσ φυλῆσ Ἰσσάχαρ. καὶ προσήνεγκε τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Ναθαναὴλ υἱοῦ Σωγάρ. τῇ ἡμέρᾳ τῇ τρίτῃ ἄρχων τῶν υἱῶν Ζαβουλὼν Ἑλιὰβ υἱὸσ Χαιλών. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε, τοῦτο τὸ δῶρον Ἑλιὰβ υἱοῦ Χαιλών. τῇ ἡμέρᾳ τῇ τετάρτῃ ἄρχων τῶν υἱῶν Ρουβὴν Ἑλισοὺρ υἱὸσ Σεδιούρ. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε, τοῦτο τὸ δῶρον Ἑλισοὺρ υἱοῦ Σεδιούρ. τῇ ἡμέρᾳ τῇ πέμπτῃ ἄρχων τῶν υἱῶν Συμεὼν Σαλαμιὴλ υἱὸσ Σουρισαδαί. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Σαλαμιὴλ υἱοῦ Σουρισαδαί. τῇ ἡμέρᾳ τῇ ἕκτῃ ἄρχων τῶν υἱῶν Γάδ, Ἐλισὰφ υἱὸσ Ραγουήλ. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Ἐλισὰφ υἱοῦ Ραγουήλ. τῇ ἡμέρᾳ τῇ ἑβδόμῃ ἄρχων τῶν υἱῶν Ἐφραὶμ Ἐλισαμὰ υἱὸσ Ἐμιούδ. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν, πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Ἐλισαμὰ υἱοῦ Ἐμιούδ. τῇ ἡμέρᾳ τῇ ὀγδόῃ ἄρχων τῶν υἱῶν Μανασσῆ Γαμαλιὴλ υἱὸσ Φαδασσούρ. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Γαμαλιὴλ υἱοῦ Φαδασσούρ. τῇ ἡμέρᾳ τῇ ἐνάτῃ ἄρχων τῶν υἱῶν Βενιαμὶν Ἀβιδὰν υἱὸσ Γαδεωνί. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Ἀβιδὰν υἱοῦ Γαδεωνί. τῇ ἡμέρῃ τῇ δεκάτῃ ἄρχων τῶν υἱῶν Δὰν Ἀχιέζερ υἱὸσ Ἀμισαδαί. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Ἀχιέζερ υἱοῦ Ἀμισαδαί. τῇ ἡμέρᾳ τῇ ἑνδεκάτῃ ἄρχων τῶν υἱῶν Ἀσήρ, Φαγεὴλ υἱὸσ Ἐχράν. τὸ δῶρον αὐτοῦ τρυβλίον ἀργυροῦν, ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἐνιαύσιον ἕνα εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Φαγεὴλ υἱοῦ Ἐχράν. τῇ ἡμέρᾳ τῇ δωδεκάτῃ ἄρχων τῶν υἱῶν Νεφθαλὶ Ἀχιρὲ υἱὸσ Αἰνάν. τὸ δῶρον αὐτοῦ τρυβλίον ἀργυροῦν ἕν, τριάκοντα καὶ ἑκατὸν ὁλκὴ αὐτοῦ, φιάλην μίαν ἀργυρᾶν ἑβδομήκοντα σίκλων κατὰ τὸν σίκλον τὸν ἅγιον, ἀμφότερα πλήρη σεμιδάλεωσ ἀναπεποιημένησ ἐν ἐλαίῳ εἰσ θυσίαν. θυί̈σκην μίαν δέκα χρυσῶν πλήρη θυμιάματοσ. μόσχον ἕνα ἐκ βοῶν, κριὸν ἕνα, ἀμνὸν ἕνα ἐνιαύσιον εἰσ ὁλοκαύτωμα. καὶ χίμαρον ἐξ αἰγῶν ἕνα περὶ ἁμαρτίασ. καὶ εἰσ θυσίαν σωτηρίου δαμάλεισ δύο, κριοὺσ πέντε, τράγουσ πέντε, ἀμνάδασ ἐνιαυσίασ πέντε. τοῦτο τὸ δῶρον Ἀχιρὲ υἱοῦ Αἰνάν. οὗτοσ ὁ ἐγκαινισμὸσ τοῦ θυσιαστηρίου, ᾗ ἡμέρᾳ ἔχρισεν αὐτὸ παρὰ τῶν ἀρχόντων τῶν υἱῶν Ἰσραήλ. τρυβλία ἀργυρᾶ δώδεκα, φιάλαι ἀργυραῖ δώδεκα, θυί̈σκαι χρυσαῖ δώδεκα, τριάκοντα καὶ ἑκατὸν σίκλων τὸ τρυβλίον τὸ ἓν καὶ ἑβδομήκοντα σίκλων ἡ φιάλη ἡ μία, πᾶν τὸ ἀργύριον τῶν σκευῶν δισχίλιοι καὶ τετρακόσιοι σίκλοι, σίκλοι ἐν τῷ σίκλῳ τῷ ἁγίῳ. θυί̈σκαι χρυσαῖ δώδεκα πλήρεισ θυμιάματοσ. πᾶν τὸ χρυσίον τῶν θυϊσκῶν εἴκοσι καὶ ἑκατὸν χρυσοῖ. πᾶσαι αἱ βόεσ αἱ εἰσ ὁλοκαύτωσιν μόσχοι δώδεκα, κριοὶ δώδεκα, ἀμνοὶ ἐνιαύσιοι δώδεκα καὶ αἱ θυσίαι αὐτῶν καὶ αἱ σπονδαὶ αὐτῶν. καὶ χίμαροι ἐξ αἰγῶν δώδεκα περὶ ἁμαρτίασ. πᾶσαι αἱ βόεσ εἰσ θυσίαν σωτηρίου δαμάλεισ εἰκοσιτέσσαρεσ, κριοὶ ἑξήκοντα, τράγοι ἑξήκοντα ἐνιαύσιοι, ἀμνάδεσ ἑξήκοντα ἐνιαύσιοι ἄμωμοι. αὕτη ἡ ἐγκαίνωσισ τοῦ θυσιαστηρίου, μετὰ τὸ πληρῶσαι τὰσ χεῖρασ αὐτοῦ καὶ μετὰ τὸ χρῖσαι αὐτόν, ἐν τῷ εἰσπορεύεσθαι Μωυσῆν εἰσ τὴν σκηνὴν τοῦ μαρτυρίου λαλῆσαι αὐτῷ καὶ ἤκουσε τὴν φωνὴν Κυρίου λαλοῦντοσ πρὸσ αὐτὸν ἄνωθεν τοῦ ἱλαστηρίου, ὅ ἐστιν ἐπὶ τῆσ κιβωτοῦ τοῦ μαρτυρίου, ἀνὰ μέσον τῶν δύο Χερουβίμ, καὶ ἐλάλει πρὸσ αὐτόν. ΚΑΙ ἐλάλησε Κύριοσ πρὸσ Μωυσῆν λέγων.

λάλησον τῷ Ἀαρὼν καὶ ἐρεῖσ πρὸσ αὐτόν. ὅταν ἐπιτιθῇσ τοὺσ λύχνουσ, ἐκ μέρουσ κατὰ πρόσωπον τῆσ λυχνίασ φωτιοῦσιν οἱ ἑπτὰ λύχνοι. καὶ ἐποίησεν οὕτωσ Ἀαρών. ἐκ τοῦ ἑνὸσ μέρουσ κατὰ πρόσωπον τῆσ λυχνίασ ἐξῆψε τοὺσ λύχνουσ αὐτῆσ, καθὰ συνέταξε Κύριοσ τῷ Μωυσῇ. καὶ αὕτη ἡ κατασκευὴ τῆσ λυχνίασ. στερεὰ χρυσῆ, ὁ καυλὸσ αὐτῆσ καὶ τὰ κρίνα αὐτῆσ, στερεὰ ὅλη. κατὰ τὸ εἶδοσ, ὃ ἔδειξε Κύριοσ τῷ Μωυσῇ, οὕτωσ ἐποίησε τὴν λυχνίαν. Καὶ ἐλάλησε Κύριοσ πρὸσ Μωυσῆν λέγων. λάβε τοὺσ Λευίτασ ἐκ μέσου υἱῶν Ἰσραὴλ καὶ ἀφαγνιεῖσ αὐτούσ. καὶ οὕτω ποιήσεισ αὐτοῖσ τὸν ἁγνισμὸν αὐτῶν. περιρρανεῖσ αὐτοὺσ ὕδωρ ἁγνισμοῦ, καὶ ἐπελεύσεται ξυρὸν ἐπὶ πᾶν τὸ σῶμα αὐτῶν, καὶ πλυνοῦσι τὰ ἱμάτια αὐτῶν, καὶ καθαροὶ ἔσονται. καὶ λήψονται μόσχον ἕνα ἐκ βοῶν καὶ τούτου θυσίαν σεμίδαλιν ἀναπεποιημένην ἐν ἐλαίῳ, καὶ μόσχον ἐνιαύσιον ἐκ βοῶν λήψῃ περὶ ἁμαρτίασ. καὶ προσάξεισ τοὺσ Λευίτασ ἔναντι τῆσ σκηνῆσ τοῦ μαρτυρίου καὶ συνάξεισ πᾶσαν συναγωγὴν υἱῶν Ἰσραὴλ καὶ προσάξεισ τοὺσ Λευίτασ ἔναντι Κυρίου, καὶ ἐπιθήσουσιν οἱ υἱοὶ Ἰσραὴλ τὰσ χεῖρασ αὐτῶν ἐπὶ τοὺσ Λευίτασ, καὶ ἀφοριεῖ Ἀαρὼν τοὺσ Λευίτασ ἀπόδομα ἔναντι Κυρίου παρὰ τῶν υἱῶν Ἰσραήλ, καὶ ἔσονται ὥστε ἐργάζεσθαι τὰ ἔργα Κυρίου. οἱ δὲ Λευῖται ἐπιθήσουσι τὰσ χεῖρασ ἐπὶ τὰσ κεφαλὰσ τῶν μόσχων, καὶ ποιήσεισ τὸν ἕνα περὶ ἁμαρτίασ καὶ τὸν ἕνα εἰσ ὁλοκαύτωμα Κυρίῳ ἐξιλάσασθαι περὶ αὐτῶν. καὶ στήσεισ τοὺσ Λευίτασ ἔναντι Κυρίου καὶ ἔναντι Ἀαρὼν καὶ ἔναντι τῶν υἱῶν αὐτοῦ καὶ ἀποδώσεισ αὐτοὺσ ἀπόδομα ἔναντι Κυρίου. καὶ διαστελεῖσ τοὺσ Λευίτασ ἐκ μέσου υἱῶν Ἰσραήλ, καὶ ἔσονται ἐμοί. καὶ μετὰ ταῦτα εἰσελεύσονται οἱ Λευῖται ἐργάζεσθαι τὰ ἔργα τῆσ σκηνῆσ τοῦ μαρτυρίου, καὶ καθαριεῖσ αὐτοὺσ καὶ ἀποδώσεισ αὐτοὺσ ἔναντι Κυρίου. ὅτι ἀπόδομα ἀποδεδομένοι οὗτοί μοί εἰσιν ἐκ μέσου υἱῶν Ἰσραήλ. ἀντὶ τῶν διανοιγόντων πᾶσαν μήτραν πρωτοτόκων πάντων ἐκ τῶν υἱῶν Ἰσραὴλ εἴληφα αὐτοὺσ ἐμοί. ὅτι ἐμοὶ πᾶν πρωτότοκον ἐν υἱοῖσ Ἰσραὴλ ἀπὸ ἀνθρώπων ἕωσ κτήνουσ. ᾗ ἡμέρᾳ ἐπάταξα πᾶν πρωτότοκον ἐν γῇ Αἰγύπτου, ἡγίασα αὐτοὺσ ἐμοὶ καὶ ἔλαβον τοὺσ Λευίτασ ἀντὶ παντὸσ πρωτοτόκου ἐν υἱοῖσ Ἰσραήλ. καὶ ἀπέδωκα τοὺσ Λευίτασ ἀπόδομα δεδομένουσ Ἀαρὼν καὶ τοῖσ υἱοῖσ αὐτοῦ ἐκ μέσου υἱῶν Ἰσραὴλ ἐργάζεσθαι τὰ ἔργα τῶν υἱῶν Ἰσραὴλ ἐν τῇ σκηνῇ τοῦ μαρτυρίου καὶ ἐξιλάσκεσθαι περὶ τῶν υἱῶν Ἰσραήλ, καὶ οὐκ ἔσται ἐν τοῖσ υἱοῖσ Ἰσραὴλ προσεγγίζων πρὸσ τὰ ἅγια. καὶ ἐποίησε Μωυσῆσ καὶ Ἀαρὼν καὶ πᾶσα ἡ συναγωγὴ υἱῶν Ἰσραὴλ τοῖσ Λευίταισ καθὰ ἐνετείλατο Κύριοσ τῷ Μωυσῇ περὶ τῶν Λευιτῶν, οὕτωσ ἐποίησαν αὐτοῖσ οἱ υἱοὶ Ἰσραήλ. καὶ ἡγνίσαντο οἱ Λευῖται καὶ ἐπλύναντο τὰ ἱμάτια, καὶ ἀπέδωκεν αὐτοὺσ Ἀαρὼν ἀπόδομα ἔναντι Κυρίου, καὶ ἐξιλάσατο περὶ αὐτῶν Ἀαρὼν ἀφαγνίσασθαι αὐτούσ. καὶ μετὰ ταῦτα εἰσῆλθον οἱ Λευῖται λειτουργεῖν τὴν λειτουργίαν αὐτῶν ἐν τῇ σκηνῇ τοῦ μαρτυρίου ἔναντι Ἀαρὼν καὶ ἔναντι τῶν υἱῶν αὐτοῦ. καθὰ συνέταξε Κύριοσ τῷ Μωυσῇ περὶ τῶν Λευιτῶν, οὕτωσ ἐποίησαν αὐτοῖσ. Καὶ ἐλάλησε Κύριοσ πρὸσ Μωυσῆν λέγων. τοῦτό ἐστι τὸ περὶ τῶν Λευιτῶν. ἀπὸ πέντε καὶ εἰκοσαετοῦσ καὶ ἐπάνω εἰσελεύσονται ἐνεργεῖν ἐν τῇ σκηνῇ τοῦ μαρτυρίου. καὶ ἀπὸ πεντηκονταετοῦσ ἀποστήσεται ἀπὸ τῆσ λειτουργίασ καὶ οὐκ ἐργᾶται ἔτι. καὶ λειτουργήσει ὁ ἀδελφὸσ αὐτοῦ ἐν τῇ σκηνῇ τοῦ μαρτυρίου φυλάσσειν φυλακάσ, ἔργα δὲ οὐκ ἐργᾶται. οὕτωσ ποιήσεισ τοῖσ Λευίταισ ἐν ταῖσ φυλακαῖσ αὐτῶν. ΚΑΙ ἐλάλησε Κύριοσ πρὸσ Μωυσῆν ἐν τῇ ἐρήμῳ Σινὰ ἐν τῷ ἔτει τῷ δευτέρῳ, ἐξελθόντων αὐτῶν ἐκ γῆσ Αἰγύπτου ἐν τῷ μηνὶ τῷ πρώτῳ, λέγων.

εἶπον καὶ ποιείτωσαν οἱ υἱοὶ Ἰσραήλ τὸ πάσχα καθ’ ὥραν αὐτοῦ. τῇ τεσσαρεσκαιδεκάτῃ ἡμέρα τοῦ μηνὸσ τοῦ πρώτου πρὸσ ἑσπέραν ποιήσεισ αὐτὸ κατὰ καιρούσ, κατὰ τὸν νόμον αὐτοῦ καὶ κατὰ τὴν σύγκρισιν αὐτοῦ ποιήσεισ αὐτό. καὶ ἐλάλησε Μωυσῆσ τοῖσ υἱοῖσ Ἰσραὴλ ποιῆσαι τὸ πάσχα. ἐναρχομένου τῇ τεσσαρεσκαιδεκάτῃ ἡμέρᾳ τοῦ μηνὸσ ἐν τῇ ἐρήμῳ τοῦ Σινά, καθὰ συνέταξε Κύριοσ τῷ Μωυσῇ, οὕτωσ ἐποίησαν οἱ υἱοὶ Ἰσραήλ. Καὶ παρεγένοντο οἱ ἄνδρεσ, οἳ ἦσαν ἀκάθαρτοι ἐπὶ ψυχῇ ἀνθρώπου, καὶ οὐκ ἠδύναντο ποιῆσαι τὸ πάσχα ἐν τῇ ἡμέρᾳ ἐκείνῃ. καὶ προσῆλθον ἐναντίον Μωυσῆ καὶ Ἀαρὼν ἐν ἐκείνῃ τῇ ἡμέρᾳ, καὶ εἶπαν οἱ ἄνδρεσ ἐκεῖνοι πρὸσ αὐτόν. ἡμεῖσ ἀκάθαρτοι ἐπὶ ψυχῇ ἀνθρώπου, μὴ οὖν ὑστερήσωμεν προσενέγκαι τὸ δῶρον Κυρίῳ κατὰ καιρὸν αὐτοῦ ἐν μέσῳ υἱῶν Ἰσραήλ̣ καὶ εἶπε πρὸσ αὐτοὺσ Μωυσῆσ. στῆτε αὐτοῦ, καὶ ἀκούσομαι τί ἐντελεῖται Κύριοσ περὶ ὑμῶν. καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ λέγων. ἄνθρωποσ ἄνθρωποσ, ὃσ ἐὰν γένηται ἀκάθαρτοσ ἐπὶ ψυχῇ ἀνθρώπου, ἢ ἐν ὁδῷ μακρὰν ὑμῖν, ἢ ἐν ταῖσ γενεαῖσ ὑμῶν, καὶ ποιήσει τὸ πάσχα Κυρίῳ. ἐν τῷ μηνὶ τῷ δευτέρῳ, ἐν τῇ τεσσαρεσκαιδεκάτῃ ἡμέρᾳ, τὸ πρὸσ ἑσπέραν ποιήσουσιν αὐτό, ἐπ’ ἀζύμων καὶ πικρίδων φάγονται αὐτό, οὐ καταλείψουσιν ἀπ’ αὐτοῦ εἰσ τὸ πρωί̈, καὶ ὀστοῦν οὐ συντρίψουσιν ἀπ’ αὐτοῦ. κατὰ τὸν νόμον τοῦ πάσχα ποιήσουσιν αὐτό. καὶ ἄνθρωποσ, ὃσ ἐὰν καθαρὸσ ᾖ καὶ ἐν ὁδῷ μακρὰν οὐκ ἔστι καὶ ὑστερήσῃ ποιῆσαι τὸ πάσχα, ἐξολοθρευθήσεται ἡ ψυχὴ ἐκείνη ἐκ τοῦ λαοῦ αὐτῆσ, ὅτι τὸ δῶρον Κυρίῳ οὐ προσήνεγκε κατὰ τὸν καιρὸν αὐτοῦ, ἁμαρτίαν αὐτοῦ λήψεται ὁ ἄνθρωποσ ἐκεῖνοσ. ἐὰν δὲ προσέλθῃ πρὸσ ὑμᾶσ προσήλυτοσ ἐν τῇ γῇ ὑμῶν καὶ ποιήσῃ τὸ πάσχα Κυρίῳ, κατὰ τὸν νόμον τοῦ πάσχα καὶ κατὰ τὴν σύνταξιν αὐτοῦ ποιήσει αὐτό. νόμοσ εἷσ ἔσται ὑμῖν καὶ τῷ προσηλύτῳ καὶ τῷ αὐτόχθονι τῆσ γῆσ. Καὶ τῇ ἡμέρᾳ, ᾗ ἐστάθη ἡ σκηνή, ἐκάλυψεν ἡ νεφέλη τὴν σκηνήν, τὸν οἶκον τοῦ μαρτυρίου. καὶ τὸ ἑσπέρασ ἦν ἐπὶ τῆσ σκηνῆσ ὡσ εἶδοσ πυρὸσ ἕωσ πρωί̈. οὕτωσ ἐγίνετο διαπαντόσ. ἡ νεφέλη ἐκάλυπτεν αὐτὴν ἡμέρασ καὶ εἶδοσ πυρὸσ τὴν νύκτα. καὶ ἡνίκα ἀνέβη ἡ νεφέλη ἀπὸ τῆσ σκηνῆσ, καὶ μετὰ ταῦτα ἀπῇραν οἱ υἱοὶ Ἰσραήλ. καὶ ἐν τῷ τόπῳ, οὗ ἂν ἔστη ἡ νεφέλη, ἐκεῖ παρενέβαλον οἱ υἱοὶ Ἰσραήλ. διὰ προστάγματοσ Κυρίου παρεμβαλοῦσιν οἱ υἱοὶ Ἰσραὴλ καὶ διὰ προστάγματοσ Κυρίου ἀπαροῦσι. πάσασ τὰσ ἡμέρασ, ἐν αἷσ σκιάζει ἡ νεφέλη ἐπὶ τῆσ σκηνῆσ, παρεμβαλοῦσιν οἱ υἱοὶ Ἰσραήλ. καὶ ὅταν ἐφέλκηται ἡ νεφέλη ἐπὶ τῆσ σκηνῆσ ἡμέρασ πλείουσ, καὶ φυλάξονται οἱ υἱοὶ Ἰσραὴλ τὴν φυλακὴν τοῦ Θεοῦ καὶ οὐ μὴ ἐξάρωσι. καὶ ἔσται ὅταν σκεπάζῃ ἡ νεφέλη ἡμέρασ ἀριθμῷ ἐπὶ τῆσ σκηνῆσ, διὰ φωνῆσ Κυρίου παρεμβαλοῦσι, καὶ διὰ προστάγματοσ Κυρίου ἀπαροῦσι. καὶ ἔσται ὅταν γένηται ἡ νεφέλη ἀφ’ ἑσπέρασ ἕωσ πρωί̈ καὶ ἀναβῇ ἡ νεφέλη τὸ πρωί̈, καὶ ἀπαροῦσιν ἡμέρασ ἢ νυκτόσ. μηνὸσ ἡμέρασ πλεοναζούσησ τῆσ νεφέλησ σκιαζούσησ ἐπ’ αὐτῆσ παρεμβαλοῦσιν οἱ υἱοὶ Ἰσραήλ, καὶ οὐ μὴ ἀπάρωσιν. ὅτι διὰ προστάγματοσ Κυρίου ἀπαροῦσι, τὴν φυλακὴν Κυρίου ἐφυλάξαντο διὰ προστάγματοσ Κυρίου ἐν χειρὶ Μωυσῆ. ΚΑΙ ἐλάλησε Κύριοσ πρὸσ Μωυσῆν λέγων.

ποίησον σεαυτῷ δύο σάλπιγγασ ἀργυρᾶσ, ἐλατὰσ ποιήσεισ αὐτάσ, καὶ ἔσονταί σοι ἀνακαλεῖν τὴν συναγωγὴν καὶ ἐξαίρειν τὰσ παρεμβολάσ. καὶ σαλπιεῖσ ἐν αὐταῖσ καὶ συναχθήσεται πᾶσα ἡ συναγωγὴ ἐπὶ τὴν θύραν τῆσ σκηνῆσ τοῦ μαρτυρίου. ἐὰν δὲ ἐν μιᾷ σαλπίσωσι, προσελεύσονται πρὸσ σὲ πάντεσ οἱ ἄρχοντεσ ἀρχηγοὶ Ἰσραήλ. καὶ σαλπιεῖτε σημασίαν, καὶ ἐξαροῦσιν αἱ παρεμβολαὶ αἱ παρεμβάλλουσαι ἀνατολάσ. καὶ σαλπιεῖτε σημασίαν δευτέραν, καὶ ἐξαροῦσιν αἱ παρεμβολαὶ αἱ παρεμβάλλουσαι λίβα. καὶ σαλπιεῖτε σημασίαν τρίτην, καὶ ἐξαροῦσιν αἱ παρεμβολαὶ αἱ παρεμβάλλουσαι παρὰ θάλασσαν. καὶ σαλπιεῖτε σημασίαν τετάρτην, καὶ ἐξαροῦσιν αἱ παρεμβολαὶ αἱ παρεμβάλλουσαι πρὸσ βορρᾶν. σημασία σαλπιοῦσιν ἐν τῇ ἐξάρσει αὐτῶν. καὶ ὅταν συναγάγητε τὴν συναγωγήν, σαλπιεῖτε καὶ οὐ σημασίᾳ καὶ οἱ υἱοὶ Ἀαρὼν οἱ ἱερεῖσ σαλπιοῦσι ταῖσ σάλπιγξι, καὶ ἔσται ὑμῖν νόμιμον αἰώνιον εἰσ τὰσ γενεὰσ ὑμῶν. ἐὰν δὲ ἐξέλθητε εἰσ πόλεμον ἐν τῇ γῇ ὑμῶν πρὸσ τοὺσ ὑπεναντίουσ τοὺσ ἀνθεστηκότασ ὑμῖν, καὶ σημανεῖτε ταῖσ σάλπιγξι καὶ ἀναμνησθήσεσθε ἔναντι Κυρίου καὶ διασωθήσεσθε ἀπὸ τῶν ἐχθρῶν ὑμῶν. καὶ ἐν ταῖσ ἡμέραισ τῆσ εὐφροσύνησ ὑμῶν καὶ ἐν ταῖσ ἑορταῖσ ὑμῶν καὶ ἐν ταῖσ νουμηνίαισ ὑμῶν σαλπιεῖτε ταῖσ σάλπιγξιν ἐπὶ τοῖσ ὁλοκαυτώμασι καὶ ἐπὶ ταῖσ θυσίαισ τῶν σωτηρίων ὑμῶν, καὶ ἔσται ὑμῖν ἀνάμνησισ ἔναντι τοῦ Θεοῦ ὑμῶν. ἐγὼ Κύριοσ ὁ Θεὸσ ὑμῶν. Καὶ ἐγένετο ἐν τῷ ἐνιαυτῷ τῷ δευτέρῳ ἐν τῷ μηνὶ τῷ δευτέρῳ εἰκάδι τοῦ μηνὸσ ἀνέβη ἡ νεφέλη ἀπὸ τῆσ σκηνῆσ τοῦ μαρτυρίου, καὶ ἐξῇραν οἱ υἱοὶ Ἰσραὴλ σὺν ἀπαρτίαισ αὐτῶν ἐν τῇ ἐρήμῳ Σινά, καὶ ἔστη ἡ νεφέλη ἐν τῇ ἐρήμῳ τοῦ Φαράν. καὶ ἐξῇραν πρῶτοι διὰ φωνῆσ Κυρίου ἐν χειρὶ Μωυσῆ. καὶ ἐξῇραν τάγμα παρεμβολῆσ υἱῶν Ἰούδα πρῶτοι σὺν δυνάμει αὐτῶν. καὶ ἐπὶ τῆσ δυνάμεωσ αὐτῶν Ναασσὼν υἱὸσ Ἀμιναδάβ, καὶ ἐπὶ τῆσ δυνάμεωσ φυλῆσ υἱῶν Ἰσσάχαρ Ναθαναὴλ υἱὸσ Σωγάρ, καὶ ἐπὶ τῆσ δυνάμεωσ φυλῆσ υἱῶν Ζαβουλὼν Ἐλιὰβ υἱὸσ Χαιλών. καὶ καθελοῦσι τὴν σκηνὴν καὶ ἐξαροῦσιν οἱ υἱοὶ Γεδσὼν καὶ οἱ υἱοὶ Μεραρί, οἱ αἴροντεσ τὴν σκηνήν. καὶ ἐξῇραν τάγμα παρεμβολῆσ Ρουβὴν σὺν δυνάμει αὐτῶν. καὶ ἐπὶ τῆσ δυνάμεωσ αὐτῶν Ἐλισοὺρ υἱὸσ Σεδιούρ, καὶ ἐπὶ τῆσ δυνάμεωσ φυλῆσ Συμεών, Σαλαμιὴλ υἱὸσ Σουρισαδαί, καὶ ἐπὶ τῆσ δυνάμεωσ φυλῆσ υἱῶν Γὰδ Ἐλισὰφ ὁ τοῦ Ραγουήλ. καὶ ἐξαροῦσιν υἱοὶ Καὰθ αἴροντεσ τὰ ἅγια καὶ στήσουσι τὴν σκηνήν, ἕωσ παραγένωνται. καὶ ἐξαροῦσι τάγμα παρεμβολῆσ Ἐφραί̈μ σὺν δυνάμει αὐτῶν. καὶ ἐπὶ τῆσ δυνάμεωσ αὐτῶν Ἐλισαμὰ υἱὸσ Σεμιούδ, καὶ ἐπὶ τῆσ δυνάμεωσ φυλῆσ υἱῶν Μανασσῆ Γαμαλιὴλ ὁ τοῦ Φαδασσούρ, καὶ ἐπὶ τῆσ δυνάμεωσ φυλῆσ υἱῶν Βενιαμὶν Ἀβιδὰν ὁ τοῦ Γαδεωνί. καὶ ἐξαροῦσι τάγμα παρεμβολῆσ υἱῶν Δάν, ἔσχατοι πασῶν τῶν παρεμβολῶν, σὺν δυνάμει αὐτῶν. καὶ ἐπὶ τῆσ δυνάμεωσ αὐτῶν Ἀχιέζερ ὁ τοῦ Ἀμισαδαί̈, καὶ ἐπὶ τῆσ δυνάμεωσ φυλῆσ υἱῶν Ἀσὴρ Φαγεὴλ υἱὸσ Ἐχράν, καὶ ἐπὶ τῆσ δυνάμεωσ φυλῆσ υἱῶν Νεφθαλὶ Ἀχιρὲ υἱὸσ Αἰνάν. αὗται αἱ στρατιαὶ υἱῶν Ἰσραήλ, καὶ ἐξῇραν σὺν δυνάμει αὐτῶν. Καὶ εἶπε Μωυσῆσ τῷ Ὀβὰβ υἱῷ Ραγουὴλ τῷ Μαδιανίτῃ τῷ γαμβρῷ Μωυσῆ. ἐξαίρομεν ἡμεῖσ εἰσ τὸν τόπον ὃν εἶπε Κύριοσ, τοῦτον δώσω ὑμῖν. δεῦρο μεθ’ ἡμῶν, καὶ εὖ σε ποιήσομεν, ὅτι Κύριοσ ἐλάλησε καλὰ περὶ Ἰσραήλ. καὶ εἶπε πρὸσ αὐτόν. οὐ πορεύσομαι, ἀλλὰ εἰσ τὴν γῆν μου καὶ εἰσ τὴν γενεάν μου. καὶ εἶπε. μὴ ἐγκαταλίπῃσ ἡμᾶσ, οὗ ἕνεκεν ἦσθα μεθ’ ἡμῶν ἐν τῇ ἐρήμῳ, καὶ ἔσῃ ἐν ἡμῖν πρεσβύτησ. καὶ ἔσται ἐὰν πορευθῇσ μεθ’ ἡμῶν, καὶ ἔσται τὰ ἀγαθὰ ἐκεῖνα, ὅσα ἂν ἀγαθοποιήσῃ Κύριοσ ἡμᾶσ, καὶ εὖ σε ποιήσομεν. Καὶ ἐξῇραν ἐκ τοῦ ὄρουσ Κυρίου ὁδὸν τριῶν ἡμερῶν, καὶ ἡ κιβωτὸσ τῆσ διαθήκησ Κυρίου προεπορεύετο προτέρα αὐτῶν ὁδὸν τριῶν ἡμερῶν κατασκέψασθαι αὐτοῖσ ἀνάπαυσιν. καὶ ἐγένετο ἐν τῷ ἐξαίρειν τὴν κιβωτὸν καὶ εἶπε Μωυσῆσ. ἐξεγέρθητι, Κύριε, καὶ διασκορπισθήτωσαν οἱ ἐχθροί σου, φυγέτωσαν πάντεσ οἱ μισοῦντέσ σε. καὶ ἐν τῇ καταπαύσει εἶπεν. ἐπίστρεφε, Κύριε, χιλιάδασ μυριάδασ ἐν τῷ Ἰσραήλ. καὶ ἡ νεφέλη ἐγένετο σκιάζουσα ἐπ’ αὐτοῖσ ἡμέρασ ἐν τῷ ἐξαίρειν αὐτοὺσ ἐκ τῆσ παρεμβολῆσ. ΚΑΙ ἦν ὁ λαὸσ γογγύζων πονηρὰ ἔναντι Κυρίου, καὶ ἤκουσε Κύριοσ καὶ ἐθυμώθη ὀργῇ, καὶ ἐξεκαύθη ἐν αὐτοῖσ πῦρ παρὰ Κυρίου καὶ κατέφαγε μέροσ τι τῆσ παρεμβολῆσ.

