Septuagint, Liber Exodus 40:

(70인역 성경, 탈출기 40:)

ΚΑΙ ἐλάλησε Κύριοσ πρὸσ Μωυσῆν λέγων. ἐν ἡμέρᾳ μιᾷ τοῦ μηνὸσ τοῦ πρώτου νουμηνίᾳ στήσεισ τὴν σκηνὴν τοῦ μαρτυρίου καὶ θήσεισ τὴν κιβωτὸν τοῦ μαρτυρίου καὶ σκεπάσεισ τὴν κιβωτὸν τῷ καταπετάσματι καὶ εἰσοίσεισ τὴν τράπεζαν καὶ προθήσεισ τὴν πρόθεσιν αὐτῆσ καὶ εἰσοίσεισ τὴν λυχνίαν καὶ ἐπιθήσεισ τοὺσ λύχνουσ αὐτῆσ. καὶ θήσεισ τὸ θυσιαστήριον τὸ χρυσοῦν εἰσ τὸ θυμιᾶν ἐναντίον τῆσ κιβωτοῦ καὶ ἐπιθήσεισ κάλυμμα καταπετάσματοσ ἐπὶ τὴν θύραν τῆσ σκηνῆσ τοῦ μαρτυρίου καὶ τὸ θυσιαστήριον τῶν καρπωμάτων θήσεισ παρὰ τὰσ θύρασ τῆσ σκηνῆσ τοῦ μαρτυρίου καὶ περιθήσεισ τὴν σκηνὴν καὶ πάντα τὰ αὐτῆσ ἁγιάσεισ κύκλῳ. καὶ λήψῃ τὸ ἔλαιον τοῦ χρίσματοσ καὶ χρίσεισ τὴν σκηνὴν καὶ πάντα τὰ ἐν αὐτῇ καὶ ἁγιάσεισ αὐτὴν καὶ πάντα τὰ σκεύη αὐτῆσ καὶ ἔσται ἁγία. καὶ χρίσεισ τὸ θυσιαστήριον τῶν καρπωμάτων καὶ πάντα τὰ σκεύη αὐτοῦ. καὶ ἁγιάσεισ τὸ θυσιαστήριον, καὶ ἔσται τὸ θυσιαστήριον ἅγιον τῶν ἁγίων. καὶ προσάξεισ Ἀαρὼν καὶ τοὺσ υἱοὺσ αὐτοῦ ἐπὶ τὰσ θύρασ τῆσ σκηνῆσ τοῦ μαρτυρίου καὶ λούσεισ αὐτοὺσ ὕδατι καὶ ἐνδύσεισ Ἀαρὼν τὰσ στολὰσ τὰσ ἁγίασ καὶ χρίσεισ αὐτὸν καὶ ἁγιάσεισ αὐτόν, καὶ ἱερατεύσει μοι. καὶ τοὺσ υἱοὺσ αὐτοῦ προσάξεισ καὶ ἐνδύσεισ αὐτοὺσ χιτῶνας καὶ ἀλείψεισ αὐτούσ, ὃν τρόπον ἤλειψασ τὸν πατέρα αὐτῶν, καὶ ἱερατεύσουσί μοι. καὶ ἔσται ὥστε εἶναι αὐτοῖσ χρῖσμα ἱερατείασ εἰσ τὸν αἰῶνα, εἰσ τὰσ γενεὰσ αὐτῶν. καὶ ἐποίησε Μωυσῆσ πάντα, ὅσα ἐνετείλατο αὐτῷ Κύριοσ, οὕτωσ ἐποίησε. Καὶ ἐγένετο ἐν τῷ μηνὶ τῷ πρώτῳ, τῷ δευτέρῳ ἔτει, ἐκπορευομένων αὐτῶν ἐξ Αἰγύπτου, νουμηνίᾳ ἐστάθη ἡ σκηνή. καὶ ἔστησε Μωυσῆσ τὴν σκηνήν, καὶ ἐπέθηκε τὰσ κεφαλίδασ καὶ διενέβαλε τοὺσ μοχλοὺσ καὶ ἔστησε τοὺσ στύλους καὶ ἐξέτεινε τὰσ αὐλαίασ ἐπὶ τὴν σκηνήν, καὶ ἐπέθηκε τὸ κατακάλυμμα τῆσ σκηνῆσ ἐπ̓ αὐτὴν ἄνωθεν, καθὰ συνέταξε Κύριοσ τῷ Μωυσῇ. καὶ λαβὼν τὰ μαρτύρια ἐνέβαλεν εἰσ τὴν κιβωτὸν καὶ ὑπέθηκε τοὺσ διωστῆρασ ὑπὸ τὴν κιβωτὸν καί εἰσήνεγκε τὴν κιβωτὸν εἰσ τὴν σκηνήν, καὶ ἐπέθηκε τὸ κατακάλυμμα τοῦ καταπετάσματοσ καὶ ἐσκέπασε τὴν κιβωτὸν τοῦ μαρτυρίου, ὃν τρόπον συνέταξε Κύριοσ τῷ Μωυσῇ. καὶ ἐπέθηκε τὴν τράπεζαν εἰσ τὴν σκηνὴν τοῦ μαρτυρίου ἐπὶ τὸ κλίτοσ τῆσ σκηνῆσ τοῦ μαρτυρίου τὸ πρὸσ βορρᾶν, ἔξωθεν τοῦ καταπετάσματοσ τῆσ σκηνῆσ, καὶ προέθηκεν ἐπ̓ αὐτῆσ ἄρτουσ τῆσ προθέσεωσ ἔναντι Κυρίου, ὃν τρόπον συνέταξε Κύριοσ τῷ Μωυσῇ. καὶ ἔθηκε τὴν λυχνίαν εἰσ τὴν σκηνὴν τοῦ μαρτυρίου εἰσ τὸ κλίτοσ τῆσ σκηνῆσ τὸ πρὸσ νότον καὶ ἐπέθηκε τοὺσ λύχνουσ αὐτῆσ ἔναντι Κυρίου, ὃν τρόπον συνέταξε Κύριοσ τῷ Μωυσῇ. καὶ ἔθηκε τὸ θυσιαστήριον τὸ χρυσοῦν ἐν τῇ σκηνῇ τοῦ μαρτυρίου ἀπέναντι τοῦ καταπετάσματος καὶ ἐθυμίασεν ἐπ̓ αὐτοῦ θυμίαμα τῆσ συνθέσεωσ, καθάπερ συνέταξε Κύριοσ τῷ Μωυσῇ. καὶ τὸ θυσιαστήριον τῶν καρπωμάτων ἔθηκε παρὰ τὰσ θύρασ τῆσ σκηνῆς καὶ ἔστησε τὴν αὐλὴν κύκλῳ τῆσ σκηνῆσ καὶ τοῦ θυσιαστηρίου. καὶ συνετέλεσε Μωυσῆσ πάντα τὰ ἔργα. Καὶ ἐκάλυψεν ἡ νεφέλη τὴν σκηνὴν τοῦ μαρτυρίου, καὶ δόξησ Κυρίου ἐπλήσθη ἡ σκηνή. καὶ οὐκ ἠδυνάσθη Μωυσῆσ εἰσελθεῖν εἰσ τὴν σκηνὴν τοῦ μαρτυρίου, ὅτι ἐπεσκίαζεν ἐπ̓ αὐτὴν ἡ νεφέλη καὶ δόξησ Κυρίου ἐνεπλήσθη ἡ σκηνή. ἡνίκα δ̓ ἂν ἀνέβη ἡ νεφέλη ἀπὸ τῆσ σκηνῆσ, ἀνεζεύγνυσαν οἱ υἱοὶ Ἰσραὴλ σὺν τῇ ἀπαρτίᾳ αὐτῶν. εἰ δὲ μὴ ἀνέβη ἡ νεφέλη, οὐκ ἀνεζεύγνυσαν ἕωσ ἡμέρασ, ἧσ ἀνέβη ἡ νεφέλη. νεφέλη γὰρ ἦν ἐπὶ τῆσ σκηνῆσ ἡμέρασ καὶ πῦρ ἦν ἐπ̓ αὐτῆσ νυκτὸσ ἐναντίον παντὸσ Ἰσραήλ, ἐν πάσαισ ταῖσ ἀναζυγαῖσ αὐτῶν.

목록

일치하는 문장이 없습니다.

SEARCH

MENU NAVIGATION