Septuagint, Liber Exodus 6:

(70인역 성경, 탈출기 6:)

ΚΑΙ εἶπε Κύριοσ πρὸσ Μωυσῆν. ἤδη ὄψει ἃ ποιήσω τῷ Φαραώ. ἐν γὰρ χειρὶ κραταιᾷ ἐξαποστελεῖ αὐτοὺσ καὶ ἐν βραχίονι ὑψηλῷ ἐκβαλεῖ αὐτοὺσ ἐκ τῆσ γῆσ αὐτοῦ. Ἐλάλησε δὲ ὁ Θεὸσ πρὸσ Μωυσῆν καὶ εἶπε πρὸσ αὐτόν. ἐγὼ Κύριοσ. καὶ ὤφθην πρὸσ Ἁβραὰμ καὶ Ἰσαὰκ καὶ Ἰακώβ, Θεὸσ ὢν αὐτῶν, καὶ τὸ ὄνομά μου Κύριοσ οὐκ ἐδήλωσα αὐτοῖσ. καὶ ἔστησα τὴν διαθήκην μου πρὸσ αὐτοὺσ ὥστε δοῦναι αὐτοῖσ τὴν γῆν τῶν Χαναναίων, τὴν γῆν, ἣν παρῳκήκασιν, ἐν ᾗ καὶ παρῴκησαν ἐπ̓ αὐτῆσ. καὶ ἐγὼ εἰσήκουσα τὸν στεναγμὸν τῶν υἱῶν Ἰσραήλ, ὃν οἱ Αἰγύπτιοι καταδουλοῦνται αὐτούσ, καὶ ἐμνήσθην τῆσ διαθήκησ ὑμῶν. βάδιζε, εἰπὸν τοῖσ υἱοῖσ Ἰσραὴλ λέγων. ἐγὼ Κύριοσ καὶ ἐξάξω ὑμᾶσ ἀπὸ τῆσ δυναστείασ τῶν Αἰγυπτίων καὶ ρύσομαι ὑμᾶσ ἐκ τῆσ δουλείασ καὶ λυτρώσομαι ὑμᾶσ ἐν βραχίονι ὑψηλῷ καὶ κρίσει μεγάλῃ καὶ λήψομαι ἐμαυτῷ ὑμᾶσ λαὸν ἐμοὶ καὶ ἔσομαι ὑμῶν Θεόσ, καὶ γνώσεσθε ὅτι ἐγὼ Κύριοσ ὁ Θεὸσ ὑμῶν ὁ ἐξαγαγὼν ὑμᾶσ ἐκ τῆσ καταδυναστείασ τῶν Αἰγυπτίων, καὶ εἰσάξω ὑμᾶσ εἰσ τὴν γῆν, εἰσ ἣν ἐξέτεινα τὴν χεῖρά μου, δοῦναι αὐτὴν τῷ Ἁβραὰμ καὶ Ἰσαὰκ καὶ Ἰακώβ, καὶ δώσω ὑμῖν αὐτὴν ἐν κλήρῳ. ἐγὼ Κύριοσ. ἐλάλησε δὲ Μωυσῆσ οὕτω τοῖσ υἱοῖσ Ἰσραήλ, καὶ οὐκ εἰσήκουσαν Μωυσῆ ἀπό τῆσ ὀλιγοψυχίασ καὶ ἀπὸ τῶν ἔργων τῶν σκληρῶν. Εἶπε δὲ Κύριοσ πρὸσ Μωυσῆν λέγων. εἴσελθε, λάλησον Φαραὼ βασιλεῖ Αἰγύπτου, ἵνα ἐξαποστείλῃ τοὺσ υἱοὺσ Ἰσραὴλ ἐκ τῆσ γῆσ αὐτοῦ. ἐλάλησε δὲ Μωυσῆσ ἔναντι Κυρίου λέγων. ἰδοὺ οἱ υἱοὶ Ἰσραὴλ οὐκ εἰσήκουσάν μου, καὶ πῶσ εἰσακούσεταί μου Φαραώ̣ ἐγὼ δὲ ἄλογόσ εἰμι. εἶπε δὲ Κύριοσ πρὸσ Μωυσῆν καὶ Ἀαρὼν καὶ συνέταξεν αὐτοῖσ πρὸσ Φαραὼ βασιλέα Αἰγύπτου, ὥστε ἐξαποστεῖλαι τοὺσ υἱοὺσ Ἰσραὴλ ἐκ γῆσ Αἰγύπτου. Καὶ οὗτοι ἀρχηγοὶ οἴκων πατριῶν αὐτῶν. υἱοὶ Ρουβὴν πρωτοτόκου Ἰσραήλ. Ἐνὼχ καὶ Φαλλούσ, Ἀσρὼν καὶ Χαρμεί. αὕτη