καὶ ἐκέκραξεν ὁ λαὸσ πρὸσ Μωυσῆν, καὶ ηὔξατο Μωυσῆσ πρὸσ Κύριον, καὶ ἐκόπασε τὸ πῦρ. καὶ ἐκλήθη τὸ ὄνομα τοῦ τόπου ἐκείνου Ἐμπυρισμόσ, ὅτι ἐξεκαύθη ἐν αὐτοῖσ παρὰ Κυρίου. Καὶ ὁ ἐπίμικτοσ ὁ ἐν αὐτοῖσ ἐπεθύμησεν ἐπιθυμίαν, καὶ καθίσαντεσ ἔκλαιον καὶ οἱ υἱοὶ Ἰσραὴλ καὶ εἶπαν. τίσ ἡμᾶσ ψωμιεῖ κρέα̣ ἐμνήσθημεν τοὺσ ἰχθύασ, οὓσ ἠσθίομεν ἐν Αἰγύπτῳ δωρεάν, καὶ τοὺσ σικύουσ καὶ τοὺσ πέπονασ καὶ τὰ πράσα καὶ τὰ κρόμμυα καὶ τὰ σκόρδα. νυνὶ δὲ ἡ ψυχὴ ἡμῶν κατάξηροσ, οὐδὲν πλὴν εἰσ τὸ μάννα οἱ ὀφθαλμοὶ ἡμῶν. τὸ δὲ μάννα ὡσεὶ σπέρμα κορίου ἐστί, καὶ τὸ εἶδοσ αὐτοῦ εἶδοσ κρυστάλλου. καὶ διεπορεύετο ὁ λαὸσ καὶ συνέλεγον καὶ ἤληθον αὐτὸ ἐν τῷ μύλῳ καὶ ἔτριβον ἐν τῇ θυί̈ᾳ καὶ ἥψουν αὐτὸ ἐν τῇ χύτρᾳ καὶ ἐποίουν αὐτὸ ἐγκρυφίασ, καὶ ἦν ἡ ἡδονὴ αὐτοῦ ὡσεὶ γεῦμα ἐγκρὶσ ἐξ ἐλαίου. καὶ ὅταν κατέβη ἡ δρόσοσ ἐπὶ τὴν παρεμβολὴν νυκτόσ, κατέβαινε τὸ μάννα ἐπ’ αὐτῆσ. καὶ ἤκουσε Μωυσῆσ κλαιόντων αὐτῶν κατὰ δήμουσ αὐτῶν, ἕκαστον ἐπὶ τῆσ θύρασ αὐτοῦ. καὶ ἐθυμώθη ὀργῇ Κύριοσ σφόδρα, καὶ ἔναντι Μωυσῆ ἦν πονηρόν. καὶ εἶπε Μωυσῆσ πρὸσ Κύριον. ἱνατί ἐκάκωσασ τὸν θεράποντά σου, καὶ διατί οὐχ εὕρηκα χάριν ἐναντίον σου, ἐπιθεῖναι τὴν ὁρμὴν τοῦ λαοῦ τούτου ἐπ’ ἐμέ̣ μὴ ἐγὼ ἐν γαστρὶ ἔλαβον πάντα τὸν λαὸν τοῦτον, ἢ ἐγὼ ἔτεκον αὐτούσ, ὅτι λέγεισ μοι, λάβε αὐτὸν εἰσ τὸν κόλπον σου, ὡσεὶ ἄραι τιθηνὸσ τὸν θηλάζοντα, εἰσ τὴν γῆν ἣν ὤμοσασ τοῖσ πατράσιν αὐτῶν̣ πόθεν μοι κρέα δοῦναι παντὶ τῷ λαῷ τούτῳ̣ ὅτι κλαίουσιν ἐπ’ ἐμοί, λέγοντεσ. δὸσ ἡμῖν κρέα, ἵνα φάγωμεν. οὐ δυνήσομαι ἐγὼ μόνοσ φέρειν τὸν λαὸν τοῦτον, ὅτι βαρύτερόν μοί ἐστι τὸ ρῆμα τοῦτο. εἰ δ’ οὕτω σὺ ποιεῖσ μοι, ἀπόκτεινόν με ἀναιρέσει, εἰ εὕρηκα ἔλεοσ παρὰ σοί, ἵνα μὴ ἴδω τὴν κάκωσίν μου. καὶ εἶπε Κύριοσ πρὸσ Μωυσῆν. συνάγαγέ μοι ἑβδομήκοντα ἄνδρασ ἀπὸ τῶν πρεσβυτέρων Ἰσραήλ, οὓσ αὐτὸσ σὺ οἶδασ, ὅτι οὗτοί εἰσι πρεσβύτεροι τοῦ λαοῦ καὶ γραμματεῖσ αὐτῶν. καὶ ἄξεισ αὐτοὺσ πρὸσ τὴν σκηνὴν τοῦ μαρτυρίου, καὶ στήσονται ἐκεῖ μετὰ σοῦ. καὶ καταβήσομαι καὶ λαλήσω ἐκεῖ μετὰ σοῦ καὶ ἀφελῶ ἀπὸ τοῦ πνεύματοσ τοῦ ἐπὶ σοὶ καὶ ἐπιθήσω ἐπ’ αὐτούσ, καὶ συναντιλήψονται μετὰ σοῦ τὴν ὁρμὴν τοῦ λαοῦ, καὶ οὐκ οἴσεισ αὐτοὺσ σὺ μόνοσ. καὶ τῷ λαῷ ἐρεῖσ. ἁγνίσασθε εἰσ αὔριον, καὶ φάγεσθε κρέα, ὅτι ἐκλαύσατε ἔναντι Κυρίου λέγοντεσ. τίσ ἡμᾶσ ψωμιεῖ κρέα̣ ὅτι καλὸν ἡμῖν ἐστιν ἐν Αἰγύπτῳ. καὶ δώσει Κύριοσ ὑμῖν φαγεῖν κρέα, καὶ φάγεσθε κρέα. οὐχ ἡμέραν μίαν φάγεσθε, οὐδὲ δύο, οὐδὲ πέντε ἡμέρασ, οὐδὲ δέκα ἡμέρασ, οὐδὲ εἴκοσιν ἡμέρασ. ἕωσ μηνὸσ ἡμερῶν φάγεσθε, ἕωσ ἂν ἐξέλθῃ ἐκ τῶν μυκτήρων ὑμῶν. καὶ ἔσται ὑμῖν εἰσ χολέραν, ὅτι ἠπειθήσατε Κυρίῳ, ὅσ ἐστιν ἐν ὑμῖν, καὶ ἐκλαύσατε ἐναντίον αὐτοῦ λέγοντεσ. ἱνατί ἡμῖν ἐξελθεῖν ἐξ Αἰγύπτου̣ καὶ εἶπε Μωυσῆσ. ἑξακόσιαι χιλιάδεσ πεζῶν ὁ λαόσ, ἐν οἷσ εἰμι ἐν αὐτοῖσ. καὶ σὺ εἶπασ, κρέα δώσω αὐτοῖσ φαγεῖν, καὶ φάγονται μῆνα ἡμερῶν. μὴ πρόβατα καὶ βόεσ σφαγήσονται αὐτοῖσ, καὶ ἀρκέσει αὐτοῖσ̣ ἢ πᾶν τὸ ὄψοσ τῆσ θαλάσσησ συναχθήσεται αὐτοῖσ, καὶ ἀρκέσει αὐτοῖσ̣ καὶ εἶπε Κύριοσ πρὸσ Μωυσῆν. μὴ χεὶρ Κυρίου οὐκ ἐξαρκέσει̣ ἤδη γνώσῃ εἰ ἐπικαταλήψεταί σε ὁ λόγοσ μου ἢ οὔ. καὶ ἐξῆλθε Μωυσῆσ καὶ ἐλάλησε πρὸσ τὸν λαὸν τὰ ρήματα Κυρίου καὶ συνήγαγεν ἑβδομήκοντα ἄνδρασ ἀπὸ τῶν πρεσβυτέρων τοῦ λαοῦ καὶ ἔστησεν αὐτοὺσ κύκλῳ τῆσ σκηνῆσ. καὶ κατέβη Κύριοσ ἐν νεφέλῃ καὶ ἐλάλησε πρὸσ αὐτόν. καὶ παρείλατο ἀπὸ τοῦ πνεύματοσ τοῦ ἐπ’ αὐτῷ καὶ ἐπέθηκεν ἐπὶ τοὺσ ἑβδομήκοντα ἄνδρασ τοὺσ πρεσβυτέρουσ. ὡσ δὲ ἐπανεπαύσατο πνεῦμα ἐπ’ αὐτούσ, καὶ ἐπροφήτευσαν καὶ οὐκ ἔτι προσέθεντο. καὶ κατελείφθησαν δύο ἄνδρεσ ἐν τῇ παρεμβολῇ, ὄνομα τῷ ἑνὶ Ἑλδὰδ καὶ ὄνομα τῷ δευτέρῳ Μωδάδ, καὶ ἐπανεπαύσατο ἐπ’ αὐτοὺσ πνεῦμα. καὶ οὗτοι ἦσαν τῶν καταγεγραμμένων καὶ οὐκ ἦλθον πρὸσ τὴν σκηνήν. καὶ ἐπροφήτευσαν ἐν τῇ παρεμβολῇ. καὶ προσδραμὼν ὁ νεανίσκοσ ἀπήγγειλε Μωυσῇ καὶ εἶπε λέγων. Ἑλδὰδ καὶ Μωδὰδ προφητεύουσιν ἐν τῇ παρεμβολῇ. καὶ ἀποκριθεὶσ Ἰησοῦσ ὁ τοῦ Ναυὴ ὁ παρεστηκὼσ Μωυσῇ, ὁ ἐκλεκτόσ, εἶπε. κύριε Μωυσῆ, κώλυσον αὐτούσ. καὶ εἶπε Μωυσῆσ αὐτῷ. μὴ ζηλοῖσ ἐμέ̣ καὶ τίσ δῴη πάντα τὸν λαὸν Κυρίου προφήτασ, ὅταν δῷ Κύριοσ τὸ πνεῦμα αὐτοῦ ἐπ’ αὐτούσ̣ καὶ ἀπῆλθε Μωυσῆσ εἰσ τὴν παρεμβολὴν αὐτὸσ καὶ οἱ πρεσβύτεροι Ἰσραήλ. καὶ πνεῦμα ἐξῆλθε παρὰ Κυρίου καὶ ἐξεπέρασεν ὀρτυγομήτραν ἀπὸ τῆσ θαλάσσησ καὶ ἐπέβαλεν ἐπὶ τὴν παρεμβολὴν ὁδὸν ἡμέρασ ἐντεῦθεν καὶ ὁδὸν ἡμέρασ ἐντεῦθεν, κὐκλῳ τῆσ παρεμβολῆσ, ὡσεὶ δίπηχυ ἀπὸ τῆσ γῆσ. καὶ ἀναστὰσ ὁ λαὸσ ὅλην τὴν ἡμέραν καὶ ὅλην τὴν νύκτα καὶ ὅλην τὴν ἡμέραν τὴν ἐπαύριον καὶ συνήγαγον τὴν ὀρτυγομήτραν, ὁ τὸ ὀλίγον, συνήγαγε δέκα κόρουσ, καὶ ἔψυξαν ἑαυτοῖσ ψυγμοὺσ κύκλῳ τῆσ παρεμβολῆσ. τὰ κρέα ἔτι ἦν ἐν τοῖσ ὀδοῦσιν αὐτῶν πρινὴ ἐκλείπειν, καὶ Κύριοσ ἐθυμώθη εἰσ τὸν λαόν, καὶ ἐπάταξε Κύριοσ τὸν λαὸν πληγὴν μεγάλην σφόδρα. καὶ ἐκλήθη τὸ ὄνομα τοῦ τόπου ἐκείνου Μνήματα τῆσ ἐπιθυμίασ, ὅτι ἐκεῖ ἔθαψαν τὸν λαὸν τὸν ἐπιθυμητήν. Ἀπὸ Μνημάτων ἐπιθυμίασ ἐξῇρεν ὁ λαὸσ εἰσ Ἀσηρώθ, καὶ ἐγένετο ὁ λαὸσ ἐν Ἀσηρώθ. ΚΑΙ ἐλάλησε Μαριὰμ καὶ Ἀαρὼν κατὰ Μωυσῆ, ἕνεκεν τῆσ γυναικὸσ τῆσ Αἰθιοπίσσησ ἣν ἔλαβε Μωυσῆσ, ὅτι γυναῖκα Αἰθιόπισσαν ἔλαβε,

καὶ εἶπαν. μὴ Μωυσῇ μόνῳ λελάληκε Κύριοσ̣ οὐχὶ καὶ ἡμῖν ἐλάλησε̣ καὶ ἤκουσε Κύριοσ. καὶ ὁ ἄνθρωποσ Μωυσῆσ πραΰσ σφόδρα παρὰ πάντασ τοὺσ ἀνθρώπουσ τοὺσ ὄντασ ἐπὶ τῆσ γῆσ. καὶ εἶπε Κύριοσ παραχρῆμα πρὸσ Μωυσῆν καὶ Ἀαρὼν καὶ Μαριάμ. ἐξέλθετε ὑμεῖσ οἱ τρεῖσ εἰσ τὴν σκηνὴν τοῦ μαρτυρίου. καὶ ἐξῆλθον οἱ τρεῖσ εἰσ τὴν σκηνὴν τοῦ μαρτυρίου. καὶ κατέβη Κύριοσ ἐν στύλῳ νεφέλησ καὶ ἔστη ἐπὶ τῆσ θύρασ τῆσ σκηνῆσ τοῦ μαρτυρίου, καὶ ἐκλήθησαν Ἀαρὼν καὶ Μαριὰμ καὶ ἐξήλθοσαν ἀμφότεροι. καὶ εἶπε πρὸσ αὐτούσ. ἀκούσατε τῶν λόγων μου. ἐὰν γένηται προφήτησ ὑμῶν Κυρίῳ, ἐν ὁράματι αὐτῷ γνωσθήσομαι καὶ ἐν ὕπνῳ λαλήσω αὐτῷ. οὐχ οὕτωσ ὁ θεράπων μου Μωυσῆσ. ἐν ὅλῳ τῷ οἴκῳ μου πιστόσ ἐστι. στόμα κατὰ στόμα λαλήσω αὐτῷ, ἐν εἴδει καὶ οὐ δι’ αἰνιγμάτων, καὶ τὴν δόξαν Κυρίου εἶδε. καὶ διατί οὐκ ἐφοβήθητε καταλαλῆσαι κατὰ τοῦ θεράποντόσ μου Μωυσῆ̣ καὶ ὀργὴ θυμοῦ Κυρίου ἐπ’ αὐτοῖσ, καὶ ἀπῆλθε. καὶ ἡ νεφέλη ἀπέστη ἀπὸ τῆσ σκηνῆσ, καὶ ἰδοὺ Μαριὰμ λεπρῶσα ὡσεὶ χιών. καὶ ἐπέβλεψεν Ἀαρὼν ἐπὶ Μαριάμ, καὶ ἰδοὺ λεπρῶσα. καὶ εἶπεν Ἀαρὼν πρὸσ Μωυσῆν. δέομαι, κύριε, μὴ συνεπιθῇ ἡμῖν ἁμαρτίαν, διότι ἠγνοήσαμεν καθ’ ὅτι ἡμάρτομεν. μὴ γένηται ὡσεὶ ἴσον θανάτῳ, ὡσεὶ ἔκτρωμα ἐκπορευόμενον ἐκ μήτρασ μητρὸσ καὶ κατεσθίει τὸ ἥμισυ τῶν σαρκῶν αὐτῆσ. καὶ ἐβόησε Μωυσῆσ πρὸσ Κύριον λέγων. ὁ Θεὸσ δέομαί σου, ἴασαι αὐτήν. καὶ εἶπε Κύριοσ πρὸσ Μωυσῆν. εἰ ὁ πατὴρ αὐτῆσ πτύων ἐνέπτυσεν εἰσ τὸ πρόσωπον αὐτῆσ, οὐκ ἐντραπήσεται ἑπτὰ ἡμέρασ̣ ἀφορισθήτω ἑπτὰ ἡμέρασ ἔξω τῆσ παρεμβολῆσ καὶ μετὰ ταῦτα εἰσελεύσεται. καὶ ἀφωρίσθη Μαριὰμ ἔξω τῆσ παρεμβολῆσ ἑπτὰ ἡμέρασ. καὶ ὁ λαὸσ οὐκ ἐξῇρεν, ἕωσ ἐκαθαρίσθη Μαριάμ. ΚΑΙ μετὰ ταῦτα ἐξῇρεν ὁ λαὸσ ἐξ Ἀσηρώθ, καὶ παρενέβαλον ἐν τῇ ἐρήμῳ τοῦ Φαράν.

καὶ ἐλάλησε Κύριοσ πρὸσ Μωυσῆν λέγων. ἀπόστειλον σεαυτῷ ἄνδρασ, καὶ κατασκεψάσθωσαν τὴν γῆν τῶν Χαναναίων, ἣν ἐγὼ δίδωμι τοῖσ υἱοῖσ Ἰσραὴλ εἰσ κατάσχεσιν, ἄνδρα ἕνα κατὰ φυλήν, κατὰ δήμουσ πατριῶν αὐτῶν ἀποστελεῖσ αὐτούσ, πάντα ἀρχηγὸν ἐξ αὐτῶν. καὶ ἐξαπέστειλεν αὐτοὺσ Μωυσῆσ ἐκ τῆσ ἐρήμου Φαρὰν διὰ φωνῆσ Κυρίου. πάντεσ ἄνδρεσ ἀρχηγοὶ υἱῶν Ἰσραὴλ οὗτοι. καὶ ταῦτα τὰ ὀνόματα αὐτῶν. τῆσ φυλῆσ Ρουβὴν Σαμουὴλ υἱὸσ Ζαχούρ. τῆσ φυλῆσ Συμεὼν Σαφὰτ υἱὸσ Σουρί. τῆσ φυλῆσ Ἰούδα Χάλεφ υἱὸσ Ἰεφοννή. τῆσ φυλῆσ Ἰσσάχαρ Ἰλαὰλ υἱὸσ Ἰωσήφ. τῆσ φυλῆσ Ἐφραὶμ Αὐσὴ υἱὸσ Ναυή. τῆσ φυλῆσ Βενιαμὶν Φαλτὶ υἱὸσ Ραφοῦ. τῆσ φυλῆσ Ζαβουλὼν Γουδιὴλ υἱὸσ Σουδί. τῆσ φυλῆσ Ἰωσὴφ τῶν υἱῶν Μανασσῆ, Γαδὶ υἱὸσ Σουσί. τῆσ φυλῆσ Δὰν Ἀμιὴλ υἱὸσ Γαμαλί. τῆσ φυλῆσ Ἀσὴρ Σαθοὺρ υἱὸσ Μιχαήλ. τῆσ φυλῆσ Νεφθαλὶ Ναβὶ υἱὸσ Σαβί. τῆσ φυλῆσ Γὰδ Γουδιὴλ υἱὸσ Μακχί. ταῦτα τὰ ὀνόματα τῶν ἀνδρῶν, οὓσ ἀπέστειλε Μωυσῆσ κατασκέψασθαι τὴν γῆν. καὶ ἐπωνόμασε Μωυσῆσ τὸν Αὐσὴ υἱὸν Ναυὴ Ἰησοῦν. καὶ ἀπέστειλεν αὐτοὺσ Μωυσῆσ κατασκέψασθαι τὴν γῆν Χαναὰν καὶ εἶπε πρὸσ αὐτούσ. ἀνάβητε ταύτῃ τῇ ἐρήμῳ καὶ ἀναβήσεσθε εἰσ τὸ ὄροσ, καὶ ὄψεσθε τὴν γῆν, τίσ ἐστι, καὶ τὸν λαὸν τὸν ἐγκαθήμενον ἐπ’ αὐτῆσ, εἰ ἰσχυρόσ ἐστιν ἢ ἀσθενήσ, εἰ ὀλίγοι εἰσὶν ἢ πολλοί. καὶ τίσ ἡ γῆ, εἰσ ἣν οὗτοι ἐγκάθηνται ἐπ’ αὐτῆσ, εἰ καλή ἐστιν ἢ πονηρά. καὶ τίνεσ αἱ πόλεισ, ἃσ οὗτοι κατοικοῦσιν ἐν αὐταῖσ, εἰ ἐν τειχήρεσιν ἢ ἐν ἀτειχίστοισ. καὶ τίσ ἡ γῆ, εἰ πίων ἢ παρειμένη, εἰ ἔστιν ἐν αὐτῇ δένδρα ἢ οὔ. καὶ προσκαρτερήσαντεσ λήψεσθε ἀπὸ τῶν καρπῶν τῆσ γῆσ. καὶ αἱ ἡμέραι ἡμέραι ἔαροσ, πρόδρομοι σταφυλῆσ. καὶ ἀναβάντεσ κατεσκέψαντο τὴν γῆν ἀπὸ τῆσ ἐρήμου Σὶν ἕωσ Ροόβ, εἰσπορευομένων Αἰμάθ. καὶ ἀνέβησαν κατὰ τὴν ἔρημον καὶ ἀπῆλθον ἕωσ Χεβρών, καὶ ἐκεῖ Ἀχιμὰν καὶ Σεσσὶ καὶ Θελαμί, γενεαὶ Ἐνάχ. καὶ Χεβρὼν ἑπτὰ ἔτεσιν ᾠκοδομήθη πρὸ τοῦ Τανὶν Αἰγύπτου. καὶ ἤλθοσαν ἕωσ Φάραγγοσ βότρυοσ, καὶ κατεσκέψαντο αὐτήν. καὶ ἔκοψαν ἐκεῖθεν κλῆμα καὶ βότρυν σταφυλῆσ ἕνα ἐπ’ αὐτοῦ καὶ ᾖραν αὐτὸν ἐπ’ ἀναφορεῦσι καὶ ἀπὸ τῶν ροῶν, καὶ ἀπὸ τῶν συκῶν. καὶ τὸν τόπον ἐκεῖνον ἐπωνόμασαν Φάραγξ βότρυοσ διὰ τὸν βότρυν, ὃν ἔκοψαν ἐκεῖθεν οἱ υἱοὶ Ἰσραήλ. Καὶ ἀπέστρεψαν ἐκεῖθεν κατασκεψάμενοι τὴν γῆν μετὰ τεσσαράκοντα ἡμέρασ. καὶ πορευθέντεσ ἦλθον πρὸσ Μωυσῆν καὶ Ἀαρὼν καὶ πρὸσ πᾶσαν συναγωγὴν υἱῶν Ἰσραήλ, εἰσ τὴν ἔρημον Φαρὰν Κάδησ καὶ ἀπεκρίθησαν αὐτοῖσ ρῆμα καὶ πάσῃ συναγωγῇ καὶ ἔδειξαν τὸν καρπὸν τῆσ γῆσ. καὶ διηγήσαντο αὐτῷ καὶ εἶπαν. ἤλθαμεν εἰσ τὴν γῆν, εἰσ ἣν ἀπέστειλασ ἡμᾶσ, γῆν ρέουσαν γάλα καὶ μέλι, καὶ οὗτοσ ὁ καρπὸσ αὐτῆσ. ἀλλ’ ἢ ὅτι θρασὺ τὸ ἔθνοσ τὸ κατοικοῦν ἐπ’ αὐτῆσ, καὶ αἱ πόλεισ ὀχυραὶ τετειχισμέναι μεγάλαι σφόδρα, καὶ τὴν γενεὰν Ἐνὰχ ἑωράκαμεν ἐκεῖ, καὶ Ἀμαλὴκ κατοικεῖ ἐν τῇ γῇ τῇ πρὸσ νότον, καὶ ὁ Χετταῖοσ καὶ ὁ Εὐαῖοσ καὶ ὁ Ἰεβουσαῖοσ καὶ ὁ Ἀμορραῖοσ κατοικεῖ ἐν τῇ ὀρεινῇ, καὶ ὁ Χαναναῖοσ κατοικεῖ παρὰ θάλασσαν καὶ παρὰ τὸν Ἰορδάνην ποταμόν. καὶ κατεσιώπησε Χάλεβ τὸν λαὸν πρὸσ Μωυσῆν καὶ εἶπεν αὐτῷ. οὐχί, ἀλλὰ ἀναβάντεσ ἀναβησόμεθα καὶ κατακληρονομήσομεν αὐτήν, ὅτι δυνατοὶ δυνησόμεθα πρὸσ αὐτούσ. καὶ οἱ ἄνθρωποι οἱ συναναβάντεσ μετ’ αὐτοῦ εἶπαν. οὐκ ἀναβαίνομεν, ὅτι οὐ μὴ δυνώμεθα ἀναβῆναι πρὸσ τὸ ἔθνοσ, ὅτι ἰσχυρότερον ἡμῶν ἐστι μᾶλλον. καὶ ἐξήνεγκαν ἔκστασιν τῆσ γῆσ, ἣν κατεσκέψαντο αὐτὴν πρὸσ τοὺσ υἱοὺσ Ἰσραήλ, λέγοντεσ. τὴν γῆν, ἣν παρήλθομεν αὐτὴν κατασκέψασθαι, γῆ κατέσθουσα τοὺσ κατοικοῦντασ ἐπ’ αὐτῆσ ἐστι. καὶ πᾶσ ὁ λαόσ, ὃν ἑωράκαμεν ἐν αὐτῇ, ἄνδρεσ ὑπερμήκεισ. καὶ ἐκεῖ ἑωράκαμεν τοὺσ γίγαντασ καὶ ἦμεν ἐνώπιον αὐτῶν ὡσεὶ ἀκρίδεσ, ἀλλὰ καὶ οὕτωσ ἦμεν ἐνώπιον αὐτῶν. ΚΑΙ ἀναλαβοῦσα πᾶσα ἡ συναγωγὴ ἐνέδωκε φωνήν, καὶ ἔκλαιεν ὁ λαὸσ ὅλην τὴν νύκτα ἐκείνην.

καὶ διεγόγγυζον ἐπὶ Μωυσῆν καὶ Ἀαρὼν πάντεσ οἱ υἱοὶ Ἰσραήλ, καὶ εἶπαν πρὸσ αὐτοὺσ πᾶσα ἡ συναγωγή. ὄφελον ἀπεθάνομεν ἐν τῇ Αἰγύπτῳ, ἢ ἐν τῇ ἐρήμῳ ταύτῃ εἰ ἀπεθάνομεν. καὶ ἱνατί Κύριοσ εἰσάγει ἡμᾶσ εἰσ τὴν γῆν ταύτην πεσεῖν ἐν πολέμῳ̣ αἱ γυναῖκεσ ἡμῶν καὶ τὰ παιδία ἔσονται εἰσ διαρπαγήν. νῦν οὖν βέλτιον ἡμῖν ἐστιν ἀποστραφῆναι εἰσ Αἴγυπτον. καὶ εἶπαν ἕτεροσ τῷ ἑτέρῳ. δῶμεν ἀρχηγὸν καὶ ἀποστρέψωμεν εἰσ Αἴγυπτον. καὶ ἔπεσε Μωυσῆσ καὶ Ἀαρὼν ἐπὶ πρόσωπον ἐναντίον πάσησ συναγωγῆσ υἱῶν Ἰσραήλ. Ἰησοῦσ δὲ ὁ τοῦ Ναυὴ καὶ Χάλεβ ὁ τοῦ Ἰεφοννή, τῶν κατασκεψαμένων τὴν γῆν, διέρρηξαν τὰ ἱμάτια αὐτῶν καὶ εἶπαν πρὸσ πᾶσαν συναγωγὴν υἱῶν Ἰσραὴλ λέγοντεσ. ἡ γῆ, ἣν κατεσκεψάμεθα αὐτήν, ἀγαθή ἐστι σφόδρα σφόδρα. εἰ αἱρετίζει ἡμᾶσ Κύριοσ, εἰσάξει ἡμᾶσ εἰσ τὴν γῆν ταύτην καὶ δώσει αὐτὴν ἡμῖν, γῆ ἥτισ ἐστὶ ρέουσα γάλα καὶ μέλι. ἀλλὰ ἀπὸ τοῦ Κυρίου μὴ ἀποστάται γίνεσθε. ὑμεῖσ δὲ μὴ φοβηθῆτε τὸν λαὸν τῆσ γῆσ, ὅτι κατάβρωμα ἡμῖν ἐστιν. ἀφέστηκε γὰρ ὁ καιρὸσ ἀπ’ αὐτῶν, ὁ δὲ Κύριοσ ἐν ἡμῖν. μὴ φοβηθῆτε αὐτούσ. καὶ εἶπε πᾶσα ἡ συναγωγὴ καταλιθοβολῆσαι αὐτοὺσ ἐν λίθοισ. καὶ ἡ δόξα Κυρίου ὤφθη ἐν τῇ νεφέλῃ ἐπὶ τῆσ σκηνῆσ τοῦ μαρτυρίου πᾶσι τοῖσ υἱοῖσ Ἰσραήλ. καὶ εἶπε Κύριοσ πρὸσ Μωυσῆν. ἕωσ τίνοσ παροξύνει με ὁ λαὸσ οὗτοσ καὶ ἕωσ τίνοσ οὐ πιστεύουσί μοι ἐπὶ πᾶσι τοῖσ σημείοισ, οἷσ ἐποίησα ἐν αὐτοῖσ̣ πατάξω αὐτοὺσ θανάτῳ καὶ ἀπολῶ αὐτοὺσ καὶ ποιήσω σὲ καὶ τὸν οἶκον τοῦ πατρόσ σου εἰσ ἔθνοσ μέγα καὶ πολὺ μᾶλλον ἢ τοῦτο. καὶ εἶπε Μωυσῆσ πρὸσ Κύριον. καὶ ἀκούσεται Αἴγυπτοσ, ὅτι ἀνήγαγεσ τῇ ἰσχύϊ σου τὸν λαὸν τοῦτον ἐξ αὐτῶν, ἀλλὰ καὶ πάντεσ οἱ κατοικοῦντεσ ἐπὶ τῆσ γῆσ ταύτησ ἀκηκόασιν, ὅτι σὺ εἶ Κύριοσ ἐν τῷ λαῷ τούτῳ, ὅστισ ὀφθαλμοῖσ κατ’ ὀφθαλμοὺσ ὀπτάζῃ, Κύριε, καὶ ἡ νεφέλη σου ἐφέστηκεν ἐπ’ αὐτῶν, καὶ ἐν στύλῳ νεφέλησ σὺ πορεύῃ πρότεροσ αὐτῶν τὴν ἡμέραν καὶ ἐν στύλῳ πυρὸσ τὴν νύκτα. καὶ ἐκτρίψεισ τὸν λαὸν τοῦτον ὡσεὶ ἄνθρωπον ἕνα, καὶ ἐροῦσι τὰ ἔθνη, ὅσοι ἀκηκόασι τὸ ὄνομά σου, λέγοντεσ. παρὰ τὸ μὴ δύνασθαι Κύριον εἰσαγαγεῖν τὸν λαὸν τοῦτον εἰσ τὴν γῆν, ἣν ὤμοσεν αὐτοῖσ, κατέστρωσεν αὐτοὺσ ἐν τῇ ἐρήμῳ. καὶ νῦν ὑψωθήτω ἡ ἰσχύσ, Κύριε, ὃν τρόπον εἶπασ λέγων. Κύριοσ μακρόθυμοσ καὶ πολυέλεοσ καὶ ἀληθινόσ, ἀφαιρῶν ἀνομίασ καὶ ἀδικίασ καὶ ἁμαρτίασ, καὶ καθαρισμῷ οὐ καθαριεῖ τὸν ἔνοχον ἀποδιδοὺσ ἁμαρτίασ πατέρων ἐπὶ τέκνα ἕωσ τρίτησ καὶ τετάρτησ γενεᾶσ. ἄφεσ τὴν ἁμαρτίαν τῷ λαῷ τούτῳ κατὰ τὸ μέγα ἔλεόσ σου, καθάπερ ἵλεωσ ἐγένου αὐτοῖσ ἀπ’ Αἰγύπτου ἕωσ τοῦ νῦν. καὶ εἶπε Κύριοσ πρὸσ Μωυσῆν. ἵλεωσ αὐτοῖσ εἰμι κατὰ τὸ ρῆμά σου. ἀλλὰ ζῶ ἐγὼ καὶ ζῶν τὸ ὄνομά μου καὶ ἐμπλήσει ἡ δόξα Κυρίου πᾶσαν τὴν γῆν, ὅτι πάντεσ οἱ ἄνδρεσ οἱ ὁρῶντεσ τὴν δόξαν μου καὶ τὰ σημεῖα, ἃ ἐποίησα ἐν Αἰγύπτῳ καὶ ἐν τῇ ἐρήμῳ, καὶ ἐπείρασάν με τοῦτο δέκατον, καὶ οὐκ εἰσήκουσαν τῆσ φωνῆσ μου, ᾖ μὴν οὐκ ὄψονται τὴν γῆν, ἣν ὤμοσα τοῖσ πατράσιν αὐτῶν, ἀλλ’ ἢ τὰ τέκνα αὐτῶν, ἅ ἐστι μετ’ ἐμοῦ ὧδε, ὅσοι οὐκ οἴδασιν ἀγαθὸν οὐδὲ κακόν, πᾶσ νεώτεροσ ἄπειροσ, τούτοισ δώσω τὴν γῆν, πάντεσ δὲ οἱ παροξύναντέσ με οὐκ ὄψονται αὐτήν. ὁ δὲ παῖσ μου Χάλεβ, ὅτι πνεῦμα ἕτερον ἐν αὐτῷ καὶ ἐπηκολούθησέ μοι, εἰσάξω αὐτὸν εἰσ τὴν γῆν, εἰσ ἣν εἰσῆλθεν ἐκεῖ, καὶ τὸ σπέρμα αὐτοῦ κληρονομήσει αὐτήν. ὁ δὲ Ἀμαλὴκ καὶ ὁ Χαναναῖοσ κατοικοῦσιν ἐν τῇ κοιλάδι. αὔριον ἐπιστράφητε καὶ ἀπάρατε ὑμεῖσ εἰσ τὴν ἔρημον, ὁδὸν θάλασσαν ἐρυθράν. Καὶ εἶπε Κύριοσ πρὸσ Μωυσῆν καὶ Ἀαρὼν λέγων. ἕωσ τίνοσ τὴν συναγωγὴν τὴν πονηρὰν ταύτην̣ ἃ αὐτοὶ γογγύζουσιν ἐναντίον μου, τὴν γόγγυσιν τῶν υἱῶν Ἰσραήλ, ἣν ἐγόγγυσαν περὶ ὑμῶν, ἀκήκοα. εἰπὸν αὐτοῖσ. ζῶ ἐγώ, λέγει Κύριοσ, ᾖ μὴν ὃν τρόπον λελαλήκατε εἰσ τὰ ὦτά μου, οὕτω ποιήσω ὑμῖν. ἐν τῇ ἐρήμῳ ταύτῃ πεσεῖται τὰ κῶλα ὑμῶν, καὶ πᾶσα ἡ ἐπισκοπὴ ὑμῶν καὶ οἱ κατηριθμημένοι ὑμῶν ἀπὸ εἰκοσαετοῦσ καὶ ἐπάνω, ὅσοι ἐγόγγυζον ἐπ’ ἐμοί. εἰ ὑμεῖσ εἰσελεύσεσθε εἰσ τὴν γῆν, ἐφ’ ἣν ἐξέτεινα τὴν χεῖρά μου κατασκηνῶσαι ὑμᾶσ ἐπ’ αὐτῆσ, ἀλλ’ ἢ Χάλεβ υἱὸσ Ἰεφοννὴ καὶ Ἰησοῦσ ὁ τοῦ Ναυή. καὶ τὰ παιδία, ἃ εἴπατε ἐν διαρπαγῇ ἔσεσθαι, εἰσάξω αὐτοὺσ εἰσ τὴν γῆν, καὶ κληρονομήσουσι τὴν γῆν, ἣν ὑμεῖσ ἀπέστητε ἀπ’ αὐτῆσ. καὶ τὰ κῶλα ὑμῶν πεσεῖται ἐν τῇ ἐρήμῳ ταύτῃ, οἱ δὲ υἱοὶ ὑμῶν ἔσονται νεμόμενοι ἐν τῇ ἐρήμῳ τεσσαράκοντα ἔτη καὶ ἀνοίσουσι τὴν πορνείαν ὑμῶν, ἕωσ ἂν ἀναλωθῇ τὰ κῶλα ὑμῶν ἐν τῇ ἐρήμῳ, κατὰ τὸν ἀριθμὸν τῶν ἡμερῶν, ὅσασ κατεσκέψασθε τὴν γῆν, τεσσαράκοντα ἡμέρασ, ἡμέραν τοῦ ἐνιαυτοῦ, λήψεσθε τὰσ ἁμαρτίασ ὑμῶν τεσσαράκοντα ἔτη καὶ γνώσεσθε τὸν θυμὸν τῆσ ὀργῆσ μου. ἐγὼ Κύριοσ ἐλάλησα. ᾖ μὴν οὕτω ποιήσω τῇ συναγωγῇ τῇ πονηρᾷ ταύτῃ τῇ ἐπισυνισταμένῃ ἐπ’ ἐμέ. ἐν τῇ ἐρήμῳ ταύτῃ ἐξαναλωθήσονται καὶ ἐκεῖ ἀποθανοῦνται. καὶ οἱ ἄνθρωποι, οὓσ ἀπέστειλε Μωυσῆσ κατασκέψασθαι τὴν γῆν καὶ παραγενηθέντεσ διεγόγγυσαν κατ’ αὐτῆσ πρὸσ τὴν συναγωγὴν ἐξενέγκαι ρήματα πονηρὰ περὶ τῆσ γῆσ, καὶ ἀπέθανον οἱ ἄνθρωποι οἱ κατείπαντεσ πονηρὰ κατὰ τῆσ γῆσ ἐν τῇ πληγῇ ἔναντι Κυρίου καὶ Ἰησοῦσ υἱὸσ Ναυή, καὶ Χάλεβ υἱὸσ Ἰεφοννὴ ἔζησαν ἀπὸ τῶν ἀνθρώπων ἐκείνων τῶν πεπορευμένων κατασκέψασθαι τὴν γῆν. Καὶ ἐλάλησε Μωυσῆσ τὰ ρήματα ταῦτα πρὸσ πάντασ υἱοὺσ Ἰσραήλ, καὶ ἐπένθησεν ὁ λαὸσ σφόδρα. καὶ ὀρθρίσαντεσ τὸ πρωί̈ ἀνέβησαν εἰσ τὴν κορυφὴν τοῦ ὄρουσ λέγοντεσ. ἰδοὺ οἵδε ἡμεῖσ ἀναβησόμεθα εἰσ τὸν τόπον, ὃν εἶπε Κύριοσ, ὅτι ἡμάρτομεν. καὶ εἶπε Μωυσῆσ. ἱνατί ὑμεῖσ παραβαίνετε τὸ ρῆμα Κυρίου̣ οὐκ εὔοδα ἔσται ὑμῖν. μὴ ἀναβαίνετε. οὐ γάρ ἐστι Κύριοσ μεθ’ ὑμῶν, καὶ πεσεῖσθε πρὸ προσώπου τῶν ἐχθρῶν ὑμῶν. ὅτι ὁ Ἀμαλὴκ καὶ ὁ Χαναναῖοσ ἐκεῖ ἔμπροσθεν ὑμῶν, καὶ πεσεῖσθε μαχαίρᾳ, οὗ εἵνεκεν ἀπεστράφητε ἀπειθοῦντεσ Κυρίῳ, καὶ οὐκ ἔσται Κύριοσ ἐν ὑμῖν. καὶ διαβιασάμενοι ἀνέβησαν ἐπὶ τὴν κορυφὴν τοῦ ὄρουσ. ἡ δὲ κιβωτὸσ τῆσ διαθήκησ Κυρίου καὶ Μωυσῆσ οὐκ ἐκινήθησαν ἐκ τῆσ παρεμβολῆσ. καὶ κατέβη ὁ Ἀμαλὴκ καὶ ὁ Χαναναῖοσ ὁ ἐγκαθήμενοσ ἐν τῷ ὄρει ἐκείνῳ καὶ ἐτρέψαντο αὐτοὺσ καὶ κατέκοψαν αὐτοὺσ ἕωσ Ἑρμάν. καὶ ἀπεστράφησαν εἰσ τὴν παρεμβολήν. ΚΑΙ εἶπε Κύριοσ πρὸσ Μωυσῆν λέγων.

λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτοῦσ. ὅταν εἰσέλθητε εἰσ τὴν γῆν τῆσ κατοικήσεωσ ὑμῶν, ἣν ἐγὼ δίδωμι ὑμῖν, καὶ ποιήσεισ ὁλοκαυτώματα Κυρίῳ, ὁλοκάρπωμα ἢ θυσίαν, μεγαλῦναι εὐχὴν ἢ καθ’ ἑκούσιον ἢ ἐν ταῖσ ἑορταῖσ ὑμῶν ποιῆσαι ὀσμὴν εὐωδίασ τῷ Κυρίῳ, εἰ μὲν ἀπὸ τῶν βοῶν ἢ ἀπό τῶν προβάτων, καὶ προσοίσει ὁ προσφέρων τὸ δῶρον αὐτοῦ Κυρίῳ θυσίαν σεμιδάλεωσ δέκατον τοῦ οἰφὶ ἀναπεποιημένησ ἐν ἐλαίῳ ἐν τετάρτῳ τοῦ ἴν. καὶ οἶνον εἰσ σπονδὴν τὸ τέταρτον τοῦ ἲν ποιήσετε ἐπὶ τῆσ ὁλοκαυτώσεωσ, ἢ ἐπὶ τῆσ θυσίασ. τῷ ἀμνῷ τῷ ἑνὶ ποιήσεισ τοσοῦτο, κάρπωμα ὀσμὴν εὐωδίασ τῷ Κυρίῳ. καὶ τῷ κριῷ, ὅταν ποιῆτε αὐτὸν εἰσ ὁλοκαύτωμα ἢ εἰσ θυσίαν, ποιήσεισ θυσίαν σεμιδάλεωσ δύο δέκατα ἀναπεποιημένησ ἐν ἐλαίῳ, τὸ τρίτον τοῦ ἴν. καὶ οἶνον εἰσ σπονδὴν τὸ τρίτον τοῦ ἲν προσοίσετε εἰσ ὀσμὴν εὐωδίασ Κυρίῳ. ἐὰν δέ ποιῆτε ἀπὸ τῶν βοῶν εἰσ ὁλοκαύτωσιν ἢ εἰσ θυσίαν μεγαλῦναι εὐχήν, ἢ εἰσ σωτήριον Κυρίῳ, καὶ προσοίσει ἐπὶ τοῦ μόσχου θυσίαν σεμιδάλεωσ τρία δέκατα ἀναπεποιημένησ ἐν ἐλαίῳ ἥμισυ τοῦ ἲν καὶ οἶνον εἰσ σπονδὴν τὸ ἥμισυ τοῦ ἴν, κάρπωμα ὀσμὴν εὐωδίασ Κυρίῳ. οὕτω ποιήσεισ τῷ μόσχῳ τῷ ἑνὶ ἢ τῷ κριῷ τῷ ἑνὶ ἢ τῷ ἀμνῷ τῷ ἑνὶ ἐκ τῶν προβάτων ἢ ἐκ τῶν αἰγῶν. κατὰ τὸν ἀριθμὸν ὧν ἐὰν ποιήσητε, οὕτωσ ποιήσετε τῷ ἑνὶ κατὰ τὸν ἀριθμὸν αὐτῶν. πᾶσ ὁ αὐτόχθων ποιήσει οὕτωσ τοιαῦτα, προσενέγκαι καρπώματα εἰσ ὀσμὴν εὐωδίασ Κυρίῳ. ἐὰν δὲ προσήλυτοσ ἐν ὑμῖν προσγένηται ἐν τῇ γῇ ὑμῶν, ἢ ὃσ ἂν γένηται ἐν ὑμῖν ἐν ταῖσ γενεαῖσ ὑμῶν, καὶ ποιήσει κάρπωμα ὀσμὴν εὐωδίασ Κυρίῳ, ὃν τρόπον ποιεῖτε ὑμεῖσ, οὕτω ποιήσει ἡ συναγωγὴ Κυρίῳ. νόμοσ εἷσ ἔσται ὑμῖν καὶ τοῖσ προσηλύτοισ τοῖσ προσκειμένοισ ἐν ὑμῖν, νόμοσ αἰώνιοσ εἰσ τὰσ γενεὰσ ὑμῶν. ὡσ ὑμεῖσ καὶ ὁ προσήλυτοσ ἔσται ἔναντι Κυρίου. νόμοσ εἷσ ἔσται καὶ δικαίωμα ἓν ἔσται ὑμῖν καὶ τῷ προσηλύτῳ τῷ προσκειμένῳ ἐν ὑμῖν. Καί ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ἐν τῷ εἰσπορεύεσθαι ὑμᾶσ εἰσ τὴν γῆν, εἰσ ἣν ἐγὼ εἰσάγω ὑμᾶσ ἐκεῖ, καὶ ἔσται ὅταν ἔσθητε ὑμεῖσ ἀπὸ τῶν ἄρτων τῆσ γῆσ, ἀφελεῖτε ἀφαίρεμα ἀφόρισμα Κυρίῳ. ἀπαρχὴν φυράματοσ ὑμῶν ἄρτον ἀφοριεῖτε ἀφαίρεμα αὐτό. ὡσ ἀφαίρεμα ἀπὸ ἅλω, οὕτωσ ἀφελεῖτε αὐτόν, ἀπαρχὴν φυράματοσ ὑμῶν, καὶ δώσετε Κυρίῳ ἀφαίρεμα εἰσ τὰσ γενεὰσ ὑμῶν. Ὅταν δὲ διαμάρτητε καὶ μὴ ποιήσητε πάσασ τὰσ ἐντολὰσ ταύτασ, ἃσ ἐλάλησε Κύριοσ πρὸσ Μωυσῆν, καθὰ συνέταξε Κύριοσ πρὸσ ὑμᾶσ ἐν χειρὶ Μωυσῆ ἀπὸ τῆσ ἡμέρασ, ᾗ συνέταξε Κύριοσ πρὸσ ὑμᾶσ καὶ ἐπέκεινα εἰσ τὰσ γενεὰσ ὑμῶν, καὶ ἔσται ἐὰν ἐξ ὀφθαλμῶν τῆσ συναγωγῆσ γενηθῇ ἀκουσίωσ, καὶ ποιήσει πᾶσα ἡ συναγωγὴ μόσχον ἕνα ἐκ βοῶν ἄμωμον εἰσ ὁλοκαύτωμα εἰσ ὀσμὴν εὐωδίασ Κυρίῳ καὶ θυσίαν τούτου καὶ σπονδὴν αὐτοῦ κατὰ τὴν σύνταξιν καὶ χίμαρον ἐξ αἰγῶν ἕνα περὶ ἁμαρτίασ. καὶ ἐξιλάσεται ὁ ἱερεὺσ περὶ πάσησ συναγωγῆσ υἱῶν Ἰσραήλ, καὶ ἀφεθήσεται αὐτοῖσ. ὅτι ἀκούσιόν ἐστι, καὶ αὐτοὶ ἤνεγκαν τὸ δῶρον αὐτῶν κάρπωμα Κυρίῳ περὶ τῆσ ἁμαρτίασ αὐτῶν ἔναντι Κυρίου, περὶ τῶν ἀκουσίων αὐτῶν. καὶ ἀφεθήσεται κατὰ πᾶσαν συναγωγὴν υἱῶν Ἰσραὴλ καὶ τῷ προσηλύτῳ τῷ προσκειμένῳ πρὸσ ὑμᾶσ, ὅτι παντὶ τῷ λαῷ ἀκούσιον. ἐάν τε ψυχὴ μία ἁμάρτῃ ἀκουσίωσ, προσάξει αἶγα μίαν ἐνιαυσίαν περὶ ἁμαρτίασ, καὶ ἐξιλάσεται ὁ ἱερεὺσ περὶ τῆσ ψυχῆσ τῆσ ἀκουσιασθείσησ καὶ ἁμαρτούσησ ἀκουσίωσ ἔναντι Κυρίου ἐξιλάσασθαι περὶ αὐτοῦ. τῷ ἐγχωρίῳ ἐν υἱοῖσ Ἰσραὴλ καὶ τῷ προσηλύτῳ τῷ προσκειμένῳ ἐν αὐτοῖσ νόμοσ εἷσ ἔσται αὐτοῖσ, ὃσ ἐὰν ποιήσῃ ἀκουσίωσ. καὶ ψυχή, ἥτισ ποιήσει ἐν χειρὶ ὑπερηφανίασ ἀπὸ τῶν αὐτοχθόνων ἢ ἀπὸ τῶν προσηλύτων, τὸν Θεὸν οὗτοσ παροξυνεῖ, ἐξολοθρευθήσεται ἡ ψυχὴ ἐκείνη ἐκ τοῦ λαοῦ αὐτῆσ, ὅτι τὸ ρῆμα Κυρίου ἐφαύλισε καὶ τὰσ ἐντολὰσ αὐτοῦ διεσκέδασεν. ἐκτρίψει ἐκτριβήσεται ἡ ψυχὴ ἐκείνη, ἡ ἁμαρτία αὐτῆσ ἐν αὐτῇ. Καὶ ἦσαν οἱ υἱοὶ Ἰσραὴλ ἐν τῇ ἐρήμῳ καὶ εὗρον ἄνδρα συλλέγοντα ξύλα τῇ ἡμέρᾳ τῶν σαββάτων. καὶ προσήγαγον αὐτὸν οἱ εὑρόντεσ συλλέγοντα ξύλα τῇ ἡμέρᾳ τῶν σαββάτων πρὸσ Μωυσῆν καὶ Ἀαρὼν καὶ πρὸσ πᾶσαν συναγωγὴν υἱῶν Ἰσραήλ. καὶ ἀπέθεντο αὐτὸν εἰσ φυλακήν, οὐ γὰρ συνέκριναν τί ποιήσωσιν αὐτόν. καὶ ἐλάλησε Κύριοσ πρὸσ Μωυσῆν λέγων. θανάτῳ θανατούσθω ὁ ἄνθρωποσ, λιθοβολήσατε αὐτὸν λίθοισ πᾶσα ἡ συναγωγή. καὶ ἐξήγαγον αὐτὸν πᾶσα ἡ συναγωγὴ ἔξω τῆσ παρεμβολῆσ, καὶ ἐλιθοβόλησεν αὐτὸν πᾶσα ἡ συναγωγὴ λίθοισ ἔξω τῆσ παρεμβολῆσ, καθὰ συνέταξε Κύριοσ τῷ Μωυσῇ. Καὶ εἶπε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτοὺσ καὶ ποιησάτωσαν ἑαυτοῖσ κράσπεδα ἐπὶ τὰ πτερύγια τῶν ἱματίων αὐτῶν εἰσ τὰσ γενεὰσ αὐτῶν καὶ ἐπιθήσετε ἐπὶ τὰ κράσπεδα τῶν πτερυγίων κλῶσμα ὑακίνθινον. καὶ ἔσται ὑμῖν ἐν τοῖσ κρασπέδοισ καὶ ὄψεσθε αὐτὰ καὶ μνησθήσεσθε πασῶν τῶν ἐντολῶν Κυρίου καὶ ποιήσετε αὐτάσ, καὶ οὐ διαστραφήσεσθε ὀπίσω τῶν διανοιῶν ὑμῶν καὶ τῶν ὀφθαλμῶν ὑμῶν, ἐν οἷσ ὑμεῖσ ἐκπορνεύετε ὀπίσω αὐτῶν, ὅπωσ ἂν μνησθῆτε καὶ ποιήσητε πάσασ τὰσ ἐντολάσ μου καὶ ἔσεσθε ἅγιοι τῷ Θεῷ ὑμῶν. ἐγὼ Κύριοσ ὁ Θεὸσ ὑμῶν ὁ ἐξαγωγὼν ὑμᾶσ ἐκ γῆσ Αἰγύπτου εἶναι ὑμῶν Θεόσ, ἐγὼ Κύριοσ ὁ Θεὸσ ὑμῶν. ΚΑΙ ἐλάλησε Κορὲ υἱὸσ Ἰσσάαρ υἱοῦ Καὰθ υἱοῦ Λευὶ καὶ Δαθὰν καὶ Ἀβειρὼν υἱοὶ Ἑλιὰβ καὶ Αὔν υἱὸσ Φαλὲθ υἱοῦ Ρουβήν,

καὶ ἀνέστησαν ἔναντι Μωυσῆ, καὶ ἄνδρεσ τῶν υἱῶν Ἰσραὴλ πεντήκοντα καὶ διακόσιοι, ἀρχηγοὶ συναγωγῆσ, σύγκλητοι βουλῆσ καί ἄνδρεσ ὀνομαστοί, συνέστησαν ἐπὶ Μωυσῆν καὶ Ἀαρὼν καὶ εἶπαν. ἐχέτω ὑμῖν, ὅτι πᾶσα ἡ συναγωγὴ πάντεσ ἅγιοι, καὶ ἐν αὐτοῖσ Κύριοσ, καὶ διατί κατανίστασθε ἐπὶ τὴν συναγωγὴν Κυρίου̣ καὶ ἀκούσασ Μωυσῆσ ἔπεσεν ἐπὶ πρόσωπον, καὶ ἐλάλησε πρὸσ Κορὲ καὶ πρὸσ πᾶσαν αὐτοῦ τὴν συναγωγὴν λέγων. ἐπέσκεπται καὶ ἔγνω ὁ Θεὸσ τοὺσ ὄντασ αὐτοῦ καὶ τοὺσ ἁγίουσ, καὶ προσηγάγετο πρὸσ ἑαυτόν, καὶ οὓσ ἐξελέξατο ἑαυτῷ, προσηγάγετο πρὸσ ἑαυτόν. τοῦτο ποιήσατε. λάβετε ὑμῖν αὐτοῖσ πυρεῖα, Κορὲ καὶ πᾶσα ἡ συναγωγὴ αὐτοῦ, καὶ ἐπίθετε ἐπ’ αὐτὰ πῦρ, καὶ ἐπίθετε ἐπ’ αὐτὰ θυμίαμα ἔναντι Κυρίου αὔριον. καὶ ἔσται ὁ ἀνήρ, ὃν ἐκλέλεκται Κύριοσ, οὗτοσ ἅγιοσ. ἱκανούσθω ὑμῖν υἱοὶ Λευί. καὶ εἶπε Μωυσῆσ πρὸσ Κορέ. εἰσακούσατέ μου, υἱοὶ Λευί. μὴ μικρόν ἐστι τοῦτο ὑμῖν, ὅτι διέστειλεν ὁ Θεὸσ Ἰσραὴλ ὑμᾶσ ἐκ συναγωγῆσ Ἰσραὴλ καὶ προσηγάγετο ὑμᾶσ πρὸσ ἑαυτὸν λειτουργεῖν τὰσ λειτουργίασ τῆσ σκηνῆσ Κυρίου καὶ παρίστασθαι ἔναντι τῆσ σκηνῆσ λατρεύειν αὐτοῖσ̣ καὶ προσηγάγετό σε καὶ πάντασ τοὺσ ἀδελφούσ σου υἱοὺσ Λευὶ μετὰ σοῦ καὶ ζητεῖτε καὶ ἱερατεύειν̣ οὕτωσ σὺ καὶ πᾶσα ἡ συναγωγή σου ἡ συνηθροισμένη πρὸσ τὸν Θεόν. καὶ Ἀαρὼν τίσ ἐστιν, ὅτι διαγογγύζετε κατ’ αὐτοῦ̣ καὶ ἀπέστειλε Μωυσῆσ καλέσαι Δαθὰν καὶ Ἀβειρὼν υἱοὺσ Ἑλιάβ. καὶ εἶπαν. οὐκ ἀναβαίνομεν. μὴ μικρὸν τοῦτο, ὅτι ἀνήγαγεσ ἡμᾶσ εἰσ γῆν ρέουσαν γάλα καὶ μέλι ἀποκτεῖναι ἡμᾶσ ἐν τῇ ἐρήμῳ, ὅτι κατάρχεισ ἡμῶν ἄρχων̣ εἰ καὶ εἰσ γῆν ρέουσαν γάλα καὶ μέλι εἰσήγαγεσ ἡμᾶσ καὶ ἔδωκασ ἡμῖν κλῆρον ἀγροῦ καὶ ἀμπελῶνασ, τοὺσ ὀφθαλμοὺσ τῶν ἀνθρώπων ἐκείνων ἂν ἐξέκοψασ. οὐκ ἀναβαίνομεν. καὶ ἐβαρυθύμησε Μωυσῆσ σφόδρα καὶ εἶπε πρὸσ Κύριον. μὴ πρόσχῃσ εἰσ τὴν θυσίαν αὐτῶν. οὐκ ἐπιθύμημα οὐδενὸσ αὐτῶν εἴληφα, οὐδὲ ἐκάκωσα οὐδένα αὐτῶν. καὶ εἶπε Μωυσῆσ πρὸσ Κορέ. ἁγίασον τὴν συναγωγήν σου καὶ γίνεσθε ἕτοιμοι ἔναντι Κυρίου σὺ καὶ Ἀαρὼν καὶ αὐτοὶ αὔριον. καὶ λάβετε ἕκαστοσ τὸ πυρεῖον αὐτοῦ καὶ ἐπιθήσετε ἐπ’ αὐτὰ θυμίαμα καὶ προσάξετε ἔναντι Κυρίου ἕκαστοσ τὸ πυρεῖον αὐτοῦ, πεντήκοντα καὶ διακόσια πυρεῖα, καὶ σὺ καὶ Ἀαρὼν ἕκαστοσ τὸ πυρεῖον αὐτοῦ. καὶ ἔλαβεν ἕκαστοσ τὸ πυρεῖον αὐτοῦ καὶ ἐπέθηκαν ἐπ’ αὐτὰ πῦρ καὶ ἐπέβαλον ἐπ’ αὐτὰ θυμίαμα. καὶ ἔστησαν παρὰ τὰσ θύρασ τῆσ σκηνῆσ τοῦ μαρτυρίου Μωυσῆσ καὶ Ἀαρών. καὶ ἐπισυνέστησεν ἐπ’ αὐτοὺσ Κορὲ τὴν πᾶσαν αὐτοῦ συναγωγὴν παρὰ τὴν θύραν τῆσ σκηνῆσ τοῦ μαρτυρίου. καὶ ὤφθη ἡ δόξα Κυρίου πάσῃ τῇ συναγωγῇ. καὶ ἐλάλησε Κύριοσ πρὸσ Μωυσῆν καὶ Ἀαρὼν λέγων. ἀποσχίσθητε ἐκ μέσου τῆσ συναγωγῆσ ταύτησ, καὶ ἐξαναλώσω αὐτοὺσ εἰσάπαξ. καὶ ἔπεσαν ἐπὶ πρόσωπον αὐτῶν καὶ εἶπαν. Θεόσ, Θεὸσ τῶν πνευμάτων καὶ πάσησ σαρκόσ, εἰ ἄνθρωποσ εἷσ ἥμαρτεν, ἐπὶ πᾶσαν τὴν συναγωγὴν ὀργὴ Κυρίου̣ καὶ ἐλάλησε Κύριοσ πρὸσ Μωυσῆν λέγων. λάλησον τῇ συναγωγῇ λέγων. ἀναχωρήσατε κύκλῳ ἀπὸ τῆσ συναγωγῆσ Κορέ. καὶ ἀνέστη Μωυσῆσ καὶ ἐπορεύθη πρὸσ Δαθὰν καὶ Ἀβειρών, καὶ συνεπορεύθησαν μετ’ αὐτοῦ πάντεσ οἱ πρεσβύτεροι Ἰσραήλ. καὶ ἐλάλησε πρὸσ τὴν συναγωγὴν λέγων. ἀποσχίσθητε ἀπὸ τῶν σκηνῶν τῶν ἀνθρώπων τῶν σκληρῶν τούτων, καὶ μὴ ἅπτεσθε ἀπὸ πάντων, ὧν ἐστιν αὐτοῖσ, μὴ συναπόλησθε ἐν πάσῃ τῇ ἁμαρτίᾳ αὐτῶν. καὶ ἀπέστησαν ἀπὸ τῆσ σκηνῆσ Κορὲ κύκλῳ. καὶ Δαθὰν καὶ Ἀβειρὼν ἐξῆλθον καὶ εἱστήκεισαν παρὰ τὰσ θύρασ τῶν σκηνῶν αὐτῶν καὶ αἱ γυναῖκεσ αὐτῶν καὶ τὰ τέκνα αὐτῶν καὶ ἡ ἀποσκευὴ αὐτῶν. καὶ εἶπε Μωυσῆσ. ἐν τούτῳ γνώσεσθε ὅτι Κύριοσ ἀπέστειλέ με ποιῆσαι πάντα τὰ ἔργα ταῦτα, ὅτι οὐκ ἀπ’ ἐμαυτοῦ. εἰ κατὰ θάνατον πάντων ἀνθρώπων ἀποθανοῦνται οὗτοι, εἰ καὶ κατ’ ἐπίσκεψιν πάντων ἀνθρώπων ἐπισκοπὴ ἔσται αὐτῶν, οὐχὶ Κύριοσ ἀπέσταλκέ με. ἀλλ’ ἢ ἐν φάσματι δείξει Κύριοσ, καὶ ἀνοίξασα ἡ γῆ τὸ στόμα αὐτῆσ καταπίεται αὐτοὺσ καὶ τοὺσ οἴκουσ αὐτῶν καὶ τὰσ σκηνὰσ αὐτῶν καὶ πάντα, ὅσα ἐστὶν αὐτοῖσ, καὶ καταβήσονται ζῶντεσ εἰσ ᾅδου, καὶ γνώσεσθε, ὅτι παρώξυναν οἱ ἄνθρωποι οὗτοι τὸν Κύριον. ὡσ δὲ ἐπαύσατο λαλῶν πάντασ τοὺσ λόγουσ τούτουσ, ἐρράγη ἡ γῆ ὑποκάτω αὐτῶν, καὶ ἠνοίχθη ἡ γῆ καὶ κατέπιεν αὐτοὺσ καὶ τοὺσ οἴκουσ αὐτῶν καὶ πάντασ τοὺσ ἀνθρώπουσ τοὺσ ὄντασ μετὰ Κορὲ καὶ τὰ κτήνη αὐτῶν. καὶ κατέβησαν αὐτοὶ καὶ ὅσα ἐστὶν αὐτῶν ζῶντα εἰσ ᾅδου, καὶ ἐκάλυψεν αὐτοὺσ ἡ γῆ, καὶ ἀπώλοντο ἐκ μέσου τῆσ συναγωγῆσ. καὶ πᾶσ Ἰσραὴλ οἱ κύκλῳ αὐτῶν ἔφυγον ἀπὸ τῆσ φωνῆσ αὐτῶν, ὅτι λέγοντεσ. μή ποτε καταπίῃ ἡμᾶσ ἡ γῆ. καὶ πῦρ ἐξῆλθε παρὰ Κυρίου καὶ κατέφαγε τοὺσ πεντήκοντα καὶ διακοσίουσ ἄνδρασ τοὺσ προσφέροντασ τὸ θυμίαμα. ΚΑΙ εἶπε Κύριοσ πρὸσ Μωυσῆν

καὶ πρὸσ Ἐλεάζαρ τὸν υἱὸν Ἀαρὼν τὸν ἱερέα. ἀνέλεσθε τὰ πυρεῖα τὰ χαλκᾶ ἐκ μέσου τῶν κατακεκαυμένων καὶ τὸ πῦρ τὸ ἀλλότριον τοῦτο σπεῖρον ἐκεῖ, ὅτι ἡγίασαν τὰ πυρεῖα τῶν ἁμαρτωλῶν τούτων ἐν ταῖσ ψυχαῖσ αὐτῶν. καὶ ποίησον αὐτὰ λεπίδασ ἐλατὰσ περίθεμα τῷ θυσιαστηρίῳ, ὅτι προσηνέχθησαν ἔναντι Κυρίου καὶ ἡγιάσθησαν καὶ ἐγένοντο εἰσ σημεῖον τοῖσ υἱοῖσ Ἰσραήλ. καὶ ἔλαβεν Ἐλεάζαρ υἱὸσ Ἀαρὼν τοῦ ἱερέωσ τὰ πυρεῖα τὰ χαλκᾶ, ὅσα προσήνεγκαν οἱ κατακεκαυμένοι, καὶ προσέθηκαν αὐτὰ περίθεμα τῷ θυσιαστηρίῳ, μνημόσυνον τοῖσ υἱοῖσ Ἰσραήλ, ὅπωσ ἂν μὴ προσέλθῃ μηδεὶσ ἀλλογενήσ, ὃσ οὐκ ἔστιν ἐκ τοῦ σπέρματοσ Ἀαρών, ἐπιθεῖναι θυμίαμα ἔναντι Κυρίου καὶ οὐκ ἔσται ὥσπερ Κορὲ καὶ ἡ ἐπισύστασισ αὐτοῦ, καθὰ ἐλάλησε Κύριοσ ἐν χειρὶ Μωυσῆ αὐτῷ. Καὶ ἐγόγγυσαν οἱ υἱοὶ Ἰσραὴλ τῇ ἐπαύριον ἐπὶ Μωυσῆν καὶ Ἀαρὼν λέγοντεσ. ὑμεῖσ ἀπεκτάγκατε τὸν λαὸν Κυρίου. καὶ ἐγένετο ἐν τῷ ἐπισυστρέφεσθαι τὴν συναγωγὴν ἐπὶ Μωυσῆν καὶ Ἀαρὼν καὶ ὥρμησαν ἐπὶ τὴν σκηνὴν τοῦ μαρτυρίου, καὶ τήνδε ἐκάλυψεν αὐτὴν ἡ νεφέλη καὶ ὤφθη ἡ δόξα Κυρίου. καὶ εἰσῆλθε Μωυσῆσ καὶ Ἀαρὼν κατὰ πρόσωπον τῆσ σκηνῆσ τοῦ μαρτυρίου. καὶ ἐλάλησε Κύριοσ πρὸσ Μωυσῆν καὶ Ἀαρὼν λέγων. ἐκχωρήσατε ἐκ μέσου τῆσ συναγωγῆσ ταύτησ, καὶ ἐξαναλώσω αὐτοὺσ εἰσάπαξ. καὶ ἔπεσον ἐπὶ πρόσωπον αὐτῶν. καὶ εἶπε Μωυσῆσ πρὸσ Ἀαρών. λάβε τὸ πυρεῖον καὶ ἐπίθεσ ἐπ’ αὐτὸ πῦρ ἀπὸ τοῦ θυσιαστηρίου καὶ ἐπίβαλε ἐπ’ αὐτὸ θυμίαμα καὶ ἀπένεγκε τὸ τάχοσ εἰσ τὴν παρεμβολὴν καὶ ἐξίλασαι περὶ αὐτῶν. ἐξῆλθε γὰρ ὀργὴ ἀπὸ προσώπου Κυρίου, ἦρκται θραύειν τὸν λαόν. καὶ ἔλαβεν Ἀαρών, καθάπερ ἐλάλησεν αὐτῷ Μωυσῆσ, καὶ ἔδραμεν εἰσ τὴν συναγωγήν. καὶ ἤδη ἐνῆρκτο ἡ θραῦσισ ἐν τῷ λαῷ. καὶ ἐπέβαλε τὸ θυμίαμα καὶ ἐξιλάσατο περὶ τοῦ λαοῦ καὶ ἔστη ἀναμέσον τῶν τεθνηκότων καὶ τῶν ζώντων, καὶ ἐκόπασεν ἡ θραῦσισ. καὶ ἐγένοντο οἱ τεθνηκότεσ ἐν τῇ θραύσει τεσσαρεσκαίδεκα χιλιάδεσ καὶ ἑπτακόσιοι, χωρὶσ τῶν τεθνηκότων ἕνεκεν Κορέ. καὶ ἐπέστρεψεν Ἀαρών πρὸσ Μωυσῆν ἐπὶ τὴν θύραν τῆσ σκηνῆσ τοῦ μαρτυρίου, καὶ ἐκόπασεν ἡ θραῦσισ. Καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ καὶ λάβε παρ’ αὐτῶν ράβδον ράβδον κατ’ οἴκουσ πατριῶν παρὰ πάντων τῶν ἀρχόντων αὐτῶν, κατ’ οἴκουσ πατριῶν αὐτῶν, δώδεκα ράβδουσ, καὶ ἑκάστου τὸ ὄνομα αὐτοῦ ἐπίγραψον ἐπὶ τῆσ ράβδου. καὶ τὸ ὄνομα Ἀαρὼν ἐπίγραψον ἐπὶ τῆσ ράβδου Λευί. ἔστι γὰρ ράβδοσ μία, κατὰ φυλὴν οἴκου πατριῶν αὐτῶν δώσουσι. καὶ θήσεισ αὐτὰσ ἐν τῇσκηνῇ τοῦ μαρτυρίου, κατέναντι τοῦ μαρτυρίου, ἐν οἷσ γνωσθήσομαί σοι ἐκεῖ. καὶ ἔσται ὁ ἄνθρωποσ, ὃν ἂν ἐκλέξωμαι αὐτόν, ἡ ράβδοσ αὐτοῦ ἐκβλαστήσει. καὶ περιελῶ ἀπ’ ἐμοῦ τὸν γογγυσμὸν υἱῶν Ἰσραήλ, ἃ αὐτοὶ γογγύζουσιν ἐφ’ ὑμῖν. καὶ ἐλάλησε Μωυσῆσ τοῖσ υἱοῖσ Ἰσραήλ, καὶ ἔδωκαν αὐτῷ πάντεσ οἱ ἄρχοντεσ αὐτῶν ράβδον, τῷ ἄρχοντι τῷ ἑνὶ ράβδον κατ’ ἄρχοντα, κατ’ οἴκουσ πατριῶν αὐτῶν, δώδεκα ράβδουσ, καὶ ἡ ράβδοσ Ἀαρὼν ἀνὰ μέσον τῶν ράβδων αὐτῶν. καὶ ἀπέθηκε Μωυσῆσ τὰσ ράβδουσ ἔναντι Κυρίου ἐν τῇ σκηνῇ τοῦ μαρτυρίου. καὶ ἐγένετο τῇ ἐπαύριον καὶ εἰσῆλθε Μωυσῆσ καὶ Ἀαρὼν ἐν τῇ σκηνῇ τοῦ μαρτυρίου, καὶ ἰδοὺ ἐβλάστησεν ἡ ράβδοσ Ἀαρὼν εἰσ οἶκον Λευὶ καὶ ἐξήνεγκε βλαστὸν καὶ ἐξήνθησεν ἄνθη καὶ ἐβλάστησε κάρυα. καὶ ἐξήνεγκε Μωυσῆσ πάσασ τὰσ ράβδουσ ἀπὸ προσώπου Κυρίου πρὸσ πάντασ υἱοὺσ Ἰσραήλ, καὶ εἶδον καὶ ἔλαβον ἕκαστοσ τὴν ράβδον αὐτοῦ. καὶ εἶπε Κύριοσ πρὸσ Μωυσῆν. ἀπόθεσ τὴν ράβδον Ἀαρὼν ἐνώπιον τῶν μαρτυρίων εἰσ διατήρησιν, σημεῖον τοῖσ υἱοῖσ τῶν ἀνηκόων, καὶ παυσάσθω ὁ γογγυσμὸσ αὐτῶν ἀπ’ ἐμοῦ, καὶ οὐ μὴ ἀποθάνωσι. καὶ ἐποίησε Μωυσῆσ καὶ Ἀαρών, καθὰ συνέταξε Κύριοσ τῷ Μωυσῇ, οὕτωσ ἐποίησαν. καὶ εἶπαν οἱ υἱοὶ Ἰσραὴλ πρὸσ Μωυσῆν λέγοντεσ. ἰδοὺ ἐξανηλώμεθα, ἀπολώλαμεν, παρανηλώμεθα. πᾶσ ὁ ἁπτόμενοσ τῆσ σκηνῆσ Κυρίου ἀποθνήσκει. ἕωσ εἰσ τέλοσ ἀποθάνωμεν̣ ΚΑΙ εἶπε Κύριοσ πρὸσ Ἀαρὼν λέγων. σὺ καὶ οἱ υἱοί σου καὶ ὁ οἶκοσ τοῦ πατρόσ σου λήψεσθε τὰσ ἁμαρτίασ τῶν ἁγίων, καὶ σὺ καὶ οἱ υἱοί σου λήψεσθε τὰσ ἁμαρτίασ τῆσ ἱερατείασ ὑμῶν.

