Septuagint, Liber Exodus 39:

(70인역 성경, 탈출기 39:)

ΠΑΝ τὸ χρυσίον, ὃ κατειργάσθη εἰσ τὰ ἔργα κατὰ πᾶσαν τὴν ἐργασίαν τῶν ἁγίων, ἐγένετο χρυσίου τοῦ τῆσ ἀπαρχῆσ, ἐννέα καὶ εἴκοσι τάλαντα καὶ ἑπτακόσιοι εἴκοσι σίκλοι κατὰ τὸν σίκλον τὸν ἅγιον. καὶ ἀργυρίου ἀφαίρεμα παρὰ τῶν ἐπεσκεμμένων ἀνδρῶν τῆσ συναγωγῆσ ἑκατὸν τάλαντα καὶ χίλιοι ἑπτακόσιοι ἑβδομήκοντα πέντε σίκλοι, δραχμὴ μία τῇ κεφαλῇ τὸ ἥμισυ τοῦ σίκλου, κατὰ τὸν σίκλον τὸν ἅγιον, πᾶσ ὁ παραπορευόμενοσ τὴν ἐπίσκεψιν ἀπὸ εἰκοσαετοῦσ καὶ ἐπάνω εἰσ τὰσ ἑξήκοντα μυριάδασ καὶ τρισχίλιοι πεντακόσιοι καὶ πεντήκοντα. καὶ ἐγενήθη τὰ ἑκατὸν τάλαντα τοῦ ἀργυρίου εἰσ τὴν χώνευσιν τῶν ἑκατὸν κεφαλίδων τῆσ σκηνῆσ καὶ εἰσ τὰσ κεφαλίδασ τοῦ καταπετάσματοσ, ἑκατὸν κεφαλίδεσ εἰσ τὰ ἑκατὸν τάλαντα, τάλαντον τῇ κεφαλίδι. καὶ τοὺσ χιλίουσ ἑπτακοσίουσ ἑβδομήκοντα πέντε σίκλουσ ἐποίησεν εἰσ τὰσ ἀγκύλασ τοῖσ στύλοισ, καὶ κατεχρύσωσε τὰσ κεφαλίδασ αὐτῶν καὶ κατεκόσμησεν αὐτούσ. καὶ ὁ χαλκὸσ τοῦ ἀφαιρέματοσ ἑβδομήκοντα τάλαντα καὶ χίλιοι πεντακόσιοι σίκλοι. καὶ ἐποίησαν ἐξ αὐτοῦ τὰσ βάσεισ τῆσ θύρασ τῆσ σκηνῆσ τοῦ μαρτυρίου καὶ τὰσ βάσεισ τῆσ αὐλῆσ κύκλῳ καὶ τὰσ βάσεισ τῆσ πύλησ τῆσ αὐλῆσ καὶ τοὺσ πασσάλουσ τῆσ σκηνῆσ καὶ τοὺσ πασσάλουσ τῆσ αὐλῆσ κύκλῳ καὶ τὸ παράθεμα τὸ χαλκοῦν τοῦ θυσιαστηρίου καὶ πάντα τὰ σκεύη τοῦ θυσιαστηρίου καὶ πάντα τὰ ἐργαλεῖα τῆσ σκηνῆσ τοῦ μαρτυρίου. καὶ ἐποίησαν οἱ υἱοὶ Ἰσραήλ, καθὰ συνέταξε Κύριοσ τῷ Μωυσῇ, οὕτωσ ἐποίησαν. Τὸ δὲ λοιπὸν χρυσίον τοῦ ἀφαιρέματοσ ἐποίησαν σκεύη εἰσ τὸ λειτουργεῖν ἐν αὐτοῖσ ἔναντι Κυρίου. καὶ τὴν καταλειφθεῖσαν ὑάκινθον καὶ πορφύραν καὶ τὸ κόκκινον ἐποίησαν στολὰσ λειτουργικὰσ Ἀαρών, ὥστε λειτουργεῖν ἐν αὐταῖσ ἐν τῷ ἁγίῳ. Καὶ ἤνεγκαν τὰσ στολὰσ πρὸσ Μωυσῆν καὶ τὴν σκηνὴν καὶ τὰ σκεύη αὐτῆσ καὶ τὰσ βάσεισ καὶ τοὺσ μοχλοὺσ αὐτῆσ καὶ τοὺσ στύλους καὶ τὴν κιβωτὸν τῆσ διαθήκησ καὶ τοὺσ διωστῆρασ αὐτῆσ καὶ τὸ θυσιαστήριον καὶ πάντα τὰ σκεύη αὐτοῦ καὶ τὸ ἔλαιον τῆσ χρίσεωσ καὶ τὸ θυμίαμα τῆσ συνθέσεωσ καὶ τὴν λυχνίαν τὴν καθαρὰν καὶ τοὺσ λύχνουσ αὐτῆσ, λύχνουσ τῆσ καύσεωσ, καὶ τὸ ἔλαιον τοῦ φωτὸς καὶ τὴν τράπεζαν τῆσ προθέσεωσ καὶ πάντα τὰ σκεύη αὐτῆσ, καὶ τοὺσ ἄρτουσ τοὺσ προκειμένουσ, καὶ τὰσ στολὰσ τοῦ ἁγίου, αἵ εἰσιν Ἀαρών, καὶ τὰσ στολὰσ τῶν υἱῶν αὐτοῦ εἰσ τὴν ἱερατείαν καὶ τὰ ἱστία τῆσ αὐλῆσ καὶ τοὺσ στύλουσ καὶ τὸ καταπέτασμα τῆσ θύρασ τῆσ σκηνῆσ καί τῆσ πύλησ τῆσ αὐλῆσ, καὶ πάντα τὰ σκεύη τῆσ σκηνῆσ καὶ πάντα τὰ ἐργαλεῖα αυτῆσ, καὶ τὰσ διφθέρασ δέρματα κριῶν ἠρυθροδανωμένα καὶ τὰ καλύμματα ὑακίνθινα καὶ τῶν λοιπῶν τὰ ἐπικαλύμματα καὶ τοὺσ πασσάλουσ καὶ πάντα τὰ ἐργαλεῖα τὰ εἰσ τὰ ἔργα τῆσ σκηνῆσ τοῦ μαρτυρίου. ὅσα συνέταξε Κύριοσ τῷ Μωυσῇ, οὕτωσ ἐποίησαν οἱ υἱοὶ Ἰσραὴλ πάσαν τὴν ἀποσκευήν. καὶ εἶδε Μωυσῆσ πάντα τὰ ἔργα, καὶ ἦσαν πεποιηκότεσ αὐτὰ ὃν τρόπον συνέταξε Κύριοσ τῷ Μωυσῇ, οὕτωσ ἐποίησαν αὐτά. καὶ εὐλόγησεν αὐτοὺσ Μωυσῆσ.

목록

일치하는 문장이 없습니다.

SEARCH

MENU NAVIGATION