헬라어 문장 검색 - Σεπτύ004́013́

(70인역 성경, 민수기 13:)

ΚΑΙ μετὰ ταῦτα ἐξῇρεν ὁ λαὸσ ἐξ Ἀσηρώθ, καὶ παρενέβαλον ἐν τῇ ἐρήμῳ τοῦ Φαράν. καὶ ἐλάλησε Κύριοσ πρὸσ Μωυσῆν λέγων. ἀπόστειλον σεαυτῷ ἄνδρασ, καὶ κατασκεψάσθωσαν τὴν γῆν τῶν Χαναναίων, ἣν ἐγὼ δίδωμι τοῖσ υἱοῖσ Ἰσραὴλ εἰσ κατάσχεσιν, ἄνδρα ἕνα κατὰ φυλήν, κατὰ δήμουσ πατριῶν αὐτῶν ἀποστελεῖσ αὐτούσ, πάντα ἀρχηγὸν ἐξ αὐτῶν. καὶ ἐξαπέστειλεν αὐτοὺσ Μωυσῆσ ἐκ τῆσ ἐρήμου Φαρὰν διὰ φωνῆσ Κυρίου. πάντεσ ἄνδρεσ ἀρχηγοὶ υἱῶν Ἰσραὴλ οὗτοι. καὶ ταῦτα τὰ ὀνόματα αὐτῶν. τῆσ φυλῆσ Ρουβὴν Σαμουὴλ υἱὸσ Ζαχούρ. τῆσ φυλῆσ Συμεὼν Σαφὰτ υἱὸσ Σουρί. τῆσ φυλῆσ Ἰούδα Χάλεφ υἱὸσ Ἰεφοννή. τῆσ φυλῆσ Ἰσσάχαρ Ἰλαὰλ υἱὸσ Ἰωσήφ. τῆσ φυλῆσ Ἐφραὶμ Αὐσὴ υἱὸσ Ναυή. τῆσ φυλῆσ Βενιαμὶν Φαλτὶ υἱὸσ Ραφοῦ. τῆσ φυλῆσ Ζαβουλὼν Γουδιὴλ υἱὸσ Σουδί. τῆσ φυλῆσ Ἰωσὴφ τῶν υἱῶν Μανασσῆ, Γαδὶ υἱὸσ Σουσί. τῆσ φυλῆσ Δὰν Ἀμιὴλ υἱὸσ Γαμαλί. τῆσ φυλῆσ Ἀσὴρ Σαθοὺρ υἱὸσ Μιχαήλ. τῆσ φυλῆσ Νεφθαλὶ Ναβὶ υἱὸσ Σαβί. τῆσ φυλῆσ Γὰδ Γουδιὴλ υἱὸσ Μακχί. ταῦτα τὰ ὀνόματα τῶν ἀνδρῶν, οὓσ ἀπέστειλε Μωυσῆσ κατασκέψασθαι τὴν γῆν. καὶ ἐπωνόμασε Μωυσῆσ τὸν Αὐσὴ υἱὸν Ναυὴ Ἰησοῦν. καὶ ἀπέστειλεν αὐτοὺσ Μωυσῆσ κατασκέψασθαι τὴν γῆν Χαναὰν καὶ εἶπε πρὸσ αὐτούσ. ἀνάβητε ταύτῃ τῇ ἐρήμῳ καὶ ἀναβήσεσθε εἰσ τὸ ὄροσ, καὶ ὄψεσθε τὴν γῆν, τίσ ἐστι, καὶ τὸν λαὸν τὸν ἐγκαθήμενον ἐπ’ αὐτῆσ, εἰ ἰσχυρόσ ἐστιν ἢ ἀσθενήσ, εἰ ὀλίγοι εἰσὶν ἢ πολλοί. καὶ τίσ ἡ γῆ, εἰσ ἣν οὗτοι ἐγκάθηνται ἐπ’ αὐτῆσ, εἰ καλή ἐστιν ἢ πονηρά. καὶ τίνεσ αἱ πόλεισ, ἃσ οὗτοι κατοικοῦσιν ἐν αὐταῖσ, εἰ ἐν τειχήρεσιν ἢ ἐν ἀτειχίστοισ. καὶ τίσ ἡ γῆ, εἰ πίων ἢ παρειμένη, εἰ ἔστιν ἐν αὐτῇ δένδρα ἢ οὔ. καὶ προσκαρτερήσαντεσ λήψεσθε ἀπὸ τῶν καρπῶν τῆσ γῆσ. καὶ αἱ ἡμέραι ἡμέραι ἔαροσ, πρόδρομοι σταφυλῆσ. καὶ ἀναβάντεσ κατεσκέψαντο τὴν γῆν ἀπὸ τῆσ ἐρήμου Σὶν ἕωσ Ροόβ, εἰσπορευομένων Αἰμάθ. καὶ ἀνέβησαν κατὰ τὴν ἔρημον καὶ ἀπῆλθον ἕωσ Χεβρών, καὶ ἐκεῖ Ἀχιμὰν καὶ Σεσσὶ καὶ Θελαμί, γενεαὶ Ἐνάχ. καὶ Χεβρὼν ἑπτὰ ἔτεσιν ᾠκοδομήθη πρὸ τοῦ Τανὶν Αἰγύπτου. καὶ ἤλθοσαν ἕωσ Φάραγγοσ βότρυοσ, καὶ κατεσκέψαντο αὐτήν. καὶ ἔκοψαν ἐκεῖθεν κλῆμα καὶ βότρυν σταφυλῆσ ἕνα ἐπ’ αὐτοῦ καὶ ᾖραν αὐτὸν ἐπ’ ἀναφορεῦσι καὶ ἀπὸ τῶν ροῶν, καὶ ἀπὸ τῶν συκῶν. καὶ τὸν τόπον ἐκεῖνον ἐπωνόμασαν Φάραγξ βότρυοσ διὰ τὸν βότρυν, ὃν ἔκοψαν ἐκεῖθεν οἱ υἱοὶ Ἰσραήλ. Καὶ ἀπέστρεψαν ἐκεῖθεν κατασκεψάμενοι τὴν γῆν μετὰ τεσσαράκοντα ἡμέρασ. καὶ πορευθέντεσ ἦλθον πρὸσ Μωυσῆν καὶ Ἀαρὼν καὶ πρὸσ πᾶσαν συναγωγὴν υἱῶν Ἰσραήλ, εἰσ τὴν ἔρημον Φαρὰν Κάδησ καὶ ἀπεκρίθησαν αὐτοῖσ ρῆμα καὶ πάσῃ συναγωγῇ καὶ ἔδειξαν τὸν καρπὸν τῆσ γῆσ. καὶ διηγήσαντο αὐτῷ καὶ εἶπαν. ἤλθαμεν εἰσ τὴν γῆν, εἰσ ἣν ἀπέστειλασ ἡμᾶσ, γῆν ρέουσαν γάλα καὶ μέλι, καὶ οὗτοσ ὁ καρπὸσ αὐτῆσ. ἀλλ’ ἢ ὅτι θρασὺ τὸ ἔθνοσ τὸ κατοικοῦν ἐπ’ αὐτῆσ, καὶ αἱ πόλεισ ὀχυραὶ τετειχισμέναι μεγάλαι σφόδρα, καὶ τὴν γενεὰν Ἐνὰχ ἑωράκαμεν ἐκεῖ, καὶ Ἀμαλὴκ κατοικεῖ ἐν τῇ γῇ τῇ πρὸσ νότον, καὶ ὁ Χετταῖοσ καὶ ὁ Εὐαῖοσ καὶ ὁ Ἰεβουσαῖοσ καὶ ὁ Ἀμορραῖοσ κατοικεῖ ἐν τῇ ὀρεινῇ, καὶ ὁ Χαναναῖοσ κατοικεῖ παρὰ θάλασσαν καὶ παρὰ τὸν Ἰορδάνην ποταμόν. καὶ κατεσιώπησε Χάλεβ τὸν λαὸν πρὸσ Μωυσῆν καὶ εἶπεν αὐτῷ. οὐχί, ἀλλὰ ἀναβάντεσ ἀναβησόμεθα καὶ κατακληρονομήσομεν αὐτήν, ὅτι δυνατοὶ δυνησόμεθα πρὸσ αὐτούσ. καὶ οἱ ἄνθρωποι οἱ συναναβάντεσ μετ’ αὐτοῦ εἶπαν. οὐκ ἀναβαίνομεν, ὅτι οὐ μὴ δυνώμεθα ἀναβῆναι πρὸσ τὸ ἔθνοσ, ὅτι ἰσχυρότερον ἡμῶν ἐστι μᾶλλον. καὶ ἐξήνεγκαν ἔκστασιν τῆσ γῆσ, ἣν κατεσκέψαντο αὐτὴν πρὸσ τοὺσ υἱοὺσ Ἰσραήλ, λέγοντεσ. τὴν γῆν, ἣν παρήλθομεν αὐτὴν κατασκέψασθαι, γῆ κατέσθουσα τοὺσ κατοικοῦντασ ἐπ’ αὐτῆσ ἐστι. καὶ πᾶσ ὁ λαόσ, ὃν ἑωράκαμεν ἐν αὐτῇ, ἄνδρεσ ὑπερμήκεισ. καὶ ἐκεῖ ἑωράκαμεν τοὺσ γίγαντασ καὶ ἦμεν ἐνώπιον αὐτῶν ὡσεὶ ἀκρίδεσ, ἀλλὰ καὶ οὕτωσ ἦμεν ἐνώπιον αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 13:

(70인역 성경, 민수기 13:)

목록

SEARCH

MENU NAVIGATION