헬라어 문장 검색 - Σεπτύ004́006́

(70인역 성경, 민수기 6:)

ΚΑΙ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ἀνὴρ ἢ γυνή, ὃσ ἐὰν μεγάλωσ εὔξηται εὐχὴν ἀφαγνίσασθαι ἁγνείαν Κυρίῳ, ἀπὸ οἴνου καὶ σίκερα ἁγνισθήσεται καὶ ὄξοσ ἐξ οἴνου καὶ ὄξοσ ἐκ σίκερα οὐ πίεται καὶ ὅσα κατεργάζεται ἐκ σταφυλῆσ οὐ πίεται καὶ σταφυλὴν πρόσφατον καὶ σταφίδα οὐ φάγεται. πάσασ τὰσ ἡμέρασ τῆσ εὐχῆσ αὐτοῦ. ἀπὸ πάντων ὅσα γίνεται ἐξ ἀμπέλου, οἶνον ἀπὸ στεμφύλων ἕωσ γιγάρτου οὐ φάγεται. πάσασ τὰσ ἡμέρασ τοῦ ἁγνισμοῦ ξυρὸν οὐκ ἐπελεύσεται ἐπὶ τὴν κεφαλὴν αὐτοῦ, ἕωσ ἂν πληρωθῶσιν αἱ ἡμέραι, ὅσασ ηὔξατο Κυρίῳ. ἅγιοσ ἔσται τρέφων κόμην τρίχα κεφαλῆσ. πάσασ τὰσ ἡμέρασ τῆσ εὐχῆσ Κυρίῳ ἐπὶ πάσῃ ψυχῇ τετελευτηκυίᾳ οὐκ εἰσελεύσεται. ἐπὶ πατρὶ καὶ μητρὶ καὶ ἐπ’ ἀδελφῷ καὶ ἐπ’ ἀδελφῇ, οὐ μιανθήσεται ἐπ’ αὐτοῖσ ἀποθανόντων αὐτῶν, ὅτι εὐχὴ Θεοῦ αὐτοῦ ἐπ’ αὐτῷ ἐπὶ κεφαλῆσ αὐτοῦ. πάσασ τὰσ ἡμέρασ τῆσ εὐχῆσ αὐτοῦ ἅγιοσ ἔσται Κυρίῳ. ἐὰν δέ τισ ἀποθάνῃ ἐπ’ αὐτῷ ἐξάπινα, παραχρῆμα μιανθήσεται ἡ κεφαλὴ εὐχῆσ αὐτοῦ, καὶ ξυρήσεται τὴν κεφαλὴν αὐτοῦ ᾗ ἂν ἡμέρᾳ καθαρισθῇ. τῇ ἡμέρᾳ τῇ ἑβδόμῃ ξυρηθήσεται. καὶ τῇ ἡμέρᾳ τῇ ὀγδόῃ οἴσει δύο τρυγόνασ ἢ δύο νεοσσοὺσ περιστερῶν πρὸσ τὸν ἱερέα, ἐπὶ τὰσ θύρασ τῆσ σκηνῆσ τοῦ μαρτυρίου, καὶ ποιήσει ὁ ἱερεὺσ μίαν περὶ ἁμαρτίασ καὶ μίαν εἰσ ὁλοκαύτωμα, καὶ ἐξιλάσεται περὶ αὐτοῦ ὁ ἱερεὺσ περὶ ὧν ἥμαρτε περὶ τῆσ ψυχῆσ καὶ ἁγιάσει τὴν κεφαλὴν αὐτοῦ ἐν ἐκείνῃ τῇ ἡμέρᾳ, ᾗ ἡγιάσθη Κυρίῳ, τὰσ ἡμέρασ τῆσ εὐχῆσ, καὶ προσάξει ἀμνὸν ἐνιαύσιον εἰσ πλημμέλειαν, καὶ αἱ ἡμέραι αἱ πρότεραι ἄλογοι ἔσονται, ὅτι ἐμιάνθη ἡ κεφαλὴ εὐχῆσ αὐτοῦ. Καὶ οὗτοσ ὁ νόμοσ τοῦ εὐξαμένου. ᾗ ἂν ἡμέρᾳ πληρώσῃ ἡμέρασ εὐχῆσ αὐτοῦ, προσοίσει αὐτὸσ παρὰ τὰσ θύρασ τῆσ σκηνῆσ τοῦ μαρτυρίου καὶ προσάξει τὸ δῶρον αὐτοῦ Κυρίῳ ἀμνὸν ἐνιαύσιον ἄμωμον ἕνα εἰσ ὁλοκαύτωσιν καὶ ἀμνάδα ἐνιαυσίαν μίαν ἄμωμον εἰσ ἁμαρτίαν καὶ κριὸν ἕνα ἄμωμον εἰσ σωτήριον καὶ κανοῦν ἀζύμων σεμιδάλεωσ ἄρτουσ ἀναπεποιημένουσ ἐν ἐλαίῳ καὶ λάγανα ἄζυμα κεχρισμένα ἐν ἐλαίῳ καὶ θυσίαν αὐτῶν καὶ σπονδὴν αὐτῶν. καὶ προσοίσει ὁ ἱερεὺσ ἔναντι Κυρίου καὶ ποιήσει τὸ περὶ ἁμαρτίασ αὐτοῦ καὶ τὸ ὁλοκαύτωμα αὐτοῦ καὶ τὸν κριὸν ποιήσει θυσίαν σωτηρίου τῷ Κυρίῳ ἐπὶ τῷ κανῷ τῶν ἀζύμων, καὶ ποιήσει ὁ ἱερεὺσ τὴν θυσίαν αὐτοῦ καὶ τὴν σπονδὴν αὐτοῦ. καὶ ξυρήσεται ὁ ηὐγμένοσ παρὰ τὰσ θύρασ τῆσ σκηνῆσ τοῦ μαρτυρίου τὴν κεφαλὴν τῆσ εὐχῆσ αὐτοῦ καὶ ἐπιθήσει τὰσ τρίχασ ἐπὶ τὸ πῦρ, ὅ ἐστιν ὑπὸ τὴν θυσίαν τοῦ σωτηρίου. καὶ λήψεται ὁ ἱερεὺσ τὸν βραχίονα ἑφθὸν ἀπὸ τοῦ κριοῦ καὶ ἄρτον ἕνα ἄζυμον ἀπὸ τοῦ κανοῦ καὶ λάγανον ἄζυμον ἓν καὶ ἐπιθήσει ἐπὶ τὰσ χεῖρασ τοῦ ηὐγμένου μετὰ τὸ ξυρήσασθαι αὐτὸν τὴν εὐχὴν αὐτοῦ. καὶ προσοίσει αὐτὰ ὁ ἱερεὺσ ἐπίθεμα ἔναντι Κυρίου, ἅγιον ἔσται τῷ ἱερεῖ ἐπὶ τοῦ στηθυνίου τοῦ ἐπιθέματοσ καὶ ἐπὶ τοῦ βραχίονοσ τοῦ ἀφαιρέματοσ, καὶ μετὰ ταῦτα πίεται ὁ ηὐγμένοσ οἶνον. οὗτοσ ὁ νόμοσ τοῦ εὐξαμένου, ὃσ ἂν εὔξηται Κυρίῳ δῶρον αὐτοῦ Κυρίῳ περὶ τῆσ εὐχῆσ, χωρὶσ ὧν ἂν εὕρῃ ἡ χεὶρ αὐτοῦ, κατὰ δύναμιν τῆσ εὐχῆσ αὐτοῦ, ἣν ἂν εὔξηται κατὰ νόμον ἁγνείασ. Καὶ ἐλάλησε Κύριοσ πρὸσ Μωυσῆν λέγων. λάλησον Ἀαρὼν καὶ τοῖσ υἱοῖσ αὐτοῦ λέγων. οὕτωσ εὐλογήσετε τοὺσ υἱοὺσ Ἰσραήλ, λέγοντεσ αὐτοῖσ. εὐλογήσαι σε Κύριοσ καὶ φυλάξαι σε. ἐπιφάναι Κύριοσ τὸ πρόσωπον αὐτοῦ ἐπὶ σὲ καὶ ἐλεήσαι σε. ἐπάραι Κύριοσ τὸ πρόσωπον αὐτοῦ ἐπὶ σὲ καὶ δώῃ σοι εἰρήνην. καὶ ἐπιθήσουσι τὸ ὄνομά μου ἐπὶ τοὺσ υἱοὺσ Ἰσραήλ, καὶ ἐγὼ Κύριοσ εὐλογήσω αὐτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 6:

(70인역 성경, 민수기 6:)

목록

SEARCH

MENU NAVIGATION