헬라어 문장 검색 - Σεπτύ004́009́

(70인역 성경, 민수기 9:)

ΚΑΙ ἐλάλησε Κύριοσ πρὸσ Μωυσῆν ἐν τῇ ἐρήμῳ Σινὰ ἐν τῷ ἔτει τῷ δευτέρῳ, ἐξελθόντων αὐτῶν ἐκ γῆσ Αἰγύπτου ἐν τῷ μηνὶ τῷ πρώτῳ, λέγων. εἶπον καὶ ποιείτωσαν οἱ υἱοὶ Ἰσραήλ τὸ πάσχα καθ’ ὥραν αὐτοῦ. τῇ τεσσαρεσκαιδεκάτῃ ἡμέρα τοῦ μηνὸσ τοῦ πρώτου πρὸσ ἑσπέραν ποιήσεισ αὐτὸ κατὰ καιρούσ, κατὰ τὸν νόμον αὐτοῦ καὶ κατὰ τὴν σύγκρισιν αὐτοῦ ποιήσεισ αὐτό. καὶ ἐλάλησε Μωυσῆσ τοῖσ υἱοῖσ Ἰσραὴλ ποιῆσαι τὸ πάσχα. ἐναρχομένου τῇ τεσσαρεσκαιδεκάτῃ ἡμέρᾳ τοῦ μηνὸσ ἐν τῇ ἐρήμῳ τοῦ Σινά, καθὰ συνέταξε Κύριοσ τῷ Μωυσῇ, οὕτωσ ἐποίησαν οἱ υἱοὶ Ἰσραήλ. Καὶ παρεγένοντο οἱ ἄνδρεσ, οἳ ἦσαν ἀκάθαρτοι ἐπὶ ψυχῇ ἀνθρώπου, καὶ οὐκ ἠδύναντο ποιῆσαι τὸ πάσχα ἐν τῇ ἡμέρᾳ ἐκείνῃ. καὶ προσῆλθον ἐναντίον Μωυσῆ καὶ Ἀαρὼν ἐν ἐκείνῃ τῇ ἡμέρᾳ, καὶ εἶπαν οἱ ἄνδρεσ ἐκεῖνοι πρὸσ αὐτόν. ἡμεῖσ ἀκάθαρτοι ἐπὶ ψυχῇ ἀνθρώπου, μὴ οὖν ὑστερήσωμεν προσενέγκαι τὸ δῶρον Κυρίῳ κατὰ καιρὸν αὐτοῦ ἐν μέσῳ υἱῶν Ἰσραήλ̣ καὶ εἶπε πρὸσ αὐτοὺσ Μωυσῆσ. στῆτε αὐτοῦ, καὶ ἀκούσομαι τί ἐντελεῖται Κύριοσ περὶ ὑμῶν. καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ λέγων. ἄνθρωποσ ἄνθρωποσ, ὃσ ἐὰν γένηται ἀκάθαρτοσ ἐπὶ ψυχῇ ἀνθρώπου, ἢ ἐν ὁδῷ μακρὰν ὑμῖν, ἢ ἐν ταῖσ γενεαῖσ ὑμῶν, καὶ ποιήσει τὸ πάσχα Κυρίῳ. ἐν τῷ μηνὶ τῷ δευτέρῳ, ἐν τῇ τεσσαρεσκαιδεκάτῃ ἡμέρᾳ, τὸ πρὸσ ἑσπέραν ποιήσουσιν αὐτό, ἐπ’ ἀζύμων καὶ πικρίδων φάγονται αὐτό, οὐ καταλείψουσιν ἀπ’ αὐτοῦ εἰσ τὸ πρωί̈, καὶ ὀστοῦν οὐ συντρίψουσιν ἀπ’ αὐτοῦ. κατὰ τὸν νόμον τοῦ πάσχα ποιήσουσιν αὐτό. καὶ ἄνθρωποσ, ὃσ ἐὰν καθαρὸσ ᾖ καὶ ἐν ὁδῷ μακρὰν οὐκ ἔστι καὶ ὑστερήσῃ ποιῆσαι τὸ πάσχα, ἐξολοθρευθήσεται ἡ ψυχὴ ἐκείνη ἐκ τοῦ λαοῦ αὐτῆσ, ὅτι τὸ δῶρον Κυρίῳ οὐ προσήνεγκε κατὰ τὸν καιρὸν αὐτοῦ, ἁμαρτίαν αὐτοῦ λήψεται ὁ ἄνθρωποσ ἐκεῖνοσ. ἐὰν δὲ προσέλθῃ πρὸσ ὑμᾶσ προσήλυτοσ ἐν τῇ γῇ ὑμῶν καὶ ποιήσῃ τὸ πάσχα Κυρίῳ, κατὰ τὸν νόμον τοῦ πάσχα καὶ κατὰ τὴν σύνταξιν αὐτοῦ ποιήσει αὐτό. νόμοσ εἷσ ἔσται ὑμῖν καὶ τῷ προσηλύτῳ καὶ τῷ αὐτόχθονι τῆσ γῆσ. Καὶ τῇ ἡμέρᾳ, ᾗ ἐστάθη ἡ σκηνή, ἐκάλυψεν ἡ νεφέλη τὴν σκηνήν, τὸν οἶκον τοῦ μαρτυρίου. καὶ τὸ ἑσπέρασ ἦν ἐπὶ τῆσ σκηνῆσ ὡσ εἶδοσ πυρὸσ ἕωσ πρωί̈. οὕτωσ ἐγίνετο διαπαντόσ. ἡ νεφέλη ἐκάλυπτεν αὐτὴν ἡμέρασ καὶ εἶδοσ πυρὸσ τὴν νύκτα. καὶ ἡνίκα ἀνέβη ἡ νεφέλη ἀπὸ τῆσ σκηνῆσ, καὶ μετὰ ταῦτα ἀπῇραν οἱ υἱοὶ Ἰσραήλ. καὶ ἐν τῷ τόπῳ, οὗ ἂν ἔστη ἡ νεφέλη, ἐκεῖ παρενέβαλον οἱ υἱοὶ Ἰσραήλ. διὰ προστάγματοσ Κυρίου παρεμβαλοῦσιν οἱ υἱοὶ Ἰσραὴλ καὶ διὰ προστάγματοσ Κυρίου ἀπαροῦσι. πάσασ τὰσ ἡμέρασ, ἐν αἷσ σκιάζει ἡ νεφέλη ἐπὶ τῆσ σκηνῆσ, παρεμβαλοῦσιν οἱ υἱοὶ Ἰσραήλ. καὶ ὅταν ἐφέλκηται ἡ νεφέλη ἐπὶ τῆσ σκηνῆσ ἡμέρασ πλείουσ, καὶ φυλάξονται οἱ υἱοὶ Ἰσραὴλ τὴν φυλακὴν τοῦ Θεοῦ καὶ οὐ μὴ ἐξάρωσι. καὶ ἔσται ὅταν σκεπάζῃ ἡ νεφέλη ἡμέρασ ἀριθμῷ ἐπὶ τῆσ σκηνῆσ, διὰ φωνῆσ Κυρίου παρεμβαλοῦσι, καὶ διὰ προστάγματοσ Κυρίου ἀπαροῦσι. καὶ ἔσται ὅταν γένηται ἡ νεφέλη ἀφ’ ἑσπέρασ ἕωσ πρωί̈ καὶ ἀναβῇ ἡ νεφέλη τὸ πρωί̈, καὶ ἀπαροῦσιν ἡμέρασ ἢ νυκτόσ. μηνὸσ ἡμέρασ πλεοναζούσησ τῆσ νεφέλησ σκιαζούσησ ἐπ’ αὐτῆσ παρεμβαλοῦσιν οἱ υἱοὶ Ἰσραήλ, καὶ οὐ μὴ ἀπάρωσιν. ὅτι διὰ προστάγματοσ Κυρίου ἀπαροῦσι, τὴν φυλακὴν Κυρίου ἐφυλάξαντο διὰ προστάγματοσ Κυρίου ἐν χειρὶ Μωυσῆ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 9:

(70인역 성경, 민수기 9:)

목록

SEARCH

MENU NAVIGATION