ἡ συγγένεια Ρουβήν. καὶ υἱοὶ Συμεών. Ἰεμουὴλ καὶ Ἰαμεὶν καὶ Ἀὼδ καὶ Ἰαχεὶν καὶ Σαὰρ καὶ Σαοὺλ ὁ ἐκ τῆσ Φοινίσσησ. αὗται αἱ πατριαὶ τῶν υἱῶν Συμεών. καὶ ταῦτα τὰ ὀνόματα τῶν υἱῶν Λευὶ κατὰ συγγενείασ αὐτῶν. Γεδσών, Καὰθ καὶ Μεραρεί. καὶ τὰ ἔτη τῆσ ζωῆσ Λευὶ ἑκατὸν τριακονταεπτά. καὶ οὗτοι υἱοὶ Γεδσών. Λοβενεὶ καὶ Σεμεεί, οἶκοι πατριᾶσ αὐτῶν. καὶ υἱοὶ Καάθ. Ἀμβρὰμ καὶ Ἰσαάρ, Χεβρὼν καὶ Ὀζειήλ. καὶ τὰ ἔτη τῆσ ζωῆσ Καὰθ ἑκατὸν τριακοντατρία ἔτη. καὶ υἱοὶ Μεραρεί. Μοολεὶ καὶ Ὁμουσεί. οὗτοι οἱ οἶκοι πατριῶν Λευὶ κατὰ συγγενείασ αὐτῶν. καὶ ἔλαβεν Ἀμβρὰμ τὴν Ἰωχαβὲδ θυγατέρα τοῦ ἀδελφοῦ τοῦ πατρὸσ αὐτοῦ ἑαυτῷ εἰσ γυναῖκα, καὶ ἐγέννησεν αὐτῷ τόν τε Ἀαρὼν καὶ τὸν Μωυσῆν καὶ Μαριὰμ τὴν ἀδελφὴν αὐτῶν. τὰ δὲ ἔτη τῆσ ζωῆσ Ἀμβρὰμ ἑκατὸν τριακονταδύο ἔτη. καὶ υἱοὶ Ἰσσαάρ. Κορὲ καὶ Ναφὲκ καὶ Ζεχρεί. καὶ υἱοὶ Ὀζειήλ. Μισαὴλ καὶ Ἐλισαφὰν καὶ Σεγρεί. ἔλαβε δὲ Ἀαρὼν τὴν Ἐλισαβὲθ θυγατέρα Ἀμειναδὰβ ἀδελφὴν Ναασσὼν αὐτῷ γυναῖκα, καὶ ἔτεκεν αὐτῷ τόν τε Ναδὰβ καὶ Ἀβιοὺδ καὶ τὸν Ἐλεάζαρ καὶ Ἰθάμαρ. υἱοὶ δὲ Κορέ. Ἀσεὶρ καὶ Ἑλκανὰ καὶ Ἀβιάσαφ. αὗται αἱ γενέσεισ Κορέ. καὶ Ἐλεάζαρ ὁ τοῦ Ἀαρὼν ἔλαβε τῶν θυγατέρων Φουτιὴλ αὐτῷ γυναῖκα, καὶ ἔτεκεν αὐτῷ τὸν Φινεέσ. αὗται αἱ ἀρχαὶ πατριᾶσ Λευιτῶν κατὰ γενέσεισ αὐτῶν. οὗτοσ Ἀαρὼν καὶ Μωυσῆσ, οἷσ εἶπεν αὐτοῖσ ὁ Θεὸσ ἐξαγαγεῖν τοὺσ υἱοὺσ Ἰσραὴλ ἐκ γῆσ Αἰγύπτου σὺν δυνάμει αὐτῶν. οὗτοί εἰσιν οἱ διαλεγόμενοι πρὸσ Φαραὼ βασιλέα Αἰγύπτου καὶ ἐξήγαγον τοὺσ υἱοὺσ Ἰσραὴλ ἐκ γῆσ Αἰγύπτου. αὐτὸσ Ἀαρὼν καὶ Μωυσῆσ. ᾟ ἡμέρᾳ ἐλάλησε Κύριοσ Μωυσῇ ἐν γῇ Αἰγύπτῳ, καὶ ἐλάλησε Κύριοσ πρὸσ Μωυσῆν λέγων. ἐγὼ Κύριοσ. λάλησον πρὸσ Φαραὼ βασιλέα Αἰγύπτου ὅσα ἐγὼ λέγω πρὸσ σέ. καὶ εἶπε Μωυσῆσ ἐναντίον Κυρίου. ἰδοὺ ἐγὼ ἰσχνόφωνόσ εἰμι, καὶ πῶσ εἰσακούσεταί μου Φαραώ̣

목록

일치하는 문장이 없습니다.

SEARCH

MENU NAVIGATION