헬라어 문장 검색 - Σεπτύ004́017́

(70인역 성경, 민수기 17:)

ΚΑΙ εἶπε Κύριοσ πρὸσ Μωυσῆν καὶ πρὸσ Ἐλεάζαρ τὸν υἱὸν Ἀαρὼν τὸν ἱερέα. ἀνέλεσθε τὰ πυρεῖα τὰ χαλκᾶ ἐκ μέσου τῶν κατακεκαυμένων καὶ τὸ πῦρ τὸ ἀλλότριον τοῦτο σπεῖρον ἐκεῖ, ὅτι ἡγίασαν τὰ πυρεῖα τῶν ἁμαρτωλῶν τούτων ἐν ταῖσ ψυχαῖσ αὐτῶν. καὶ ποίησον αὐτὰ λεπίδασ ἐλατὰσ περίθεμα τῷ θυσιαστηρίῳ, ὅτι προσηνέχθησαν ἔναντι Κυρίου καὶ ἡγιάσθησαν καὶ ἐγένοντο εἰσ σημεῖον τοῖσ υἱοῖσ Ἰσραήλ. καὶ ἔλαβεν Ἐλεάζαρ υἱὸσ Ἀαρὼν τοῦ ἱερέωσ τὰ πυρεῖα τὰ χαλκᾶ, ὅσα προσήνεγκαν οἱ κατακεκαυμένοι, καὶ προσέθηκαν αὐτὰ περίθεμα τῷ θυσιαστηρίῳ, μνημόσυνον τοῖσ υἱοῖσ Ἰσραήλ, ὅπωσ ἂν μὴ προσέλθῃ μηδεὶσ ἀλλογενήσ, ὃσ οὐκ ἔστιν ἐκ τοῦ σπέρματοσ Ἀαρών, ἐπιθεῖναι θυμίαμα ἔναντι Κυρίου καὶ οὐκ ἔσται ὥσπερ Κορὲ καὶ ἡ ἐπισύστασισ αὐτοῦ, καθὰ ἐλάλησε Κύριοσ ἐν χειρὶ Μωυσῆ αὐτῷ. Καὶ ἐγόγγυσαν οἱ υἱοὶ Ἰσραὴλ τῇ ἐπαύριον ἐπὶ Μωυσῆν καὶ Ἀαρὼν λέγοντεσ. ὑμεῖσ ἀπεκτάγκατε τὸν λαὸν Κυρίου. καὶ ἐγένετο ἐν τῷ ἐπισυστρέφεσθαι τὴν συναγωγὴν ἐπὶ Μωυσῆν καὶ Ἀαρὼν καὶ ὥρμησαν ἐπὶ τὴν σκηνὴν τοῦ μαρτυρίου, καὶ τήνδε ἐκάλυψεν αὐτὴν ἡ νεφέλη καὶ ὤφθη ἡ δόξα Κυρίου. καὶ εἰσῆλθε Μωυσῆσ καὶ Ἀαρὼν κατὰ πρόσωπον τῆσ σκηνῆσ τοῦ μαρτυρίου. καὶ ἐλάλησε Κύριοσ πρὸσ Μωυσῆν καὶ Ἀαρὼν λέγων. ἐκχωρήσατε ἐκ μέσου τῆσ συναγωγῆσ ταύτησ, καὶ ἐξαναλώσω αὐτοὺσ εἰσάπαξ. καὶ ἔπεσον ἐπὶ πρόσωπον αὐτῶν. καὶ εἶπε Μωυσῆσ πρὸσ Ἀαρών. λάβε τὸ πυρεῖον καὶ ἐπίθεσ ἐπ’ αὐτὸ πῦρ ἀπὸ τοῦ θυσιαστηρίου καὶ ἐπίβαλε ἐπ’ αὐτὸ θυμίαμα καὶ ἀπένεγκε τὸ τάχοσ εἰσ τὴν παρεμβολὴν καὶ ἐξίλασαι περὶ αὐτῶν. ἐξῆλθε γὰρ ὀργὴ ἀπὸ προσώπου Κυρίου, ἦρκται θραύειν τὸν λαόν. καὶ ἔλαβεν Ἀαρών, καθάπερ ἐλάλησεν αὐτῷ Μωυσῆσ, καὶ ἔδραμεν εἰσ τὴν συναγωγήν. καὶ ἤδη ἐνῆρκτο ἡ θραῦσισ ἐν τῷ λαῷ. καὶ ἐπέβαλε τὸ θυμίαμα καὶ ἐξιλάσατο περὶ τοῦ λαοῦ καὶ ἔστη ἀναμέσον τῶν τεθνηκότων καὶ τῶν ζώντων, καὶ ἐκόπασεν ἡ θραῦσισ. καὶ ἐγένοντο οἱ τεθνηκότεσ ἐν τῇ θραύσει τεσσαρεσκαίδεκα χιλιάδεσ καὶ ἑπτακόσιοι, χωρὶσ τῶν τεθνηκότων ἕνεκεν Κορέ. καὶ ἐπέστρεψεν Ἀαρών πρὸσ Μωυσῆν ἐπὶ τὴν θύραν τῆσ σκηνῆσ τοῦ μαρτυρίου, καὶ ἐκόπασεν ἡ θραῦσισ. Καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ καὶ λάβε παρ’ αὐτῶν ράβδον ράβδον κατ’ οἴκουσ πατριῶν παρὰ πάντων τῶν ἀρχόντων αὐτῶν, κατ’ οἴκουσ πατριῶν αὐτῶν, δώδεκα ράβδουσ, καὶ ἑκάστου τὸ ὄνομα αὐτοῦ ἐπίγραψον ἐπὶ τῆσ ράβδου. καὶ τὸ ὄνομα Ἀαρὼν ἐπίγραψον ἐπὶ τῆσ ράβδου Λευί. ἔστι γὰρ ράβδοσ μία, κατὰ φυλὴν οἴκου πατριῶν αὐτῶν δώσουσι. καὶ θήσεισ αὐτὰσ ἐν τῇσκηνῇ τοῦ μαρτυρίου, κατέναντι τοῦ μαρτυρίου, ἐν οἷσ γνωσθήσομαί σοι ἐκεῖ. καὶ ἔσται ὁ ἄνθρωποσ, ὃν ἂν ἐκλέξωμαι αὐτόν, ἡ ράβδοσ αὐτοῦ ἐκβλαστήσει. καὶ περιελῶ ἀπ’ ἐμοῦ τὸν γογγυσμὸν υἱῶν Ἰσραήλ, ἃ αὐτοὶ γογγύζουσιν ἐφ’ ὑμῖν. καὶ ἐλάλησε Μωυσῆσ τοῖσ υἱοῖσ Ἰσραήλ, καὶ ἔδωκαν αὐτῷ πάντεσ οἱ ἄρχοντεσ αὐτῶν ράβδον, τῷ ἄρχοντι τῷ ἑνὶ ράβδον κατ’ ἄρχοντα, κατ’ οἴκουσ πατριῶν αὐτῶν, δώδεκα ράβδουσ, καὶ ἡ ράβδοσ Ἀαρὼν ἀνὰ μέσον τῶν ράβδων αὐτῶν. καὶ ἀπέθηκε Μωυσῆσ τὰσ ράβδουσ ἔναντι Κυρίου ἐν τῇ σκηνῇ τοῦ μαρτυρίου. καὶ ἐγένετο τῇ ἐπαύριον καὶ εἰσῆλθε Μωυσῆσ καὶ Ἀαρὼν ἐν τῇ σκηνῇ τοῦ μαρτυρίου, καὶ ἰδοὺ ἐβλάστησεν ἡ ράβδοσ Ἀαρὼν εἰσ οἶκον Λευὶ καὶ ἐξήνεγκε βλαστὸν καὶ ἐξήνθησεν ἄνθη καὶ ἐβλάστησε κάρυα. καὶ ἐξήνεγκε Μωυσῆσ πάσασ τὰσ ράβδουσ ἀπὸ προσώπου Κυρίου πρὸσ πάντασ υἱοὺσ Ἰσραήλ, καὶ εἶδον καὶ ἔλαβον ἕκαστοσ τὴν ράβδον αὐτοῦ. καὶ εἶπε Κύριοσ πρὸσ Μωυσῆν. ἀπόθεσ τὴν ράβδον Ἀαρὼν ἐνώπιον τῶν μαρτυρίων εἰσ διατήρησιν, σημεῖον τοῖσ υἱοῖσ τῶν ἀνηκόων, καὶ παυσάσθω ὁ γογγυσμὸσ αὐτῶν ἀπ’ ἐμοῦ, καὶ οὐ μὴ ἀποθάνωσι. καὶ ἐποίησε Μωυσῆσ καὶ Ἀαρών, καθὰ συνέταξε Κύριοσ τῷ Μωυσῇ, οὕτωσ ἐποίησαν. καὶ εἶπαν οἱ υἱοὶ Ἰσραὴλ πρὸσ Μωυσῆν λέγοντεσ. ἰδοὺ ἐξανηλώμεθα, ἀπολώλαμεν, παρανηλώμεθα. πᾶσ ὁ ἁπτόμενοσ τῆσ σκηνῆσ Κυρίου ἀποθνήσκει. ἕωσ εἰσ τέλοσ ἀποθάνωμεν̣

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 17:

(70인역 성경, 민수기 17:)

목록

SEARCH

MENU NAVIGATION