Septuagint, Liber Exodus 18:

(70인역 성경, 탈출기 18:)

ΗΚΟΥΣΕ δὲ Ἰοθὸρ ἱερεὺσ Μαδιὰμ ὁ γαμβρὸσ Μωυσῆ πάντα ὅσα ἐποίησε Κύριοσ Ἰσραὴλ τῷ ἑαυτοῦ λαῷ. ἐξήγαγε γὰρ Κύριοσ τὸν Ἰσραὴλ ἐξ Αἰγύπτου. ἔλαβε δὲ Ἰοθὸρ ὁ γαμβρὸσ Μωυσῆ Σεπφώραν τὴν γυναῖκα Μωυσῆ μετὰ τὴν ἄφεσιν αὐτῆς καὶ τοὺσ δύο υἱοὺσ αὐτῆσ. ὄνομα τῷ ἑνὶ αὐτῶν Γηρσὰμ λέγων. πάροικοσ ἤμην ἐν γῇ ἀλλοτρίᾳ. καὶ τὸ ὄνομα τοῦ δευτέρου Ἑλιέζερ λέγων. ὁ γὰρ Θεὸσ τοῦ πατρόσ μου βοηθόσ μου καὶ ἐξείλατό με ἐκ χειρὸσ Φαραώ. καὶ ἐξῆλθεν Ἰοθὸρ ὁ γαμβρὸσ Μωυσῆ καὶ οἱ υἱοὶ καὶ ἡ γυνὴ πρὸσ Μωυσῆν εἰσ τὴν ἔρημον, οὗ παρενέβαλεν ἐπ̓ ὄρουσ τοῦ Θεοῦ. ἀνηγγέλη δὲ Μωυσῇ λέγοντεσ. ἰδοὺ ὁ γαμβρόσ σου Ἰοθὸρ παραγίνεται πρὸσ σέ, καὶ ἡ γυνὴ καὶ οἱ δύο υἱοί σου μετ̓ αὐτοῦ. ἐξῆλθε δὲ Μωυσῆσ εἰσ συνάντησιν τῷ γαμβρῷ καὶ προσεκύνησεν αὐτῷ καὶ ἐφίλησεν αὐτόν, καὶ ἠσπάσαντο ἀλλήλουσ. καὶ εἰσήγαγεν αὐτοὺσ εἰσ τὴν σκηνήν. καὶ διηγήσατο Μωυσῆσ τῷ γαμβρῷ πάντα, ὅσα ἐποίησε Κύριοσ τῷ Φαραὼ καὶ πᾶσι τοῖσ Αἰγυπτίοισ ἕνεκεν τοῦ Ἰσραήλ, καὶ πάντα τὸν μόχθον τὸν γενόμενον αὐτοῖσ ἐν τῇ ὁδῷ καὶ ὅτι ἐξείλατο αὐτοὺσ Κύριοσ ἐκ χειρὸσ Φαραὼ καὶ ἐκ χειρὸσ τῶν Αἰγυπτίων. ἐξέστη δὲ Ἰοθὸρ ἐπὶ πᾶσι τοῖσ ἀγαθοῖσ, οἷσ ἐποίησεν αὐτοῖσ Κύριοσ, ὅτι ἐξείλατο αὐτοὺσ ἐκ χειρὸσ Αἰγυπτίων καὶ ἐκ χειρὸσ Φαραώ. καί εἶπεν Ἰοθόρ. εὐλογητὸσ Κύριοσ, ὅτι ἐξείλατο αὐτοὺσ ἐκ χειρὸσ Αἰγυπτίων καὶ ἐκ χειρὸσ Φαραώ. νῦν ἔγνων ὅτι μέγασ Κύριοσ παρὰ πάντασ τοὺσ θεούσ, ἕνεκεν τούτου ὅτι ἐπέθεντο αὐτοῖσ. καὶ ἔλαβεν Ἰοθὸρ ὁ γαμβρὸσ Μωυσῆ ὁλοκαυτώματα καὶ θυσίασ τῷ Θεῷ. παρεγένετο δὲ Ἀαρὼν καὶ πάντεσ οἱ πρεσβύτεροι Ἰσραὴλ συμφαγεῖν ἄρτον μετὰ τοῦ γαμβροῦ Μωυσῆ ἐναντίον τοῦ Θεοῦ. Καὶ ἐγένετο μετὰ τὴν ἐπαύριον συνεκάθισε Μωυσῆσ κρίνειν τὸν λαόν. παρειστήκει δὲ πᾶσ ὁ λαὸσ Μωυσῇ ἀπὸ πρωί̈θεν ἕωσ δείλησ. καὶ ἰδὼν Ἰοθὸρ πάντα ὅσα ποιεῖ τῷ λαῷ, λέγει. τί τοῦτο, ὃ σὺ ποιεῖσ τῷ λαῷ̣ διατί σὺ κάθησαι μόνοσ, πᾶσ δὲ ὁ λαὸσ παρέστηκέ σοι ἀπὸ πρωί̈θεν ἕωσ δείλησ̣ καὶ λέγει Μωυσῆσ τῷ γαμβρῷ, ὅτι παραγίνεται πρόσ με ὁ λαὸσ ἐκζητῆσαι κρίσιν παρὰ τοῦ Θεοῦ. ὅταν γὰρ γένηται αὐτοῖσ ἀντιλογία καὶ ἔλθωσι πρόσ με, διακρίνω ἕκαστον καὶ συμβιβάζω αὐτοὺσ τὰ προστάγματα τοῦ Θεοῦ καὶ τὸν νόμον αὐτοῦ. εἶπε δὲ ὁ γαμβρὸσ Μωυσῆ πρὸσ αὐτόν. οὐκ ὀρθῶσ σὺ ποιεῖσ τὸ ρῆμα τοῦτο. φθορᾷ καταφθαρήσῃ ἀνυπομονήτῳ καὶ σὺ καὶ πᾶσ ὁ λαὸσ οὗτοσ, ὅσ ἐστι μετὰ σοῦ. βαρύ σοι τὸ ρῆμα τοῦτο, οὐ δυνήσῃ ποιεῖν σὺ μόνοσ. νῦν οὖν ἄκουσόν μου καὶ συμβουλεύσω σοι, καὶ ἔσται ὁ Θεὸσ μετὰ σοῦ. γίνου σὺ τῷ λαῷ τὰ πρὸσ τὸν Θεὸν καὶ ἀνοίσεισ τοὺσ λόγουσ αὐτῶν πρὸσ τὸν Θεόν, καὶ διαμαρτύρῃ αὐτοῖσ τὰ προστάγματα τοῦ Θεοῦ καὶ τὸν νόμον αὐτοῦ καὶ σημανεῖσ αὐτοῖσ τὰσ ὁδούσ, ἐν αἷσ πορεύσονται ἐν αὐταῖσ, καὶ τὰ ἔργα ἃ ποιήσουσι. καὶ σὺ σεαυτῷ σκέψαι ἀπὸ παντὸσ τοῦ λαοῦ ἄνδρασ δυνατούσ, θεοσεβεῖσ, ἄνδρασ δικαίουσ, μισοῦντασ ὑπερηφανίαν, καὶ καταστήσεισ ἐπ̓ αὐτὸν χιλιάρχουσ καὶ ἑκατοντάρχουσ καὶ πεντηκοντάρχουσ καὶ δεκαδάρχουσ, καὶ κρινοῦσι τὸν λαὸν πᾶσαν ὥραν. τὸ δὲ ρῆμα τὸ ὑπέρογκον ἀνοίσουσιν ἐπὶ σέ, τὰ δὲ βραχέα τῶν κριμάτων κρινοῦσιν αὐτοὶ καὶ κουφιοῦσιν ἀπὸ σοῦ καὶ συναντιλήψονταί σοι. ἐὰν τὸ ρῆμα τοῦτο ποιήσῃσ, κατισχύσει σε ὁ Θεόσ, καὶ δυνήσῃ παραστῆναι, καὶ πᾶσ ὁ λαὸσ οὗτοσ εἰσ τὸν ἑαυτοῦ τόπον μετ̓ εἰρήνησ ἥξει. ἤκουσε δὲ Μωυσῆσ τῆσ φωνῆσ τοῦ γαμβροῦ καὶ ἐποίησεν ὅσα εἶπεν αὐτῷ. καὶ ἐπέλεξε Μωυσῆσ ἄνδρασ δυνατοὺσ ἀπὸ παντὸσ Ἰσραὴλ καὶ ἐποίησεν αὐτοὺσ ἐπ̓ αὐτῶν χιλιάρχουσ καὶ ἑκατοντάρχουσ καὶ πεντηκοντάρχουσ καὶ δεκαδάρχουσ. καὶ ἐκρίνοσαν τὸν λαὸν πᾶσαν ὥραν. πᾶν δὲ ρῆμα ὑπέρογκον ἀνεφέροσαν ἐπὶ Μωυσῆν, πᾶν δὲ ρῆμα ἐλαφρὸν ἐκρίνοσαν αὐτοί. ἐξαπέστειλε δὲ Μωυσῆσ τὸν ἑαυτοῦ γαμβρόν, καὶ ἀπῆλθεν εἰσ τὴν γῆν αὐτοῦ.

목록

일치하는 문장이 없습니다.

SEARCH

MENU NAVIGATION