καὶ τοὺσ ἀδελφούσ σου, φυλὴν Λευί, δῆμον τοῦ πατρόσ σου, προσαγάγου πρὸσ σεαυτόν, καὶ προστεθήτωσάν σοι καὶ λειτουργείτωσάν σοι, καὶ σὺ καὶ οἱ υἱοί σου μετὰ σοῦ ἀπέναντι τῆσ σκηνῆσ τοῦ μαρτυρίου. καὶ φυλάξονται τὰσ φυλακάσ σου καὶ τὰσ φυλακὰσ τῆσ σκηνῆσ, πλὴν πρὸσ τὰ σκεύη τὰ ἅγια καὶ πρὸσ τὸ θυσιαστήριον οὐ προσελεύσονται, καὶ οὐκ ἀποθανοῦνται καὶ οὗτοι καὶ ὑμεῖσ. καὶ προστεθήσονται πρὸσ σὲ καὶ φυλάξονται τὰσ φυλακὰσ τῆσ σκηνῆσ τοῦ μαρτυρίου κατὰ πάσασ τὰσ λειτουργίασ τῆσ σκηνῆσ. καὶ ὁ ἀλλογενὴσ οὐ προσελεύσεται πρὸσ σέ. καὶ φυλάξεσθε τὰσ φυλακὰσ τῶν ἁγίων καὶ τὰσ φυλακὰσ τοῦ θυσιαστηρίου, καὶ οὐκ ἔσται θυμὸσ ἐν τοῖσ υἱοῖσ Ἰσραήλ. καὶ ἐγὼ εἴληφα τοὺσ ἀδελφοὺσ ὑμῶν τοὺσ Λευίτασ ἐκ μέσου τῶν υἱῶν Ἰσραὴλ δόμα δεδομένον Κυρίῳ, λειτουργεῖν τὰσ λειτουργίασ τῆσ σκηνῆσ τοῦ μαρτυρίου. καὶ σὺ καὶ οἱ υἱοί σου μετὰ σοῦ διατηρήσετε τὴν ἱερατείαν ὑμῶν, κατὰ πάντα τρόπον τοῦ θυσιαστηρίου καὶ τὸ ἔνδοθεν τοῦ καταπετάσματοσ καὶ λειτουργήσετε τὰσ λειτουργίασ δόμα τῆσ ἱερατείασ ὑμῶν. καὶ ὁ ἀλλογενὴσ ὁ προσπορευόμενοσ ἀποθανεῖται. Καὶ ἐλάλησε Κύριοσ πρὸσ Ἀαρών. καὶ ἰδοὺ ἐγὼ δέδωκα ὑμῖν τὴν διατήρησιν τῶν ἀπαρχῶν. ἀπὸ πάντων τῶν ἡγιασμένων μοι παρὰ τῶν υἱῶν Ἰσραὴλ σοὶ δέδωκα αὐτὰ εἰσ γέρασ καὶ τοῖσ υἱοῖσ σου μετὰ σὲ νόμιμον αἰώνιον. καὶ τοῦτο ἔστω ὑμῖν ἀπὸ τῶν ἡγιασμένων ἁγίων τῶν καρπωμάτων, ἀπὸ πάντων τῶν δώρων αὐτῶν καὶ ἀπὸ πάντων τῶν θυσιασμάτων αὐτῶν καὶ ἀπὸ πάσησ πλημμελείασ αὐτῶν καὶ ἀπὸ πασῶν τῶν ἁμαρτιῶν αὐτῶν, ὅσα ἀποδιδόασί μοι ἀπὸ πάντων τῶν ἁγίων, σοὶ ἔσται καί τοῖσ υἱοῖσ σου. ἐν τῷ ἁγίῳ τῶν ἁγίων φάγεσθε αὐτά. πᾶν ἀρσενικὸν φάγεται αὐτά, σὺ καὶ οἱ υἱοί σου. ἅγια ἔσται σοι. καὶ τοῦτο ἔσται ὑμῖν ἀπαρχὴ δομάτων αὐτῶν. ἀπὸ πάντων τῶν ἐπιθεμάτων τῶν υἱῶν Ἰσραὴλ σοὶ δέδωκα αὐτὰ καὶ τοῖσ υἱοῖσ σου καὶ ταῖσ θυγατράσι σου μετὰ σοῦ, νόμιμον αἰώνιον. πᾶσ καθαρὸσ ἐν τῷ οἴκῳ σου ἔδεται αὐτά. πᾶσα ἀπαρχὴ ἐλαίου καὶ πᾶσα ἀπαρχὴ οἴνου καὶ σίτου, ἀπαρχὴ αὐτῶν, ὅσα ἂν δῶσι τῷ Κυρίῳ, σοὶ δέδωκα αὐτά. τὰ πρωτογεννήματα πάντα, ὅσα ἐν τῇ γῇ αὐτῶν, ὅσα ἂν ἐνέγκωσι Κυρίῳ, σοὶ ἔσται. πᾶσ καθαρὸσ ἐν τῷ οἴκῳ σου ἔδεται αὐτά. πᾶν ἀνατεθεματισμένον ἐν υἱοῖσ Ἰσραὴλ σοὶ ἔσται. καὶ πᾶν διανοῖγον μήτραν ἀπὸ πάσησ σαρκόσ, ὅσα προσφέρουσι Κυρίῳ ἀπὸ ἀνθρώπου ἕωσ κτήνουσ, σοὶ ἔσται. ἀλλ’ ἢ λύτροισ λυτρωθήσεται τὰ πρωτότοκα τῶν ἀνθρώπων, καὶ τὰ πρωτότοκα τῶν κτηνῶν τῶν ἀκαθάρτων λυτρώσῃ. καὶ ἡ λύτρωσισ αὐτοῦ ἀπὸ μηνιαίου. ἡ συντίμησισ πέντε σίκλων, κατὰ τὸν σίκλον τὸν ἅγιον, εἴκοσιν ὀβολοί εἰσι. πλὴν πρωτότοκα μόσχων καὶ πρωτότοκα προβάτων καὶ πρωτότοκα αἰγῶν οὐ λυτρώσῃ, ἅγιά ἐστι. καὶ τὸ αἷμα αὐτῶν προσχεεῖσ πρὸσ τὸ θυσιαστήριον καὶ τὸ στέαρ ἀνοίσεισ κάρπωμα εἰσ ὀσμὴν εὐωδίασ Κυρίῳ, καὶ τὰ κρέα ἔσται σοί. καθὰ καὶ τὸ στηθύνιον τοῦ ἐπιθέματοσ καὶ κατὰ τὸν βραχίονα τὸν δεξιὸν σοὶ ἔσται. πᾶν ἀφαίρεμα τῶν ἁγίων, ὅσα ἑὰν ἀφέλωσιν οἱ υἱοὶ Ἰσραὴλ Κυρίῳ, δέδωκά σοι καὶ τοῖσ υἱοῖσ σου καὶ ταῖσ θυγατράσι σου μετὰ σοῦ, νόμιμον αἰώνιον. διαθήκη ἁλὸσ αἰωνίου ἔστιν ἔναντι Κυρίου σοὶ καὶ τῷ σπέρματί σου μετὰ σέ. Καὶ ἐλάλησε Κύριοσ πρὸσ Ἀαρών. ἐν τῇ γῇ αὐτῶν οὐ κληρονομήσεισ, καὶ μερὶσ οὐκ ἔσται σοι ἐν αὐτοῖσ, ὅτι ἐγὼ μερίσ σου καὶ κληρονομία σου ἐν μέσῳ τῶν υἱῶν Ἰσραήλ. καὶ τοῖσ υἱοῖσ Λευὶ ἰδοὺ δώδεκα πᾶν ἐπιδέκατον ἐν Ἰσραὴλ ἐν κλήρῳ ἀντὶ τῶν λειτουργιῶν αὐτῶν, ὅσα αὐτοὶ λειτουργοῦσι λειτουργίαν ἐν τῇ σκηνῇ τοῦ μαρτυρίου. καὶ οὐ προσελεύσονται ἔτι οἱ υἱοὶ Ἰσραὴλ εἰσ τὴν σκηνὴν τοῦ μαρτυρίου λαβεῖν ἁμαρτίαν θανατηφόρον. καὶ λειτουργήσει ὁ Λευίτησ αὐτὸσ τὴν λειτουργίαν τῆσ σκηνῆσ τοῦ μαρτυρίου, καὶ αὐτοὶ λήψονται τὰ ἁμαρτήματα αὐτῶν, νόμιμον αἰώνιον εἰσ τὰσ γενεὰσ αὐτῶν. καὶ ἐν μέσῳ υἱῶν Ἰσραὴλ οὐ κληρονομήσουσι κληρονομίαν. ὅτι τὰ ἐπιδέκατα τῶν υἱῶν Ἰσραήλ, ὅσα ἐὰν ἀφορίσωσι Κυρίῳ, ἀφαίρεμα δέδωκα τοῖσ Λευίταισ ἐν κλήρῳ. διὰ τοῦτο εἴρηκα αὐτοῖσ, ἐν μέσῳ υἱῶν Ἰσραὴλ οὐ κληρονομήσουσι κλῆρον. Καὶ ἐλάλησε Κύριοσ πρὸσ Μωυσῆν λέγων. καὶ τοῖσ Λευίταισ λαλήσεισ καὶ ἐρεῖσ πρὸσ αὐτούσ. ἐὰν λάβητε παρὰ τῶν υἱῶν Ἰσραὴλ τὸ ἐπιδέκατον, ὃ δέδωκα ὑμῖν παρ’ αὐτῶν ἐν κλήρῳ, καὶ ἀφελεῖτε ὑμεῖσ ἀπ’ αὐτοῦ ἀφαίρεμα Κυρίῳ ἐπιδέκατον ἀπὸ τοῦ ἐπιδεκάτου. καὶ λογισθήσεται ὑμῖν τὰ ἀφαιρέματα ὑμῶν ὡσ σῖτοσ ἀπὸ ἅλω καὶ ἀφαίρεμα ἀπὸ ληνοῦ. οὕτωσ ἀφελεῖτε αὐτοὺσ καὶ ὑμεῖσ ἀπὸ πάντων τῶν ἀφαιρεμάτων Κυρίου ἀπὸ πάντων τῶν ἐπιδεκάτων ὑμῶν, ὅσα ἐὰν λάβητε παρὰ τῶν υἱῶν Ἰσραήλ, καὶ δώσετε ἀπ’ αὐτῶν ἀφαίρεμα Κυρίῳ Ἀαρὼν τῷ ἱερεῖ. ἀπὸ πάντων τῶν δομάτων ὑμῶν ἀφελεῖτε ἀφαίρεμα Κυρίῳ ἢ ἀπὸ πάντων τῶν ἀπαρχῶν τὸ ἡγιασμένον ἀπ’ αὐτοῦ. καὶ ἐρεῖσ πρὸσ αὐτούσ. ὅταν ἀφαιρῆτε τὴν ἀπαρχὴν ἀπ’ αὐτοῦ, καὶ λογισθήσεται τοῖσ Λευίταισ ὡσ γένημα ἀπὸ ἅλω καὶ ὡσ γένημα ἀπὸ ληνοῦ. καὶ ἔδεσθε αὐτὸ ἐν παντὶ τόπῳ ὑμεῖσ καὶ οἱ οἶκοι ὑμῶν, ὅτι μισθὸσ οὗτοσ ὑμῖν ἐστιν ἀντὶ τῶν λειτουργιῶν ὑμῶν τῶν ἐν τῇ σκηνῇ τοῦ μαρτυρίου. καὶ οὐ λήψεσθε δι’ αὐτὸ ἁμαρτίαν, ὅτι ἂν ἀφαιρῆτε τὴν ἀπαρχὴν ἀπ’ αὐτοῦ. καὶ τὰ ἅγια τῶν υἱῶν Ἰσραὴλ οὐ βεβηλώσετε, ἵνα μὴ ἀποθάνητε. ΚΑΙ ἐλάλησε Κύριοσ πρὸσ Μωυσῆν καὶ Ἀαρὼν λέγων.

αὕτη ἡ διαστολὴ τοῦ νόμου, ὅσα συνέταξε Κύριοσ λέγων. λάλησον τοῖσ υἱοῖσ Ἰσραὴλ καὶ λαβέτωσαν πρὸσ σὲ δάμαλιν πυρρὰν ἄμωμον, ἥτισ οὐκ ἔχει ἐν αὐτῇ μῶμον, καὶ ᾗ οὐκ ἐπεβλήθη ἐπ’ αὐτὴν ζυγόσ. καὶ δώσεισ αὐτὴν πρὸσ Ἐλεάζαρ τὸν ἱερέα, καὶ ἐξάξουσιν αὐτὴν ἔξω τῆσ παρεμβολῆσ εἰσ τόπον καθαρὸν καὶ σφάξουσιν αὐτὴν ἐνώπιον αὐτοῦ. καὶ λήψεται Ἐλεάζαρ ἀπὸ τοῦ αἵματοσ αὐτῆσ καὶ ρανεῖ ἀπέναντι τοῦ προσώπου τῆσ σκηνῆσ τοῦ μαρτυρίου ἀπὸ τοῦ αἵματοσ αὐτῆσ ἑπτάκισ. καὶ κατακαύσουσιν αὐτὴν ἐναντίον αὐτοῦ, καὶ τὸ δέρμα καὶ τὰ κρέα αὐτῆσ καὶ τὸ αἷμα αὐτῆσ σὺν τῇ κόπρῳ αὐτῆσ κατακαυθήσεται. καὶ λήψεται ὁ ἱερεὺσ ξύλον κέδρινον καὶ ὕσσωπον καὶ κόκκινον καὶ ἐμβαλοῦσιν εἰσ μέσον τοῦ κατακαύματοσ τῆσ δαμάλεωσ. καὶ πλυνεῖ τὰ ἱμάτια αὐτοῦ ὁ ἱερεὺσ καὶ λούσεται τὸ σῶμα αὐτοῦ ὕδατι καὶ μετὰ ταῦτα εἰσελεύσεται εἰσ τὴν παρεμβολήν, καὶ ἀκάθαρτοσ ἔσται ὁ ἱερεὺσ ἕωσ ἑσπέρασ. καὶ ὁ κατακαίων αὐτὴν πλυνεῖ τὰ ἱμάτια αὐτοῦ καὶ λούσεται τὸ σῶμα αὐτοῦ καὶ ἀκάθαρτοσ ἔσται ἕωσ ἑσπέρασ. καὶ συνάξει ἄνθρωποσ καθαρὸσ τὴν σποδὸν τῆσ δαμάλεωσ καὶ ἀποθήσει ἔξω τῆσ παρεμβολῆσ εἰσ τόπον καθαρόν, καὶ ἔσται τῇ συναγωγῇ υἱῶν Ἰσραὴλ εἰσ διατήρησιν, ὕδωρ ραντισμοῦ, ἅγνισμά ἐστι. καὶ ὁ συνάγων τὴν σποδιὰν τῆσ δαμάλεωσ πλυνεῖ τὰ ἱμάτια αὐτοῦ καὶ ἀκάθαρτοσ ἔσται ἕωσ ἑσπέρασ. καὶ ἔσται τοῖσ υἱοῖσ Ἰσραὴλ καὶ τοῖσ προσηλύτοισ προσκειμένοισ νόμιμον αἰώνιον. Ὁ ἁπτόμενοσ τοῦ τεθνηκότοσ πάσησ ψυχῆσ ἀνθρώπου ἀκάθαρτοσ ἔσται ἑπτὰ ἡμέρασ. οὗτοσ ἁγνισθήσεται τῇ ἡμέρᾳ τῇ τρίτῃ καὶ τῇ ἡμέρα τῇ ἑβδόμῃ καὶ καθαρὸσ ἔσται. ἐὰν δὲ μὴ ἀφαγνισθῇ τῇ ἡμέρᾳ τῇ τρίτῃ καὶ τῇ ἡμέρᾳ τῇ ἑβδόμῃ, οὐ καθαρὸσ ἔσται. πᾶσ ὁ ἁπτόμενοσ τοῦ τεθνηκότοσ ἀπὸ ψυχῆσ ἀνθρώπου, ἐὰν ἀποθάνῃ, καὶ μὴ ἀφαγνισθῇ, τὴν σκηνὴν Κυρίου ἐμίανεν. ἐκτριβήσεται ἡ ψυχὴ ἐκείνη ἐξ Ἰσραήλ, ὅτι ὕδωρ ραντισμοῦ οὐ περιερραντίσθη ἐπ’ αὐτόν, ἀκάθαρτόσ ἐστιν, ἔτι ἡ ἀκαθαρσία αὐτοῦ ἐν αὐτῷ ἐστι. Καὶ οὗτοσ ὁ νόμοσ. ἄνθρωποσ ἐὰν ἀποθάνῃ ἐν οἰκίᾳ, πᾶσ ὁ εἰσπορευόμενοσ εἰσ τὴν οἰκίαν καὶ ὅσα ἐστὶν ἐν τῇ οἰκίᾳ, ἀκάθαρτα ἔσται ἑπτὰ ἡμέρασ. καὶ πᾶν σκεῦοσ ἀνεῳγμένον, ὅσα οὐχὶ δεσμὸν καταδέδεται ἐπ’ αὐτῷ, ἀκάθαρτά ἐστι. καὶ πᾶσ, ὃσ ἐὰν ἅψηται ἐπὶ προσώπου τοῦ πεδίου τραυματίου ἢ νεκροῦ ἢ ὀστέου ἀνθρωπίνου ἢ μνήματοσ, ἑπτὰ ἡμέρασ ἀκάθαρτοσ ἔσται. καὶ λήψονται τῷ ἀκαθάρτῳ ἀπὸ τῆσ σποδιᾶσ τῆσ κατακεκαυμένησ τοῦ ἁγνισμοῦ καὶ ἐκχεοῦσιν ἐπ’ αὐτὴν ὕδωρ ζῶν εἰσ σκεῦοσ. καὶ λήψεται ὕσσωπον καὶ βάψει εἰσ τὸ ὕδωρ ἀνὴρ καθαρόσ, καὶ περιρρανεῖ ἐπὶ τὸν οἶκον καὶ ἐπὶ τὰ σκεύη καὶ ἐπὶ τὰσ ψυχάσ, ὅσαι ἂν ὦσιν ἐκεῖ, καὶ ἐπὶ τὸν ἡμμένον τοῦ ὀστέου τοῦ ἀνθρωπίνου ἢ τοῦ τραυματίου ἢ τοῦ τεθνηκότοσ ἢ τοῦ μνήματοσ. καὶ περιρρανεῖ ὁ καθαρὸσ ἐπὶ τὸν ἀκάθαρτον ἐν τῇ ἡμέρᾳ τῇ τρίτῃ καὶ ἐν τῇ ἡμέρᾳ τῇ ἑβδόμῃ, καὶ ἀφαγνισθήσεται τῇ ἡμέρᾳ τῇ ἑβδόμῃ καὶ πλυνεῖ τὰ ἱμάτια αὐτοῦ καὶ λούσεται ὕδατι καὶ ἀκάθαρτοσ ἔσται ἕωσ ἑσπέρασ. καὶ ἄνθρωποσ, ὃσ ἐὰν μιανθῇ καὶ μὴ ἀφαγνισθῇ, ἐξολοθρευθήσεται ἡ ψυχὴ ἐκείνη ἐκ μέσου τῆσ συναγωγῆσ, ὅτι τὰ ἅγια Κυρίου ἐμίανεν, ὅτι ὕδωρ ραντισμοῦ οὐ περιερραντίσθη ἐπ’ αὐτόν, ἀκάθαρτόσ ἐστι. καὶ ἔσται ὑμῖν νόμιμον αἰώνιον. καὶ ὁ περιρραίνων ὕδωρ ραντισμοῦ πλυνεῖ τὰ ἱμάτια αὐτοῦ, καὶ ὁ ἁπτόμενοσ τοῦ ὕδατοσ τοῦ ραντισμοῦ ἀκάθαρτοσ ἔσται ἕωσ ἑσπέρασ. καὶ παντὸσ οὗ ἐὰν ἅψηται αὐτοῦ ὁ ἀκάθαρτοσ, ἀκάθαρτον ἔσται, καὶ ψυχὴ ἡ ἁπτομένη ἀκάθαρτοσ ἔσται ἕωσ ἑσπέρασ. ΚΑΙ ἦλθον οἱ υἱοὶ Ἰσραὴλ πᾶσα ἡ συναγωγὴ εἰσ τὴν ἔρημον Σίν, ἐν τῷ μηνὶ τῷ πρώτῳ, καὶ κατέμεινεν ὁ λαὸσ ἐν Κάδησ, καὶ ἐτελεύτησεν ἐκεῖ Μαριὰμ καὶ ἐτάφη ἐκεῖ.

καὶ οὐκ ἦν ὕδωρ τῇ συναγωγῇ, καὶ ἠθροίσθησαν ἐπὶ Μωυσῆν καὶ Ἀαρών. καὶ ἐλοιδορεῖτο ὁ λαὸσ πρὸσ Μωυσῆν λέγοντεσ. ὄφελον ἀπεθάνομεν ἐν τῇ ἀπωλείᾳ τῶν ἀδελφῶν ἡμῶν ἔναντι Κυρίου. καὶ ἱνατί ἀνηγάγετε τὴν συναγωγὴν Κυρίου εἰσ τὴν ἔρημον ταύτην ἀποκτεῖναι ἡμᾶσ καὶ τὰ κτήνη ἡμῶν̣ καὶ ἱνατί τοῦτο̣ ἀνηγάγετε ἡμᾶσ ἐξ Αἰγύπτου παραγενέσθαι εἰσ τὸν τόπον τὸν πονηρὸν τοῦτον, τόποσ οὗ οὐ σπείρεται, οὐδὲ συκαῖ, οὐδὲ ἄμπελοι, οὔτε ροαί, οὔτε ὕδωρ ἐστὶ πιεῖν. καὶ ἦλθε Μωυσῆσ καὶ Ἀαρὼν ἀπὸ προσώπου τῆσ συναγωγῆσ ἐπὶ τὴν θύραν τῆσ σκηνῆσ τοῦ μαρτυρίου καὶ ἔπεσον ἐπὶ πρόσωπον, καὶ ὤφθη ἡ δόξα Κυρίου πρὸσ αὐτούσ. καὶ ἐλάλησε Κύριοσ πρὸσ Μωυσῆν λέγων. λάβε τὴν ράβδον σου καὶ ἐκκλησίασον τὴν συναγωγὴν σὺ καὶ Ἀαρὼν ὁ ἀδελφόσ σου καὶ λαλήσατε πρὸσ τὴν πέτραν ἐναντίον αὐτῶν, καὶ δώσει τὰ ὕδατα αὐτῆσ, καὶ ἐξοίσετε αὐτοῖσ ὕδωρ ἐκ τῆσ πέτρασ, καὶ ποτιεῖτε τὴν συναγωγὴν καὶ τὰ κτήνη αὐτῶν. καὶ ἔλαβε Μωυσῆσ τὴν ράβδον τὴν ἀπέναντι Κυρίου, καθὰ συνέταξε Κύριοσ, καὶ ἐξεκλησίασε Μωυσῆσ καὶ Ἀαρὼν τὴν συναγωγὴν ἀπέναντι τῆσ πέτρασ καὶ εἶπε πρὸσ αὐτούσ. ἀκούσατέ μου, οἱ ἀπειθεῖσ. μὴ ἐκ τῆσ πέτρασ ταύτησ ἐξάξομεν ὑμῖν ὕδωρ̣ καὶ ἐπάρασ Μωυσῆσ τὴν χεῖρα αὐτοῦ ἐπάταξε τὴν πέτραν τῇ ράβδῳ δίσ, καὶ ἐξῆλθεν ὕδωρ πολύ, καὶ ἔπιεν ἡ συναγωγὴ καὶ τὰ κτήνη αὐτῶν. καὶ εἶπε Κύριοσ πρὸσ Μωυσῆν καὶ Ἀαρών. ὅτι οὐκ ἐπιστεύσατε ἁγιάσαι με ἐναντίον τῶν υἱῶν Ἰσραήλ, διὰ τοῦτο οὐκ εἰσάξετε ὑμεῖσ τὴν συναγωγὴν ταύτην εἰσ τὴν γῆν, ἣν δέδωκα αὐτοῖσ. τοῦτο τὸ ὕδωρ ἀντιλογίασ, ὅτι ἐλοιδορήθησαν οἱ υἱοὶ Ἰσραὴλ ἔναντι Κυρίου καὶ ἡγιάσθη ἐν αὐτοῖσ. Καὶ ἀπέστειλε Μωυσῆσ ἀγγέλουσ ἐκ Κάδησ πρὸσ βασιλέα Ἐδὼμ λέγων. τάδε λέγει ὁ ἀδελφόσ σου Ἰσραήλ. σὺ ἐπίστῃ πάντα τὸν μόχθον τὸν εὑρόντα ἡμᾶσ, καὶ κατέβησαν οἱ πατέρεσ ἡμῶν εἰσ Αἴγυπτον, καὶ παρῳκήσαμεν ἐν Αἰγύπτῳ ἡμέρασ πλείουσ, καὶ ἐκάκωσαν ἡμᾶσ οἱ Αἰγύπτιοι καὶ τοὺσ πατέρασ ἡμῶν, καὶ ἀνεβοήσαμεν πρὸσ Κύριον, καὶ εἰσήκουσε Κύριοσ τῆσ φωνῆσ ἡμῶν καὶ ἀποστείλασ ἄγγελον ἐξήγαγεν ἡμᾶσ ἐξ Αἰγύπτου, καὶ νῦν ἐσμεν ἐν Κάδησ πόλει, ἐκ μέρουσ τῶν ὁρίων σου. παρελευσόμεθα διὰ τῆσ γῆσ σου, οὐ διελευσόμεθα δι’ ἀγρῶν, οὐδὲ δι’ ἀμπελώνων, οὐδὲ πιόμεθα ὕδωρ ἐκ λάκκου σου, ὁδῷ βασιλικῇ πορευσόμεθα, οὐκ ἐκκλινοῦμεν δεξιὰ οὐδὲ εὐώνυμα, ἕωσ ἂν παρέλθωμεν τὰ ὅριά σου. καὶ εἶπε πρὸσ αὐτὸν Ἐδώμ. οὐ διελεύσῃ δι’ ἐμοῦ, εἰ δὲ μή, ἐν πολέμῳ ἐξελεύσομαι εἰσ συνάντησίν σοι. καὶ λέγουσιν αὐτῷ οἱ υἱοὶ Ἰσραήλ. παρά τὸ ὄροσ παρελευσόμεθα, ἐὰν δὲ τοῦ ὕδατόσ σου πίωμεν ἐγώ τε καὶ τὰ κτήνη μου, δώσω τιμήν σοι. ἀλλὰ τὸ πρᾶγμα οὐδέν ἐστι, παρὰ τὸ ὄροσ παρελευσόμεθα. ὁ δὲ εἶπεν. οὐ διελεύσῃ δι’ ἐμοῦ. καὶ ἐξῆλθεν Ἐδὼμ εἰσ συνάντησιν αὐτῷ ἐν ὄχλῳ βαρεῖ καὶ ἐν χειρὶ ἰσχυρᾷ. καὶ οὐκ ἠθέλησεν Ἐδὼμ δοῦναι τῷ Ἰσραὴλ παρελθεῖν διὰ τῶν ὁρίων αὐτοῦ. καὶ ἐξέκλινεν Ἰσραὴλ ἀπ’ αὐτοῦ. Καὶ ἀπῇραν ἐκ Κάδησ. καὶ παρεγένοντο οἱ υἱοὶ Ἰσραήλ, πᾶσα ἡ συναγωγὴ εἰσ Ὢρ τὸ ὄροσ. καὶ εἶπε Κύριοσ πρὸσ Μωυσῆν καὶ Ἀαρὼν ἐν Ὢρ τῷ ὄρει ἐπὶ τῶν ὁρίων τῆσ γῆσ Ἐδὼμ λέγων. προστεθήτω Ἀαρὼν πρὸσ τὸν λαὸν αὐτοῦ, ὅτι οὐ μὴ εἰσέλθητε εἰσ τὴν γῆν, ἣν δέδωκα τοῖσ υἱοῖσ Ἰσραήλ, διότι παρωξύνατέ με ἐπὶ τοῦ ὕδατοσ τῆσ λοιδορίασ. λάβε τὸν Ἀαρὼν καὶ Ἐλεάζαρ τὸν υἱὸν αὐτοῦ καὶ ἀναβίβασον αὐτοὺσ εἰσ Ὢρ τὸ ὄροσ ἔναντι πάσησ τῆσ συναγωγῆς καὶ ἔκδυσον Ἀαρὼν τὴν στολὴν αὐτοῦ καὶ ἔνδυσον Ἐλεάζαρ τὸν υἱὸν αὐτοῦ, καὶ Ἀαρὼν προστεθεὶσ ἀποθανέτω ἐκεῖ. καὶ ἐποίησε Μωυσῆσ καθὰ συνέταξε Κύριοσ αὐτῷ, καὶ ἀνεβίβασεν αὐτὸν εἰσ Ὢρ τὸ ὄροσ ἐναντίον πάσησ τῆσ συναγωγῆσ. καὶ ἐξέδυσε τὸν Ἀαρὼν τὰ ἱμάτια αὐτοῦ καὶ ἐνέδυσεν αὐτὰ Ἐλεάζαρ τὸν υἱὸν αὐτοῦ. καὶ ἀπέθανεν Ἀαρὼν ἐπὶ τῆσ κορυφῆσ τοῦ ὄρουσ, καὶ κατέβη Μωυσῆσ καὶ Ἐλεάζαρ ἐκ τοῦ ὄρουσ. καὶ εἶδε πᾶσα ἡ συναγωγή, ὅτι ἀπελύθη Ἀαρών, καὶ ἔκλαυσαν τὸν Ἀαρὼν τριάκοντα ἡμέρασ πᾶσ οἶκοσ Ἰσραήλ. ΚΑΙ ἤκουσεν ὁ Χανανεὶσ βασιλεὺσ Ἀρὰδ ὁ κατοικῶν κατὰ τὴν ἔρημον, ὅτι ἦλθεν Ἰσραὴλ ὁδὸν Ἀθαρείν, καὶ ἐπολέμησε πρὸσ Ἰσραὴλ καὶ καταπροενόμευσεν ἐξ αὐτῶν αἰχμαλωσίαν.

καὶ ηὔξατο Ἰσραὴλ εὐχὴν Κυρίῳ καὶ εἶπεν. ἐάν μοι παραδῷσ τὸν λαὸν τοῦτον ὑποχείριον, ἀναθεματιῶ αὐτὸν καὶ τὰσ πόλεισ αὐτοῦ. καὶ εἰσήκουσε Κύριοσ τῆσ φωνῆσ Ἰσραὴλ καὶ παρέδωκε τὸν Χανανεὶν ὑποχείριον αὐτοῦ, καὶ ἀνεθεμάτισεν αὐτὸν καὶ τὰσ πόλεισ αὐτοῦ. καὶ ἐπεκάλεσαν τὸ ὄνομα τοῦ τόπου ἐκείνου Ἀνάθεμα. Καὶ ἀπάραντεσ ἐξ Ὢρ τοῦ ὄρουσ ὁδὸν ἐπὶ θάλασσαν ἐρυθρὰν περιεκύκλωσαν γῆν Ἐδώμ. καὶ ὠλιγοψύχησεν ὁ λαὸσ ἐν τῇ ὁδῷ. καὶ κατελάλει ὁ λαὸσ πρὸσ τὸν Θεὸν καὶ κατὰ Μωυσῆ λέγοντεσ. ἱνατί τοῦτο̣ ἐξήγαγεσ ἡμᾶσ ἐξ Αἰγύπτου, ἀποκτεῖναι ἐν τῇ ἐρήμῳ̣ ὅτι οὐκ ἔστιν ἄρτοσ οὐδὲ ὕδωρ, ἡ δὲ ψυχὴ ἡμῶν προσώχθισεν ἐν τῷ ἄρτῳ τῷ διακένῳ τούτῳ. καὶ ἀπέστειλε Κύριοσ εἰσ τὸν λαὸν τοὺσ ὄφεισ τοὺσ θανατοῦντασ, καὶ ἔδακνον τὸν λαόν, καὶ ἀπέθανε λαὸσ πολὺσ τῶν υἱῶν Ἰσραήλ. καὶ παραγενόμενοσ ὁ λαὸσ πρὸσ Μωυσῆν ἔλεγον. ὅτι ἡμάρτομεν, ὅτι κατελαλήσαμεν κατὰ τοῦ Κυρίου καὶ κατὰ σοῦ. εὖξαι οὖν πρὸσ Κύριον, καὶ ἀφελέτω ἀφ’ ἡμῶν τὸν ὄφιν. καὶηὔξατο Μωυσῆσ πρὸσ Κύριον περὶ τοῦ λαοῦ. καὶ εἶπε Κύριοσ πρὸσ Μωυσῆν. ποίησον σεαυτῷ ὄφιν καὶ θὲσ αὐτὸν ἐπὶ σημείου, καὶ ἔσται ἐὰν δάκῃ ὄφισ ἄνθρωπον, πᾶσ ὁ δεδηγμένοσ ἰδὼν αὐτὸν ζήσεται. καὶ ἐποίησε Μωυσῆσ ὄφιν χαλκοῦν καὶ ἔστησεν αὐτὸν ἐπὶ σημείου, καὶ ἐγένετο ὅταν ἔδακνεν ὄφισ ἄνθρωπον, καὶ ἐπέβλεψεν ἐπὶ τὸν ὄφιν τὸν χαλκοῦν καὶ ἔζη. Καὶ ἀπῇραν οἱ υἱοὶ Ἰσραὴλ καὶ παρενέβαλον ἐν Ὠβώθ. καὶ ἐξάραντεσ ἐξ Ὠβώθ, καὶ παρενέβαλον ἐν Ἀχαλγαὶ ἐκ τοῦ πέραν ἐν τῇ ἐρήμῳ, ἥ ἐστι κατὰ πρόσωπον Μωάβ, κατ’ ἀνατολὰσ ἡλίου. καὶ ἐκεῖθεν ἀπῇραν καὶ παρενέβαλον εἰσ φάραγγα Ζαρέδ. καὶ ἐκεῖθεν ἀπάραντεσ παρενέβαλον εἰσ τὸ πέραν Ἀρνῶν ἐν τῇ ἐρήμῳ, τὸ ἐξέχον ἀπὸ τῶν ὁρίων τῶν Ἀμορραίων. ἔστι γὰρ Ἀρνῶν ὅρια Μωὰβ ἀνὰ μέσον Μωὰβ καὶ ἀνὰ μέσον τοῦ Ἀμορραίου. διὰ τοῦτο λέγεται ἐν βιβλίῳ. πόλεμοσ τοῦ Κυρίου τὴν Ζωὸβ ἐφλόγιζε, καὶ τοὺσ χειμάρρουσ Ἀρνῶν, καὶ τοὺσ χειμάρρουσ κατέστησε κατοικίσαι Ἤρ, καὶ πρόσκειται τοῖσ ὁρίοισ Μωάβ. καὶ ἐκεῖθεν τὸ φρέαρ. τοῦτο τὸ φρέαρ, ὃ εἶπε Κύριοσ πρὸσ Μωυσῆν. συνάγαγε τὸν λαόν, καὶ δώσω αὐτοῖσ ὕδωρ πιεῖν. τότε ᾖσεν Ἰσραὴλ τὸ ᾆσμα τοῦτο ἐπὶ τοῦ φρέατοσ. ἐξάρχετε αὐτῷ. φρέαρ, ὤρυξαν αὐτὸ ἄρχοντεσ, ἐξελατόμησαν αὐτὸ βασιλεῖσ ἐθνῶν ἐν τῇ βασιλείᾳ αὐτῶν, ἐν τῷ κυριεῦσαι αὐτῶν. καὶ ἀπὸ φρέατοσ εἰσ Μανθαναείν. καὶ ἀπὸ Μανθαναεὶν εἰσ Νααλιήλ. καὶ ἀπὸ Νααλιὴλ εἰσ Βαμώθ. καὶ ἀπὸ Βαμὼθ εἰσ Ἰανήν, ἥ ἐστιν ἐν τῷ πεδίῳ Μωὰβ ἀπὸ κορυφῆσ τοῦ λελαξευμένου τὸ βλέπον κατὰ πρόσωπον τῆσ ἐρήμου. Καὶ ἀπέστειλε Μωυσῆσ πρέσβεισ πρὸσ Σηὼν βασιλέα Ἀμορραίων λόγοισ εἰρηνικοῖσ λέγων. παρελευσόμεθα διὰ τῆσ γῆσ σου. τῇ ὁδῷ πορευσόμεθα, οὐκ ἐκκλινοῦμεν οὔτε εἰσ ἀγρὸν οὔτε εἰσ ἀμπελῶνα, οὐ πιόμεθα ὕδωρ ἐκ φρέατόσ σου. ὁδῷ βασιλικῇ πορευσόμεθα, ἕωσ παρέλθωμεν τὰ ὅριά σου. καὶ οὐκ ἔδωκε Σηὼν τῷ Ἰσραὴλ παρελθεῖν διὰ τῶν ὁρίων αὐτοῦ, καὶ συνήγαγε Σηὼν πάντα τὸν λαὸν αὐτοῦ καὶ ἐξῆλθε παρατάξασθαι τῷ Ἰσραὴλ εἰσ τὴν ἔρημον καὶ ἦλθεν εἰσ Ἰασσὰ καὶ παρετάξατο τῷ Ἰσραήλ. καὶ ἐπάταξεν αὐτὸν Ἰσραὴλ φόνῳ μαχαίρασ καὶ κατεκυρίευσαν τῆσ γῆσ αὐτοῦ ἀπὸ Ἀρνῶν ἕωσ Ἰαβόκ, ἕωσ υἱῶν Ἀμμάν. ὅτι Ἰαζὴρ ὅρια υἱῶν Ἀμμάν ἐστι. καὶ ἔλαβεν Ἰσραὴλ πάσασ τὰσ πόλεισ ταύτασ, καὶ κατῴκησεν Ἰσραὴλ ἐν πάσαισ ταῖσ πόλεσι τῶν Ἀμορραίων, ἐν Ἐσεβὼν καὶ ἐν πάσαισ ταῖσ συγκυρούσαισ αὐτῇ. ἔστι γὰρ Ἐσεβὼν πόλισ Σηὼν τοῦ βασιλέωσ τῶν Ἀμορραίων, καὶ οὗτοσ ἐπολέμησε βασιλέα Μωὰβ τὸ πρότερον καὶ ἔλαβον πᾶσαν τὴν γῆν αὐτοῦ ἀπὸ Ἀροὴρ ἕωσ Ἀρνῶν. διὰ τοῦτο ἐροῦσιν οἱ αἰνιγματισταί. ἔλθετε εἰσ Ἐσεβών, ἵνα οἰκοδομηθῇ καὶ κατασκευασθῇ πόλισ Σηών. ὅτι πῦρ ἐξῆλθεν ἐξ Ἐσεβών, φλὸξ ἐκ πόλεωσ Σηὼν καὶ κατέφαγεν ἕωσ Μωὰβ καὶ κατέπιε στήλασ Ἀρνῶν. οὐαί σοι, Μωάβ. ἀπώλου, λαὸσ Χαμώσ. ἀπεδόθησαν οἱ υἱοὶ αὐτῶν διασῴζεσθαι καὶ αἱ θυγατέρεσ αὐτῶν αἰχμάλωτοι τῷ βασιλεῖ τῶν Ἀμορραίων Σηών. καὶ τὸ σπέρμα αὐτῶν ἀπολεῖται, Ἐσεβὼν ἕωσ Δαιβών, καὶ αἱ γυναῖκεσ ἔτι προσεξέκαυσαν πῦρ ἐπὶ Μωάβ. Κατώκησε δὲ Ἰσραὴλ ἐν πάσαισ ταῖσ πόλεσι τῶν Ἀμορραίων. καὶ ἀπέστειλε Μωυσῆσ κατασκέψασθαι τὴν Ἰαζήρ, καὶ κατελάβοντο αὐτὴν καὶ τὰσ κώμασ αὐτῆσ καὶ ἐξέβαλον τὸν Ἀμορραῖον τὸν κατοικοῦντα ἐκεῖ. καὶ ἐπιστρέψαντεσ ἀνέβησαν ὁδὸν τὴν εἰσ Βασάν. καὶ ἐξῆλθεν Ὢγ βασιλεὺσ τῆσ Βασὰν εἰσ συνάντησιν αὐτοῖσ καὶ πᾶσ ὁ λαὸσ αὐτοῦ εἰσ πόλεμον εἰσ Ἐδραείν. καὶ εἶπε Κύριοσ πρὸσ Μωυσῆν. μὴ φοβηθῇσ αὐτόν, ὅτι εἰσ τὰσ χεῖράσ σου παραδέδωκα αὐτὸν καὶ πάντα τὸν λαὸν αὐτοῦ καὶ πᾶσαν τὴν γῆν αὐτοῦ, καὶ ποιήσεισ αὐτῷ καθὼσ ἐποίησασ τῷ Σηὼν βασιλεῖ τῶν Ἀμορραίων, ὃσ κατῴκει ἐν Ἐσεβών. καὶ ἐπάταξεν αὐτὸν καὶ τοὺσ υἱοὺσ αὐτοῦ καὶ πάντα τὸν λαὸν αὐτοῦ, ἕωσ τοῦ μὴ καταλιπεῖν αὐτοῦ ζωγρείαν. καὶ ἐκληρονόμησαν τὴν γῆν αὐτοῦ. ΚΑΙ ἀπάραντεσ οἱ υἱοὶ Ἰσραὴλ παρενέβαλον ἐπὶ δυσμῶν Μωὰβ παρὰ τὸν Ἰορδάνην κατὰ Ἱεριχώ.

καὶ ἰδὼν Βαλὰκ υἱὸσ Σεπφὼρ πάντα ὅσα ἐποίησεν Ἰσραὴλ τῷ Ἀμορραίῳ, καὶ ἐφοβήθη Μωὰβ τὸν λαὸν σφόδρα ὅτι πολλοὶ ἦσαν, καὶ προσώχθισε Μωὰβ ἀπὸ προσώπου υἱῶν Ἰσραήλ. καὶ εἶπε Μωὰβ τῇ γερουσίᾳ Μαδιάμ. νῦν ἐκλείξει ἡ συναγωγὴ αὕτη πάντασ τοὺσ κύκλῳ ὑμῶν, ὡσεὶ ἐκλείξαι ὁ μόσχοσ τὰ χλωρὰ ἐκ τοῦ πεδίου. καὶ Βαλὰκ υἱὸσ Σεπφὼρ βασιλεὺσ Μωὰβ ἦν κατὰ τὸν καιρὸν ἐκεῖνον. καὶ ἀπέστειλε πρέσβεισ πρὸσ Βαλαὰμ υἱὸν Βεὼρ Φαθουρά, ὅ ἐστιν ἐπὶ τοῦ ποταμοῦ γῆσ υἱῶν λαοῦ αὐτοῦ, καλέσαι αὐτὸν λέγων. ἰδοὺ λαὸσ ἐξελήλυθεν ἐξ Αἰγύπτου καὶ ἰδοὺ κατεκάλυψε τὴν ὄψιν τῆσ γῆσ καὶ οὗτοσ ἐγκάθηται ἐχόμενόσ μου. καὶ νῦν δεῦρο ἄρασαί μοι τὸν λαὸν τοῦτον, ὅτι ἰσχύει οὗτοσ ἢ ὑμεῖσ. ἐὰν δυνώμεθα πατάξαι ἐξ αὐτῶν, καὶ ἐκβαλῶ αὐτοὺσ ἐκ τῆσ γῆσ. ὅτι οἶδα οὓσ ἐὰν εὐλογήσῃσ σύ, εὐλόγηνται, καὶ οὓσ ἐὰν καταράσῃ σύ, κεκατήρανται. καὶ ἐπορεύθη ἡ γερουσία Μωὰβ καὶ ἡ γερουσία Μαδιάμ, καὶ τὰ μαντεῖα ἐν ταῖσ χερσὶν αὐτῶν, καὶ ἦλθον πρὸσ Βαλαὰμ καὶ εἶπαν αὐτῷ τὰ ρήματα Βαλάκ. καὶ εἶπε πρὸσ αὐτούσ. καταλύσατε αὐτοῦ τὴν νύκτα, καὶ ἀποκριθήσομαι ὑμῖν πράγματα, ἃ ἂν λαλήσῃ Κύριοσ πρόσ με. καὶ κατέμειναν οἱ ἄρχοντεσ Μωὰβ παρὰ Βαλαάμ. καὶ ἦλθεν ὁ Θεὸσ πρὸσ Βαλαὰμ καὶ εἶπεν αὐτῷ. τί οἱ ἄνθρωποι οὗτοι παρὰ σοι̣ καὶ εἶπε Βαλαὰμ πρὸσ τὸν Θεόν. Βαλὰκ υἱὸσ Σεπφώρ, βασιλεὺσ Μωάβ, ἀπέστειλεν αὐτοὺσ πρόσ με λέγων. ἰδοὺ λαὸσ ἐξελήλυθεν ἐξ Αἰγύπτου καὶ κεκάλυφε τὴν ὄψιν τῆσ γῆσ καὶ οὗτοσ ἐγκάθηται ἐχόμενόσ μου. καὶ νῦν δεῦρο ἄρασαί μοι αὐτόν, εἰ ἄρα δυνήσομαι πατάξαι αὐτὸν καὶ ἐκβαλῶ αὐτὸν ἀπὸ τῆσ γῆσ. καὶ εἶπεν ὁ Θεὸσ πρὸσ Βαλαάμ. οὐ πορεύσῃ μετ’ αὐτῶν, οὐδὲ καταράσῃ τὸν λαόν. ἔστι γὰρ εὐλογημένοσ. καὶ ἀναστὰσ Βαλαὰμ τὸ πρωί̈ εἶπε τοῖσ ἄρχουσι Βαλάκ. ἀποτρέχετε πρὸσ τὸν κύριον ὑμῶν. οὐκ ἀφίησί με ὁ Θεὸσ πορεύεσθαι μεθ’ ὑμῶν. καὶ ἀναστάντεσ οἱ ἄρχοντεσ Μωὰβ ἦλθον πρὸσ Βαλὰκ καὶ εἶπαν. οὐ θέλει Βαλαὰμ πορευθῆναι μεθ’ ἡμῶν. Καὶ προσέθετο Βαλὰκ ἔτι ἀποστεῖλαι ἄρχοντασ πλείουσ καὶ ἐντιμοτέρουσ τούτων. καὶ ἦλθον πρὸσ Βαλαὰμ καὶ λέγουσιν αὐτῷ. τάδε λέγει Βαλὰκ ὁ τοῦ Σεπφώρ. ἀξιῶ σε, μὴ ὀκνήσῃσ ἐλθεῖν πρόσ με. ἐντίμωσ γὰρ τιμήσω σε, καὶ ὅσα ἐὰν εἴπῃσ, ποιήσω σοι. καὶ δεῦρο ἐπικατάρασαί μοι τὸν λαὸν τοῦτον. καὶ ἀπεκρίθη Βαλαὰμ καὶ εἶπε τοῖσ ἄρχουσι Βαλάκ. ἐὰν δῷ μοι Βαλὰκ πλήρη τὸν οἶκον αὐτοῦ ἀργυρίου καὶ χρυσίου, οὐ δυνήσομαι παραβῆναι τὸ ρῆμα Κυρίου τοῦ Θεοῦ, ποιῆσαι αὐτὸ μικρὸν ἢ μέγα ἐν τῇ διανοίᾳ μου. καὶ νῦν ὑπομείνατε αὐτοῦ καὶ ὑμεῖσ τὴν νύκτα ταύτην, καὶ γνώσομαι τί προσθήσει Κύριοσ λαλῆσαι πρόσ με. καὶ ἦλθεν ὁ Θεὸσ πρὸσ Βαλαὰμ νυκτὸσ καὶ εἶπεν αὐτῷ. εἰ καλέσαι σε πάρεισιν οἱ ἄνθρωποι οὗτοι, ἀναστὰσ ἀκολούθησον αὐτοῖσ. ἀλλὰ τὸ ρῆμα, ὃ ἐὰν λαλήσω πρὸσ σε, τοῦτο ποιήσεισ. καὶ ἀναστὰσ Βαλαὰμ τὸ πρωί̈ ἐπέσαξε τὴν ὄνον αὐτοῦ καὶ ἐπορεύθη μετὰ τῶν ἀρχόντων Μωάβ. καὶ ὠργίσθη θυμῷ ὁ Θεόσ, ὅτι ἐπορεύθη αὐτόσ, καὶ ἀνέστη ὁ ἄγγελοσ τοῦ Θεοῦ διαβαλεῖν αὐτόν, καὶ αὐτὸσ ἐπιβεβήκει ἐπὶ τῆσ ὄνου αὐτοῦ, καὶ δύο παῖδεσ αὐτοῦ μετ’ αὐτοῦ. καὶ ἰδοῦσα ἡ ὄνοσ τὸν ἄγγελον τοῦ Θεοῦ ἀνθεστηκότα ἐν τῇ ὁδῷ καὶ τὴν ρομφαίαν ἐσπασμένην ἐν τῇ χειρὶ αὐτοῦ, καὶ ἐξέκλινεν ἡ ὄνοσ ἐκ τῆσ ὁδοῦ καὶ ἐπορεύετο εἰσ τὸ πεδίον. καὶ ἐπάταξε τὴν ὄνον ἐν τῇ ράβδῳ αὐτοῦ τοῦ εὐθῦναι αὐτὴν ἐν τῇ ὁδῷ. καὶ ἔστη ὁ ἄγγελοσ τοῦ Θεοῦ ἐν ταῖσ αὔλαξι τῶν ἀμπέλων, φραγμὸσ ἐντεῦθεν καὶ φραγμὸσ ἐντεῦθεν. καὶ ἰδοῦσα ἡ ὄνοσ τὸν ἄγγελον τοῦ Θεοῦ προσέθλιψεν ἑαυτὴν πρὸσ τὸν τοῖχον καὶ ἀπέθλιψε τὸν πόδα Βαλαὰμ πρὸσ τὸν τοῖχον. καὶ προσέθετο ἔτι μαστίξαι αὐτήν. καὶ προσέθετο ὁ ἄγγελοσ τοῦ Θεοῦ καὶ ἀπελθὼν ὑπέστη ἐν τόπῳ στενῷ, εἰσ ὃν οὐκ ἦν ἐκκλῖναι δεξιὰν ἢ ἀριστεράν. καὶ ἰδοῦσα ἡ ὄνοσ τὸν ἄγγελον τοῦ Θεοῦ συνεκάθισεν ὑποκάτω Βαλαάμ. καὶ ἐθυμώθη Βαλαὰμ καὶ ἔτυπτε τὴν ὄνον τῇ ράβδῳ. καὶ ἤνοιξεν ὁ Θεὸσ τὸ στόμα τῆσ ὄνου, καὶ λέγει τῷ Βαλαάμ. τί ἐποίησά σοι ὅτι πέπαικάσ με τρίτον τοῦτο̣ καὶ εἶπε Βαλαὰμ τῇ ὄνῳ. ὅτι ἐμπέπαιχάσ μοι. καὶ εἰ εἶχον μάχαιραν ἐν τῇ χειρί, ἤδη ἂν ἐξεκέντησά σε. καὶ λέγει ἡ ὄνοσ τῷ Βαλαάμ. οὐκ ἐγὼ ἡ ὄνοσ σου, ἐφ’ ἧσ ἐπέβαινεσ ἀπὸ νεότητόσ σου ἕωσ τῆσ σήμερον ἡμέρασ̣ μὴ ὑπεροράσει ὑπεριδοῦσα ἐποίησά σοι οὕτωσ̣ ὁ δὲ εἶπεν. οὐχί. ἀπεκάλυψε δὲ ὁ Θεὸσ τοὺσ ὀφθαλμοὺσ Βαλαάμ, καὶ ὁρᾷ τὸν ἄγγελον Κυρίου ἀνθεστηκότα ἐν τῇ ὁδῷ καὶ τὴν μάχαιραν ἐσπασμένην ἐν τῇ χειρὶ αὐτοῦ καὶ κύψασ προσεκύνησε τῷ προσώπῳ αὐτοῦ. καὶ εἶπεν αὐτῷ ὁ ἄγγελοσ τοῦ Θεοῦ. διατί ἐπάταξασ τὴν ὄνον σου τοῦτο τρίτον̣ καὶ ἰδοὺ ἐγὼ ἐξῆλθον εἰσ διαβολήν σου, ὅτι οὐκ ἀστεία ἡ ὁδόσ σου ἐναντίον μου, καὶ ἰδοῦσά με ἡ ὄνοσ ἐξέκλινεν ἀπ’ ἐμοῦ τρίτον τοῦτο. καὶ εἰ μὴ ἐξέκλινεν, νῦν οὖν σὲ μὲν ἀπέκτεινα, ἐκείνην δ’ ἂν περιεποιησάμην. καὶ εἶπε Βαλαὰμ τῷ ἀγγέλῳ Κυρίου. ἡμάρτηκα, οὐ γὰρ ἠπιστάμην ὅτι σύ μοι ἀνθέστηκασ ἐν τῇ ὁδῷ εἰσ συνάντησιν. καὶ νῦν εἰ μή σοι ἀρκέσει, ἀποστραφήσομαι. καὶ εἶπεν ὁ ἄγγελοσ τοῦ Θεοῦ πρὸσ Βαλαάμ. συμπορεύθητι μετὰ τῶν ἀνθρώπων. πλὴν τὸ ρῆμα, ὃ ἐὰν εἴπω πρὸσ σε, τοῦτο φυλάξῃ λαλῆσαι. καὶ ἐπορεύθη Βαλαὰμ μετὰ τῶν ἀρχόντων Βαλάκ. Καὶ ἀκούσασ Βαλὰκ ὅτι ἥκει Βαλαάμ, ἐξῆλθεν εἰσ συνάντησιν αὐτῷ, εἰσ πόλιν Μωάβ, ἥ ἐστιν ἐπὶ τῶν ὁρίων Ἀρνῶν, ὅ ἐστιν ἐκ μέρουσ τῶν ὁρίων. καὶ εἶπε Βαλὰκ πρὸσ Βαλαάμ. οὐχὶ ἀπέστειλα πρὸσ σὲ καλέσαι σε̣ διατί οὐκ ἤρχου πρόσ με̣ ὄντωσ οὐ δυνήσομαι τιμῆσαί σε̣ καὶ εἶπε Βαλαὰμ πρὸσ Βαλάκ. ἰδοὺ ἥκω πρὸσ σὲ νῦν. δυνατὸσ ἔσομαι λαλῆσαί τι̣ τὸ ρῆμα, ὃ ἐὰν ἐμβάλῃ ὁ Θεὸσ εἰσ τὸ στόμα μου, τοῦτο λαλήσω. καὶ ἐπορεύθη Βαλαὰμ μετὰ Βαλάκ, καὶ ἦλθον εἰσ πόλεισ ἐπαύλεων. καὶ ἔθυσε Βαλὰκ πρόβατα καὶ μόσχουσ καὶ ἀπέστειλε τῷ Βαλαὰμ καὶ τοῖσ ἄρχουσι τοῖσ μετ’ αὐτοῦ. καὶ ἐγενήθη πρωί̈ καὶ παραλαβὼν Βαλὰκ τὸν Βαλαὰμ ἀνεβίβασεν αὐτὸν ἐπὶ τὴν στήλην τοῦ Βαὰλ καὶ ἔδειξεν αὐτῷ ἐκεῖθεν μέροσ τι τοῦ λαοῦ. ΚΑΙ εἶπε Βαλαὰμ τῷ Βαλάκ. οἰκοδόμησόν μοι ἐνταῦθα ἑπτὰ βωμοὺσ καὶ ἑτοίμασόν μοι ἐνταῦθα ἑπτὰ μόσχουσ καὶ ἑπτὰ κριούσ.

καὶ ἐποίησε Βαλὰκ ὃν τρόπον εἶπεν αὐτῷ Βαλαάμ, καὶ ἀνήνεγκε μόσχον καὶ κριὸν ἐπὶ τὸν βωμόν. καὶ εἶπε Βαλαὰμ πρὸσ Βαλάκ. παράστηθι ἐπὶ τῆσ θυσίασ σου, καὶ πορεύσομαι εἴ μοι φανεῖται ὁ Θεὸσ ἐν συναντήσει, καὶ ρῆμα, ὃ ἐάν μοι δείξῃ, ἀναγγελῶ σοι. καὶ παρέστη Βαλὰκ ἐπὶ τῆσ θυσίασ αὐτοῦ, καὶ Βαλαὰμ ἐπορεύθη ἐπερωτῆσαι τὸν Θεὸν καὶ ἐπορεύθη εὐθεῖαν. καὶ ἐφάνη ὁ Θεὸσ τῷ Βαλαάμ, καὶ εἶπε πρὸσ αὐτὸν Βαλαάμ. τοὺσ ἑπτὰ βωμοὺσ ἡτοίμασα καὶ ἀνεβίβασα μόσχον καὶ κριὸν ἐπὶ τὸν βωμόν. καὶ ἐνέβαλεν ὁ Θεὸσ ρῆμα εἰσ τὸ στόμα Βαλαὰμ καὶ εἶπεν. ἐπιστραφεὶσ πρὸσ Βαλὰκ οὕτω λαλήσεισ. καὶ ἀπεστράφη πρὸσ αὐτόν, καὶ ὅδε ἐφειστήκει ἐπὶ τῶν ὁλοκαυτωμάτων αὐτοῦ, καὶ πάντεσ οἱ ἄρχοντεσ Μωὰβ μετ’ αὐτοῦ. καὶ ἐγενήθη πνεῦμα Θεοῦ ἐπ’ αὐτῷ, καὶ ἀναλαβὼν τὴν παραβολὴν αὐτοῦ εἶπεν. ἐκ Μεσοποταμίασ μετεπέμψατό με Βαλάκ, βασιλεὺσ Μωάβ, ἐξ ὀρέων ἀπ’ ἀνατολῶν λέγων. δεῦρο ἄρασαί μοι τὸν Ἰακὼβ καὶ δεῦρο ἐπικατάρασαί μοι τὸν Ἰσραήλ. τί ἀράσωμαι ὃν μὴ ἀρᾶται Κύριοσ, ἢ τί καταράσωμαι ὃν μὴ καταρᾶται ὁ Θεόσ̣ ὅτι ἀπὸ κορυφῆσ ὀρέων ὄψομαι αὐτὸν καὶ ἀπὸ βουνῶν προσνοήσω αὐτόν. ἰδοὺ λαὸσ μόνοσ κατοικήσει καὶ ἐν ἔθνεσιν οὐ συλλογισθήσεται. τίσ ἐξηκριβάσατο τὸ σπέρμα Ἰακώβ, καὶ τίσ ἐξαριθμήσεται δήμουσ Ἰσραήλ̣ ἀποθάνοι ἡ ψυχή μου ἐν ψυχαῖσ δικαίων, καὶ γένοιτο τὸ σπέρμα μου ὡσ τὸ σπέρμα τούτων. καὶ εἶπε Βαλὰκ πρὸσ Βαλαάμ. τί πεποίηκάσ μοι̣ εἰσ κατάρασιν ἐχθρῶν μου κέκληκά σε, καὶ ἰδοὺ εὐλόγηκασ εὐλογίαν. καὶ εἶπε Βαλαὰμ πρὸσ Βαλάκ. οὐχὶ ὅσα ἂν ἐμβάλῃ ὁ Θεὸσ εἰσ τὸ στόμα μου, τοῦτο φυλάξω λαλῆσαι̣ Καὶ εἶπε πρὸσ αὐτὸν Βαλάκ. δεῦρο ἔτι μετ’ ἐμοῦ εἰσ τόπον ἄλλον, ἐξ οὗ οὐκ ὄψει αὐτὸν ἐκεῖθεν, ἀλλ’ ἢ μέροσ τι αὐτοῦ ὄψει, πάντασ δὲ οὐ μὴ ἴδῃσ, καὶ κατάρασαί μοι αὐτὸν ἐκεῖθεν. καὶ παρέλαβεν αὐτὸν εἰσ ἀγροῦ σκοπιὰν ἐπὶ κορυφὴν λελαξευμένου καὶ ᾠκοδόμησεν ἐκεῖ ἑπτὰ βωμοὺσ καὶ ἀνεβίβασε μόσχον καὶ κριὸν ἐπὶ τὸν βωμόν. καὶ εἶπε Βαλαὰμ πρόσ Βαλάκ. παράστηθι ἐπὶ τῆσ θυσίασ σου, ἐγὼ δὲ πορεύσομαι ἐπερωτῆσαι τὸν Θεόν. καὶ συνήντησεν ὁ Θεὸσ τῷ Βαλαὰμ καὶ ἐνέβαλε ρῆμα εἰσ τὸ στόμα αὐτοῦ καὶ εἶπεν. ἀποστράφηθι πρὸσ Βαλὰκ καὶ τάδε λαλήσεισ. καὶ ἀπεστράφη πρὸσ αὐτόν, καὶ ὅδε ἐφειστήκει ἐπὶ τῆσ ὁλοκαυτώσεωσ αὐτοῦ, καὶ πάντεσ οἱ ἄρχοντεσ Μωὰβ μετ’ αὐτοῦ. καὶ εἶπεν αὐτῷ Βαλάκ. τί ἐλάλησε Κύριοσ̣ καὶ ἀναλαβὼν τὴν παραβολὴν αὐτοῦ εἶπεν. ἀνάστηθι Βαλάκ, καὶ ἄκουε. ἐνώτισαι μάρτυσ, υἱὸσ Σεπφώρ. οὐχ ὡσ ἄνθρωποσ ὁ Θεὸσ διαρτηθῆναι, οὐδ’ ὡσ υἱὸσ ἀνθρώπου ἀπειληθῆναι. αὐτὸσ εἴπασ, οὐχὶ ποιήσει̣ λαλήσει, καὶ οὐχὶ ἐμμενεῖ̣ ἰδοὺ εὐλογεῖν παρείλημμαι. εὐλογήσω καὶ οὐ μὴ ἀποστρέψω. οὐκ ἔσται μόχθοσ ἐν Ἰακώβ, οὐδὲ ὀφθήσεται πόνοσ ἐν Ἰσραήλ. Κύριοσ ὁ Θεὸσ αὐτοῦ μετ’ αὐτοῦ, τὰ ἔνδοξα ἀρχόντων ἐν αὐτῷ. Θεὸσ ὁ ἐξαγαγὼν αὐτοὺσ ἐξ Αἰγύπτου. ὡσ δόξα μονοκέρωτοσ αὐτῷ. οὐ γάρ ἐστιν οἰωνισμὸσ ἐν Ἰακώβ, οὐδὲ μαντεία ἐν Ἰσραήλ. κατὰ καιρὸν ρηθήσεται Ἰακὼβ καὶ τῷ Ἰσραήλ, τί ἐπιτελέσει ὁ Θεόσ. ἰδοὺ λαὸσ ὡσ σκύμνοσ ἀναστήσεται καὶ ὡσ λέων γαυρωθήσεται. οὐ κοιμηθήσεται, ἕωσ φάγῃ θήραν, καὶ αἷμα τραυματιῶν πίεται. καὶ εἶπε Βαλὰκ πρὸσ Βαλαάμ. οὔτε κατάραισ καταράσῃ μοι αὐτὸν οὔτε εὐλογῶν μὴ εὐλογήσῃσ αὐτόν. καὶ ἀποκριθεὶσ Βαλαὰμ εἶπε τῷ Βαλάκ. οὐκ ἐλάλησά σοι λέγων, τὸ ρῆμα, ὃ ἐὰν λαλήσῃ ὁ Θεόσ, τοῦτο ποιήσω̣ Καὶ εἶπε Βαλὰκ πρὸσ Βαλαάμ. δεῦρο παραλάβω σε εἰσ τόπον ἄλλον, εἰ ἀρέσει τῷ Θεῷ, καὶ κατάρασαί μοι αὐτὸν ἐκεῖθεν. καὶ παρέλαβε Βαλὰκ τὸν Βαλαὰμ ἐπὶ κορυφὴν τοῦ Φογὼρ τὸ παρατεῖνον εἰσ τὴν ἔρημον. καὶ εἶπε Βαλαὰμ πρὸσ Βαλάκ. οἰκοδόμησόν μοι ὧδε ἑπτὰ βωμοὺσ καὶ ἑτοίμασόν μοι ὧδε ἑπτὰ μόσχουσ καὶ ἑπτὰ κριούσ. καὶ ἐποίησε Βαλὰκ καθάπερ εἶπεν αὐτῷ Βαλαάμ, καὶ ἀνήνεγκε μόσχον καὶ κριὸν ἐπὶ τὸν βωμόν. ΚΑΙ ἰδὼν Βαλαὰμ ὅτι καλόν ἐστιν ἐναντίον Κυρίου εὐλογεῖν τὸν Ἰσραήλ, οὐκ ἐπορεύθη κατὰ τὸ εἰωθὸσ εἰσ συνάντησιν τοῖσ οἰωνοῖσ καὶ ἀπέστρεψε τὸ πρόσωπον αὐτοῦ εἰσ τὴν ἔρημον.

καὶ ἐξάρασ Βαλαὰμ τοὺσ ὀφθαλμοὺσ αὐτοῦ καθορᾷ τὸν Ἰσραὴλ ἐστρατοπεδευκότα κατὰ φυλάσ, καὶ ἐγένετο πνεῦμα Θεοῦ ἐν αὐτῷ, καὶ ἀναλαβὼν τὴν παραβολὴν αὐτοῦ εἶπε. φησὶ Βαλαὰμ υἱὸσ Βεώρ, φησὶν ὁ ἄνθρωποσ ὁ ἀληθινῶσ ὁρῶν, φησὶν ἀκούων λόγια ἰσχυροῦ, ὅστισ ὅρασιν Θεοῦ εἶδεν ἐν ὕπνῳ, ἀποκεκαλυμμένοι οἱ ὀφθαλμοὶ αὐτοῦ. ὡσ καλοὶ οἱ οἶκοί σου Ἰακώβ, αἱ σκηναί σου Ἰσραήλ! ὡσεὶ νάπαι σκιάζουσαι καὶ ὡσεὶ παράδεισοι ἐπὶ ποταμῷ καὶ ὡσεὶ σκηναί, ἃσ ἔπηξε Κύριοσ, καὶ ὡσεὶ κέδροι παρ’ ὕδατα. ἐξελεύσεται ἄνθρωποσ ἐκ τοῦ σπέρματοσ αὐτοῦ καὶ κυριεύσει ἐθνῶν πολλῶν, καὶ ὑψωθήσεται ἢ Γὼγ βασιλεία αὐτοῦ, καὶ αὐξηθήσεται βασιλεία αὐτοῦ. Θεὸσ ὡδήγησεν αὐτὸν ἐξ Αἰγύπτου, ὡσ δόξα μονοκέρωτοσ αὐτῷ. ἔδεται ἔθνη ἐχθρῶν αὐτοῦ καὶ τὰ πάχη αὐτῶν ἐκμυελιεῖ καὶ ταῖσ βολίσιν αὐτοῦ κατατοξεύσει ἐχθρόν. κατακλιθεὶσ ἀνεπαύσατο ὡσ λέων καὶ ὡσ σκύμνοσ. τίσ ἀναστήσει αὐτόν̣ οἱ εὐλογοῦντέσ σε εὐλόγηνται, καὶ οἱ καταρώμενοί σε κεκατήρανται. καὶ ἐθυμώθη Βαλὰκ ἐπὶ Βαλαὰμ καὶ συνεκρότησε ταῖσ χερσὶν αὐτοῦ, καὶ εἶπε Βαλὰκ πρὸσ Βαλαάμ. καταρᾶσθαι τὸν ἐχθρόν μου κέκληκά σε, καὶ ἰδοὺ εὐλογῶν εὐλόγησασ τρίτον τοῦτο. νῦν οὖν φεῦγε εἰσ τὸν τόπον σου. εἶπα, τιμήσω σε, καὶ νῦν ἐστέρησέ σε Κύριοσ τῆσ δόξησ. καὶ εἶπε Βαλαὰμ πρὸσ Βαλάκ. οὐχὶ καὶ τοῖσ ἀγγέλοισ σου, οὓσ ἀπέστειλασ πρόσ με, ἐλάλησα λέγων. ἐάν μοι δῷ Βαλὰκ πλήρη τὸν οἶκον αὐτοῦ ἀργυρίου καὶ χρυσίου, οὐ δυνήσομαι παραβῆναι τὸ ρῆμα Κυρίου ποιῆσαι αὐτὸ καλὸν ἢ πονηρὸν παρ’ ἐμαυτοῦ. ὅσα ἐὰν εἴπῃ ὁ Θεόσ, ταῦτα ἐρῶ. καὶ νῦν ἰδοὺ ἀποτρέχω εἰσ τὸν τόπον μου. δεῦρο συμβουλεύσω σοι, τί ποιήσει ὁ λαὸσ οὗτοσ τὸν λαόν σου ἐπ’ ἐσχάτου τῶν ἡμερῶν. καὶ ἀναλαβὼν τὴν παραβολὴν αὐτοῦ εἶπε. φυσὶ Βαλαὰμ υἱὸσ Βεώρ, φησὶν ὁ ἄνθρωποσ ὁ ἀληθινῶσ ὁρῶν, ἀκούων λόγια Θεοῦ, ἐπιστάμενοσ ἐπιστήμην παρὰ ὑψίστου καὶ ὅρασιν Θεοῦ ἰδὼν ἐν ὕπνῳ, ἀποκεκαλυμμένοι οἱ ὀφθαλμοὶ αὐτοῦ. δείξω αὐτῷ, καὶ οὐχὶ νῦν. μακαρίζω, καὶ οὐκ ἐγγίζει. ἀνατελεῖ ἄστρον ἐξ Ἰακώβ, ἀναστήσεται ἄνθρωποσ ἐξ Ἰσραὴλ καὶ θραύσει τοὺσ ἀρχηγοὺσ Μωὰβ καὶ προνομεύσει πάντασ υἱοὺσ Σήθ. καὶ ἔσται Ἐδὼμ κληρονομία, καὶ ἔσται κληρονομία Ἡσαῦ ὁ ἐχθρὸσ αὐτοῦ. καὶ Ἰσραὴλ ἐποίησεν ἐν ἰσχύϊ. καὶ ἐξεγερθήσεται ἐξ Ἰακὼβ καὶ ἀπολεῖ σῳζόμενον ἐκ πόλεωσ. καὶ ἰδὼν τὸν Ἀμαλὴκ καὶ ἀναλαβὼν τὴν παραβολὴν αὐτοῦ εἶπεν. ἀρχὴ ἐθνῶν Ἀμαλήκ, καὶ τὸ σπέρμα αὐτῶν ἀπολεῖται. καὶ ἰδὼν τὸν Κεναῖον καὶ ἀναλαβὼν τὴν παραβολὴν αὐτοῦ εἶπεν. ἰσχυρὰ ἡ κατοικία σου. καὶ ἐὰν θῇσ ἐν πέτρᾳ τὴν νοσσιάν σου, καὶ ἐὰν γένηται τῷ Βεὼρ νοσσιὰ πανουργίασ, Ἀσσύριοι αἰχμαλωτεύσουσί σε. καὶ ἰδὼν τὸν Ὢγ καὶ ἀναλαβὼν τὴν παραβολὴν αὐτοῦ εἶπεν. ὦ ὦ, τίσ ζήσεται, ὅταν θῇ ταῦτα ὁ Θεόσ̣ καὶ ἐξελεύσεται ἐκ χειρῶν Κιτιαίων καὶ κακώσουσιν Ἀσσοὺρ καὶ κακώσουσιν Ἑβραίουσ, καὶ αὐτοὶ ὁμοθυμαδὸν ἀπολοῦνται. καὶ ἀναστὰσ Βαλαὰμ ἀπῆλθεν ἀποστραφεὶσ εἰσ τὸν τόπον αὐτοῦ, καὶ Βαλὰκ ἀπῆλθε πρὸσ ἑαυτόν. ΚΑΙ κατέλυσεν Ἰσραὴλ ἐν Σαττείν. καὶ ἐβεβηλώθη ὁ λαὸσ ἐκπορνεῦσαι εἰσ τὰσ θυγατέρασ Μωάβ.

καὶ ἐκάλεσαν αὐτοὺσ εἰσ τὰσ θυσίασ τῶν εἰδώλων αὐτῶν, καὶ ἔφαγεν ὁ λαὸσ τῶν θυσιῶν αὐτῶν καὶ προσεκύνησαν τοῖσ εἰδώλοισ αὐτῶν. καὶ ἐτελέσθη Ἰσραὴλ τῷ Βεελφεγώρ. καὶ ὠργίσθη θυμῷ Κύριοσ τῷ Ἰσραήλ. καὶ εἶπε Κύριοσ τῷ Μωυσῇ. λαβὲ πάντασ τοὺσ ἀρχηγοὺσ τοῦ λαοῦ καὶ παραδειγμάτισον αὐτοὺσ Κυρίῳ κατέναντι τοῦ ἡλίου, καὶ ἀποστραφήσεται ὀργὴ θυμοῦ Κυρίου ἀπὸ Ἰσραήλ. καὶ εἶπε Μωυσῆσ ταῖσ φυλαῖσ Ἰσραήλ. ἀποκτείνατε ἕκαστοσ τὸν οἰκεῖον αὐτοῦ τὸν τετελεσμένον τῷ Βεελφεγώρ. Καὶ ἰδοὺ ἄνθρωποσ τῶν υἱῶν Ἰσραὴλ ἐλθὼν προσήγαγε τὸν ἀδελφὸν αὐτοῦ πρὸσ τὴν Μαδιανῖτιν ἐναντίον Μωυσῆ καὶ ἐναντίον πάσησ συναγωγῆσ υἱῶν Ἰσραήλ, αὐτοὶ δὲ ἔκλαιον παρὰ τὴν θύραν τῆσ σκηνῆσ τοῦ μαρτυρίου. καὶ ἰδὼν Φινεὲσ υἱὸσ Ἐλεάζαρ υἱοῦ Ἀαρὼν τοῦ ἱερέωσ ἐξανέστη ἐκ μέσου τῆσ συναγωγῆσ καὶ λαβὼν σειρομάστην ἐν τῇ χειρὶ εἰσῆλθεν ὀπίσω τοῦ ἀνθρώπου τοῦ Ἰσραηλίτου εἰσ τὴν κάμινον καὶ ἀπεκέντησεν ἀμφοτέρουσ, τόν τε ἄνθρωπον τὸν Ἰσραηλίτην καὶ τὴν γυναῖκα διὰ τῆσ μήτρασ αὐτῆσ. καὶ ἐπαύσατο ἡ πληγὴ ἀπὸ υἱῶν Ἰσραήλ. καὶ ἐγένοντο οἱ τεθνηκότεσ ἐν τῇ πληγῇ τέσσαρεσ καὶ εἴκοσι χιλιάδεσ. Καὶ ἐλάλησε Κύριοσ πρὸσ Μωυσῆν λέγων. Φινεὲσ υἱὸσ Ἐλεάζαρ υἱοῦ Ἀαρὼν τοῦ ἱερέωσ κατέπαυσε τὸν θυμόν μου ἀπὸ υἱῶν Ἰσραὴλ ἐν τῷ ζηλῶσαί μου τὸν ζῆλον ἐν αὐτοῖσ, καὶ οὐκ ἐξανήλωσα τοὺσ υἱοὺσ Ἰσραὴλ ἐν τῷ ζήλῳ μου. οὕτωσ εἶπον. ἰδοὺ ἐγὼ δίδωμι αὐτῷ διαθήκην εἰρήνησ, καὶ ἔσται αὐτῷ καὶ τῷ σπέρματι αὐτοῦ μετ’ αὐτὸν διαθήκη ἱερατείασ αἰωνία, ἀνθ’ ὧν ἐζήλωσε τῷ Θεῷ αὐτοῦ καὶ ἐξιλάσατο περὶ τῶν υἱῶν Ἰσραήλ. τὸ δὲ ὄνομα τοῦ ἀνθρώπου τοῦ Ἰσραηλίτου τοῦ πεπληγότοσ, ὃσ ἐπλήγη μετὰ τῆσ Μαδιανίτιδοσ, Ζαμβρὶ υἱὸσ Σαλώ, ἄρχων οἴκου πατριᾶσ τῶν Συμεών. καὶ ὄνομα τῇ γυναικὶ τῇ Μαδιανίτιδι τῇ πεπληγυίᾳ Χασβί, θυγάτηρ Σοὺρ ἄρχοντοσ ἔθνουσ Ὀμμώθ, οἴκου πατριᾶσ ἐστι τῶν Μαδιάμ. Καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ λέγων. ἐχθραίνετε τοῖσ Μαδιηναίοισ καὶ πατάξατε αὐτούσ, ὅτι ἐχθραίνουσιν αὐτοὶ ὑμῖν ἐν δολιότητι, ὅσα δολιοῦσιν ὑμᾶσ διὰ Φογὼρ καὶ διὰ Χασβὶ θυγατέρα ἄρχοντοσ Μαδιὰμ ἀδελφὴν αὐτῶν τὴν πεπληγυῖαν ἐν τῇ ἡμέρᾳ τῆσ πληγῆσ διὰ Φογώρ. ΚΑΙ ἐγένετο μετὰ τὴν πληγὴν καὶ ἐλάλησε Κύριοσ πρὸσ Μωυσῆν καὶ Ἐλεάζαρ τὸν ἱερέα λέγων.

