헬라어 문장 검색 - ΠολψβίΗιστορί30́018́

(폴리비오스, Histories, book 30, chapter 18)

Ὅτι κατὰ τὸν αὐτὸν καιρὸν ἦλθε καὶ Προυσίασ ὁ βασιλεὺσ εἰσ τὴν Ῥώμην, συγχαρησόμενοσ τῇ συγκλήτῳ καὶ τοῖσ στρατηγοῖσ ἐπὶ τοῖσ γεγονόσιν. ὁ δὲ Προυσίασ οὗτοσ οὐδαμῶσ γέγονεν ἄξιοσ τοῦ τῆσ βασιλείασ προσχήματοσ.

τεκμήραιτο δ’ ἄν τισ ἐκ τούτων. ὅσ γε πρῶτον μέν, πρεσβευτῶν παραγεγονότων Ῥωμαϊκῶν πρὸσ αὐτόν, ἐξυρημένοσ τὴν κεφαλὴν καὶ πιλίον ἔχων λευκὸν καὶ τήβενναν καὶ καλικίουσ ἀπήντα τούτοισ, καὶ καθόλου τοιαύτῃ διασκευῇ κεχρημένοσ οἱάν ἔχουσιν οἱ προσφάτωσ ἠλευθερωμένοι παρὰ Ῥωμαίοισ, οὓσ καλοῦσι λιβέρτουσ·

καὶ δεξιωσάμενοσ τοὺσ πρεσβευτάσ "Ὁρᾶτ’" ἔφη "τὸν ὑμέτερον λίβερτον ἐμέ, πάντα βουλόμενον χαρίζεσθαι καὶ μιμεῖσθαι τὰ παρ’ ὑμῖν.

" ἧσ ἀγεννεστέραν φωνὴν οὐ ῥᾴδιον εὑρεῖν. τότε δὲ κατὰ τὴν εἴσοδον γενόμενοσ τὴν εἰσ τὴν σύγκλητον, στὰσ κατὰ τὸ θύρετρον ἀντίοσ τοῦ συνεδρίου καὶ καθεὶσ τὰσ χεῖρασ ἀμφοτέρασ προσεκύνησε τὸν οὐδὸν καὶ τοὺσ καθημένουσ, ἐπιφθεγξάμενοσ "Χαίρετε, θεοὶ σωτῆρεσ", ὑπερβολὴν οὐ καταλιπὼν ἀνανδρίασ, ἅμα δὲ καὶ γυναικισμοῦ καὶ κολακείασ οὐδενὶ τῶν ἐπιγινομένων.

ἀκόλουθα δὲ τούτοισ καὶ κατὰ τὴν κοινολογίαν εἰσελθὼν ἐπετελέσατο, περὶ ὧν καὶ τὸ γράφειν ἀπρεπὲσ ἦν.

φανεὶσ δὲ τελέωσ εὐκαταφρόνητοσ ἀπόκρισιν ἔλαβε δι’ αὐτὸ τοῦτο φιλάνθρωπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, chapter 18

(폴리비오스, Histories, book 30, chapter 18)

상위

목록

SEARCH

MENU NAVIGATION