헬라어 문장 검색 - Σεπτύ004́020́

(70인역 성경, 민수기 20:)

ΚΑΙ ἦλθον οἱ υἱοὶ Ἰσραὴλ πᾶσα ἡ συναγωγὴ εἰσ τὴν ἔρημον Σίν, ἐν τῷ μηνὶ τῷ πρώτῳ, καὶ κατέμεινεν ὁ λαὸσ ἐν Κάδησ, καὶ ἐτελεύτησεν ἐκεῖ Μαριὰμ καὶ ἐτάφη ἐκεῖ. καὶ οὐκ ἦν ὕδωρ τῇ συναγωγῇ, καὶ ἠθροίσθησαν ἐπὶ Μωυσῆν καὶ Ἀαρών. καὶ ἐλοιδορεῖτο ὁ λαὸσ πρὸσ Μωυσῆν λέγοντεσ. ὄφελον ἀπεθάνομεν ἐν τῇ ἀπωλείᾳ τῶν ἀδελφῶν ἡμῶν ἔναντι Κυρίου. καὶ ἱνατί ἀνηγάγετε τὴν συναγωγὴν Κυρίου εἰσ τὴν ἔρημον ταύτην ἀποκτεῖναι ἡμᾶσ καὶ τὰ κτήνη ἡμῶν̣ καὶ ἱνατί τοῦτο̣ ἀνηγάγετε ἡμᾶσ ἐξ Αἰγύπτου παραγενέσθαι εἰσ τὸν τόπον τὸν πονηρὸν τοῦτον, τόποσ οὗ οὐ σπείρεται, οὐδὲ συκαῖ, οὐδὲ ἄμπελοι, οὔτε ροαί, οὔτε ὕδωρ ἐστὶ πιεῖν. καὶ ἦλθε Μωυσῆσ καὶ Ἀαρὼν ἀπὸ προσώπου τῆσ συναγωγῆσ ἐπὶ τὴν θύραν τῆσ σκηνῆσ τοῦ μαρτυρίου καὶ ἔπεσον ἐπὶ πρόσωπον, καὶ ὤφθη ἡ δόξα Κυρίου πρὸσ αὐτούσ. καὶ ἐλάλησε Κύριοσ πρὸσ Μωυσῆν λέγων. λάβε τὴν ράβδον σου καὶ ἐκκλησίασον τὴν συναγωγὴν σὺ καὶ Ἀαρὼν ὁ ἀδελφόσ σου καὶ λαλήσατε πρὸσ τὴν πέτραν ἐναντίον αὐτῶν, καὶ δώσει τὰ ὕδατα αὐτῆσ, καὶ ἐξοίσετε αὐτοῖσ ὕδωρ ἐκ τῆσ πέτρασ, καὶ ποτιεῖτε τὴν συναγωγὴν καὶ τὰ κτήνη αὐτῶν. καὶ ἔλαβε Μωυσῆσ τὴν ράβδον τὴν ἀπέναντι Κυρίου, καθὰ συνέταξε Κύριοσ, καὶ ἐξεκλησίασε Μωυσῆσ καὶ Ἀαρὼν τὴν συναγωγὴν ἀπέναντι τῆσ πέτρασ καὶ εἶπε πρὸσ αὐτούσ. ἀκούσατέ μου, οἱ ἀπειθεῖσ. μὴ ἐκ τῆσ πέτρασ ταύτησ ἐξάξομεν ὑμῖν ὕδωρ̣ καὶ ἐπάρασ Μωυσῆσ τὴν χεῖρα αὐτοῦ ἐπάταξε τὴν πέτραν τῇ ράβδῳ δίσ, καὶ ἐξῆλθεν ὕδωρ πολύ, καὶ ἔπιεν ἡ συναγωγὴ καὶ τὰ κτήνη αὐτῶν. καὶ εἶπε Κύριοσ πρὸσ Μωυσῆν καὶ Ἀαρών. ὅτι οὐκ ἐπιστεύσατε ἁγιάσαι με ἐναντίον τῶν υἱῶν Ἰσραήλ, διὰ τοῦτο οὐκ εἰσάξετε ὑμεῖσ τὴν συναγωγὴν ταύτην εἰσ τὴν γῆν, ἣν δέδωκα αὐτοῖσ. τοῦτο τὸ ὕδωρ ἀντιλογίασ, ὅτι ἐλοιδορήθησαν οἱ υἱοὶ Ἰσραὴλ ἔναντι Κυρίου καὶ ἡγιάσθη ἐν αὐτοῖσ. Καὶ ἀπέστειλε Μωυσῆσ ἀγγέλουσ ἐκ Κάδησ πρὸσ βασιλέα Ἐδὼμ λέγων. τάδε λέγει ὁ ἀδελφόσ σου Ἰσραήλ. σὺ ἐπίστῃ πάντα τὸν μόχθον τὸν εὑρόντα ἡμᾶσ, καὶ κατέβησαν οἱ πατέρεσ ἡμῶν εἰσ Αἴγυπτον, καὶ παρῳκήσαμεν ἐν Αἰγύπτῳ ἡμέρασ πλείουσ, καὶ ἐκάκωσαν ἡμᾶσ οἱ Αἰγύπτιοι καὶ τοὺσ πατέρασ ἡμῶν, καὶ ἀνεβοήσαμεν πρὸσ Κύριον, καὶ εἰσήκουσε Κύριοσ τῆσ φωνῆσ ἡμῶν καὶ ἀποστείλασ ἄγγελον ἐξήγαγεν ἡμᾶσ ἐξ Αἰγύπτου, καὶ νῦν ἐσμεν ἐν Κάδησ πόλει, ἐκ μέρουσ τῶν ὁρίων σου. παρελευσόμεθα διὰ τῆσ γῆσ σου, οὐ διελευσόμεθα δι’ ἀγρῶν, οὐδὲ δι’ ἀμπελώνων, οὐδὲ πιόμεθα ὕδωρ ἐκ λάκκου σου, ὁδῷ βασιλικῇ πορευσόμεθα, οὐκ ἐκκλινοῦμεν δεξιὰ οὐδὲ εὐώνυμα, ἕωσ ἂν παρέλθωμεν τὰ ὅριά σου. καὶ εἶπε πρὸσ αὐτὸν Ἐδώμ. οὐ διελεύσῃ δι’ ἐμοῦ, εἰ δὲ μή, ἐν πολέμῳ ἐξελεύσομαι εἰσ συνάντησίν σοι. καὶ λέγουσιν αὐτῷ οἱ υἱοὶ Ἰσραήλ. παρά τὸ ὄροσ παρελευσόμεθα, ἐὰν δὲ τοῦ ὕδατόσ σου πίωμεν ἐγώ τε καὶ τὰ κτήνη μου, δώσω τιμήν σοι. ἀλλὰ τὸ πρᾶγμα οὐδέν ἐστι, παρὰ τὸ ὄροσ παρελευσόμεθα. ὁ δὲ εἶπεν. οὐ διελεύσῃ δι’ ἐμοῦ. καὶ ἐξῆλθεν Ἐδὼμ εἰσ συνάντησιν αὐτῷ ἐν ὄχλῳ βαρεῖ καὶ ἐν χειρὶ ἰσχυρᾷ. καὶ οὐκ ἠθέλησεν Ἐδὼμ δοῦναι τῷ Ἰσραὴλ παρελθεῖν διὰ τῶν ὁρίων αὐτοῦ. καὶ ἐξέκλινεν Ἰσραὴλ ἀπ’ αὐτοῦ. Καὶ ἀπῇραν ἐκ Κάδησ. καὶ παρεγένοντο οἱ υἱοὶ Ἰσραήλ, πᾶσα ἡ συναγωγὴ εἰσ Ὢρ τὸ ὄροσ. καὶ εἶπε Κύριοσ πρὸσ Μωυσῆν καὶ Ἀαρὼν ἐν Ὢρ τῷ ὄρει ἐπὶ τῶν ὁρίων τῆσ γῆσ Ἐδὼμ λέγων. προστεθήτω Ἀαρὼν πρὸσ τὸν λαὸν αὐτοῦ, ὅτι οὐ μὴ εἰσέλθητε εἰσ τὴν γῆν, ἣν δέδωκα τοῖσ υἱοῖσ Ἰσραήλ, διότι παρωξύνατέ με ἐπὶ τοῦ ὕδατοσ τῆσ λοιδορίασ. λάβε τὸν Ἀαρὼν καὶ Ἐλεάζαρ τὸν υἱὸν αὐτοῦ καὶ ἀναβίβασον αὐτοὺσ εἰσ Ὢρ τὸ ὄροσ ἔναντι πάσησ τῆσ συναγωγῆς καὶ ἔκδυσον Ἀαρὼν τὴν στολὴν αὐτοῦ καὶ ἔνδυσον Ἐλεάζαρ τὸν υἱὸν αὐτοῦ, καὶ Ἀαρὼν προστεθεὶσ ἀποθανέτω ἐκεῖ. καὶ ἐποίησε Μωυσῆσ καθὰ συνέταξε Κύριοσ αὐτῷ, καὶ ἀνεβίβασεν αὐτὸν εἰσ Ὢρ τὸ ὄροσ ἐναντίον πάσησ τῆσ συναγωγῆσ. καὶ ἐξέδυσε τὸν Ἀαρὼν τὰ ἱμάτια αὐτοῦ καὶ ἐνέδυσεν αὐτὰ Ἐλεάζαρ τὸν υἱὸν αὐτοῦ. καὶ ἀπέθανεν Ἀαρὼν ἐπὶ τῆσ κορυφῆσ τοῦ ὄρουσ, καὶ κατέβη Μωυσῆσ καὶ Ἐλεάζαρ ἐκ τοῦ ὄρουσ. καὶ εἶδε πᾶσα ἡ συναγωγή, ὅτι ἀπελύθη Ἀαρών, καὶ ἔκλαυσαν τὸν Ἀαρὼν τριάκοντα ἡμέρασ πᾶσ οἶκοσ Ἰσραήλ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 20:

(70인역 성경, 민수기 20:)

목록

SEARCH

MENU NAVIGATION