λαβὲ τὴν ἀρχὴν πάσησ συναγωγῆσ υἱῶν Ἰσραὴλ ἀπὸ εἰκοσαετοῦσ καὶ ἐπάνω κατ’ οἴκουσ πατριῶν αὐτῶν, πᾶσ ὁ ἐκπορευόμενοσ παρατάξασθαι ἐν Ἰσραήλ. καὶ ἐλάλησε Μωυσῆσ καὶ Ἐλεάζαρ ὁ ἱερεὺσ ἐν Ἀραβὼθ Μωὰβ ἐπὶ τοῦ Ἰορδάνου κατὰ Ἱεριχὼ λέγων. ἀπὸ εἰκοσαετοῦσ καὶ ἐπάνω, ὃν τρόπον συνέταξε Κύριοσ τῷ Μωυσῇ. καὶ οἱ υἱοὶ Ἰσραὴλ οἱ ἐξελθόντεσ ἐξ Αἰγύπτου. Ρουβὴν πρωτότοκοσ Ἰσραήλ. υἱοὶ δὲ Ρουβήν. Ἐνὼχ καὶ δῆμοσ τοῦ Ἐνώχ. τῷ Φαλλοὺ δῆμοσ τοῦ Φαλλουί̈. τῷ Ἀσρὼν δῆμοσ τοῦ Ἀσρωνί. τῷ Χαρμὶ δῆμοσ τοῦ Χαρμί. οὗτοι δῆμοι Ρουβήν. καὶ ἐγένετο ἡ ἐπίσκεψισ αὐτῶν τρεῖσ καὶ τεσσαράκοντα χιλιάδεσ καὶ ἑπτακόσιοι καὶ τριάκοντα. καὶ υἱοὶ Φαλλοὺ Ἑλιάβ. καὶ υἱοὶ Ἑλιάβ. Ναμουὴλ καὶ Δαθὰν καὶ Ἀβειρών. οὗτοι ἐπίκλητοι τῆσ συναγωγῆσ, οὗτοί εἰσιν οἱ ἐπισυστάντεσ ἐπὶ Μωυσῆν καὶ Ἀαρὼν ἐν τῇ συναγωγῇ Κορέ, ἐν τῇ ἐπισυστάσει Κυρίου, καὶ ἀνοίξασα ἡ γῆ τὸ στόμα αὐτῆσ κατέπιεν αὐτοὺσ καὶ Κορὲ ἐν τῷ θανάτῳ τῆσ συναγωγῆσ αὐτοῦ, ὅτε κατέφαγε τὸ πῦρ τοὺσ πεντήκοντα καὶ διακοσίουσ, καὶ ἐγενήθησαν ἐν σημείῳ, οἱ δὲ υἱοὶ Κορὲ οὐκ ἀπέθανον. καὶ οἱ υἱοὶ Συμεών. ὁ δῆμοσ τῶν υἱῶν Συμεών. τῷ Ναμουὴλ δῆμοσ ὁ Ναμουηλί. τῷ Ἰαμὶν δῆμοσ ὁ Ἰαμινί. τῷ Ἰαχὶν δῆμοσ Ἰαχινί. τῷ Ζαρὰ δῆμοσ ὁ Ζαραί̈. τῷ Σαοὺλ δῆμοσ ὁ Σαουλί. οὗτοι δῆμοι Συμεὼν ἐκ τῆσ ἐπισκέψεωσ αὐτῶν, δύο καὶ εἴκοσι χιλιάδεσ καὶ διακόσιοι. υἱοὶ δὲ Ἰούδα. Ἢρ καὶ Αὐνάν. καὶ ἀπέθανεν Ἢρ καὶ Αὐνὰν ἐν γῇ Χαναάν. καὶ ἐγένοντο οἱ υἱοὶ Ἰούδα κατὰ δήμουσ αὐτῶν. τῷ Σηλὼμ δῆμοσ ὁ Σηλωνί. τῷ Φαρὲσ δῆμοσ ὁ Φαρεσί. τῷ Ζαρὰ δῆμοσ ὁ Ζαραί̈. καὶ ἐγένοντο οἱ υἱοὶ Φαρέσ. τῷ Ἀσρὼν δῆμοσ ὁ Ἀσρωνί. τῷ Ἰαμούν, δῆμοσ ὁ Ἰαμουνί. οὗτοι δῆμοι τοῦ Ἰούδα κατὰ τὴν ἐπίσκεψιν αὐτῶν, ἓξ καὶ ἑβδομήκοντα χιλιάδεσ καὶ πεντακόσιοι. καὶ υἱοὶ Ἰσσάχαρ κατὰ δήμουσ αὐτῶν. τῷ Θωλᾷ δῆμοσ ὁ Θωλαί̈. τῷ Φουᾷ δῆμοσ ὁ Φουαί̈. τῷ Ἰασοὺβ δῆμοσ ὁ Ἰασουβί. τῷ Σαμρὰμ δῆμοσ ὁ Σαμραμί. οὗτοι δῆμοι Ἰσσάχαρ ἐξ ἐπισκέψεωσ αὐτῶν, τέσσαρεσ καὶ ἑξήκοντα χιλιάδεσ καὶ τετρακόσιοι. υἱοὶ Ζαβουλὼν κατὰ δήμουσ αὐτῶν. τῷ Σαρὲδ δῆμοσ ὁ Σαρεδί. τῷ Ἀλλὼν δῆμοσ ὁ Ἀλλωνί. τῷ Ἀλλὴλ δῆμοσ ὁ Ἀλληλί. οὗτοι δῆμοι Ζαβουλὼν ἐξ ἐπισκέψεωσ αὐτῶν, ἑξήκοντα χιλιάδεσ καὶ πεντακόσιοι. υἱοὶ Γὰδ κατὰ δήμουσ αὐτῶν. τῷ Σαφὼν δῆμοσ ὁ Σαφωνί. τῷ Ἀγγὶ δῆμοσ ὁ Ἀγγί. τῷ Σουνὶ δῆμοσ ὁ Σουνί. τῷ Ἀζενὶ δῆμοσ ὁ Ἀζενί. τῷ Ἀδδὶ δῆμοσ ὁ Ἀδδί. τῷ Ἀροαδὶ δῆμοσ ὁ Ἀροαδί. τῷ Ἀριὴλ δῆμοσ ὁ Ἀριηλί. οὗτοι δῆμοι υἱῶν Γὰδ ἐξ ἐπισκέψεωσ αὐτῶν, τέσσαρεσ καὶ τεσσαράκοντα χιλιάδεσ καὶ πεντακόσιοι. υἱοὶ Ἀσὴρ κατὰ δήμουσ αὐτῶν. τῷ Ἰαμὶν δῆμοσ ὁ Ἰαμινί. τῷ Ἰεσοὺ δῆμοσ ὁ Ἰεσουί̈. τῷ Βαριὰ δῆμοσ ὁ Βαριαί̈. τῷ Χοβὲρ δῆμοσ ὁ Χοβερί. τῷ Μελχιὴλ δῆμοσ ὁ Μελχιηλί. καὶ τὸ ὄνομα θυγατρὸσ Ἀσὴρ Σάρα. οὗτοι δῆμοι Ἀσὴρ ἐξ ἐπισκέψεωσ αὐτῶν, τρεῖσ καὶ τεσσαράκοντα χιλιάδεσ καὶ τετρακόσιοι. υἱοὶ Ἰωσὴφ κατὰ δήμουσ αὐτῶν. Μανασσῆ καὶ Ἐφραίμ. υἱοὶ Μανασσῆ. τῷ Μαχὶρ δῆμοσ ὁ Μαχιρί. καὶ Μαχὶρ ἐγέννησε τὸν Γαλαάδ. τῷΓαλαὰδ δῆμοσ ὁ Γαλααδί. καὶ οὗτοι υἱοὶ Γαλαάδ. Ἀχιέζερ δῆμοσ ὁ Ἀχιεζερί. τῷ Χελὲγ δῆμοσ ὁ Χελεγί. τῷ Ἐσριὴλ δῆμοσ ὁ Ἐσριηλί. τῷ Συχὲμ δῆμοσ ὁ Συχεμί. τῷ Συμαὲρ δῆμοσ ὁ Συμαερί. καὶ τῷ Ὀφὲρ δῆμοσ ὁ Ὀφερί. καὶ τῷ Σαλπαὰδ υἱῷ Ὀφὲρ οὐκ ἐγένοντο αὐτῷ υἱοί, ἀλλ’ ἢ θυγατέρεσ, καὶ ταῦτα τὰ ὀνόματα τῶν θυγατέρων Σαλπαάδ. Μαλὰ καὶ Νουὰ καὶ Ἐγλὰ καὶ Μελχὰ καὶ Θερσά. οὗτοι δῆμοι Μανασσῆ ἐξ ἐπισκέψεωσ αὐτῶν, δύο καὶ πεντήκοντα χιλιάδεσ καὶ ἑπτακόσιοι. καὶ οὗτοι υἱοὶ Ἐφραίμ. τῷ Σουθαλὰ δῆμοσ ὁ Σουθαλαί̈. τῷ Τανὰχ δῆμοσ ὁ Ταναχί. οὗτοι υἱοὶ Σουθαλά. τῷ Ἐδὲν δῆμοσ ὁ Ἐδενί. οὗτοι δῆμοι Ἐφραὶμ ἐξ ἐπισκέψεωσ αὐτῶν, δύο καὶ τριάκοντα χιλιάδεσ καὶ πεντακόσιοι. οὗτοι δῆμοι υἱῶν Ἰωσὴφ κατὰ δήμουσ αὐτῶν. υἱοὶ Βενιαμὶν κατὰ δήμουσ αὐτῶν. τῷ Βαλὲ δῆμοσ ὁ Βαλί. τῷ Ἀσυβὴρ δῆμοσ ὁ Ἀσυβηρί. τῷ Ἰαχιρὰν δῆμοσ ὁ Ἰαχιρανί. τῷ Σωφὰν δῆμοσ ὁ Σωφανί. καὶ ἐγένοντο οἱ υἱοὶ Βαλὲ Ἀδὰρ καὶ Νοεμάν. τῷ Ἀδὰρ δῆμοσ ὁ Ἀδαρὶ καὶ τῷ Νοεμὰν δῆμοσ ὁ Νοεμανί. οὗτοι οἱ υἱοὶ Βενιαμὶν κατὰ δήμουσ αὐτῶν ἐξ ἐπισκέψεωσ αὐτῶν, πέντε καὶ τριάκοντα χιλιάδεσ καὶ πεντακόσιοι. καὶ υἱοὶ Δὰν κατὰ δήμουσ αὐτῶν. τῷ Σαμὲ δῆμοσ ὁ Σαμεί̈. οὗτοι δῆμοι Δὰν κατὰ δήμουσ αὐτῶν. πάντεσ οἱ δῆμοι Σαμεί̈ κατ’ ἐπισκοπὴν αὐτῶν τέσσαρεσ καὶ ἑξήκοντα χιλιάδεσ καὶ τετρακόσιοι. υἱοὶ Νεφθαλὶ κατὰ δήμουσ αὐτῶν. τῷ Ἀσιὴλ δῆμοσ ὁ Ἀσιηλί. τῷ Γαυνὶ δῆμοσ ὁ Γαυνί. τῷ Ἰεσὲρ δῆμοσ ὁ Ἰεσερί. τῷ Σελλὴμ δῆμοσ ὁ Σελλημί. οὗτοι δῆμοι Νεφθαλὶ ἐξ ἐπισκέψεωσ αὐτῶν, τεσσαράκοντα χιλιάδεσ καὶ τριακόσιοι. αὕτη ἡ ἐπίσκεψισ υἱῶν Ἰσραήλ, ἑξακόσιαι χιλιάδεσ καὶ χίλιοι καὶ ἑπτακόσιοι καὶ τριάκοντα. Καὶ ἐλάλησε Κύριοσ πρὸσ Μωυσῆν λέγων. τούτοισ μερισθήσεται ἡ γῆ κληρονομεῖν ἐξ ἀριθμοῦ ὀνομάτων. τοῖσ πλείοσι πλεονάσεισ τὴν κληρονομίαν καὶ τοῖσ ἐλάττοσιν ἐλαττώσεισ τὴν κληρονομίαν αὐτῶν. ἑκάστῳ καθὼσ ἐπεσκέπησαν, δοθήσεται ἡ κληρονομία αὐτῶν. διὰ κλήρων μερισθήσεται ἡ γῆ. τοῖσ ὀνόμασι, κατὰ φυλὰσ πατριῶν αὐτῶν κληρονομήσουσιν. ἐκ τοῦ κλήρου μεριεῖσ τὴν κληρονομίαν αὐτῶν ἀνὰ μέσων πολλῶν καὶ ὀλίγων. Καὶ υἱοὶ Λευὶ κατὰ δήμουσ αὐτῶν. τῷ Γεδσὼν δῆμοσ ὁ Γεδσωνί. τῷ Καὰθ δῆμοσ ὁ Κααθί. τῷ Μεραρὶ δῆμοσ ὁ Μεραρί. οὗτοι οἱ δῆμοι υἱῶν Λευί. δῆμοσ ὁ Λοβενί, δῆμοσ ὁ Χεβρωνί, δῆμοσ ὁ Κορὲ καὶ δῆμοσ ὁ Μουσί. καὶ Καὰθ ἐγέννησε τὸν Ἀμράμ. τὸ δέ ὄνομα τῆσ γυναικὸσ αὐτοῦ Ἰωχαβέδ, θυγάτηρ Λευί, ἣ ἔτεκε τούτουσ τῷ Λευί̈ ἐν Αἰγύπτῳ. καὶ ἔτεκε τῷ Ἀμρὰμ τὸν Ἀαρὼν καὶ Μωυσῆν καὶ Μαριὰμ τὴν ἀδελφὴν αὐτῶν. καὶ ἐγεννήθησαν τῷ Ἀαρὼν ὅ τε Ναδὰβ καὶ Ἀβιοὺδ καὶ Ἐλεάζαρ καὶ Ἰθάμαρ. καὶ ἀπέθανε Ναδὰβ καὶ Ἀβιοὺδ ἐν τῷ προσφέρειν αὐτοὺσ πῦρ ἀλλότριον ἔναντι Κυρίου ἐν τῇ ἐρήμῳ Σινά. καὶ ἐγενήθησαν ἐξ ἐπισκέψεωσ αὐτῶν τρεῖσ καὶ εἴκοσι χιλιάδεσ, πᾶν ἀρσενικὸν ἀπὸ μηνιαίου καὶ ἐπάνω. οὐ γὰρ συνεπεσκέπησαν ἐν μέσῳ υἱῶν Ἰσραήλ, ὅτι οὐ δίδοται αὐτοῖσ κλῆροσ ἐν μέσῳ υἱῶν Ἰσραήλ. καὶ αὕτη ἡ ἐπίσκεψισ Μωυσῆ καὶ Ἐλεάζαρ τοῦ ἱερέωσ, οἳ ἐπεσκέψαντο τοὺσ υἱοὺσ Ἰσραὴλ ἐν Ἀραβὼθ Μωάβ, ἐπὶ τοῦ Ἰορδάνου κατὰ Ἱεριχώ. καὶ ἐν τούτοισ οὐκ ἦν ἄνθρωποσ τῶν ἐπεσκεμμένων ὑπὸ Μωυσῆ καὶ Ἀαρών, οὓσ ἐπεσκέψαντο τοὺσ υἱοὺσ Ἰσραὴλ ἐν τῇ ἐρήμῳ Σινά. ὅτι εἶπε Κύριοσ αὐτοῖσ. θανάτῳ ἀποθανοῦνται ἐν τῇ ἐρήμῳ. καὶ οὐ κατελείφθη ἐξ αὐτῶν οὐδὲ εἷσ, πλὴν Χάλεβ υἱὸσ Ἰεφοννὴ καὶ Ἰησοῦσ ὁ τοῦ Ναυή. ΚΑΙ προσελθοῦσαι αἱ θυγατέρεσ Σαλπαὰδ υἱοῦ Ὀφέρ, υἱοῦ Γαλαάδ, υἱοῦ Μαχίρ, τοῦ δήμου Μανασσῆ, τῶν υἱῶν Ἰωσήφ

καὶ στᾶσαι ἔναντι Μωυσῆ καὶ ἔναντι Ἐλεάζαρ τοῦ ἱερέωσ καὶ ἔναντι τῶν ἀρχόντων καὶ ἔναντι πάσησ συναγωγῆσ ἐπὶ τῆσ θύρασ τῆσ σκηνῆσ τοῦ μαρτυρίου λέγουσιν. ὁ πατὴρ ἡμῶν ἀπέθανεν ἐν τῇ ἐρήμῳ, καὶ αὐτὸσ οὐκ ἦν ἐν μέσῳ τῆσ συναγωγῆσ τῆσ ἐπισυστάσησ ἔναντι Κυρίου ἐν τῇ συναγωγῇ Κορέ, ὅτι δι’ ἁμαρτίαν αὐτοῦ ἀπέθανε, καὶ υἱοὶ οὐκ ἐγένοντο αὐτῷ. μὴ ἐξαλειφθήτω τὸ ὄνομα τοῦ πατρὸσ ἡμῶν ἐκ μέσου τοῦ δήμου αὐτοῦ, ὅτι οὐκ ἔστιν αὐτῷ υἱόσ. δότε ἡμῖν κατάσχεσιν ἐν μέσῳ ἀδελφῶν πατρὸσ ἡμῶν. καὶ προσήγαγε Μωυσῆσ τὴν κρίσιν αὐτῶν ἔναντι Κυρίου. καὶ ἐλάλησε Κύριοσ πρὸσ Μωυσῆν λέγων. ὀρθῶσ θυγατέρεσ Σαλπαὰδ λελαλήκασι. δόμα δώσεισ αὐταῖσ κατάσχεσιν κληρονομίασ ἐν μέσῳ ἀδελφῶν πατρὸσ αὐτῶν καὶ περιθήσεισ τὸν κλῆρον τοῦ πατρὸσ αὐτῶν αὐταῖσ. καὶ τοῖσ υἱοῖσ Ἰσραὴλ λαλήσεισ λέγων. ἄνθρωποσ ἐὰν ἀποθάνῃ καὶ υἱὸσ μὴ ᾖ αὐτῷ, περιθήσετε τὴν κληρονομίαν αὐτοῦ τῇ θυγατρὶ αὐτοῦ. ἐὰν δὲ μὴ ᾖ θυγάτηρ αὐτῷ, δώσετε τὴν κληρονομίαν τῷ ἀδελφῷ τοῦ πατρὸσ αὐτοῦ. ἐὰν δὲ μὴ ὦσιν αὐτῷ ἀδελφοί, δώσετε τὴν κληρονομίαν τῷ ἀδελφῷ τοῦ πατρὸσ αὐτοῦ. ἐὰν δὲ μὴ ὦσιν ἀδελφοὶ τοῦ πατρὸσ αὐτοῦ, δώσετε τὴν κληρονομίαν τῷ οἰκείῳ τῷ ἔγγιστα αὐτοῦ ἐκ τῆσ φυλῆσ αὐτοῦ κληρονομῆσαι τὰ αὐτοῦ. καὶ ἔσται τοῦτο τοῖσ υἱοῖσ Ἰσραὴλ δικαίωμα κρίσεωσ, καθὰ συνέταξε Κύριοσ τῷ Μωυσῇ. Καὶ εἶπε Κύριοσ πρὸσ Μωυσῆν. ἀνάβηθι εἰσ τὸ ὄροσ τὸ ἐν τῷ πέραν τοῦ Ἰορδάνου καὶ ἰδὲ τὴν γῆν Χαναάν, ἣν ἐγὼ δίδωμι τοῖσ υἱοῖσ Ἰσραὴλ ἐν κατασχέσει. καὶ ὄψῃ αὐτὴν καὶ προστεθήσῃ πρὸσ τὸν λαόν σου καὶ σύ, καθὰ προσετέθη Ἀαρὼν ὁ ἀδελφόσ σου ἐν Ὢρ τῷ ὄρει, διότι παρέβητε τὸ ρῆμά μου ἐν τῇ ἐρήμῳ Σὶν ἐν τῷ ἀντιπίπτειν τὴν συναγωγὴν ἁγιάσαι με. οὐχ ἡγιάσατέ με ἐπὶ τῷ ὕδατι ἔναντι αὐτῶν . καὶ εἶπε Μωυσῆσ πρὸσ Κύριον. ἐπισκεψάσθω Κύριοσ ὁ Θεὸσ τῶν πνευμάτων καὶ πάσησ σαρκὸσ ἄνθρωπον ἐπὶ τῆσ συναγωγῆσ ταύτησ, ὅστισ ἐξελεύσεται πρὸ προσώπου αὐτῶν καὶ ὅστισ εἰσελεύσεται πρὸ προσώπου αὐτῶν καὶ ὅστισ ἐξάξει αὐτοὺσ καὶ ὅστισ εἰσάξει αὐτούσ, καὶ οὐκ ἔσται ἡ συναγωγὴ Κυρίου ὡσεὶ πρόβατα οἷσ οὐκ ἔστι ποιμήν. καὶ ἐλάλησε Κύριοσ πρὸσ Μωυσῆν λέγων. λάβε πρὸσ σεαυτὸν Ἰησοῦν υἱὸν Ναυή, ἄνθρωπον ὃσ ἔχει πνεῦμα ἐν ἑαυτῷ, καὶ ἐπιθήσεισ τὰσ χεῖράσ σου ἐπ’ αὐτὸν καὶ στήσεισ αὐτὸν ἔναντι Ἐλεάζαρ τοῦ ἱερέωσ καὶ ἐντελῇ αὐτῷ ἔναντι πάσησ συναγωγῆσ καὶ ἐντελῇ περὶ αὐτοῦ ἐναντίον αὐτῶν καὶ δώσεισ τῆσ δόξησ σου ἐπ’ αὐτόν, ὅπωσ ἂν εἰσακούσωσιν αὐτοῦ οἱ υἱοὶ Ἰσραήλ. καὶ ἔναντι Ἐλεάζαρ τοῦ ἱερέωσ στήσεται, καὶ ἐπερωτήσουσιν αὐτὸν τὴν κρίσιν τῶν δήλων ἔναντι Κυρίου. ἐπὶ τῷ στόματι αὐτοῦ ἐξελεύσονται καὶ ἐπὶ τῷ στόματι αὐτοῦ εἰσελεύσονται αὐτὸσ καὶ οἱ υἱοὶ Ἰσραὴλ ὁμοθυμαδὸν καὶ πᾶσα ἡ συναγωγή. καὶ ἐποίησε Μωυσῆσ, καθὰ ἐνετείλατο αὐτῷ Κύριοσ, καὶ λαβὼν τὸν Ἰησοῦν ἔστησεν αὐτὸν ἐναντίον Ἐλεάζαρ τοῦ ἱερέωσ καὶ ἐναντίον πάσησ συναγωγῆς καὶ ἐπέθηκε τὰσ χεῖρασ αὐτοῦ ἐπ’ αὐτόν, καὶ συνέστησεν αὐτὸν καθάπερ συνέταξε Κύριοσ τῷ Μωυσῇ. ΚΑΙ ἐλάλησε Κύριοσ πρὸσ Μωυσῆν λέγων.

ἔντειλαι τοῖσ υἱοῖσ Ἰσραὴλ καὶ ἐρεῖσ πρὸσ αὐτοὺσ λέγων. τὰ δῶρά μου δόματά μου καρπώματά μου εἰσ ὀσμὴν εὐωδίασ διατηρήσετε προσφέρειν ἐμοὶ ἐν ταῖσ ἑορταῖσ μου. καὶ ἐρεῖσ πρὸσ αὐτούσ. ταῦτα τὰ καρπώματα ὅσα προσάξετε Κυρίῳ. ἀμνοὺσ ἐνιαυσίουσ ἀμώμουσ δύο τὴν ἡμέραν εἰσ ὁλοκαύτωσιν ἐνδελεχῶσ, τὸν ἀμνὸν τὸν ἕνα ποιήσεισ τὸ πρωί̈ καὶ τὸν ἀμνὸν τὸν δεύτερον ποιήσεισ τὸ πρὸσ ἑσπέραν. καὶ ποιήσεισ τὸ δέκατον τοῦ οἰφὶ σεμίδαλιν εἰσ θυσίαν ἀναπεποιημένην ἐν ἐλαίῳ ἐν τετάρτῳ τοῦ ἴν. ὁλοκαύτωμα ἐνδελεχισμοῦ, ἡ γενομένη ἐν τῷ ὄρει Σινὰ εἰσ ὀσμὴν εὐωδίασ Κυρίῳ. καὶ σπονδὴν αὐτοῦ τὸ τέταρτον τοῦ ἲν τῷ ἀμνῷ τῷ ἑνί, ἐν τῷ ἁγίῳ σπείσεισ σπονδὴν σίκερα Κυρίῳ. καὶ τὸν ἀμνὸν τὸν δεύτερον ποιήσεισ τὸ πρὸσ ἑσπέραν. κατὰ τὴν θυσίαν αὐτοῦ καὶ κατὰ τὴν σπονδὴν αὐτοῦ ποιήσετε εἰσ ὀσμὴν εὐωδίασ Κυρίῳ. Καὶ τῇ ἡμέρᾳ τῶν σαββάτων προσάξετε δύο ἀμνοὺσ ἐνιαυσίουσ ἀμώμουσ καὶ δύο δέκατα σεμιδάλεωσ ἀναπεποιημένησ ἐν ἐλαίῳ εἰσ θυσίαν καὶ σπονδήν, ὁλοκαύτωμα σαββάτων ἐν τοῖσ σαββάτοισ, ἐπὶ τῆσ ὁλοκαυτώσεωσ τῆσ διὰ παντὸσ καὶ τὴν σπονδὴν αὐτοῦ. Καὶ ἐν ταῖσ νεομηνίαισ προσάξετε ὁλοκαύτωμα τῷ Κυρίῳ μόσχουσ ἐκ βοῶν δύο καὶ κριὸν ἕνα, ἀμνοὺσ ἐνιαυσίουσ ἑπτὰ ἀμώμουσ, τρία δέκατα σεμιδάλεωσ ἀναπεποιημένησ ἐν ἐλαίῳ τῷ μόσχῳ τῷ ἑνὶ καὶ δύο δέκατα σεμιδάλεωσ ἀναπεποιημένησ ἐν ἐλαίῳ τῷ κριῷ τῷ ἑνί, δέκατον δέκατον σεμιδάλεωσ ἀναπεποιημένησ ἐν ἐλαίῳ τῷ ἀμνῷ τῷ ἑνί, θυσίαν ὀσμὴν εὐωδίασ κάρπωμα Κυρίῳ. ἡ σπονδὴ αὐτῶν τὸ ἥμισυ τοῦ ἲν ἔσται τῷ μόσχῳ τῷ ἑνί, καὶ τὸ τρίτον τοῦ ἲν ἔσται τῷ κριῷ τῷ ἑνί, καὶ τὸ τέταρτον τοῦ ἲν ἔσται τῷ ἀμνῷ τῷ ἑνὶ οἴνου. τοῦτο τὸ ὁλοκαύτωμα μῆνα ἐκ μηνὸσ εἰσ τοὺσ μῆνασ τοῦ ἐνιαυτοῦ. καὶ χίμαρον ἐξ αἰγῶν ἕνα περὶ ἁμαρτίασ Κυρίῳ. ἐπὶ τῆσ ὁλοκαυτώσεωσ τῆσ διὰ παντὸσ ποιηθήσεται καὶ ἡ σπονδὴ αὐτοῦ. Καὶ ἐν τῷ μηνὶ τῷ πρώτῳ τεσσαρεσκαιδεκάτῃ ἡμέρᾳ τοῦ μηνὸσ πάσχα Κυρίῳ. καὶ τῇ πεντεκαιδεκάτῃ ἡμέρᾳ τοῦ μηνὸσ τούτου ἑορτή. ἑπτὰ ἡμέρασ ἄζυμα ἔδεσθε. καὶ ἡ ἡμέρα ἡ πρώτη ἐπίκλητοσ ἁγία ἔσται ὑμῖν, πᾶν ἔργον λατρευτὸν οὐ ποιήσετε. καὶ προσάξετε ὁλοκαυτώματα κάρπωμα Κυρίῳ μόσχουσ ἐκ βοῶν δύο, κριὸν ἕνα, ἀμνοὺσ ἐνιαυσίουσ ἑπτά, ἄμωμοι ἔσονται ὑμῖν. καὶ ἡ θυσία αὐτῶν σεμίδαλισ ἀναπεποιημένη ἐν ἐλαίῳ, τρία δέκατα τῷ μόσχῳ τῷ ἑνὶ καὶ δύο δέκατα τῷ κριῷ τῷ ἑνί, δέκατον δέκατον ποιήσεισ τῷ ἀμνῷ τῷ ἑνί, τοῖσ ἑπτὰ ἀμνοῖσ. καὶ χίμαρον ἐξ αἰγῶν ἕνα περὶ ἁμαρτίασ ἐξιλάσασθαι περὶ ὑμῶν. πλὴν τῆσ ὁλοκαυτώσεωσ τῆσ διὰ παντὸσ τῆσ πρωϊνῆσ, ὅ ἐστιν ὁλοκαύτωμα ἐνδελεχισμοῦ. ταῦτα κατὰ ταῦτα ποιήσετε τὴν ἡμέραν εἰσ τὰσ ἑπτὰ ἡμέρασ, δῶρον κάρπωμα εἰσ ὀσμὴν εὐωδίασ Κυρίῳ. ἐπὶ τοῦ ὁλοκαυτώματοσ τοῦ διὰ παντὸσ ποιήσεισ τὴν σπονδὴν αὐτοῦ. καὶ ἡμέρα ἡ ἑβδόμη κλητὴ ἁγία ἔσται ὑμῖν, πᾶν ἔργον λατρευτὸν οὐ ποιήσετε ἐν αὐτῇ. Καὶ τῇ ἡμέρᾳ τῶν νέων, ὅταν προσφέρητε θυσίαν νέαν Κυρίῳ τῶν ἑβδομάδων, ἐπίκλητοσ ἁγία ἔσται ὑμῖν, πᾶν ἔργον λατρευτὸν οὐ ποιήσετε. καὶ προσάξετε ὁλοκαυτώματα εἰσ ὀσμὴν εὐωδίασ Κυρίῳ μόσχουσ ἐκ βοῶν δύο, κριὸν ἕνα, ἀμνοὺσ ἐνιαυσίουσ ἑπτὰ ἀμώμουσ. ἡ θυσία αὐτῶν σεμίδαλισ ἀναπεποιημένη ἐν ἐλαίῳ, τρία δέκατα τῷ μόσχῳ τῷ ἑνὶ καὶ δύο δέκατα τῷ κριῷ τῷ ἑνί, δέκατον δέκατον τῷ ἀμνῷ τῷ ἑνί, τοῖσ ἑπτὰ ἀμνοῖσ. καὶ χίμαρον ἐξ αἰγῶν ἕνα περὶ ἁμαρτίασ ἐξιλάσασθαι περὶ ὑμῶν. πλὴν τοῦ ὁλοκαυτώματοσ τοῦ διὰ παντόσ. καὶ τὴν θυσίαν αὐτῶν ποιήσετέ μοι. ἄμωμοι ἔσονται ὑμῖν, καὶ τὰσ σπονδὰσ αὐτῶν. ΚΑΙ τῷ μηνὶ τῷ ἑβδόμῳ, μιᾷ τοῦ μηνόσ, ἐπίκλητοσ ἁγία ἔσται ὑμῖν, πᾶν ἔργον λατρευτὸν οὐ ποιήσετε. ἡμέρα σημασίασ ἔσται ὑμῖν.

καὶ ποιήσετε ὁλοκαυτώματα εἰσ ὀσμὴν εὐωδίασ Κυρίῳ, μόσχον ἕνα ἐκ βοῶν, κριὸν ἕνα, ἀμνοὺσ ἐνιαυσίουσ ἑπτὰ ἀμώμουσ. ἡ θυσία αὐτῶν σεμίδαλισ ἀναπεποιημένη ἐν ἐλαίῳ, τρία δέκατα τῷ μόσχῳ τῷ ἑνί, καὶ δύο δέκατα τῷ κριῷ τῷ ἑνί, δέκατον δέκατον τῷ ἀμνῷ τῷ ἑνί, τοῖσ ἑπτὰ ἀμνοῖσ. καὶ χίμαρον ἐξ αἰγῶν ἕνα περὶ ἁμαρτίασ ἐξιλάσασθαι περὶ ὑμῶν. πλὴν τῶν ὁλοκαυτωμάτων τῆσ νουμηνίασ, καὶ αἱ θυσίαι αὐτῶν καὶ αἱ σπονδαὶ αὐτῶν καὶ τὸ ὁλοκαύτωμα τὸ διαπαντὸσ καὶ αἱ θυσίαι αὐτῶν καὶ αἱ σπονδαὶ αὐτῶν κατὰ τὴν σύγκρισιν αὐτῶν εἰσ ὀσμὴν εὐωδίασ Κυρίῳ. Καὶ τῇ δεκάτῃ τοῦ μηνὸσ τούτου ἐπίκλητοσ ἁγία ἔσται ὑμῖν, καὶ κακώσετε τὰσ ψυχὰσ ὑμῶν καὶ πᾶν ἔργον οὐ ποιήσετε. καὶ προσοίσετε ὁλοκαυτώματα εἰσ ὀσμὴν εὐωδίασ Κυρίῳ, καρπώματα Κυρίῳ, μόσχον ἐκ βοῶν ἕνα, κριὸν ἕνα, ἀμνοὺσ ἐνιαυσίουσ ἑπτά, ἄμωμοι ἔσονται ὑμῖν. ἡ θυσία αὐτῶν σεμίδαλισ ἀναπεποιημένη ἐν ἐλαίῳ, τρία δέκατα τῷ μόσχω τῷ ἑνὶ καὶ δύο δέκατα τῷ κριῷ τῷ ἑνί, δέκατον δέκατον τῷ ἁμνῷ τῷ ἑνὶ εἰσ τοὺσ ἑπτὰ ἀμνούσ. καὶ χίμαρον ἐξ αἰγῶν ἕνα περὶ ἁμαρτίασ ἐξιλάσασθαι περὶ ὑμῶν. πλὴν τὸ περὶ τῆσ ἁμαρτίασ τῆσ ἐξιλάσεωσ καὶ ἠ ὁλοκαύτωσισ ἡ διὰ παντόσ, ἡ θυσία αὐτῆσ καὶ ἡ σπονδὴ αὐτῆσ κατὰ τὴν σύγκρισιν εἰσ ὀσμὴν εὐωδίασ κάρπωμα Κυρίῳ. Καὶ τῇ πεντεκαιδεκάτῃ ἡμέρᾳ τοῦ μηνὸσ τοῦ ἑβδόμου τούτου ἐπίκλητοσ ἁγία ἔσται ὑμῖν, πᾶν ἔργον λατρευτὸν οὐ ποιήσετε. καὶ ἑορτάσατε αὐτὴν ἑορτὴν Κυρίῳ ἑπτὰ ἡμέρασ. καὶ προσάξατε ὁλοκαυτώματα κάρπωμα εἰσ ὀσμὴν εὐωδίασ Κυρίῳ, τῇ ἡμέρᾳ τῇ πρώτῃ μόσχουσ ἐκ βοῶν τρεῖσ καὶ δέκα, κριοὺσ δύο, ἀμνοὺσ ἐνιαυσίουσ δεκατέσσαρασ, ἄμωμοι ἔσονται. αἱ θυσίαι αὐτῶν σεμίδαλισ ἀναπεποιημένη ἐν ἐλαίῳ, τρία δέκατα τῷ μόσχῳ τῷ ἑνί, τοῖσ τρισκαίδεκα μόσχοισ, καὶ δύο δέκατα τῷ κριῷ τῷ ἑνί, ἐπὶ τοὺσ δύο κριούσ, δέκατον δέκατον τῷ ἀμνῷ τῷ ἑνί, ἐπὶ τοὺσ τέσσαρασ καὶ δέκα ἀμνούσ. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διαπαντόσ. αἱ θυσίαι αὐτῶν καὶ αἱ σπονδαὶ αὐτῶν. καὶ τῇ ἡμέρᾳ τῇ δευτέρᾳ μόσχουσ δώδεκα, κριοὺσ δύο, ἀμνοὺσ ἐνιαυσίουσ τέσσαρασ καὶ δέκα ἀμώμουσ. ἡ θυσία αὐτῶν καὶ ἡ σπονδὴ αὐτῶν τοῖσ μόσχοισ καὶ τοῖσ κριοῖσ καὶ τοῖσ ἀμνοῖσ κατὰ ἀριθμὸν αὐτῶν, κατὰ τὴν σύγκρισιν αὐτῶν. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διαπαντόσ. αἱ θυσίαι αὐτῶν καὶ αἱ σπονδαὶ αὐτῶν. τῇ ἡμέρᾳ τῇ τρίτῃ μόσχουσ ἕνδεκα, κριοὺσ δύο, ἀμνοὺσ ἐνιαυσίουσ τέσσαρασ καὶ δέκα ἀμώμουσ. ἡ θυσία αὐτῶν καὶ ἡ σπονδὴ αὐτῶν τοῖσ μόσχοισ καὶ τοῖσ κριοῖσ καὶ τοῖσ ἀμνοῖσ κατὰ ἀριθμὸν αὐτῶν, κατὰ τὴν σύγκρισιν αὐτῶν. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διαπαντόσ. αἱ θυσίαι αὐτῶν καὶ αἱ σπονδαὶ αὐτῶν. τῇ ἡμέρᾳ τῇ τετάρτῃ μόσχουσ δέκα, κριοὺσ δύο, ἀμνοὺσ ἐνιαυσίουσ τέσσαρασ καὶ δέκα ἀμώμουσ. αἱ θυσίαι αὐτῶν καὶ αἱ σπονδαὶ αὐτῶν τοῖσ μόσχοισ καὶ τοῖσ κριοῖσ καὶ τοῖσ ἀμνοῖσ κατὰ ἀριθμὸν αὐτῶν κατὰ τὴν σύγκρισιν αὐτῶν. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διαπαντόσ. αἱ θυσίαι αὐτῶν καὶ αἱ σπονδαὶ αὐτῶν. τῇ ἡμέρᾳ τῇ πέμπτῃ μόσχουσ ἐννέα, κριοὺσ δύο, ἀμνοὺσ ἐνιαυσίουσ τέσσαρασ καὶ δέκα ἀμώμουσ. αἱ θυσίαι αὐτῶν καὶ αἱ σπονδαὶ αὐτῶν τοῖσ μόσχοισ καὶ τοῖσ κριοῖσ καὶ τοῖσ ἀμνοῖσ κατὰ ἀριθμὸν αὐτῶν, κατὰ τὴν σύγκρισιν αὐτῶν. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διὰ παντόσ. αἱ θυσίαι αὐτῶν καὶ αἱ σπονδαὶ αὐτῶν. τῇ ἡμέρᾳ τῇ ἕκτῃ μόσχουσ ὀκτώ, κριοὺσ δύο, ἀμνοὺσ ἐνιαυσίουσ δεκατέσσαρασ ἀμώμουσ. αἱ θυσίαι αὐτῶν καὶ αἱ σπονδαὶ αὐτῶν τοῖσ μόσχοισ καὶ τοῖσ κριοῖσ καὶ τοῖσ ἀμνοῖσ κατὰ ἀριθμὸν αὐτῶν, κατὰ τὴν σύγκρισιν αὐτῶν. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διαπαντόσ. αἱ θυσίαι αὐτῶν καὶ αἱ σπονδαὶ αὐτῶν. τῇ ἡμέρᾳ τῇ ἑβδόμῃ μόσχουσ ἑπτά, κριοὺσ δύο, ἀμνοὺσ ἐνιαυσίουσ δεκατέσσαρασ ἀμώμουσ. αἱ θυσίαι αὐτῶν καὶ αἱ σπονδαὶ αὐτῶν τοῖσ μόσχοισ καὶ τοῖσ κριοῖσ καὶ τοῖσ ἀμνοῖσ κατὰ ἀριθμὸν αὐτῶν, κατὰ τὴν σύγκρισιν αὐτῶν. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διαπαντόσ. αἱ θυσίαι αὐτῶν καὶ αἱ σπονδαὶ αὐτῶν. καὶ τῇ ἡμέρᾳ τῇ ὀγδόῃ ἐξόδιον ἔσται ὑμῖν. πᾶν ἔργον λατρευτὸν οὐ ποιήσετε ἐν αὐτῇ. καὶ προσάξετε ὁλοκαυτώματα εἰσ ὀσμὴν εὐωδίασ καρπώματα τῷ Κυρίῳ, μόσχον ἕνα, κριὸν ἕνα, ἀμνοὺσ ἐνιαυσίουσ ἑπτὰ ἀμώμουσ. αἱ θυσίαι αὐτῶν καὶ αἱ σπονδαὶ αὐτῶν τῷ μόσχῳ καὶ τῷ κριῷ καὶ τοῖσ ἀμνοῖσ κατὰ ἀριθμὸν αὐτῶν, κατὰ τὴν σύγκρισιν αὐτῶν. καὶ χίμαρον ἐξ αἰγῶν ἕνα περὶ ἁμαρτίασ, πλὴν τῆσ ὁλοκαυτώσεωσ τῆσ διαπαντόσ. αἱ θυσίαι αὐτῶν καὶ αἱ σπονδαὶ αὐτῶν. Ταῦτα ποιήσετε Κυρίῳ ἐν ταῖσ ἑορταῖσ ὑμῶν, πλὴν τῶν εὐχῶν ὑμῶν, καὶ τὰ ἑκούσια ὑμῶν καὶ τὰ ὁλοκαυτώματα ὑμῶν καὶ τὰσ θυσίασ ὑμῶν καὶ τὰσ σπονδὰσ ὑμῶν καὶ τὰ σωτήρια ὑμῶν. ΚΑΙ ἐλάλησε Μωυσῆσ τοῖσ υἱοῖσ Ἰσραὴλ κατὰ πάντα, ὅσα ἐνετείλατο Κύριοσ τῷ Μωυσῇ.

καὶ ἐλάλησε Μωυσῆσ πρὸσ τοὺσ ἄρχοντασ τῶν φυλῶν υἱῶν Ἰσραὴλ λέγων. τοῦτο τὸ ρῆμα, ὃ συνέταξε Κύριοσ. ἄνθρωποσ ἄνθρωποσ, ὃσ ἂν εὔξηται εὐχὴν Κυρίῳ ἢ ὀμόσῃ ὅρκον ἢ ὁρίσηται ὁρισμῷ περὶ τῆσ ψυχῆσ αὐτοῦ, οὐ βεβηλώσει τὸ ρῆμα αὐτοῦ. πάντα ὅσα ἂν ἐξέλθῃ ἐκ τοῦ στόματοσ αὐτοῦ, ποιήσει. ἐὰν δὲ εὔξηται γυνὴ εὐχὴν Κυρίῳ ἢ ὁρίσηται ὁρισμὸν ἐν τῷ οἴκῳ τοῦ πατρὸσ αὐτῆσ ἐν τῇ νεότητι αὐτῆσ καὶ ἀκούσῃ ὁ πατὴρ αὐτῆσ τὰσ εὐχὰσ αὐτῆσ καὶ τοὺσ ὁρισμοὺσ αὐτῆσ, οὓσ ὡρίσατο κατὰ τῆσ ψυχῆσ αὐτῆσ, καὶ παρασιωπήσῃ αὐτῆσ ὁ πατήρ, καὶ στήσονται πᾶσαι αἱ εὐχαὶ αὐτῆσ, καὶ πάντεσ οἱ ὁρισμοί, οὓσ ὡρίσατο κατὰ τῆσ ψυχῆσ αὐτῆσ, μενοῦσιν αὐτῇ. ἐὰν δὲ ἀνανεύων ἀνανεύσῃ ὁ πατὴρ αὐτῆσ, ᾗ ἂν ἡμέρᾳ ἀκούσῃ πάσασ τὰσ εὐχὰσ αὐτῆσ καὶ τοὺσ ὁρισμούσ, οὓσ ὡρίσατο κατὰ τῆσ ψυχῆσ αὐτῆσ, οὐ στήσονται. καὶ Κύριοσ καθαριεῖ αὐτήν, ὅτι ἀνένευσεν ὁ πατὴρ αὐτῆσ. ἐὰν δὲ γενομένη γένηται ἀνδρὶ καὶ αἱ εὐχαὶ αὐτῆσ ἐπ’ αὐτῇ κατὰ τὴν διαστολὴν τῶν χειλέων αὐτῆσ, οὓσ ὡρίσατο κατὰ τῆσ ψυχῆσ αὐτῆσ, καὶ ἀκούσῃ ὁ ἀνὴρ αὐτῆσ καὶ παρασιωπήσῃ αὐτῇ, ᾗ ἂν ἡμέρᾳ ἀκούσῃ, καὶ οὕτω στήσονται πᾶσαι αἱ εὐχαὶ αὐτῆσ καὶ οἱ ὁρισμοὶ αὐτῆσ, οὓσ ὡρίσατο κατὰ τῆσ ψυχῆσ αὐτῆσ, στήσονται. ἐὰν δὲ ἀνανεύων ἀνανεύσῃ ὁ ἀνὴρ αὐτῆσ, ᾗ ἐὰν ἡμέρᾳ ἀκούσῃ, πᾶσαι αἱ εὐχαὶ αὐτῆσ καὶ οἱ ὁρισμοὶ αὐτῆσ, οὓσ ὡρίσατο κατὰ τῆσ ψυχῆσ αὐτῆσ, οὐ μενοῦσιν, ὅτι ὁ ἀνὴρ ἀνένευσεν ἀπ’ αὐτῆσ, καὶ Κύριοσ καθαριεῖ αὐτήν. καὶ εὐχὴ χήρασ καὶ ἐκβεβλημένησ ὅσα ἐὰν εὔξηται κατὰ τῆσ ψυχῆσ αὐτῆσ, μενοῦσιν αὐτῇ. ἐὰν δὲ ἐν τῷ οἴκῳ τοῦ ἀνδρὸσ αὐτῆσ ἡ εὐχὴ αὐτῆσ ἢ ὁ ὁρισμὸσ κατὰ τῆσ ψυχῆσ αὐτῆσ μεθ’ ὅρκου καὶ ἀκούσῃ ὁ ἀνὴρ αὐτῆσ καὶ παρασιωπήσῃ αὐτῇ καὶ μὴ ἀνανεύσῃ αὐτῇ, καὶ στήσονται πᾶσαι αἱ εὐχαὶ αὐτῆσ, καὶ πάντεσ οἱ ὁρισμοὶ αὐτῆσ, οὓσ ὡρίσατο κατὰ τῆσ ψυχῆσ αὐτῆσ, στήσονται κατ’ αὐτῆσ. ἐὰν δὲ περιελὼν περιέλῃ ὁ ἀνὴρ αὐτῆσ, ᾗ ἂν ἡμέρᾳ ἀκούσῃ, πάντα ὅσα ἐὰν ἐξέλθῃ ἐκ τῶν χειλέων αὐτῆσ κατὰ τὰσ εὐχὰσ αὐτῆσ καὶ κατὰ τοὺσ ὁρισμοὺσ τοὺσ κατὰ τῆσ ψυχῆσ αὐτῆσ, οὐ μενεῖ αὐτῇ. ὁ ἀνὴρ αὐτῆσ περιεῖλε, καὶ Κύριοσ καθαριεῖ αὐτήν. πᾶσα εὐχὴ καὶ πᾶσ ὅρκοσ δεσμοῦ κακῶσαι ψυχήν, ὁ ἀνὴρ αὐτῆσ στήσει αὐτῇ καὶ ὁ ἀνὴρ αὐτῆσ περιελεῖ. ἐὰν δὲ σιωπῶν παρασιωπήσῃ αὐτῇ ἡμέραν ἐξ ἡμέρασ, καὶ στήσει αὐτῇ πάσασ τὰσ εὐχὰσ αὐτῆσ, καὶ τοὺσ ὁρισμοὺσ τοὺσ ἐπ’ αὐτῆσ στήσει αὐτῇ, ὅτι ἐσιώπησεν αὐτῇ τῇ ἡμέρᾳ, ᾗ ἤκουσεν. ἐὰν δὲ περιελὼν περιέλῃ ὁ ἀνὴρ αὐτῆσ μετὰ τὴν ἡμέραν, ἣν ἤκουσε, καὶ λήψεται τὴν ἁμαρτίαν αὐτοῦ. ταῦτα τὰ δικαιώματα, ὅσα ἐνετείλατο Κύριοσ τῷ Μωυσῇ, ἀνὰ μέσον ἀνδρὸσ καὶ γυναικὸσ αὐτοῦ καὶ ἀναμέσον πατρὸσ καὶ θυγατρὸσ ἐν νεότητι ἐν οἴκῳ πατρόσ. ΚΑΙ ἐλάλησε Κύριοσ πρὸσ Μωυσῆν λέγων.

ἐκδίκει τὴν ἐκδίκησιν υἱῶν Ἰσραὴλ ἐκ τῶν Μαδιανιτῶν, καὶ ἔσχατον προστεθήσῃ πρὸσ τὸν λαόν σου. καὶ ἐλάλησε Μωυσῆσ πρὸσ τὸν λαὸν λέγων. ἐξοπλίσατε ἐξ ὑμῶν ἄνδρασ καὶ παρατάξασθε ἔναντι Κυρίου ἐπὶ Μαδιὰν ἀποδοῦναι ἐκδίκησιν παρὰ τοῦ Κυρίου τῇ Μαδιάν. χιλίουσ ἐκ φυλῆσ, χιλίουσ ἐκ φυλῆσ, ἐκ πασῶν φυλῶν υἱῶν Ἰσραὴλ ἀποστείλατε παρατάξασθαι. καὶ ἐξηρίθμησαν ἐκ τῶν χιλιάδων Ἰσραὴλ χιλίουσ ἐκ φυλῆσ, δώδεκα χιλιάδασ ἐνωπλισμένοι εἰσ παράταξιν. καὶ ἀπέστειλεν αὐτοὺσ Μωυσῆσ χιλίουσ ἐκ φυλῆσ, χιλίουσ ἐκ φυλῆσ σὺν δυνάμει αὐτῶν καὶ Φινεὲσ υἱὸν Ἐλεάζαρ υἱοῦ Ἀαρὼν τοῦ ἱερέωσ, καὶ τὰ σκεύη τὰ ἅγια καὶ αἱ σάλπιγγεσ τῶν σημασιῶν ἐν ταῖσ χερσὶν αὐτῶν. καὶ παρετάξαντο ἐπὶ Μαδιάν, καθὰ ἐνετείλατο Κύριοσ Μωυσῇ, καὶ ἀπέκτειναν πᾶν ἀρσενικόν. καὶ τοὺσ βασιλεῖσ Μαδιὰν ἀπέκτειναν ἅμα τοῖσ τραυματίαισ αὐτῶν, καὶ τὸν Εὐὶν καὶ τὸν Ροκὸν καὶ τὸν Σοὺρ καὶ τὸν Οὒρ καὶ τὸν Ροβόκ, πέντε βασιλεῖσ Μαδιάν. καὶ τὸν Βαλαὰμ υἱὸν Βεὼρ ἀπέκτειναν ἐν ρομφαίᾳ σὺν τοῖσ τραυματίαισ αὐτῶν. καὶ ἐπρονόμευσαν τὰσ γυναῖκασ Μαδιὰν καὶ τὴν ἀποσκευὴν αὐτῶν, καὶ τὰ κτήνη αὐτῶν καὶ πάντα τὰ ἔγκτητα αὐτῶν καὶ τὴν δύναμιν αὐτῶν ἐπρονόμευσαν. καὶ πάσασ τὰσ πόλεισ αὐτῶν τὰσ ἐν ταῖσ κατοικίαισ αὐτῶν καὶ τὰσ ἐπαύλεισ αὐτῶν ἐνέπρησαν ἐν πυρί. καὶ ἔλαβον πᾶσαν τὴν προνομὴν αὐτῶν καὶ πάντα τὰ σκῦλα αὐτῶν ἀπὸ ἀνθρώπου ἕωσ κτήνους καὶ ἤγαγον πρὸσ Μωυσῆν καὶ πρὸσ Ἐλεάζαρ τὸν ἱερέα καὶ πρὸσ πάντασ υἱοὺσ Ἰσραὴλ τὴν αἰχμαλωσίαν καὶ τὰ σκῦλα καὶ τὴν προνομὴν εἰσ τὴν παρεμβολὴν εἰσ Ἀραβὼθ Μωάβ, ἥ ἐστιν ἐπὶ τοῦ Ἰορδάνου κατὰ Ἱεριχώ. Καὶ ἐξῆλθε Μωυσῆσ καὶ Ἐλεάζαρ ὁ ἱερεὺσ καὶ πάντεσ οἱ ἄρχοντεσ τῆσ συναγωγῆσ εἰσ συνάντησιν αὐτοῖσ ἔξω τῆσ παρεμβολῆσ. καὶ ὠργίσθη Μωυσῆσ ἐπὶ τοῖσ ἐπισκόποισ τῆσ δυνάμεωσ, χιλιάρχοισ καὶ ἑκατοντάρχοισ τοῖσ ἐρχομένοισ ἐκ τῆσ παρατάξεωσ τοῦ πολέμου, καὶ εἶπεν αὐτοῖσ Μωυσῆσ. ἱνατί ἐζωγρήσατε πᾶν θῆλυ̣ αὗται γὰρ ἦσαν τοῖσ υἱοῖσ Ἰσραὴλ κατὰ τὸ ρῆμα Βαλαὰμ τοῦ ἀποστῆσαι καὶ ὑπεριδεῖν τὸ ρῆμα Κυρίου ἕνεκεν Φογώρ, καὶ ἐγένετο ἡ πληγὴ ἐν τῇ συναγωγῇ Κυρίου. καὶ νῦν ἀποκτείνατε πᾶν ἀρσενικὸν ἐν πάσῃ τῇ ἀπαρτίᾳ, πᾶσαν γυναῖκα, ἥτισ ἔγνω κοίτην ἄρσενοσ, ἀποκτείνατε. καὶ πᾶσαν τὴν ἀπαρτίαν τῶν γυναικῶν, ἥτισ οὐκ οἶδε κοίτην ἄρσενοσ, ζωγρήσατε αὐτάσ. καὶ ὑμεῖσ παρεμβάλετε ἔξω τῆσ παρεμβολῆσ ἑπτὰ ἡμέρασ. πᾶσ ὁ ἀνελὼν καὶ ὁ ἁπτόμενοσ τοῦ τετρωμένου ἁγνισθήσεται τῇ ἡμέρᾳ τῇ τρίτῃ καὶ τῇ ἡμέρᾳ τῇ ἑβδόμῃ ὑμεῖσ καὶ ἡ αἰχμαλωσία ὑμῶν. καὶ πᾶν περίβλημα καὶ πᾶν σκεῦοσ δερμάτινον καὶ πᾶσαν ἐργασίαν ἐξ αἰγείασ καὶ πᾶν σκεῦοσ ξύλινον ἀφαγνιεῖτε. καὶ εἶπεν Ἐλεάζαρ ὁ ἱερεὺσ πρὸσ τοὺσ ἄνδρασ τῆσ δυνάμεωσ τοὺσ ἐρχομένουσ ἐκ τῆσ παρατάξεωσ τοῦ πολέμου. τοῦτο τὸ δικαίωμα τοῦ νόμου, ὃ συνέταξε Κύριοσ τῷ Μωυσῇ. πλὴν τοῦ χρυσίου καὶ τοῦ ἀργυρίου καὶ χαλκοῦ καὶ σιδήρου καὶ μολίβου καὶ κασσιτέρου, πᾶν πρᾶγμα, ὃ διελεύσεται ἐν πυρί, καὶ καθαρισθήσεται, ἀλλ’ ἢ τῷ ὕδατι τοῦ ἁγνισμοῦ ἁγνισθήσεται. καὶ πάντα ὅσα ἐὰν μὴ διαπορεύηται διὰ πυρόσ, διελεύσεται δι’ ὕδατοσ. καὶ πλυνεῖσθε τὰ ἱμάτια τῇ ἡμέρᾳ τῇ ἑβδόμῃ καὶ καθαρισθήσεσθε καὶ μετὰ ταῦτα εἰσελεύσεσθε εἰσ τὴν παρεμβολήν. Καὶ ἐλάλησε Κύριοσ πρὸσ Μωυσῆν λέγων. λάβε τὸ κεφάλαιον τῶν σκύλων τῆσ αἰχμαλωσίασ ἀπὸ ἀνθρώπου ἕωσ κτήνουσ, σὺ καὶ Ἐλεάζαρ ὁ ἱερεὺσ καὶ οἱ ἄρχοντεσ τῶν πατριῶν τῆσ συναγωγῆσ, καὶ διελεῖτε τὰ σκῦλα ἀνὰ μέσον τῶν πολεμιστῶν τῶν ἐκπεπορευμένων εἰσ τὴν παράταξιν, καὶ ἀνὰ μέσον πάσησ συναγωγῆσ. καὶ ἀφελεῖτε τέλοσ Κυρίῳ παρὰ τῶν ἀνθρώπων τῶν πολεμιστῶν τῶν ἐκπεπορευμένων εἰσ τὴν παράταξιν μίαν ψυχὴν ἀπὸ πεντακοσίων, ἀπὸ τῶν ἀνθρώπων καὶ ἀπὸ τῶν κτηνῶν καὶ ἀπὸ τῶν βοῶν καὶ ἀπὸ τῶν προβάτων καὶ ἀπὸ τῶν ὄνων. καὶ ἀπὸ τοῦ ἡμίσουσ αὐτῶν λήψεσθε καὶ δώσεισ Ἐλεάζαρ τῷ ἱερεῖ τὰσ ἀπαρχὰσ Κυρίου. καὶ ἀπὸ τοῦ ἡμίσουσ τοῦ τῶν υἱῶν Ἰσραὴλ λήψῃ ἕνα ἀπὸ πεντήκοντα ἀπὸ τῶν ἀνθρώπων καὶ ἀπὸ τῶν βοῶν καὶ ἀπὸ τῶν προβάτων καὶ ἀπὸ τῶν ὄνων καὶ ἀπὸ πάντων τῶν κτηνῶν καὶ δώσεισ αὐτὰ τοῖσ Λευίταισ τοῖσ φυλάσσουσι τὰσ φυλακὰσ ἐν τῇ σκηνῇ Κυρίου. καὶ ἐποίησε Μωυσῆσ καὶ Ἐλεάζαρ ὁ ἱερεὺσ καθὰ συνέταξε Κύριοσ τῷ Μωυσῇ. καὶ ἐγενήθη τὸ πλεόνασμα τῆσ προνομῆσ, ὃ προενόμευσαν οἱ ἄνδρεσ οἱ πολεμισταὶ ἀπὸ τῶν προβάτων, ἑξακόσιαι χιλιάδεσ καὶ ἑβδομήκοντα καὶ πέντε χιλιάδες καὶ βόεσ δύο καὶ ἑβδομήκοντα χιλιάδες καὶ ὄνοι μία καὶ ἑξήκοντα χιλιάδες καὶ ψυχαὶ ἀνθρώπων ἀπὸ τῶν γυναικῶν, αἳ οὐκ ἔγνωσαν κοίτην ἀνδρόσ, πᾶσαι ψυχαὶ δύο καὶ τριάκοντα χιλιάδεσ. καὶ ἐγενήθη τὸ ἡμίσευμα ἡ μερὶσ τῶν ἐκπεπορευμένων εἰσ τὸν πόλεμον ἐκ τοῦ ἀριθμοῦ τῶν προβάτων τριακόσιαι καὶ τριάκοντα χιλιάδεσ καὶ ἑπτακισχίλια καὶ πεντακόσια. καὶ ἐγένετο τὸ τέλοσ Κυρίῳ ἀπὸ τῶν προβάτων ἑξακόσιαι ἑβδομήκοντα πέντε. καὶ βόεσ ἓξ καὶ τριάκοντα χιλιάδεσ, καὶ τὸ τέλοσ Κυρίῳ δύο καὶ ἑβδομήκοντα. καὶ ὄνοι τριάκοντα χιλιάδεσ καὶ πεντακόσιοι, καὶ τὸ τέλοσ Κυρίῳ εἷσ καὶ ἑξήκοντα. καὶ ψυχαὶ ἀνθρώπων ἑκκαίδεκα χιλιάδεσ, καὶ τὸ τέλοσ αὐτῶν Κυρίῳ δύο καὶ τριάκοντα ψυχαί. καὶ ἔδωκε Μωυσῆσ τὸ τέλοσ Κυρίῳ τὸ ἀφαίρεμα τοῦ Θεοῦ Ἐλεάζαρ τῷ ἱερεῖ, καθὰ συνέταξε Κύριοσ τῷ Μωυσῇ. ἀπὸ τοῦ ἡμισεύματοσ τῶν υἱῶν Ἰσραήλ, οὓσ διεῖλε Μωυσῆσ ἀπὸ τῶν ἀνδρῶν τῶν πολεμιστῶν. καὶ ἐγένετο τὸ ἡμίσευμα ἀπὸ τῆσ συναγωγῆσ ἀπὸ τῶν προβάτων τριακόσιαι καὶ τριάκοντα χιλιάδεσ καὶ ἑπτακισχίλια καὶ πεντακόσια καὶ βόεσ ἓξ καὶ τριάκοντα χιλιάδεσ, ὄνοι τριάκοντα χιλιάδεσ καὶ πεντακόσιοι καὶ ψυχαὶ ἀνθρώπων ἓξ καὶ δέκα χιλιάδεσ. καὶ ἔλαβε Μωυσῆσ ἀπὸ τοῦ ἡμισεύματοσ τῶν υἱῶν Ἰσραὴλ τὸ ἓν ἀπὸ τῶν πεντήκοντα, ἀπὸ τῶν ἀνθρώπων καὶ ἀπὸ τῶν κτηνῶν, καὶ ἔδωκεν αὐτὰ τοῖσ Λευίταισ τοῖσ φυλάσσουσι τὰσ φυλακὰσ τῆσ σκηνῆσ Κυρίου, ὃν τρόπον συνέταξε Κύριοσ τῷ Μωυσῇ. Καὶ προσῆλθον πρὸσ Μωυσῆν πάντεσ οἱ καθεσταμένοι εἰσ τὰσ χιλιαρχίασ τῆσ δυνάμεωσ, χιλίαρχοι καὶ ἑκατόνταρχοι, καὶ εἶπαν πρὸσ Μωυσῆν. οἱ παῖδέσ σου εἰλήφασι τὸ κεφάλαιον τῶν ἀνδρῶν τῶν πολεμιστῶν τῶν παρ’ ἡμῖν, καὶ οὐ διαπεφώνηκεν ἀπ’ αὐτῶν οὐδὲ εἷσ. καὶ προσενηνόχαμεν τὸ δῶρον Κυρίῳ, ἀνὴρ ὃ εὗρε σκεῦοσ χρυσοῦν καὶ χλιδῶνα καὶ ψέλλιον καὶ δακτύλιον καὶ περιδέξιον καὶ ἐμπλόκιον, ἐξιλάσασθαι περὶ ἡμῶν ἔναντι Κυρίου. καὶ ἔλαβε Μωυσῆσ καὶ Ἐλεάζαρ ὁ ἱερεὺσ τὸ χρυσίον παρ’ αὐτῶν πᾶν σκεῦοσ εἰργασμένον. καὶ ἐγένετο πᾶν τὸ χρυσίον τὸ ἀφαίρεμα, ὃ ἀφεῖλον Κυρίῳ, ἑκκαίδεκα χιλιάδεσ καὶ ἑπτακόσιοι καὶ πεντήκοντα σίκλοι παρὰ τῶν χιλιάρχων καὶ παρὰ τῶν ἑκατοντάρχων. καὶ οἱ ἄνδρεσ οἱ πολεμισταὶ ἐπρονόμευσαν ἕκαστοσ ἑαυτῷ. καὶ ἔλαβε Μωυσῆσ καὶ Ἐλεάζαρ ὁ ἱερεὺσ τὸ χρυσίον παρὰ τῶν χιλιάρχων καὶ παρὰ τῶν ἑκατοντάρχων καὶ εἰσήνεγκεν αὐτὰ εἰσ τὴν σκηνὴν τοῦ μαρτυρίου, μνημόσυνον τῶν υἱῶν Ἰσραὴλ ἔναντι Κυρίου. ΚΑΙ κτήνη πλῆθοσ ἦν τοῖσ υἱοῖσ Ρουβὴν καὶ τοῖσ υἱοῖσ Γάδ, πλῆθοσ σφόδρα. καὶ εἶδον τὴν χώραν Ἰαζὴρ καὶ τὴν χώραν Γαλαάδ, καὶ ἦν ὁ τόποσ τόποσ κτήνεσι.

καὶ προσελθόντεσ οἱ υἱοὶ Ρουβὴν καὶ οἱ υἱοὶ Γὰδ εἶπαν πρὸσ Μωυσῆν καὶ πρὸσ Ἐλεάζαρ τὸν ἱερέα καὶ πρὸσ τοὺσ ἄρχοντασ τῆσ συναγωγῆσ λέγοντεσ. Ἀταρὼθ καὶ Δαιβὼν καὶ Ἰαζὴρ καὶ Ναμρὰ καὶ Ἐσεβών, καὶ Ἐλεαλὴ καὶ Σεβαμὰ καὶ Ναβαὺ καὶ Βαιάν, τὴν γῆν ἣν παραδέδωκε Κύριοσ ἐνώπιον τῶν υἱῶν Ἰσραήλ, γῆ κτηνοτρόφοσ ἐστί, καὶ τοῖσ παισί σου κτήνη ὑπάρχει. καὶ ἔλεγον. εἰ εὕρομεν χάριν ἐνώπιόν σου, δοθήτω ἡ γῆ αὕτη τοῖσ οἰκέταισ σου ἐν κατασχέσει, καὶ μὴ διαβιβάσῃσ ἡμᾶσ τὸν Ἰορδάνην. καὶ εἶπε Μωυσῆσ τοῖσ υἱοῖσ Γὰδ καὶ τοῖσ υἱοῖσ Ρουβήν. οἱ ἀδελφοὶ ὑμῶν πορεύονται εἰσ τὸν πόλεμον, καὶ ὑμεῖσ καθήσεσθε αὐτοῦ̣ καὶ ἱνατί διαστρέφετε τὰσ διανοίασ τῶν υἱῶν Ἰσραὴλ μὴ διαβῆναι εἰσ τὴν γῆν, ἣν Κύριοσ δίδωσιν αὐτοῖσ̣ οὐχ οὕτωσ ἐποίησαν οἱ πατέρεσ ὑμῶν, ὅτε ἀπέστειλα αὐτοὺσ ἐκ Κάδησ Βαρνὴ κατανοῆσαι τὴν γῆν̣ καὶ ἀνέβησαν Φάραγγα βότρυοσ καὶ κατενόησαν τὴν γῆν καὶ ἀπέστησαν τὴν καρδίαν τῶν υἱῶν Ἰσραήλ, ὅπωσ μὴ εἰσέλθωσιν εἰσ τὴν γῆν, ἣν ἔδωκε Κύριοσ αὐτοῖσ. καὶ ὠργίσθη θυμῷ Κύριοσ ἐν τῇ ἡμέρᾳ ἐκείνῃ καὶ ὤμοσε λέγων. εἰ ὄψονται οἱ ἄνθρωποι οὗτοι οἱ ἀναβάντεσ ἐξ Αἰγύπτου ἀπὸ εἰκοσαετοῦσ καὶ ἐπάνω, οἱ ἐπιστάμενοι τὸ ἀγαθὸν καὶ τὸ κακόν, τὴν γῆν ἣν ὤμοσα τῷ Ἀβραὰμ καὶ Ἰσαὰκ καὶ Ἰακώβ, οὐ γὰρ συνεπηκολούθησαν ὀπίσω μου, πλὴν Χάλεβ υἱὸσ Ἰεφοννὴ ὁ διακεχωρισμένοσ καὶ Ἰησοῦσ ὁ τοῦ Ναυή, ὅτι συνεπηκολούθησαν ὀπίσω Κυρίου. καὶ ὠργίσθη θυμῷ Κύριοσ ἐπὶ τὸν Ἰσραὴλ καὶ κατερρόμβευσεν αὐτοὺσ ἐν τῇ ἐρήμῳ τεσσαράκοντα ἔτη, ἕωσ ἐξανηλώθη πᾶσα ἡ γενεὰ οἱ ποιοῦντεσ τὰ πονηρὰ ἔναντι Κυρίου. ἰδοὺ ἀνέστητε ἀντὶ τῶν πατέρων ὑμῶν, σύντριμμα ἀνθρώπων ἁμαρτωλῶν, προσθεῖναι ἔτι ἐπὶ τὸν θυμὸν τῆσ ὀργῆσ Κυρίου ἐπὶ Ἰσραήλ, ὅτι ἀποστραφήσεσθε ἀπ’ αὐτοῦ προσθεῖναι ἔτι καταλιπεῖν αὐτὸν ἐν τῇ ἐρήμῳ καὶ ἀνομήσετε εἰσ ὅλην τὴν συναγωγὴν ταύτην. καὶ προσῆλθον αὐτῷ καὶ ἔλεγον. ἐπαύλεισ προβάτων οἰκοδομήσομεν ὧδε τοῖσ κτήνεσιν ἡμῶν καὶ πόλεισ ταῖσ ἀποσκευαῖσ ἡμῶν, καὶ ἡμεῖσ ἐνοπλισάμενοι προφυλακὴν πρότεροι τῶν υἱῶν Ἰσραήλ, ἕωσ ἂν ἀγάγωμεν αὐτοὺσ εἰσ τὸν ἑαυτῶν τόπον. καὶ κατοικήσει ἡ ἀποσκευὴ ἡμῶν ἐν πόλεσι τετειχισμέναισ διὰ τοὺσ κατοικοῦντασ τὴν γῆν. οὐ μὴ ἀποστραφῶμεν εἰσ τὰσ οἰκίασ ἡμῶν, ἕωσ ἂν καταμερισθῶσιν οἱ υἱοὶ Ἰσραήλ, ἕκαστοσ εἰσ τὴν κληρονομίαν αὐτοῦ. καὶ οὐκέτι κληρονομήσομεν ἐν αὐτοῖσ ἀπὸ τοῦ πέραν τοῦ Ἰορδάνου καὶ ἐπέκεινα, ὅτι ἀπέχομεν τοὺσ κλήρουσ ἡμῶν ἐν τῷ πέραν τοῦ Ἰορδάνου ἐν ἀνατολαῖσ. καὶ εἶπε πρὸσ αὐτοὺσ Μωυσῆσ. ἐὰν ποιήσητε κατὰ τὸ ρῆμα τοῦτο, ἐὰν ἐξοπλίσησθε ἔναντι Κυρίου εἰσ πόλεμον καὶ παρελεύσεται ὑμῶν πᾶσ ὁπλίτησ τὸν Ἰορδάνην ἔναντι Κυρίου, ἕωσ ἂν ἐκτριβῇ ὁ ἐχθρὸσ αὐτοῦ ἀπὸ προσώπου αὐτοῦ καὶ κατακυριευθῇ ἡ γῆ ἔναντι Κυρίου, καὶ μετὰ ταῦτα ἀποστραφήσεσθε, καὶ ἔσεσθε ἀθῷοι ἔναντι Κυρίου καὶ ἀπὸ Ἰσραήλ, καὶ ἔσται ἡ γῆ αὕτη ὑμῖν ἐν κατασχέσει ἔναντι Κυρίου. ἐὰν δὲ μὴ ποιήσητε οὕτωσ, ἁμαρτήσεσθε ἔναντι Κυρίου καὶ γνώσεσθε τὴν ἁμαρτίαν ὑμῶν, ὅταν ὑμᾶσ καταλάβῃ τὰ κακά. καὶ οἰκοδομήσετε ὑμῖν αὐτοῖσ πόλεισ τῇ ἀποσκευῇ ὑμῶν καὶ ἐπαύλεισ τοῖσ κτήνεσιν ὑμῶν καὶ τὸ ἐκπορευόμενον ἐκ τοῦ στόματοσ ὑμῶν ποιήσετε. καὶ εἶπαν οἱ υἱοὶ Ρουβὴν καὶ υἱοὶ Γὰδ πρὸσ Μωυσῆν λέγοντεσ. οἱ παῖδέσ σου ποιήσουσι καθὰ ὁ Κύριοσ ἡμῶν ἐντέλλεται. ἡ ἀποσκευὴ ἡμῶν καὶ αἱ γυναῖκεσ ἡμῶν καὶ πάντα τὰ κτήνη ἡμῶν ἔσονται ἐν ταῖσ πόλεσι Γαλαάδ, οἱ δὲ παῖδέσ σου παρελεύσονται πάντεσ ἐνωπλισμένοι καὶ ἐκτεταγμένοι ἔναντι Κυρίου εἰσ τὸν πόλεμον, ὃν τρόπον ὁ Κύριοσ λέγει. καὶ συνέστησεν αὐτοῖσ Μωυσῆσ Ἐλεάζαρ τὸν ἱερέα καὶ Ἰησοῦν υἱὸν Ναυὴ καὶ τοὺσ ἄρχοντασ πατριῶν τῶν φυλῶν Ἰσραήλ, καὶ εἶπε πρὸσ αὐτοὺσ Μωυσῆσ. ἐὰν διαβῶσιν οἱ υἱοὶ Ρουβὴν καὶ οἱ υἱοὶ Γὰδ μεθ’ ὑμῶν τὸν Ἰορδάνην, πᾶσ ἐνωπλισμένοσ εἰσ πόλεμον ἔναντι Κυρίου, καὶ κατακυριεύσητε τῆσ γῆσ ἀπέναντι ὑμῶν, καὶ δώσετε αὐτοῖσ τὴν γῆν Γαλαὰδ ἐν κατασχέσει. ἐὰν δὲ μὴ διαβῶσιν ἐνωπλισμένοι μεθ’ ὑμῶν εἰσ τὸν πόλεμον ἔναντι Κυρίου, καὶ διαβιβάσετε τὴν ἀποσκευὴν αὐτῶν καὶ τὰσ γυναῖκασ αὐτῶν καὶ τὰ κτήνη αὐτῶν πρότερα ὑμῶν εἰσ γῆν Χαναάν, καὶ συγκατακληρονομηθήσονται ἐν ὑμῖν ἐν τῇ γῇ Χαναάν. καὶ ἀπεκρίθησαν οἱ υἱοὶ Ρουβὴν καὶ οἱ υἱοὶ Γὰδ λέγοντεσ. ὅσα ὁ Κύριοσ λέγει τοῖσ θεράπουσιν, οὕτω ποιήσωμεν ἡμεῖσ. διαβησόμεθα ἐνωπλισμένοι ἔναντι Κυρίου εἰσ γῆν Χαναάν, καὶ δώσετε τὴν κατάσχεσιν ἡμῖν ἐν τῷ πέραν τοῦ Ἰορδάνου. καὶ ἔδωκεν αὐτοῖσ Μωυσῆσ τοῖσ υἱοῖσ Γὰδ καὶ τοῖσ υἱοῖσ Ρουβὴν καὶ τῷ ἡμίσει φυλῆσ Μανασσῆ υἱῶν Ἰωσήφ, τὴν βασιλείαν Σηὼν βασιλέωσ Ἀμορραίων καὶ τὴν βασιλείαν Ὢγ βασιλέωσ τῆσ Βασάν, τὴν γῆν καὶ τὰσ πόλεισ σὺν τοῖσ ὁρίοισ αὐτῆσ, πόλεισ τῆσ γῆσ κύκλῳ. Καὶ ᾠκοδόμησαν οἱ υἱοὶ Γὰδ τὴν Δαιβὼν καὶ τὴν Ἀταρὼθ καὶ τὴν Ἀροὴρ καὶ τὴν Σοφὰρ καὶ τὴν Ἰαζὴρ καὶ ὕψωσαν αὐτάσ, καὶ τὴν Ναμρὰμ καὶ τὴν Βαιθαράν, πόλεισ ὀχυρὰσ καὶ ἐπαύλεισ προβάτων. καὶ οἱ υἱοὶ Ρουβὴν ᾠκοδόμησαν τὴν Ἐσεβὼν καὶ Ἐλεάλην καὶ Καριαθὰμ καὶ τὴν Βεελμεών, περικεκυκλωμένασ, καὶ τὴν Σεβαμὰ καὶ ἐπωνόμασαν κατὰ τὰ ὀνόματα αὐτῶν τὰ ὀνόματα τῶν πόλεων, ἃσ ᾠκοδόμησαν. καὶ ἐπορεύθη υἱὸσ Μαχὶρ υἱοῦ Μανασσῆ εἰσ Γαλαὰδ καὶ ἔλαβεν αὐτὴν καὶ ἀπώλεσε τὸν Ἀμορραῖον τὸν κατοικοῦντα ἐν αὐτῇ. καὶ ἔδωκε Μωυσῆσ τὴν Γαλαὰδ τῷ Μαχὶρ υἱῷ Μανασσῆ, καὶ κατῴκησεν ἐκεῖ. καὶ Ἰαί̈ρ ὁ τοῦ Μανασσῆ ἐπορεύθη καὶ ἔλαβε τὰσ ἐπαύλεισ αὐτῶν καὶ ἐπωνόμασεν αὐτὰσ Ἐπαύλεισ Ἰαί̈ρ. καὶ Ναβαὺ ἐπορεύθη καὶ ἔλαβε τὴν Καὰθ καὶ τὰσ κώμασ αὐτῆσ καὶ ἐπωνόμασεν αὐτὰσ Ναβὼθ ἐκ τοῦ ὀνόματοσ αὐτοῦ. ΚΑΙ οὗτοι οἱ σταθμοὶ τῶν υἱῶν Ἰσραήλ, ὡσ ἐξῆλθον ἐκ γῆσ Αἰγύπτου σὺν δυνάμει αὐτῶν ἐν χειρὶ Μωυσῆ καὶ Ἀαρών.

