헬라어 문장 검색 - Σεπτύ004́008́

(70인역 성경, 민수기 8:)

ΚΑΙ ἐλάλησε Κύριοσ πρὸσ Μωυσῆν λέγων. λάλησον τῷ Ἀαρὼν καὶ ἐρεῖσ πρὸσ αὐτόν. ὅταν ἐπιτιθῇσ τοὺσ λύχνουσ, ἐκ μέρουσ κατὰ πρόσωπον τῆσ λυχνίασ φωτιοῦσιν οἱ ἑπτὰ λύχνοι. καὶ ἐποίησεν οὕτωσ Ἀαρών. ἐκ τοῦ ἑνὸσ μέρουσ κατὰ πρόσωπον τῆσ λυχνίασ ἐξῆψε τοὺσ λύχνουσ αὐτῆσ, καθὰ συνέταξε Κύριοσ τῷ Μωυσῇ. καὶ αὕτη ἡ κατασκευὴ τῆσ λυχνίασ. στερεὰ χρυσῆ, ὁ καυλὸσ αὐτῆσ καὶ τὰ κρίνα αὐτῆσ, στερεὰ ὅλη. κατὰ τὸ εἶδοσ, ὃ ἔδειξε Κύριοσ τῷ Μωυσῇ, οὕτωσ ἐποίησε τὴν λυχνίαν. Καὶ ἐλάλησε Κύριοσ πρὸσ Μωυσῆν λέγων. λάβε τοὺσ Λευίτασ ἐκ μέσου υἱῶν Ἰσραὴλ καὶ ἀφαγνιεῖσ αὐτούσ. καὶ οὕτω ποιήσεισ αὐτοῖσ τὸν ἁγνισμὸν αὐτῶν. περιρρανεῖσ αὐτοὺσ ὕδωρ ἁγνισμοῦ, καὶ ἐπελεύσεται ξυρὸν ἐπὶ πᾶν τὸ σῶμα αὐτῶν, καὶ πλυνοῦσι τὰ ἱμάτια αὐτῶν, καὶ καθαροὶ ἔσονται. καὶ λήψονται μόσχον ἕνα ἐκ βοῶν καὶ τούτου θυσίαν σεμίδαλιν ἀναπεποιημένην ἐν ἐλαίῳ, καὶ μόσχον ἐνιαύσιον ἐκ βοῶν λήψῃ περὶ ἁμαρτίασ. καὶ προσάξεισ τοὺσ Λευίτασ ἔναντι τῆσ σκηνῆσ τοῦ μαρτυρίου καὶ συνάξεισ πᾶσαν συναγωγὴν υἱῶν Ἰσραὴλ καὶ προσάξεισ τοὺσ Λευίτασ ἔναντι Κυρίου, καὶ ἐπιθήσουσιν οἱ υἱοὶ Ἰσραὴλ τὰσ χεῖρασ αὐτῶν ἐπὶ τοὺσ Λευίτασ, καὶ ἀφοριεῖ Ἀαρὼν τοὺσ Λευίτασ ἀπόδομα ἔναντι Κυρίου παρὰ τῶν υἱῶν Ἰσραήλ, καὶ ἔσονται ὥστε ἐργάζεσθαι τὰ ἔργα Κυρίου. οἱ δὲ Λευῖται ἐπιθήσουσι τὰσ χεῖρασ ἐπὶ τὰσ κεφαλὰσ τῶν μόσχων, καὶ ποιήσεισ τὸν ἕνα περὶ ἁμαρτίασ καὶ τὸν ἕνα εἰσ ὁλοκαύτωμα Κυρίῳ ἐξιλάσασθαι περὶ αὐτῶν. καὶ στήσεισ τοὺσ Λευίτασ ἔναντι Κυρίου καὶ ἔναντι Ἀαρὼν καὶ ἔναντι τῶν υἱῶν αὐτοῦ καὶ ἀποδώσεισ αὐτοὺσ ἀπόδομα ἔναντι Κυρίου. καὶ διαστελεῖσ τοὺσ Λευίτασ ἐκ μέσου υἱῶν Ἰσραήλ, καὶ ἔσονται ἐμοί. καὶ μετὰ ταῦτα εἰσελεύσονται οἱ Λευῖται ἐργάζεσθαι τὰ ἔργα τῆσ σκηνῆσ τοῦ μαρτυρίου, καὶ καθαριεῖσ αὐτοὺσ καὶ ἀποδώσεισ αὐτοὺσ ἔναντι Κυρίου. ὅτι ἀπόδομα ἀποδεδομένοι οὗτοί μοί εἰσιν ἐκ μέσου υἱῶν Ἰσραήλ. ἀντὶ τῶν διανοιγόντων πᾶσαν μήτραν πρωτοτόκων πάντων ἐκ τῶν υἱῶν Ἰσραὴλ εἴληφα αὐτοὺσ ἐμοί. ὅτι ἐμοὶ πᾶν πρωτότοκον ἐν υἱοῖσ Ἰσραὴλ ἀπὸ ἀνθρώπων ἕωσ κτήνουσ. ᾗ ἡμέρᾳ ἐπάταξα πᾶν πρωτότοκον ἐν γῇ Αἰγύπτου, ἡγίασα αὐτοὺσ ἐμοὶ καὶ ἔλαβον τοὺσ Λευίτασ ἀντὶ παντὸσ πρωτοτόκου ἐν υἱοῖσ Ἰσραήλ. καὶ ἀπέδωκα τοὺσ Λευίτασ ἀπόδομα δεδομένουσ Ἀαρὼν καὶ τοῖσ υἱοῖσ αὐτοῦ ἐκ μέσου υἱῶν Ἰσραὴλ ἐργάζεσθαι τὰ ἔργα τῶν υἱῶν Ἰσραὴλ ἐν τῇ σκηνῇ τοῦ μαρτυρίου καὶ ἐξιλάσκεσθαι περὶ τῶν υἱῶν Ἰσραήλ, καὶ οὐκ ἔσται ἐν τοῖσ υἱοῖσ Ἰσραὴλ προσεγγίζων πρὸσ τὰ ἅγια. καὶ ἐποίησε Μωυσῆσ καὶ Ἀαρὼν καὶ πᾶσα ἡ συναγωγὴ υἱῶν Ἰσραὴλ τοῖσ Λευίταισ καθὰ ἐνετείλατο Κύριοσ τῷ Μωυσῇ περὶ τῶν Λευιτῶν, οὕτωσ ἐποίησαν αὐτοῖσ οἱ υἱοὶ Ἰσραήλ. καὶ ἡγνίσαντο οἱ Λευῖται καὶ ἐπλύναντο τὰ ἱμάτια, καὶ ἀπέδωκεν αὐτοὺσ Ἀαρὼν ἀπόδομα ἔναντι Κυρίου, καὶ ἐξιλάσατο περὶ αὐτῶν Ἀαρὼν ἀφαγνίσασθαι αὐτούσ. καὶ μετὰ ταῦτα εἰσῆλθον οἱ Λευῖται λειτουργεῖν τὴν λειτουργίαν αὐτῶν ἐν τῇ σκηνῇ τοῦ μαρτυρίου ἔναντι Ἀαρὼν καὶ ἔναντι τῶν υἱῶν αὐτοῦ. καθὰ συνέταξε Κύριοσ τῷ Μωυσῇ περὶ τῶν Λευιτῶν, οὕτωσ ἐποίησαν αὐτοῖσ. Καὶ ἐλάλησε Κύριοσ πρὸσ Μωυσῆν λέγων. τοῦτό ἐστι τὸ περὶ τῶν Λευιτῶν. ἀπὸ πέντε καὶ εἰκοσαετοῦσ καὶ ἐπάνω εἰσελεύσονται ἐνεργεῖν ἐν τῇ σκηνῇ τοῦ μαρτυρίου. καὶ ἀπὸ πεντηκονταετοῦσ ἀποστήσεται ἀπὸ τῆσ λειτουργίασ καὶ οὐκ ἐργᾶται ἔτι. καὶ λειτουργήσει ὁ ἀδελφὸσ αὐτοῦ ἐν τῇ σκηνῇ τοῦ μαρτυρίου φυλάσσειν φυλακάσ, ἔργα δὲ οὐκ ἐργᾶται. οὕτωσ ποιήσεισ τοῖσ Λευίταισ ἐν ταῖσ φυλακαῖσ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 8:

(70인역 성경, 민수기 8:)

목록

SEARCH

MENU NAVIGATION