Septuagint, Liber Exodus 33:

(70인역 성경, 탈출기 33:)

ΚΑΙ εἶπε Κύριοσ πρὸσ Μωυσῆν. προπορεύου, ἀνάβηθι ἐντεῦθεν σὺ καὶ ὁ λαόσ σου, οὓσ ἐξήγαγεσ ἐκ γῆσ Αἰγύπτου, εἰσ τὴν γῆν, ἣν ὤμοσα τῷ Ἁβραὰμ καὶ Ἰσαὰκ καὶ Ἰακὼβ λέγων. τῷ σπέρματι ὑμῶν δώσω αὐτήν. καὶ συναποστελῶ τὸν ἄγγελόν μου πρὸ προσώπου σου, καὶ ἐκβαλεῖ τὸν Ἀμορραῖον καὶ Χετταῖον καὶ Φερεζαῖον καὶ Γεργεσαῖον καὶ Εὐαῖον καὶ Ἰεβουσαῖον καὶ Χαναναῖον. καὶ εἰσάξω σε εἰσ γῆν ρέουσαν γάλα καὶ μέλι. οὐ γὰρ μὴ συναναβῶ μετὰ σοῦ, διὰ τὸ λαὸν σκληροτράχηλόν σε εἶναι, ἵνα μὴ ἐξαναλώσω σε ἐν τῇ ὁδῷ. καὶ ἀκούσασ ὁ λαὸσ τὸ ρῆμα τὸ πονηρὸν τοῦτο, κατεπένθησεν ἐν πενθικοῖσ. καὶ εἶπε Κύριοσ τοῖσ υἱοῖσ Ἰσραήλ. ὑμεῖσ λαὸσ σκληροτράχηλοσ. ὁρᾶτε, μὴ πληγὴν ἄλλην ἐπάξω ἐγὼ ἐφ̓ ὑμᾶσ καὶ ἐξαναλώσω ὑμᾶσ. νῦν οὖν ἀφέλεσθε τὰσ στολὰσ τῶν δοξῶν ὑμῶν καὶ τόν κόσμον, καὶ δείξω σοι ἃ ποιήσω σοι. καὶ περιείλαντο οἱ υἱοὶ Ἰσραὴλ τὸν κόσμον αὐτῶν καὶ τὴν περιστολὴν ἀπὸ τοῦ ὄρουσ τοῦ Χωρήβ. Καὶ λαβὼν Μωυσῆσ τὴν σκηνὴν αὐτοῦ ἔπηξεν ἔξω τῆσ παρεμβολῆσ, μακρὰν ἀπὸ τῆσ παρεμβολῆσ, καὶ ἐκλήθη σκηνὴ μαρτυρίου. καὶ ἐγένετο, πᾶσ ὁ ζητῶν Κύριον ἐξεπορεύετο εἰσ τὴν σκηνὴν τὴν ἔξω τῆσ παρεμβολῆσ. ἡνίκα δ̓ ἂν εἰσεπορεύετο Μωυσῆσ εἰσ τὴν σκηνὴν ἔξω τῆσ παρεμβολῆσ, εἱστήκει πᾶσ ὁ λαὸσ σκοπεύοντεσ ἕκαστοσ παρὰ τὰσ θύρασ τῆσ σκηνῆσ αὐτοῦ καὶ κατενοοῦσαν ἀπιόντοσ Μωυσῆ ἕωσ τοῦ εἰσελθεῖν αὐτὸν εἰσ τὴν σκηνήν. ὡσ δ̓ ἂν εἰσῆλθε Μωυσῆσ εἰσ τὴν σκηνήν, κατέβαινεν ὁ στῦλοσ τῆσ νεφέλησ, καὶ ἵστατο ἐπὶ τὴν θύραν τῆσ σκηνῆσ, καὶ ἐλάλει Μωυσῇ. καὶ ἑώρα πᾶσ ὁ λαὸσ τὸν στῦλον τῆσ νεφέλησ ἑστῶτα ἐπὶ τῆσ θύρασ τῆσ σκηνῆσ, καὶ στάντεσ πᾶσ ὁ λαὸσ προσεκύνησαν ἕκαστοσ ἀπὸ τῆσ θύρασ τῆσ σκηνῆσ αὐτοῦ. καὶ ἐλάλησε Κύριοσ πρὸσ Μωυσῆν ἐνώπιοσ ἐνωπίῳ, ὡσ εἴ τισ λαλήσει πρὸσ τὸν ἑαυτοῦ φίλον. καὶ ἀπελύετο εἰσ τὴν παρεμβολήν, ὁ δὲ θεράπων Ἰησοῦσ υἱὸσ Ναυῆ νέοσ οὐκ ἐξεπορεύετο ἐκ τῆσ σκηνῆσ. Καὶ εἶπε Μωυσῆσ πρὸσ Κύριον. ἰδοὺ σύ μοι λέγεισ. ἀνάγαγε τὸν λαὸν τοῦτον, σὺ δὲ οὐκ ἐδήλωσάσ μοι, ὃν συναποστελεῖσ μετ̓ ἐμοῦ. σὺ δέ μοι εἶπασ. οἶδά σε παρὰ πάντασ, καὶ χάριν ἔχεισ παῤ ἐμοί. εἰ οὖν εὕρηκα χάριν ἐναντίον σου, ἐμφάνισόν μοι σεαυτὸν γνωστῶσ, ἵνα ἴδω σε, ὅπωσ ἂν ὦ εὑρηκὼσ χάριν ἐναντίον σου, καὶ ἵνα γνῶ ὅτι λαόσ σου τὸ ἔθνοσ τὸ μέγα τοῦτο. καὶ λέγει. αὐτὸσ προπορεύσομαί σου καὶ καταπαύσω σε. καὶ λέγει πρὸσ αὐτόν. εἰ μὴ αὐτὸσ σὺ συμπορεύῃ, μή με ἀναγάγῃσ ἐντεῦθεν. καὶ πῶσ γνωστὸν ἔσται ἀληθῶσ, ὅτι εὕρηκα χάριν παρὰ σοί, ἐγώ τε καὶ ὁ λαόσ σου, ἀλλ̓ ἢ συμπορευομένου σου μεθ̓ ἡμῶν̣ καὶ ἐνδοξασθήσομαι ἐγώ τε καὶ ὁ λαόσ σου παρὰ πάντα τὰ ἔθνη, ὅσα ἐπὶ τῆσ γῆσ ἐστι. καὶ εἶπε Κύριοσ πρὸσ Μωυσῆν. καὶ τοῦτόν σοι τὸν λόγον, ὃν εἴρηκασ, ποιήσω. εὕρηκασ γὰρ χάριν ἐνώπιον ἐμοῦ, καὶ οἶδά σε παρὰ πάντασ. καὶ λέγει. ἐμφάνισόν μοι σεαυτόν, καὶ εἶπεν. ἐγὼ παρελεύσομαι πρότερόσ σου τῇ δόξῃ μου καὶ καλέσω τῷ ὀνόματί μου, Κύριοσ ἐναντίον σου. καὶ ἐλεήσω ὃν ἂν ἐλεῶ, καὶ οἰκτειρήσω ὃν ἂν οἰκτείρω. καὶ εἶπεν. οὐ δυνήσῃ ἰδεῖν τὸ πρόσωπόν μου. οὐ γὰρ μὴ ἴδῃ ἄνθρωποσ τὸ πρόσωπόν μου καὶ ζήσεται. καὶ εἶπε Κύριοσ. ἰδοὺ τόποσ παῤ ἐμοί, στήσῃ ἐπὶ τῆσ πέτρασ. ἡνίκα δ̓ ἂν παρέλθῃ ἡ δόξα μου, καὶ θήσω σε εἰσ ὀπὴν τῆσ πέτρασ καὶ σκεπάσω τῇ χειρί μου ἐπὶ σέ, ἕωσ ἂν παρέλθω. καὶ ἀφελῶ τὴν χεῖρα, καὶ τότε ὄψει τὰ ὀπίσω μου, τὸ δὲ πρόσωπόν μου οὐκ ὀφθήσεταί σοι.

목록

일치하는 문장이 없습니다.

SEARCH

MENU NAVIGATION