καὶ ἔγραψε Μωυσῆσ τὰσ ἀπάρσεισ αὐτῶν καὶ τοὺσ σταθμοὺσ αὐτῶν διὰ ρήματοσ Κυρίου, καὶ οὗτοι οἱ σταθμοὶ τῆσ πορείασ αὐτῶν. ἀπῇραν ἐκ Ραμεσσῆ τῷ μηνὶ τῷ πρώτῳ τῇ πεντεκαιδεκάτῃ ἡμέρᾳ τοῦ μηνὸσ τοῦ πρώτου. τῇ ἐπαύριον τοῦ πάσχα ἐξῆλθον οἱ υἱοὶ Ἰσραὴλ ἐν χειρὶ ὑψηλῇ ἐναντίον πάντων τῶν Αἰγυπτίων, καὶ οἱ Αἰγύπτιοι ἔθαπτον ἐξ αὐτῶν τοὺσ τεθνηκότασ πάντασ, οὓσ ἐπάταξε Κύριοσ, πᾶν πρωτότοκον ἐν γῇ Αἰγύπτῳ, καὶ ἐν τοῖσ θεοῖσ αὐτῶν ἐποίησε τὴν ἐκδίκησιν Κύριοσ. καὶ ἀπάραντεσ οἱ υἱοὶ Ἰσραὴλ ἐκ Ραμεσσῆ παρενέβαλον εἰσ Σοκχώθ. καὶ ἀπάραντεσ ἐκ Σοκχὼθ παρενέβαλον εἰσ Βουθάν, ὅ ἐστι μέροσ τι τῆσ ἐρήμου. καὶ ἀπῇραν ἐκ Βουθὰν καὶ παρενέβαλον ἐπὶ τὸ στόμα Εἰρώθ, ὅ ἐστιν ἀπέναντι Βεελσεπφῶν, καὶ παρενέβαλον ἀπέναντι Μαγδώλου. καὶ ἀπῇραν ἀπέναντι Εἰρὼθ καὶ διέβησαν μέσον τῆσ θαλάσσησ εἰσ τὴν ἔρημον καὶ ἐπορεύθησαν ὁδὸν τριῶν ἡμερῶν διὰ τῆσ ἐρήμου αὐτοὶ καὶ παρενέβαλον ἐν Πικρίαισ. καὶ ἀπῇραν ἐκ Πικριῶν καὶ ἦλθον εἰσ Αἰλίμ. καὶ ἐν Αἰλὶμ δώδεκα πηγαὶ ὑδάτων καὶ ἑβδομήκοντα στελέχη φοινίκων, καὶ παρενέβαλον ἐκεῖ παρὰ τὸ ὕδωρ. καὶ ἀπῇραν ἐξ Αἰλὶμ καὶ παρενέβαλον ἐπὶ θάλασσαν ἐρυθράν. καὶ ἀπῇραν ἀπὸ θαλάσσησ ἐρυθρᾶσ, καὶ παρενέβαλον εἰσ τὴν ἔρημον Σίν. καὶ ἀπῇραν ἐκ τῆσ ἐρήμου Σὶν καὶ παρενέβαλον εἰσ Ραφακά. καὶ ἀπῇραν ἐκ Ραφακὰ καὶ παρενέβαλον ἐν Αἰλούσ. καὶ ἀπῇραν ἐξ Αἰλοὺσ καὶ παρενέβαλον ἐν Ραφιδίν, καὶ οὐκ ἦν ἐκεῖ ὕδωρ τῷ λαῷ πιεῖν. καὶ ἀπῇραν ἐκ Ραφιδὶν καὶ παρενέβαλον ἐν τῇ ἐρήμῳ Σινά. καὶ ἀπῇραν ἐκ τῆσ ἐρήμου Σινὰ καὶ παρενέβαλον ἐν Μνήμασι τῆσ ἐπιθυμίασ. καὶ ἀπῇραν ἐκ Μνημάτων τῆσ ἐπιθυμίασ καὶ παρενέβαλον ἐν Ἀσηρώθ. καὶ ἀπῇραν ἐξ Ἀσηρὼθ καὶ παρενέβαλον ἐν Ραθαμᾷ. καὶ ἀπῇραν ἐκ Ραθαμᾶ καὶ παρενέβαλον ἐν Ρεμμὼν Φαρέσ. καὶ ἀπῇραν ἐκ Ρεμμὼν Φαρὲσ καὶ παρενέβαλον ἐν Λεβωνᾷ. καὶ ἀπῇραν ἐκ Λεβωνᾷ καὶ παρενέβαλον εἰσ Ρεσσάν. καὶ ἀπῇραν ἐκ Ρεσσὰν καὶ παρενέβαλον εἰσ Μακελλάθ. καὶ ἀπῇραν ἐκ Μακελλὰθ καὶ παρενέβαλον εἰσ Σαφάρ. καὶ ἀπῇραν ἐκ Σαφὰρ καὶ παρενέβαλον εἰσ Χαραδάθ. καὶ ἀπῇραν ἐκ Χαραδὰθ καὶ παρενέβαλον εἰσ Μακηλώθ. καὶ ἀπῇραν ἐκ Μακηλὼθ καὶ παρενέβαλον εἰσ Καταάθ. καὶ ἀπῇραν ἐκ Καταὰθ καὶ παρενέβαλον εἰσ Ταράθ. καὶ ἀπῇραν ἐκ Ταρὰθ καὶ παρενέβαλον εἰσ Μαθεκκά. καὶ ἀπῇραν ἐκ Μαθεκκὰ καὶ παρενέβαλον εἰσ Σελμωνᾶ. καὶ ἀπῇραν ἐκ Σελμωνᾶ καὶ παρενέβαλον εἰσ Μασουρούθ. καὶ ἀπῇραν ἐκ Μασουροὺθ καὶ παρενέβαλον εἰσ Βαναία. καὶ ἀπῇραν ἐκ Βαναία καὶ παρενέβαλον εἰσ τὸ ὄροσ Γαδγάδ. καὶ ἀπῇραν ἐκ τοῦ ὄρουσ Γαδγὰδ καὶ παρενέβαλον εἰσ Ἐτεβαθά. καὶ ἀπῇραν ἐξ Ἐτεβαθὰ καὶ παρενέβαλον εἰσ Ἐβρωνά. καὶ ἀπῇραν ἐξ Ἐβρωνὰ καὶ παρενέβαλον εἰσ Γεσιὼν Γάβερ. καὶ ἀπῇραν ἐκ Γεσιὼν Γάβερ καὶ παρενέβαλον ἐν τῇ ἐρήμῳ Σίν. καὶ ἀπῇραν ἐκ τῆσ ἐρήμου Σὶν καὶ παρενέβαλον εἰσ τὴν ἔρημον Φαράν. αὕτη ἐστὶ Κάδησ. καὶ ἀπῇραν ἐκ Κάδησ καὶ παρενέβαλον εἰσ Ὤρ τὸ ὄροσ πλησίον γῆσ Ἐδώμ. καὶ ἀνέβη Ἀαρὼν ὁ ἱερεὺσ διὰ προστάγματοσ Κυρίου καὶ ἀπέθανεν ἐκεῖ ἐν τῷ τεσσαρακοστῷ ἔτει τῆσ ἐξόδου τῶν υἱῶν Ἰσραὴλ ἐκ γῆσ Αἰγύπτου τῷ μηνὶ τῷ πέμπτῳ μιᾷ τοῦ μηνόσ. καὶ Ἀαρὼν ἦν τριῶν καὶ εἴκοσι καὶ ἑκατὸν ἐτῶν, ὅτε ἀπέθνησκεν ἐν Ὢρ τῷ ὄρει. καὶ ἀκούσασ ὁ Χανανὶσ βασιλεὺσ Ἀράδ, καὶ οὗτοσ κατῴκει ἐν γῇ Χαναάν, ὅτε εἰσεπορεύοντο οἱ υἱοὶ Ἰσραήλ. καὶ ἀπῇραν ἐξ Ὢρ τοῦ ὄρουσ καὶ παρενέβαλον εἰσ Σελμωνά. καὶ ἀπῇραν ἐκ Σελμωνὰ καὶ παρενέβαλον εἰσ Φινώ. καὶ ἀπῇραν ἐκ Φινὼ καὶ παρενέβαλον ἐν Ὠβώθ. καὶ ἀπῇραν ἐξ Ὠβὼθ καὶ παρενέβαλον ἐν Γαί̈, ἐν τῷ πέραν ἐπὶ τῶν ὁρίων Μωάβ. καὶ ἀπῇραν ἐκ Γαί̈ καὶ παρενέβαλον εἰσ Δαιβὼν Γάδ. καὶ ἀπῇραν ἐκ Δαιβὼν Γὰδ καὶ παρενέβαλον ἐν Γελμὼν Δεβλαθαίμ. καὶ ἀπῇραν ἐκ Γελμὼν Δεβλαθαὶμ καὶ παρενέβαλον ἐπὶ τὰ ὄρη τὰ Ἀβαρίμ, ἀπέναντι Ναβαῦ. καὶ ἀπῇραν ἀπὸ τῶν ὀρέων Ἀβαρὶμ καὶ παρενέβαλον ἐπὶ δυσμῶν Μωάβ, ἐπὶ τοῦ Ἰορδάνου κατὰ Ἱεριχώ, καὶ παρενέβαλον παρὰ τὸν Ἰορδάνην ἀνὰ μέσον Αἰσιμὼθ ἕωσ Βελσατὶμ κατὰ δυσμὰσ Μωάβ. Καὶ ἐλάλησε Κύριοσ πρὸσ Μωυσῆν ἐπὶ δυσμῶν Μωὰβ παρὰ τὸν Ἰορδάνην κατὰ Ἱεριχὼ λέγων. λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ὑμεῖσ διαβαίνετε τὸν Ἰορδάνην εἰσ γῆν Χαναὰν καὶ ἀπολεῖτε πάντασ τοὺσ κατοικοῦντασ ἐν τῇ γῇ πρὸ προσώπου ὑμῶν καὶ ἐξαρεῖτε τὰσ σκοπιὰσ αὐτῶν καὶ πάντα τὰ εἴδωλα τὰ χωνευτὰ αὐτῶν ἀπολεῖτε αὐτὰ καὶ πάσασ τὰσ στήλασ αὐτῶν ἐξαρεῖτε. καὶ ἀπολεῖτε πάντασ τοὺσ κατοικοῦντασ τὴν γῆν καὶ κατοικήσετε ἐν αὐτῇ. ὑμῖν γὰρ δέδωκα τὴν γῆν αὐτῶν ἐν κλήρῳ. καὶ κατακληρονομήσετε τὴν γῆν αὐτῶν ἐν κλήρῳ κατὰ φυλὰσ ὑμῶν. τοῖσ πλείοσι πληθυνεῖτε τὴν κατάσχεσιν αὐτῶν καὶ τοῖσ ἐλάττοσιν ἐλαττώσετε τὴν κατάσχεσιν αὐτῶν. εἰσ ὃ ἂν ἐξέλθῃ τὸ ὄνομα αὐτοῦ ἐκεῖ, αὐτοῦ ἔσται. κατὰ φυλὰσ πατριῶν ὑμῶν κληρονομήσετε. ἐὰν δὲ μὴ ἀπολέσητε τοὺσ κατοικοῦντασ ἐπὶ τῆσ γῆσ ἀπὸ προσώπου ὑμῶν, καὶ ἔσται οὓσ ἐὰν καταλίπητε ἐξ αὐτῶν, σκόλοπεσ ἐν τοῖσ ὀφθαλμοῖσ ὑμῶν καὶ βολίδεσ ἐν ταῖσ πλευραῖσ ὑμῶν καὶ ἐχθρεύσουσιν ὑμῖν ἐπὶ τῆσ γῆσ, ἐφ’ ἣν ὑμεῖσ κατοικήσετε, καὶ ἔσται καθότι διεγνώκειν ποιῆσαι αὐτούσ, ποιήσω ὑμᾶσ. ΚΑΙ ἐλάλησε Κύριοσ πρὸσ Μωυσῆν λέγων.

ἔντειλαι τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ὑμεῖσ εἰσπορεύεσθε εἰσ τὴν γῆν Χαναάν. αὕτη ἔσται ὑμῖν εἰσ κληρονομίαν, γῆ Χαναὰν σὺν τοῖσ ὁρίοισ αὐτῆσ. καὶ ἔσται ὑμῖν τὸ κλίτοσ τὸ πρὸσ λίβα ἀπὸ ἐρήμου Σὶν ἕωσ ἐχόμενον Ἐδώμ, καὶ ἔσται ὑμῖν τὰ ὅρια πρὸσ λίβα ἀπὸ μέρουσ τῆσ θαλάσσησ τῆσ ἁλυκῆσ ἀπὸ ἀνατολῶν. καὶ κυκλώσει ὑμᾶσ τὰ ὅρια ἀπὸ λιβὸσ πρὸσ ἀνάβασιν Ἀκραβὶν καὶ παρελεύσεται Σεννά, καὶ ἔσται ἡ διέξοδοσ αὐτοῦ πρὸσ λίβα Κάδησ τοῦ Βαρνή. καὶ ἐξελεύσεται εἰσ ἔπαυλιν Ἀρὰδ καὶ παρελεύσεται Ἀσεμωνᾶ. καὶ κυκλώσει τὰ ὅρια ἀπὸ Ἀσεμωνᾶ χειμάρρουν Αἰγύπτου, καὶ ἔσται ἡ διέξοδοσ ἡ θάλασσα. καὶ τὰ ὅρια τῆσ θαλάσσησ ἔσται ὑμῖν. ἡ θάλασσα ἡ μεγάλη ὁριεῖ, τοῦτο ἔσται ὑμῖν τὰ ὅρια τῆσ θαλάσσησ. καὶ τοῦτο ἔσται ὑμῖν τὰ ὅρια πρὸσ βορρᾶν. ἀπὸ τῆσ θαλάσσησ τῆσ μεγάλησ καταμετρήσετε ὑμῖν αὐτοῖσ παρὰ τὸ ὄροσ τὸ ὄροσ. καὶ ἀπὸ τοῦ ὄρουσ τὸ ὄροσ καταμετρήσετε αὐτοῖσ εἰσπορευομένων εἰσ Ἐμάθ, καὶ ἔσται ἡ διέξοδοσ αὐτοῦ τὰ ὅρια Σαραδάκ. καὶ ἐξελεύσεται τὰ ὅρια Δεφρωνά, καὶ ἔσται ἡ διέξοδοσ αὐτοῦ Ἀρσεναί̈ν. τοῦτο ἔσται ὑμῖν ὅρια ἀπὸ βορρᾶ. καὶ καταμετρήσετε ὑμῖν αὐτοῖσ τὰ ὅρια ἀνατολῶν ἀπὸ Ἀρσεναί̈ν Σεπφαμάρ. καὶ καταβήσεται τὰ ὅρια ἀπὸ Σεπφάμ Ἀρβηλὰ ἀπὸ ἀνατολῶν ἐπὶ πηγάσ, καὶ καταβήσεται τὰ ὅρια Βηλὰ ἐπὶ νώτου θαλάσσησ Χενερὲθ ἀπὸ ἀνατολῶν. καὶ καταβήσεται τὰ ὅρια ἐπὶ τὸν Ἰορδάνην, καὶ ἔσται ἡ διέξοδοσ θάλασσα ἡ ἁλυκή. αὕτη ἔσται ὑμῖν ἡ γῆ καὶ τὰ ὅρια αὐτῆσ κύκλῳ. καὶ ἐνετείλατο Μωυσῆσ τοῖσ υἱοῖσ Ἰσραὴλ λέγων. αὕτη ἡ γῆ, ἣν κατακληρονομήσετε αὐτὴν μετὰ κλήρου, ὃν τρόπον συνέταξε Κύριοσ δοῦναι αὐτὴν ταῖσ ἐννέα φυλαῖσ καὶ τῷ ἡμίσει φυλῆσ Μανασσῆ. ὅτι ἔλαβε φυλὴ υἱῶν Ρουβὴν καὶ φυλὴ υἱῶν Γὰδ κατ’ οἴκουσ πατριῶν αὐτῶν, καὶ τὸ ἥμισυ φυλῆσ Μανασσῆ ἀπέλαβον τοὺσ κλήρουσ αὐτῶν, δύο φυλαὶ καὶ ἥμισυ φυλῆσ ἔλαβον τοὺσ κλήρουσ αὐτῶν πέραν τοῦ Ἰορδάνου κατὰ Ἱεριχὼ ἀπὸ νότου κατὰ ἀνατολάσ. Καὶ ἐλάλησε Κύριοσ πρὸσ Μωυσῆν λέγων. ταῦτα τὰ ὀνόματα τῶν ἀνδρῶν, οἳ κληρονομήσουσιν ὑμῖν τὴν γῆν. Ἐλεάζαρ ὁ ἱερεὺσ καὶ Ἰησοῦσ ὁ τοῦ Ναυή. καὶ ἄρχοντα ἕνα ἐκ φυλῆσ λήψεσθε κατακληρονομῆσαι ὑμῖν τὴν γῆν. καὶ ταῦτα τὰ ὀνόματα τῶν ἀνδρῶν. τῆσ φυλῆσ Ἰούδα Χάλεβ υἱὸσ Ἰεφοννή. τῆσ φυλῆσ Συμεὼν Σαλαμιὴλ υἱὸσ Ἐμιούδ. τῆσ φυλῆσ Βενιαμὶν Ἐλδὰδ υἱὸσ Χασλών. τῆσ φυλῆσ Δὰν ἄρχων Βακχὶρ υἱὸσ Ἐγλί. τῶν υἱῶν Ἰωσὴφ φυλῆσ υἱῶν Μανασσῆ ἄρχων Ἀνιὴλ υἱὸσ Σουφί. τῆσ φυλῆσ υἱῶν Ἐφραὶμ ἄρχων Καμουὴλ υἱὸσ Σαβαθᾶν. τῆσ φυλῆσ Ζαβουλὼν ἄρχων Ἐλισαφὰν υἱὸσ Φαρνάχ. τῆσ φυλῆσ υἱῶν Ἰσσάχαρ ἄρχων Φαλτιὴλ υἱὸσ Ὀζᾶ. τῆσ φυλῆσ υἱῶν Ἀσὴρ ἄρχων Ἀχιὼρ υἱὸσ Σελεμί. τῆσ φυλῆσ Νεφθαλὶ ἄρχων Φαδαὴλ υἱὸσ Ἰαμιούδ. τούτοισ ἐνετείλατο Κύριοσ καταμερίσαι τοῖσ υἱοῖσ Ἰσραὴλ ἐν γῇ Χαναάν. ΚΑΙ ἐλάλησε Κύριοσ πρὸσ Μωυσῆν ἐπὶ δυσμῶν Μωὰβ παρὰ τὸν Ἰορδάνην κατὰ Ἱεριχὼ λέγων.

σύνταξον τοῖσ υἱοῖσ Ἰσραὴλ καὶ δώσουσι τοῖσ Λευίταισ ἀπὸ τῶν κλήρων κατασχέσεωσ αὐτῶν πόλεισ κατοικεῖν καὶ τὰ προάστεια τῶν πόλεων κύκλῳ αὐτῶν δώσουσι τοῖσ Λευίταισ, καὶ ἔσονται αὐτοῖσ αἱ πόλεισ κατοικεῖν, καὶ τὰ ἀφορίσματα αὐτῶν ἔσται τοῖσ κτήνεσιν αὐτῶν καὶ πᾶσι τοῖσ τετράποσιν αὐτῶν. καὶ τὰ συγκυροῦντα τῶν πόλεων, ἃσ δώσετε τοῖσ Λευίταισ, ἀπὸ τείχουσ τῆσ πόλεωσ καὶ ἔξω δισχιλίουσ πήχεισ κύκλῳ. καὶ μετρήσεισ ἔξω τῆσ πόλεωσ τὸ κλίτοσ τὸ πρὸσ ἀνατολὰσ δισχιλίουσ πήχεισ καὶ τὸ κλίτοσ τὸ πρὸσ λίβα δισχιλίουσ πήχεισ καὶ τὸ κλίτοσ τὸ πρὸσ θάλασσαν δισχιλίουσ πήχεισ καὶ τὸ κλίτοσ τὸ πρὸσ βορρᾶν δισχιλίουσ πήχεισ, καὶ ἡ πόλισ μέσον τούτου ἔσται ὑμῖν καὶ τὰ ὅμορα τῶν πόλεων. καὶ τὰσ πόλεισ δώσετε τοῖσ Λευίταισ, τὰσ ἓξ πόλεισ τῶν φυγαδευτηρίων, ἃσ δώσετε φυγεῖν ἐκεῖ τῷ φονεύσαντι, καὶ πρὸσ ταύταισ τεσσαράκοντα καὶ δύο πόλεισ. πάσασ τὰσ πόλεισ δώσετε τοῖσ Λευίταισ τεσσαράκοντα καὶ ὀκτὼ πόλεισ, ταύτασ, καὶ τὰ προάστεια αὐτῶν. καὶ τὰσ πόλεισ, ἃσ δώσετε ἀπὸ τῆσ κατασχέσεωσ υἱῶν Ἰσραήλ, ἀπὸ τῶν τὰ πολλὰ πολλά. καὶ ἀπὸ τῶν ἐλαττόνων ἐλάττω. ἕκαστοσ κατὰ τὴν κληρονομίαν αὐτοῦ, ἣν κατακληρονομήσουσι δώσουσιν ἀπὸ τῶν πόλεων τοῖσ Λευίταισ. Καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ὑμεῖσ διαβαίνετε τὸν Ἰορδάνην εἰσ γῆν Χαναὰν καὶ διαστελεῖτε ὑμῖν αὐτοῖσ πόλεισ. φυγαδευτήρια ἔσται ὑμῖν φυγεῖν ἐκεῖ τὸν φονευτήν, πᾶσ ὁ πατάξασ ψυχὴν ἀκουσίωσ. καὶ ἔσονται αἱ πόλεισ ὑμῖν φυγαδευτήρια ἀπὸ τοῦ ἀγχιστεύοντοσ τὸ αἷμα, καὶ οὐ μὴ ἀποθάνῃ ὁ φονεύων ἕωσ ἂν στῇ ἔναντι τῆσ συναγωγῆσ εἰσ κρίσιν. καὶ αἱ πόλεισ ἃσ δώσετε, τὰσ ἓξ πόλεισ, φυγαδευτήρια ἔσονται ὑμῖν. τὰσ τρεῖσ πόλεισ δώσετε πέραν τοῦ Ἰορδάνου καὶ τὰσ τρεῖσ πόλεισ δώσετε ἐν γῇ Χαναάν. φυγαδεῖον ἔσται τοῖσ υἱοῖσ Ἰσραήλ, καὶ τῷ προσηλύτῳ καὶ τῷ παροίκῳ τῷ ἐν ὑμῖν ἔσονται αἱ πόλεισ αὗται εἰσ φυγαδευτήριον, φυγεῖν ἐκεῖ παντὶ πατάξαντι ψυχὴν ἀκουσίωσ. ἐὰν δὲ ἐν σκεύει σιδήρου πατάξῃ αὐτόν, καὶ τελευτήσῃ, φονευτήσ ἐστι. θανάτῳ θανατούσθω ὁ φονευτήσ. ἐὰν δὲ ἐν λίθῳ ἐκ χειρόσ, ἐν ᾧ ἀποθανεῖται ἐν αὐτῷ, πατάξῃ αὐτόν, καὶ ἀποθάνῃ, φονευτήσ ἐστι. θανάτῳ θανατούσθω ὁ φονευτήσ. ἐὰν δὲ ἐν σκεύει ξυλίνῳ ἐκ χειρόσ, ἐξ οὗ ἀποθανεῖται ἐν αὐτῷ, πατάξῃ αὐτόν, καὶ ἀποθάνῃ, φονευτήσ ἐστι. θανάτῳ θανατούσθω ὁ φονευτήσ. ὁ ἀγχιστεύων τὸ αἷμα, οὗτοσ ἀποκτενεῖ τὸν φονεύσαντα. ὅταν συναντήσῃ αὐτῷ, οὗτοσ ἀποκτενεῖ αὐτόν. ἐὰν δὲ δι’ ἔχθραν ὤσῃ αὐτὸν καὶ ἐπιρρίψῃ ἐπ’ αὐτὸν πᾶν σκεῦοσ ἐξ ἐνέδρου, καὶ ἀποθάνῃ, ἢ διὰ μῆνιν ἐπάταξεν αὐτὸν τῇ χειρί, καὶ ἀποθάνῃ, θανάτῳ θανατούσθω ὁ πατάξασ, φονευτήσ ἐστι. θανάτῳ θανατούσθω ὁ φονεύων. ὁ ἀγχιστεύων τὸ αἷμα ἀποκτενεῖ τὸν φονεύσαντα ἐν τῷ συναντῆσαι αὐτῷ. ἐὰν δὲ ἐξάπινα οὐ δι’ ἔχθραν ὤσῃ αὐτὸν ἢ ἐπιρρίψῃ ἐπ’ αὐτὸν πᾶν σκεῦοσ οὐκ ἐξ ἐνέδρου ἢ παντὶ λίθῳ, ἐν ᾧ ἀποθανεῖται ἐν αὐτῷ, οὐκ εἰδώσ, καὶ ἐπιπέσῃ ἐπ’ αὐτόν, καὶ ἀποθάνῃ, αὐτὸσ δὲ οὐκ ἐχθρὸσ αὐτοῦ ἦν, οὐδὲ ζητῶν κακοποιῆσαι αὐτόν, καὶ κρινεῖ ἡ συναγωγὴ ἀνὰ μέσον τοῦ πατάξαντοσ καὶ ἀνὰ μέσον τοῦ ἀγχιστεύοντοσ τὸ αἷμα, κατὰ τὰ κρίματα ταῦτα, καὶ ἐξελεῖται ἡ συναγωγὴ τὸν φονεύσαντα ἀπὸ τοῦ ἀγχιστεύοντοσ τὸ αἷμα, καὶ ἀποκαταστήσουσιν αὐτὸν ἡ συναγωγὴ εἰσ τὴν πόλιν τοῦ φυγαδευτηρίου αὐτοῦ, οὗ κατέφυγε, καὶ κατοικήσει ἐκεῖ ἕωσ ἂν ἀποθάνῃ ὁ ἱερεὺσ ὁ μέγασ, ὃν ἔχρισαν αὐτὸν τῷ ἐλαίῳ τῷ ἁγίῳ. ἐὰν δὲ ἐξόδῳ ἐξέλθῃ ὁ φονεύσασ τὰ ὅρια τῆσ πόλεωσ εἰσ ἣν κατέφυγεν ἐκεῖ, καὶ εὕρῃ αὐτὸν ὁ ἀγχιστεύων τὸ αἷμα ἔξω τῶν ὁρίων τῆσ πόλεωσ καταφυγῆσ αὐτοῦ καὶ φονεύσῃ ὁ ἀγχιστεύων τὸ αἷμα τὸν φονεύσαντα, οὐκ ἔνοχόσ ἐστιν. ἐν γὰρ τῇ πόλει τῆσ καταφυγῆσ κατοικείτω, ἕωσ ἂν ἀποθάνῃ ὁ ἱερεὺσ ὁ μέγασ, καὶ μετὰ τὸ ἀποθανεῖν τὸν ἱερέα τὸν μέγαν ἐπαναστραφήσεται ὁ φονεύσασ εἰσ τὴν γῆν τῆσ κατασχέσεωσ αὐτοῦ. καὶ ἔσται ταῦτα ὑμῖν εἰσ δικαίωμα κρίματοσ εἰσ τὰσ γενεὰσ ὑμῶν ἐν πάσαισ ταῖσ κατοικίαισ ὑμῶν. πᾶσ πατάξασ ψυχήν, διὰ μαρτύρων φονεύσεισ τὸν φονεύσαντα, καὶ μάρτυσ εἷσ οὐ μαρτυρήσει ἐπὶ ψυχὴν ἀποθανεῖν. καὶ οὐ λήψεσθε λύτρα περὶ ψυχῆσ παρὰτοῦ φονεύσαντοσ τοῦ ἐνόχου ὄντοσ ἀναιρεθῆναι. θανάτῳ γὰρ θανατωθήσεται. οὐ λήψεσθε λύτρα τοῦ φυγεῖν εἰσ πόλιν τῶν φυγαδευτηρίων, τοῦ πάλιν κατοικεῖν ἐπὶ τῆσ γῆσ, ἕωσ ἂν ἀποθάνῃ ὁ ἱερεὺσ ὁ μέγασ. καὶ οὐ μὴ φονοκτονήσητε τὴν γῆν, εἰσ ἣν ὑμεῖσ κατοικεῖτε. τὸ γὰρ αἷμα τοῦτο φονοκτονεῖ τὴν γῆν, καὶ οὐκ ἐξιλασθήσεται ἡ γῆ ἀπὸ τοῦ αἵματοσ τοῦ ἐκχυθέντοσ ἐπ’ αὐτῆσ, ἀλλ’ ἐπὶ τοῦ αἵματοσ τοῦ ἐκχέοντοσ. καὶ οὐ μιανεῖτε τὴν γῆν, ἐφ’ ἧσ κατοικεῖτε ἐπ’ αὐτῆσ, ἐφ’ ἧσ ἐγὼ κατασκηνῶ ἐν ὑμῖν. ἐγὼ γάρ εἰμι Κύριοσ κατασκηνῶν ἐν μέσῳ τῶν υἱῶν Ἰσραήλ. ΚΑΙ προσῆλθον οἱ ἄρχοντεσ φυλῆσ υἱῶν Γαλαὰδ υἱοῦ Μαχὶρ υἱοῦ Μανασσῆ ἐκ τῆσ φυλῆσ υἱῶν Ἰωσὴφ καὶ ἐλάλησαν ἔναντι Μωυσῆ καὶ ἔναντι Ἐλεάζαρ τοῦ ἱερέωσ καὶ ἔναντι τῶν ἀρχόντων οἴκων πατριῶν τῶν υἱῶν Ἰσραὴλ

καὶ εἶπαν. τῷ κυρίῳ ἡμῶν ἐνετείλατο Κύριοσ ἀποδοῦναι τὴν γῆν τῆσ κληρονομίασ ἐν κλήρῳ τοῖσ υἱοῖσ Ἰσραήλ, καὶ τῷ κυρίῳ συνέταξε Κύριοσ δοῦναι τὴν κληρονομίαν Σαλπαὰδ τοῦ ἀδελφοῦ ἡμῶν ταῖσ θυγατράσιν αὐτοῦ. καὶ ἔσονται ἑνὶ τῶν φυλῶν υἱῶν Ἰσραὴλ γυναῖκεσ, καὶ ἀφαιρεθήσεται ὁ κλῆροσ αὐτῶν ἐκ τῆσ κατασχέσεωσ τῶν πατέρων ἡμῶν καὶ προστεθήσεται εἰσ κληρονομίαν τῆσ φυλῆσ, οἷσ ἂν γένωνται γυναῖκεσ, καὶ ἐκ τοῦ κλήρου τῆσ κληρονομίασ ἡμῶν ἀφαιρεθήσεται. ἐὰν δὲ γένηται ἡ ἄφεσισ τῶν υἱῶν Ἰσραήλ, καὶ προστεθήσεται ἡ κληρονομία αὐτῶν ἐπὶ τὴν κληρονομίαν τῆσ φυλῆσ, οἷσ ἂν γένωνται γυναῖκεσ, καὶ ἀπὸ τῆσ κληρονομίασ φυλῆσ πατριᾶσ ἡμῶν ἀφαιρεθήσεται ἡ κληρονομία αὐτῶν. καὶ ἐνετείλατο Μωυσῆσ τοῖσ υἱοῖσ Ἰσραὴλ διὰ προστάγματοσ Κυρίου λέγων. οὕτωσ φυλὴ υἱῶν Ἰωσὴφ λέγουσι. τοῦτο τὸ ρῆμα, ὃ συνέταξε Κύριοσ τοῖσ θυγατράσι Σαλπαάδ, λέγων. οὗ ἀρέσκῃ ἐναντίον αὐτῶν, ἔστωσαν γυναῖκεσ, πλὴν ἐκ τοῦ δήμου τοῦ πατρὸσ αὐτῶν ἔστωσαν γυναῖκεσ, καὶ οὐχὶ περιστραφήσεται κληρονομία τοῖσ υἱοῖσ Ἰσραὴλ ἀπὸ φυλῆσ ἐπὶ φυλήν, ὅτι ἕκαστοσ ἐν τῇ κληρονομίᾳ τῆσ φυλῆσ τῆσ πατριᾶσ αὐτοῦ προσκολληθήσονται οἱ υἱοὶ Ἰσραήλ. καὶ πᾶσα θυγάτηρ ἀγχιστεύουσα κληρονομίαν ἐκ τῶν φυλῶν υἱῶν Ἰσραὴλ ἑνὶ τῶν ἐκ τοῦ δήμου τοῦ πατρὸσ αὐτῆσ ἔσονται γυναῖκεσ, ἵνα ἀγχιστεύσωσιν οἱ υἱοὶ Ἰσραὴλ ἕκαστοσ τὴν κληρονομίαν τὴν πατρικὴν αὐτοῦ. καὶ οὐ περιστραφήσεται ὁ κλῆροσ ἐκ φυλῆσ ἐπὶ φυλὴν ἑτέραν, ἀλλ’ ἕκαστοσ ἐν τῇ κληρονομίᾳ αὐτοῦ προσκολληθήσονται οἱ υἱοὶ Ἰσραήλ. ὃν τρόπον συνέταξε Κύριοσ Μωυσῇ, οὕτωσ ἐποίησαν θυγατράσι Σαλπαάδ, καὶ ἐγένοντο Θερσὰ καὶ Ἐγλὰ καὶ Μελχὰ καὶ Νούα καὶ Μαλαὰ θυγατέρεσ Σαλπαὰδ τοῖσ ἀνεψιοῖσ αὐτῶν. ἐκ τοῦ δήμου τοῦ Μανασσῆ υἱῶν Ἰωσὴφ ἐγενήθησαν γυναῖκεσ, καὶ ἐγενήθη ἡ κληρονομία αὐτῶν ἐπὶ τὴν φυλὴν δήμου τοῦ πατρὸσ αὐτῶν. Αὗται αἱ ἐντολαὶ καὶ τὰ δικαιώματα καὶ τὰ κρίματα, ἃ ἐνετείλατο Κύριοσ ἐν χειρὶ Μωυσῆ ἐπὶ δυσμῶν Μωὰβ ἐπὶ τοῦ Ἰορδάνου κατὰ Ἱεριχώ.

목록

SEARCH

MENU NAVIGATION