헬라어 문장 검색 - Σεπτύ004́003́

(70인역 성경, 민수기 3:)

ΚΑΙ αὗται αἱ γενέσεισ Ἀαρὼν καὶ Μωυσῆ, ἐν ᾗ ἡμέρᾳ ἐλάλησε Κύριοσ τῷ Μωυσῇ ἐν ὄρει Σινά. καὶ ταῦτα τὰ ὀνόματα τῶν υἱῶν Ἀαρών. πρωτότοκοσ Ναδάβ, καὶ Ἀβιούδ, Ἐλεάζαρ, καὶ Ἰθάμαρ. ταῦτα τὰ ὀνόματα τῶν υἱῶν Ἀαρών, οἱ ἱερεῖσ οἱ ἠλειμμένοι, οὓσ ἐτελείωσαν τὰσ χεῖρασ αὐτῶν ἱερατεύειν. καὶ ἐτελεύτησε Ναδὰβ καὶ Ἀβιοὺδ ἔναντι Κυρίου, προσφερόντων αὐτῶν πῦρ ἀλλότριον ἔναντι Κυρίου ἐν τῇ ἐρήμῳ Σινά, καὶ παιδία οὐκ ἦν αὐτοῖσ. καὶ ἱεράτευσεν Ἐλεάζαρ καὶ Ἰθάμαρ μετὰ Ἀαρὼν τοῦ πατρὸσ αὐτῶν. καὶ ἐλάλησε Κύριοσ πρὸσ Μωυσῆν λέγων. λάβε τὴν φυλὴν Λευὶ καὶ στήσεισ αὐτοὺσ ἐναντίον Ἀαρὼν τοῦ ἱερέωσ καὶ λειτουργήσουσιν αὐτῷ, καὶ φυλάξουσι τὰσ φυλακὰσ αὐτοῦ καὶ τὰσ φυλακὰσ τῶν υἱῶν Ἰσραὴλ ἔναντι τῆσ σκηνῆσ τοῦ μαρτυρίου, ἐργάζεσθαι τὰ ἔργα τῆσ σκηνῆσ. καὶ φυλάξουσι πάντα τὰ σκεύη τῆσ σκηνῆσ τοῦ μαρτυρίου, καὶ τὰσ φυλακὰσ τῶν υἱῶν Ἰσραὴλ κατὰ πάντα τὰ ἔργα τῆσ σκηνῆσ. καὶ δώσεισ τοὺσ Λευίτασ Ἀαρὼν καὶ τοῖσ υἱοῖσ αὐτοῦ τοῖσ ἱερεῦσι. δεδομένοι δόμα οὗτοί μοί εἰσιν ἀπὸ τῶν υἱῶν Ἰσραήλ. καὶ Ἀαρὼν καὶ τοὺσ υἱοὺσ αὐτοῦ καταστήσεισ ἐπὶ τῆσ σκηνῆσ τοῦ μαρτυρίου, καὶ φυλάξουσι τὴν ἱερατείαν αὐτῶν καὶ πάντα τὰ κατὰ τὸν βωμὸν καὶ ἔσω τοῦ καταπετάσματοσ. καὶ ὁ ἀλλογενὴσ ὁ ἁπτόμενοσ ἀποθανεῖται. καὶ ἐλάλησε Κύριοσ πρὸσ Μωυσῆν λέγων. καὶ ἰδοὺ ἐγὼ εἴληφα τοὺσ Λευίτασ ἐκ μέσου τῶν υἱῶν Ἰσραὴλ ἀντὶ παντὸσ πρωτοτόκου διανοίγοντοσ μήτραν παρὰ τῶν υἱῶν Ἰσραήλ. λύτρα αὐτῶν ἔσονται καὶ ἔσονται ἐμοὶ οἱ Λευῖται. ἐμοὶ γὰρ πᾶν πρωτότοκον. ἐν ᾗ ἡμέρᾳ ἐπάταξα πᾶν πρωτότοκον ἐν γῇ Αἰγύπτου, ἡγίασα ἐμοὶ πᾶν πρωτότοκον ἐν Ἰσραὴλ ἀπὸ ἀνθρώπου ἕωσ κτήνουσ. ἐμοὶ ἔσονται, ἐγὼ Κύριοσ. καὶ ἐλάλησε Κύριοσ πρὸσ Μωυσῆν ἐν τῇ ἐρήμῳ Σινὰ λέγων. ἐπίσκεψαι τοὺσ υἱοὺσ Λευὶ κατ’ οἴκουσ πατριῶν αὐτῶν, κατὰ δήμουσ αὐτῶν, κατὰ συγγενείασ αὐτῶν. πᾶν ἀρσενικὸν ἀπὸ μηνιαίου καὶ ἐπάνω ἐπισκέψασθε αὐτούσ. καὶ ἐπεσκέψαντο αὐτοὺσ Μωυσῆσ καὶ Ἀαρὼν διὰ φωνῆσ Κυρίου, ὃν τρόπον συνέταξεν αὐτοῖσ Κύριοσ. καὶ ἦσαν οὗτοι οἱ υἱοὶ Λευὶ ἐξ ὀνομάτων αὐτῶν. Γεδσών, Καάθ, καὶ Μεραρί. καὶ ταῦτα τὰ ὀνόματα τῶν υἱῶν Γερσὼν κατὰ δήμουσ αὐτῶν. Λοβενὶ καὶ Σεμεί̈. καὶ υἱοὶ Καὰθ κατὰ δήμουσ αὐτῶν. Ἀμρὰμ καὶ Ἰσσαάρ, Χεβρὼν καὶ Ὀζιήλ. καὶ υἱοὶ Μεραρὶ κατὰ δήμουσ αὐτῶν. Μοολὶ καὶ Μουσί. οὗτοί εἰσι δῆμοι τῶν Λευιτῶν κατ’ οἴκουσ πατριῶν αὐτῶν. τῷ Γερσὼν δῆμοσ τοῦ Λοβενὶ καὶ δῆμοσ τοῦ Σεμεί̈. οὗτοι οἱ δῆμοι τοῦ Γεδσών. ἡ ἐπίσκεψισ αὐτῶν κατὰ ἀριθμὸν παντὸσ ἀρσενικοῦ ἀπὸ μηνιαίου καὶ ἐπάνω, ἡ ἐπίσκεψισ αὐτῶν ἑπτακισχίλιοι καὶ πεντακόσιοι. καὶ οἱ υἱοὶ Γερσὼν ὀπίσω τῆσ σκηνῆσ παρεμβαλοῦσι παρὰ θάλασσαν, καὶ ὁ ἄρχων οἴκου πατριᾶσ τοῦ δήμου τοῦ Γεδσών, Ἑλισὰφ υἱὸσ Δαήλ. καὶ ἡ φυλακὴ υἱῶν Γεδσὼν ἐν τῇ σκηνῇ τοῦ μαρτυρίου. ἡ σκηνὴ καὶ τὸ κάλυμμα, καὶ τὸ κατακάλυμμα τῆσ θύρασ τῆσ σκηνῆσ τοῦ μαρτυρίου καὶ τὰ ἱστία τῆσ αὐλῆσ καὶ τὸ καταπέτασμα τῆσ πύλησ τῆσ αὐλῆσ τῆσ οὔσησ ἐπὶ τῆσ σκηνῆσ καὶ τὰ κατάλοιπα πάντων τῶν ἔργων αὐτοῦ. τῷ Καὰθ δῆμοσ ὁ Ἀμρὰν εἷσ, καὶ δῆμοσ ὁ Ἰσαὰρ εἷσ, καὶ δῆμοσ ὁ Χεβρὼν εἷσ, καὶ δῆμοσ ὁ Ὀζιὴλ εἷσ. οὗτοί εἰσιν οἱ δῆμοι τοῦ Καάθ, κατὰ ἀριθμόν. πᾶν ἀρσενικὸν ἀπὸ μηνιαίου καὶ ἐπάνω, ὀκτακισχίλιοι καὶ ἐξακόσιοι φυλάσσοντεσ τὰσ φυλακὰσ τῶν ἁγίων. οἱ δῆμοι τῶν υἱῶν Καὰθ παρεμβαλοῦσιν ἐκ πλαγίων τῆσ σκηνῆσ κατὰ λίβα, καὶ ὁ ἄρχων οἴκου πατριῶν τῶν δήμων τοῦ Καὰθ Ἑλισαφάν, υἱὸσ Ὀζιήλ. καὶ ἡ φυλακὴ αὐτῶν, ἡ κιβωτὸσ καὶ ἡ τράπεζα καὶ ἡ λυχνία καὶ τὰ θυσιαστήρια καὶ τὰ σκεύη τοῦ ἁγίου, ὅσα λειτουργοῦσιν ἐν αὐτοῖσ καὶ τὸ κατακάλυμμα καὶ πάντα τὰ ἔργα αὐτῶν. καὶ ὁ ἄρχων ἐπὶ τῶν ἀρχόντων τῶν Λευιτῶν, Ἐλεάζαρ ὁ υἱὸσ Ἀαρὼν τοῦ ἱερέωσ, καθεσταμένοσ φυλάσσειν τὰσ φυλακὰσ τῶν ἁγίων. τῷ Μεραρὶ δῆμοσ ὁ Μοολὶ καὶ δῆμοσ ὁ Μουσί. οὗτοί εἰσι δῆμοι τοῦ Μεραρί. ἡ ἐπίσκεψισ αὐτῶν κατὰ ἀριθμόν, πᾶν ἀρσενικὸν ἀπὸ μηνιαίου καὶ ἐπάνω, ἑξακισχίλιοι καὶ πεντήκοντα. καὶ ὁ ἄρχων οἴκου πατριῶν τοῦ δήμου τοῦ Μεραρί, Σουριὴλ υἱὸσ Ἀβιχαίλ. ἐκ πλαγίων τῆσ σκηνῆσ παρεμβαλοῦσι πρὸσ βορρᾶν. ἡ ἐπίσκεψισ τῆσ φυλακῆσ υἱῶν Μεραρί, τὰσ κεφαλίδασ τῆσ σκηνῆσ καὶ τοὺσ μοχλοὺσ αὐτῆσ καὶ τοὺσ στύλουσ αὐτῆσ, καὶ τὰσ βάσεισ αὐτῆσ καὶ πάντα τὰ σκεύη αὐτῶν καὶ τὰ ἔργα αὐτῶν καὶ τοὺσ στύλουσ τῆσ αὐλῆσ κύκλῳ καὶ τὰσ βάσεισ αὐτῶν καὶ τοὺσ πασσάλουσ καὶ τοὺσ κάλουσ αὐτῶν. οἱ παρεμβάλλοντεσ κατὰ πρόσωπον τῆσ σκηνῆσ τοῦ μαρτυρίου ἀπὸ ἀνατολῆσ, Μωυσῆσ καὶ Ἀαρὼν καὶ οἱ υἱοὶ αὐτοῦ φυλάσσοντεσ τὰσ φυλακὰσ τοῦ ἁγίου εἰσ τὰσ φυλακὰσ τῶν υἱῶν Ἰσραήλ. καὶ ὁ ἀλλογενὴσ ὁ ἁπτόμενοσ ἀποθανεῖται. πᾶσα ἡ ἐπίσκεψισ τῶν Λευιτῶν, οὓσ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου κατὰ δήμουσ αὐτῶν, πᾶν ἀρσενικὸν ἀπὸ μηνιαίου καὶ ἐπάνω, δύο καὶ εἴκοσι χιλιάδεσ. Καὶ εἶπε Κύριοσ πρὸσ Μωυσῆν λέγων. ἐπίσκεψαι πᾶν πρωτότοκον ἄρσεν τῶν υἱῶν Ἰσραὴλ ἀπὸ μηνιαίου καὶ ἐπάνω καὶ λάβε τὸν ἀριθμὸν ἐξ ὀνόματοσ. καὶ λήψῃ τοὺσ Λευίτασ ἐμοί, ἐγὼ Κύριοσ, ἀντὶ πάντων τῶν πρωτοτόκων τῶν υἱῶν Ἰσραὴλ καὶ τὰ κτήνη τῶν Λευιτῶν ἀντὶ πάντων τῶν πρωτοτόκων ἐν τοῖσ κτήνεσι τῶν υἱῶν Ἰσραήλ. καὶ ἐπεσκέψατο Μωυσῆσ, ὃν τρόπον ἐνετείλατο Κύριοσ πᾶν πρωτότοκον ἐν τοῖσ υἱοῖσ Ἰσραήλ. καὶ ἐγένοντο πάντα τὰ πρωτότοκα τὰ ἀρσενικὰ κατὰ ἀριθμὸν ἐξ ὀνόματοσ ἀπὸ μηνιαίου καὶ ἐπάνω ἐκ τῆσ ἐπισκέψεωσ αὐτῶν δύο καὶ εἴκοσι χιλιάδεσ καὶ τρεῖσ καὶ ἑβδομήκοντα καὶ διακόσιοι. Καὶ ἐλάλησε Κύριοσ πρὸσ Μωυσῆν λέγων. λάβε τοὺσ Λευίτασ ἀντὶ πάντων τῶν πρωτοτόκων υἱῶν Ἰσραὴλ καὶ τὰ κτήνη τῶν Λευιτῶν ἀντὶ τῶν κτηνῶν αὐτῶν, καὶ ἔσονται ἐμοὶ οἱ Λευῖται. ἐγὼ Κύριοσ. καὶ τὰ λύτρα τριῶν καὶ ἑβδομήκοντα καὶ διακοσίων, οἱ πλεονάζοντεσ παρὰ τοὺσ Λευίτασ ἀπὸ τῶν πρωτοτόκων τῶν υἱῶν Ἰσραήλ, καὶ λήψῃ πέντε σίκλουσ κατὰ κεφαλήν, κατὰ τὸ δίδραχμον τὸ ἅγιον λήψῃ, εἴκοσιν ὀβολοὺσ τοῦ σίκλου, καὶ δώσεισ τὸ ἀργύριον Ἀαρὼν καὶ τοῖσ υἱοῖσ αὐτοῦ, λύτρα τῶν πλεοναζόντων ἐν αὐτοῖσ. καὶ ἔλαβε Μωυσῆσ τὸ ἀργύριον τὰ λύτρα τῶν πλεοναζόντων εἰσ τὴν ἐκλύτρωσιν τῶν Λευιτῶν, παρὰ τῶν πρωτοτόκων τῶν υἱῶν Ἰσραὴλ ἔλαβε τὸ ἀργύριον, χιλίουσ τριακοσίουσ ἑξηκονταπέντε σίκλουσ, κατὰ τὸν σίκλον τὸν ἅγιον. καὶ ἔδωκε Μωυσῆσ τὰ λύτρα τῶν πλεοναζόντων Ἀαρὼν καὶ τοῖσ υἱοῖσ αὐτοῦ, διὰ φωνῆσ Κυρίου, ὃν τρόπον συνέταξε Κύριοσ τῷ Μωυσῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 3:

(70인역 성경, 민수기 3:)

목록

SEARCH

MENU NAVIGATION