헬라어 문장 검색 - ΠολψβίΗιστορί30́013́

(폴리비오스, Histories, book 30, chapter 13)

Ὅτι μετὰ τὴν τοῦ Περσέωσ κατάλυσιν ἅμα τῷ κριθῆναι τὰ ὅλα πανταχόθεν ἐξέπεμπον πρέσβεισ συγχαρησομένουσ τοῖσ στρατηγοῖσ ἐπὶ τοῖσ γεγονόσιν. τῶν δὲ πραγμάτων ὁλοσχερῶσ ἐπὶ Ῥωμαίουσ κεκλικότων, ἐπιπολάζοντεσ διὰ τὸν καιρὸν οἱ δοκοῦντεσ εἶναι φίλοι Ῥωμαίων ἐν πᾶσι τοῖσ πολιτεύμασιν, εἴσ τε τὰσ πρεσβείασ οὗτοι καθίσταντο καὶ τὰσ ἄλλασ χρείασ.

ἐκ δὲ Βοιωτίασ οἱ περὶ Μνάσιππον, ἐκ δὲ τῆσ Ἀκαρνανίασ οἱ περὶ Χρέμαν, παρὰ δὲ τῶν Ἠπειρωτῶν οἱ περὶ τὸν Χάροπα καὶ Νικίαν, παρὰ δὲ τῶν Αἰτωλῶν οἱ περὶ τὸν Λυκίσκον καὶ Τίσιππον.

ἁπάντων δὲ τούτων ὁμοῦ γενομένων καὶ πρὸσ τὴν αὐτὴν ὑπόθεσιν ἁμιλλωμένων προθύμωσ, καὶ μηδενὸσ ὑπάρχοντοσ ἀνταγωνιστοῦ διὰ τὸ τοὺσ ἀντιπολιτευομένουσ ἅπαντασ εἴκοντασ τοῖσ καιροῖσ ἀνακεχωρηκέναι τελέωσ, ἀκονιτὶ κατεκράτησαν τῆσ ὑποθέσεωσ οἱ προειρημένοι.

πρὸσ μὲν οὖν τὰσ ἄλλασ πόλεισ καὶ τὰσ ἐθνικὰσ συστάσεισ οἱ δέκα δι’ αὐτῶν τῶν στρατηγῶν ἐποιήσαντο τὴν ἐπιταγήν, οὓσ δεήσει πορεύεσθαι τῶν ἀνδρῶν εἰσ τὴν Ῥώμην.

οὗτοι δ’ ἦσαν ὡσ ἐπίπαν οὓσ ἀπέγραψαν οἱ προειρημένοι κατὰ τὰσ ἰδίασ ἀντιπαραγωγάσ, πλὴν ὀλίγων τελέωσ τῶν ἔκδηλόν τι πεποιηκότων.

ὃ κατ’ ἀλήθειαν ἦν, δεύτερον δὲ διὰ τὸ μηθὲν ἐν τοῖσ αἰχμαλώτοισ γράμμασιν ἀκριβὲσ εὑρῆσθαι κατὰ μηδενὸσ τῶν Ἀχαιῶν.

περὶ μὲν οὖν τούτων μετά τινα χρόνον ἐξέπεμπεν ὁ στρατηγὸσ τὰσ ἐπιστολὰσ καὶ τοὺσ πρέσβεισ, καίπερ οὐκ εὐδοκούμενοσ κατά γε τὴν αὑτοῦ γνώμην ταῖσ τῶν περὶ τὸν Λυκίσκον καὶ Καλλικράτην διαβολαῖσ, ὡσ ἐξ αὐτῶν τῶν πραγμάτων ὕστερον ἐγένετο καταφανέσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, chapter 13

(폴리비오스, Histories, book 30, chapter 13)

상위

목록

SEARCH

MENU NAVIGATION