Septuagint, Liber Exodus 26:

(70인역 성경, 탈출기 26:)

ΚΑΙ τὴν σκηνὴν ποιήσεισ δέκα αὐλαίασ ἐκ βύσσου κεκλωσμένησ καὶ ὑακίνθου καὶ πορφύρασ καὶ κοκκίνου κεκλωσμένου. Χερουβὶμ ἐργασίᾳ ὑφάντου ποιήσεισ αὐτάσ. μῆκοσ τῆσ αὐλαίασ τῆσ μιᾶσ ὀκτὼ καὶ εἴκοσι πήχεων καὶ εὖροσ τεσσάρων πήχεων ἡ αὐλαία ἡ μία ἔσται. μέτρον τὸ αὐτὸ ἔσται πάσαισ ταῖσ αὐλαίαισ. πέντε δὲ αὐλαῖαι ἔσονται ἐξ ἀλλήλων ἐχόμεναι ἡ ἑτέρα ἐκ τῆσ ἑτέρασ, καὶ πέντε αὐλαῖαι ἔσονται συνεχόμενοι ἑτέρα τῇ ἑτέρᾳ. καὶ ποιήσεισ αὐταῖσ ἀγκύλασ ὑακινθίνασ ἐπὶ τοῦ χείλουσ τῆσ αὐλαίασ τῆσ μιᾶσ ἐκ τοῦ ἑνὸσ μέρουσ εἰσ τὴν συμβολὴν καὶ οὕτω ποιήσεισ ἐπὶ τοῦ χείλουσ τῆσ αὐλαίασ τῆσ ἐξωτέρασ πρὸσ τῇ συμβολῇ τῇ δευτέρᾳ. πεντήκοντα ἀγκύλασ ποιήσεισ τῇ αὐλαίᾳ τῇ μιᾷ, καὶ πεντήκοντα ἀγκύλασ ποιήσεισ ἐκ τοῦ μέρουσ τῆσ αὐλαίασ κατὰ τὴν συμβολὴν τῆσ δευτέρασ, ἀντιπρόσωποι ἀντιπίπτουσαι ἀλλήλαισ εἰσ ἑκάστην. καὶ ποιήσεισ κρίκουσ πεντήκοντα χρυσοῦσ. καὶ συνάψεισ τὰσ αὐλαίασ ἑτέραν τῇ ἑτέρᾳ τοῖσ κρίκοισ. καὶ ἔσται ἡ σκηνὴ μία. καὶ ποιήσεισ δέρρεισ τριχίνασ σκέπην ἐπὶ τῆσ σκηνῆσ, ἕνδεκα δέρρεισ ποιήσεισ αὐτάσ. τὸ μῆκοσ τῆσ δέρρεωσ τῆσ μιᾶσ, τριάκοντα πήχεων, καὶ τεσσάρων πήχεων τὸ εὖροσ τῆσ δέρρεωσ τῆσ μιᾶσ. τὸ αὐτὸ μέτρον ἔσται ταῖσ ἕνδεκα δέρρεσι. καὶ συνάψεισ τὰσ πέντε δέρρεισ ἐπὶ τὸ αὐτό, καὶ τὰσ ἓξ δέρρεισ ἐπὶ τὸ αὐτό. καὶ ἐπιδιπλώσεισ τὴν δέρριν τὴν ἕκτην κατὰ πρόσωπον τῆσ σκηνῆσ. καὶ ποιήσεισ ἀγκύλασ πεντήκοντα ἐπὶ τοῦ χείλουσ τῆσ δέρρεωσ τῆσ μιᾶσ, τῆσ ἀνὰ μέσον κατὰ συμβολήν. καὶ πεντήκοντα ἀγκύλασ ποιήσεισ ἐπὶ τοῦ χείλουσ τῆσ δέρρεωσ, τῆσ συναπτούσησ τῆσ δευτέρασ. καὶ ποιήσεισ κρίκουσ χαλκοῦσ πεντήκοντα. καὶ συνάψεισ τοὺσ κρίκουσ ἐκ τῶν ἀγκυλῶν, καὶ συνάψεισ τὰσ δέρρεισ, καὶ ἔσται ἕν. καὶ ὑποθήσεισ τὸ πλεονάζον ἐν ταῖσ δέρρεσι τῆσ σκηνῆσ. τὸ ἥμισυ τῆσ δέρρεωσ τὸ ὑπολελειμμένον ὑποκαλύψεισ εἰσ τὸ πλεονάζον τῶν δέρρεων τῆσ σκηνῆσ. ὑποκαλύψεισ ὀπίσω τῆσ σκηνῆσ. πῆχυν ἐκ τούτου, καὶ πῆχυν ἐκ τούτου, ἐκ τοῦ ὑπερέχοντοσ τῶν δέρρεων, ἐκ τοῦ μήκουσ τῶν δέρρεων τῆσ σκηνῆσ, ἔσται συγκαλύπτον ἐπὶ τὰ πλάγια τῆσ σκηνῆσ ἔνθεν καὶ ἔνθεν, ἵνα καλύπτῃ. καὶ ποιήσεισ κατακάλυμμα τῇ σκηνῇ δέρματα κριῶν ἠρυθροδανωμένα, καὶ ἐπικαλύμματα δέρματα ὑακίνθινα ἐπάνωθεν. καὶ ποιήσεισ στύλουσ τῆσ σκηνῆσ ἐκ ξύλων ἀσήπτων. δέκα πήχεων ποιήσεισ τὸν στύλον τὸν ἕνα, καὶ πήχεωσ ἑνὸσ καὶ ἡμίσουσ τὸ πλάτοσ τοῦ στύλου τοῦ ἑνόσ. δύο ἀγκωνίσκουσ τῷ στύλῳ τῷ ἑνί, ἀντιπίπτοντασ ἕτερον τῷ ἑτέρῳ. οὕτω ποιήσεισ πᾶσι τοῖσ στύλοισ τῆσ σκηνῆσ. καὶ ποιήσεισ στύλουσ τῇ σκηνῇ, εἴκοσι στύλουσ ἐκ τοῦ κλίτουσ τοῦ πρὸσ βορρᾶν. καὶ τεσσαράκοντα βάσεισ ἀργυρᾶσ ποιήσεισ τοῖσ εἴκοσι στύλοισ. δύο βάσεισ τῷ στύλῳ τῷ ἑνὶ εἰσ ἀμφότερα τὰ μέρη αὐτοῦ. καὶ δύο βάσεισ τῷ στύλῳ τῷ ἑνὶ εἰσ ἀμφότερα τὰ μέρη αὐτοῦ. καὶ τὸ κλίτοσ τὸ δεύτερον τὸ πρὸσ νότον, εἴκοσι στύλουσ. καὶ τεσσαράκοντα βάσεισ αὐτῶν ἀργυρᾶσ. δύο βάσεισ τῷ στύλῳ τῷ ἑνὶ εἰσ ἀμφότερα τὰ μέρη αὐτοῦ, καὶ δύο βάσεισ τῷ στύλῳ τῷ ἑνὶ εἰσ ἀμφότερα τὰ μέρη αὐτοῦ. καὶ ἐκ τῶν ὀπίσω τῆσ σκηνῆσ κατὰ τὸ μέροσ τὸ πρὸσ θάλασσαν ποιήσεισ ἓξ στύλουσ. καὶ δύο στύλουσ ποιήσεισ ἐπὶ τῶν γωνιῶν τῆσ σκηνῆσ ἐκ τῶν ὀπισθίων. καὶ ἔσται ἐξ ἴσου κάτωθεν. κατὰ τὸ αὐτὸ ἔσονται ἴσοι ἐκ τῶν κεφαλῶν εἰσ σύμβλησιν μίαν. οὕτω ποιήσεισ ἀμφοτέραισ ταῖσ δυσὶ γωνίαισ. ἴσαι ἔστωσαν. καὶ ἔσονται ὀκτὼ στύλοι, καὶ αἱ βάσεισ αὐτῶν ἀργυραῖ δέκα ἕξ. δύο βάσεισ τῷ ἑνὶ στύλῳ εἰσ ἀμφότερα τὰ μέρη αὐτοῦ, καὶ δύο βάσεισ τῷ στύλῳ τῷ ἑνί. καὶ ποιήσεισ μοχλοὺσ ἐκ ξύλων ἀσήπτων. πέντε τῷ ἑνὶ στύλῳ ἐκ τοῦ ἑνὸσ μέρουσ τῆσ σκηνῆσ, καὶ πέντε μοχλοὺσ τῷ στύλῳ τῷ ἑνὶ κλίτει τῆσ σκηνῆσ τῷ δευτέρῳ, καὶ πέντε μοχλοὺσ τῷ στύλῳ τῷ ὀπισθίῳ τῷ κλίτει τῆσ σκηνῆσ τῷ πρὸσ θάλασσαν. καὶ ὁ μοχλὸσ ὁ μέσοσ ἀναμέσον τῶν στύλων διικνείσθω ἀπὸ τοῦ ἑνὸσ κλίτουσ εἰσ τὸ ἕτερον κλίτοσ. καὶ τοὺσ στύλουσ καταχρυσώσεισ χρυσίῳ. καὶ τοὺσ δακτυλίουσ ποιήσεισ χρυσοῦσ, εἰσ οὓσ εἰσάξεισ τοὺσ μοχλούσ. καὶ καταχρυσώσεισ τοὺσ μοχλοὺσ χρυσίῳ. καὶ ἀναστήσεισ τὴν σκηνὴν κατὰ τὸ εἶδοσ τὸ δεδειγμένον σοι ἐν τῷ ὄρει. καὶ ποιήσεισ καταπέτασμα ἐξ ὑακίνθου, καὶ πορφύρασ, καὶ κοκκίνου κεκλωσμένου, καί βύσσου νενησμένησ. ἔργον ὑφαντὸν ποιήσεισ αὐτὸΧερουβίμ. καὶ ἐπιθήσεισ αὐτὸ ἐπί τεσσάρων στύλων ἀσήπτων κεχρυσωμένων χρυσίῳ. καὶ αἱ κεφαλίδεσ αὐτῶν χρυσαῖ, καὶ αἱ βάσεισ αὐτῶν τέσσαρεσ ἀργυραῖ. καὶ θήσεισ τὸ καταπέτασμα ἐπὶ τῶν στύλων. καὶ εἰσοίσεισ ἐκεῖ ἐσώτερον τοῦ καταπετάσματοσ τὴν κιβωτὸν τοῦ μαρτυρίου. καὶ διοριεῖ τό καταπέτασμα ὑμῖν ἀνὰ μέσον τοῦ ἁγίου καὶ ἀνὰ μέσον τοῦ ἁγίου τῶν ἁγίων. καὶ κατακαλύψεισ τῷ καταπετάσματι τὴν κιβωτὸν τοῦ μαρτυρίου ἐν τῷ ἁγίῳ τῶν ἁγίων. καὶ θήσεισ τὴν τράπεζαν ἔξωθεν τοῦ καταπετάσματοσ καὶ τὴν λυχνίαν ἀπέναντι τῆσ τραπέζησ ἐπὶ μέρουσ τῆσ σκηνῆσ τὸ πρὸσ νότον καὶ τὴν τράπεζαν θήσεισ ἐπὶ μέρουσ τῆσ σκηνῆσ τὸ πρὸσ βορρᾶν. καὶ ποιήσεισ ἐπίσπαστρον τῇ θύρᾳ τῆσ σκηνῆσ ἐξ ὑακίνθου καὶ πορφύρασ καὶ κοκκίνου κεκλωσμένου καὶ βύσσου κεκλωσμένησ, ἔργον ποικιλτοῦ. καὶ ποιήσεισ τῷ καταπετάσματι πέντε στύλουσ καὶ χρυσώσεισ αὐτοὺσ χρυσίῳ, καὶ αἱ κεφαλίδεσ αὐτῶν χρυσαῖ, καὶ χωνεύσεισ αὐτοῖσ πέντε βάσεισ χαλκᾶσ.

목록

일치하는 문장이 없습니다.

SEARCH

MENU NAVIGATION