Septuagint, Liber Exodus 5:

(70인역 성경, 탈출기 5:)

ΚΑΙ μετὰ ταῦτα εἰσῆλθε Μωυσῆσ καὶ Ἀαρὼν πρὸσ Φαραὼ καὶ εἶπαν αὐτῷ. τάδε λέγει Κύριοσ ὁ Θεὸσ Ἰσραήλ. ἐξαπόστειλον τὸν λαόν μου, ἵνα μοι ἑορτάσωσιν ἐν τῇ ἐρήμῳ. καὶ εἶπε Φαραώ. τίσ ἐστιν οὗ εἰσακούσομαι τῆσ φωνῆσ αὐτοῦ, ὥστε ἐξαποστεῖλαι τοὺσ υἱοὺσ Ἰσραήλ̣ οὐκ οἶδα τὸν Κύριον καὶ τὸν Ἰσραὴλ οὐκ ἐξαποστέλλω. καὶ λέγουσιν αὐτῷ. ὁ Θεὸσ τῶν Ἑβραίων προσκέκληται ἡμᾶσ. πορευσόμεθα οὖν ὁδὸν τριῶν ἡμερῶν εἰσ τὴν ἔρημον, ὅπωσ θύσωμεν Κυρίῳ τῷ Θεῷ ἡμῶν, μή ποτε συναντήσῃ ἡμῖν θάνατοσ ἢ φόνοσ. καὶ εἶπεν αὐτοῖσ ὁ βασιλεὺσ Αἰγύπτου. ἱνατί Μωυσῆ καὶ Ἀαρὼν διαστρέφετε τὸν λαὸν ἀπὸ τῶν ἔργων̣ ἀπέλθατε ἕκαστοσ ὑμῶν πρὸσ τὰ ἔργα αὐτοῦ. καὶ εἶπε Φαραώ. ἰδοὺ νῦν πολυπληθεῖ ὁ λαόσ. μὴ οὖν καταπαύσωμεν αὐτοὺσ ἀπὸ τῶν ἔργων. συνέταξε δὲ Φαραὼ τοῖσ ἐργοδιώκταισ τοῦ λαοῦ καὶ τοῖσ γραμματεῦσι λέγων. οὐκέτι προστεθήσεσθε διδόναι ἄχυρον τῷ λαῷ εἰσ τὴν πλινθουργίαν καθάπερ χθὲσ καὶ τρίτην ἡμέραν. ἀλλ̓ αὐτοὶ πορευέσθωσαν καὶ συναγαγέτωσαν ἑαυτοῖσ ἄχυρα. καὶ τὴν σύνταξιν τῆσ πλινθείασ, ἧσ αὐτοὶ ποιοῦσι, καθ̓ ἑκάστην ἡμέραν ἐπιβαλεῖσ αὐτοῖσ, οὐκ ἀφελεῖσ οὐδέν. σχολάζουσι γάρ. διὰ τοῦτο κεκράγασι λέγοντεσ. ἐγερθῶμεν καὶ θύσωμεν τῷ Θεῷ ἡμῶν. βαρυνέσθω τὰ ἔργα τῶν ἀνθρώπων τούτων, καὶ μεριμνάτωσαν ταῦτα καὶ μὴ μεριμνάτωσαν ἐν λόγοισ κενοῖσ. κατέσπευδεν δὲ αὐτοὺσ οἱ ἐργοδιῶκται καὶ οἱ γραμματεῖσ καὶ ἔλεγον πρὸσ τὸν λαὸν λέγοντεσ. τάδε λέγει Φαραώ. οὐκέτι δίδωμι ὑμῖν ἄχυρα. αὐτοὶ ὑμεῖσ πορευόμενοι συλλέγετε ἑαυτοῖσ ἄχυρα, ὅθεν ἐὰν εὕρητε, οὐ γὰρ ἀφαιρεῖται ἀπὸ τῆσ συντάξεωσ ὑμῶν οὐδέν. καὶ διεσπάρη ὁ λαὸσ ἐν ὅλῃ γῇ Αἰγύπτῳ, συναγαγεῖν καλάμην εἰσ ἄχυρα. οἱ δὲ ἐργοδιῶκται κατέσπευδον αὐτοὺσ λέγοντεσ. συντελεῖτε τὰ ἔργα τὰ καθήκοντα καθ̓ ἡμέραν, καθάπερ καὶ ὅτε τὸ ἄχυρον ἐδίδοτο ὑμῖν. καὶ ἐμαστιγώθησαν οἱ γραμματεῖσ τοῦ γένουσ τῶν υἱῶν Ἰσραήλ, οἱ κατασταθέντεσ ἐπ̓ αὐτοὺσ ὑπὸ τῶν ἐπιστατῶν τοῦ Φαραώ, λέγοντεσ. διατί οὐ συνετελέσατε τὰσ συντάξεισ ὑμῶν τῆσ πλινθείασ καθάπερ χθὲσ καὶ τρίτην ἡμέραν, καὶ τὸ τῆσ σήμερον̣ εἰσελθόντεσ δὲ οἱ γραμματεῖσ τῶν υἱῶν Ἰσραὴλ κατεβόησαν πρὸσ Φαραὼ λέγοντεσ. ἱνατί σὺ οὕτωσ ποιεῖσ τοῖσ σοῖσ οἰκέταισ̣ ἄχυρον οὐ δίδοται τοῖσ οἰκέταισ σου, καὶ τὴν πλίνθον ἡμῖν λέγουσι ποιεῖν, καὶ ἰδοὺ οἱ παῖδέσ σου μεμαστίγωνται. ἀδικήσεισ οὖν τὸν λαόν σου. καὶ εἶπεν αὐτοῖσ. σχολάζετε, σχολασταί ἐστε. διὰ τοῦτο λέγετε. πορευθῶμεν, θύσωμεν τῷ Θεῷ ἡμῶν. νῦν οὖν πορευθέντεσ ἐργάζεσθε. τὸ γὰρ ἄχυρον οὐ δοθήσεται ὑμῖν, καὶ τὴν σύνταξιν τῆσ πλινθείασ ἀποδώσετε. ἑώρων δὲ οἱ γραμματεῖσ τῶν υἱῶν Ἰσραὴλ ἑαυτοὺσ ἐν κακοῖσ λέγοντεσ. οὐκ ἀπολείψετε τῆσ πλινθείασ τὸ καθῆκον τῇ ἡμέρᾳ. συνήντησαν δὲ Μωυσῇ καὶ Ἀαρὼν ἐρχομένοισ εἰσ συνάντησιν αὐτοῖσ, ἐκπορευομένων αὐτῶν ἀπὸ Φαραώ. καὶ εἶπαν αὐτοῖσ. ἴδοι ὁ Θεὸσ ὑμᾶσ καὶ κρίναι, ὅτι ἐβδελύξατε τὴν ὀσμὴν ἡμῶν ἐναντίον Φαραὼ καὶ ἐναντίον τῶν θεραπόντων αὐτοῦ, δοῦναι ρομφαίαν εἰσ τὰσ χεῖρασ αὐτοῦ, ἀποκτεῖναι ἡμᾶσ. ἐπέστρεψε δὲ Μωυσῆσ πρὸσ Κύριον καὶ εἶπε. δέομαι, Κύριε. τί ἐκάκωσασ τὸν λαὸν τοῦτον̣ καὶ ἱνατί ἀπέσταλκάσ με̣ καὶ ἀφ̓ οὗ πεπόρευμαι πρὸσ Φαραὼ λαλῆσαι ἐπὶ τῷ σῷ ὀνόματι, ἐκάκωσε τὸν λαὸν τοῦτον, καὶ οὐκ ἐρρύσω τὸν λαόν σου.

목록

일치하는 문장이 없습니다.

SEARCH

MENU NAVIGATION