헬라어 문장 검색 - ΠολψβίΗιστορί15́020́

(폴리비오스, Histories, book 15, ii. res macedoniae et graeciae)

οὐδ’ οὖν, καθάπερ οἱ τύραννοι, βραχεῖαν δή τινα προβαλλόμενοι τῆσ αἰσχύνησ πρόφασιν, ἀλλ’ ἐξ αὐτῆσ ἀνέδην καὶ θηριωδῶσ οὕτωσ ὥστε προσοφλεῖν τὸν λεγόμενον τῶν ἰχθύων βίον, ἐν οἷσ φασιν ὁμοφύλοισ οὖσι τὴν τοῦ μείονοσ ἀπώλειαν τῷ μείζονι τροφὴν γίνεσθαι καὶ βίον. ἐξ ὧν τίσ οὐκ ἂν ἐμβλέψασ οἱο͂ν εἰσ κάτοπτρον εἰσ τὴν συνθήκην ταύτην αὐτόπτησ δόξειε γίνεσθαι τῆσ πρὸσ τοὺσ θεοὺσ ἀσεβείασ καὶ τῆσ πρὸσ τοὺσ ἀνθρώπουσ ὠμότητοσ, ἔτι δὲ τῆσ ὑπερβαλλούσησ πλεονεξίασ τῶν προειρημένων βασιλέων;

οὐ μὴν ἀλλὰ τίσ οὐκ ἂν εἰκότωσ τῇ τύχῃ μεμψάμενοσ ἐπὶ τῶν ἀνθρωπείων πραγμάτων ἐν τούτοισ ἀντικαταλλαγείη, διότι ἐκείνοισ μὲν ἐπέθηκε μετὰ ταῦτα τὴν ἁρμόζουσαν δίκην, τοῖσ δ’ ἐπιγενομένοισ ἐξέθηκε κάλλιστον ὑπόδειγμα πρὸσ ἐπανόρθωσιν τὸν τῶν προειρημένων βασιλέων παραδειγματισμόν;

ἔτι γὰρ αὐτῶν παρασπονδούντων μὲν ἀλλήλουσ, διασπωμένων δὲ τὴν τοῦ παιδὸσ ἀρχήν, ἐπιστήσασα Ῥωμαίουσ, ἁκεῖνοι κατὰ τῶν πέλασ ἐβουλεύσαντο παρανόμωσ, ταῦτα κατ’ ἐκείνων δικαίωσ ἐκύρωσε καὶ καθηκόντωσ.

παραυτίκα γὰρ ἑκάτεροι διὰ τῶν ὅπλων ἡττηθέντεσ οὐ μόνον ἐκωλύθησαν τῆσ τῶν ἀλλοτρίων ἐπιθυμίασ, ἀλλὰ καὶ συγκλεισθέντεσ εἰσ φόρουσ ὑπέμειναν Ῥωμαίοισ τὸ προσταττόμενον ποιεῖν.

τὸ τελευταῖον ἐν πάνυ βραχεῖ χρόνῳ τὴν μὲν Πτολεμαίου βασιλείαν ἡ τύχη διώρθωσε, τὰσ δὲ τούτων δυναστείασ καὶ τοὺσ διαδόχουσ τοὺσ μὲν ἄρδην ἀναστάτουσ ἐποίησε καὶ πανωλέθρουσ, τοὺσ δὲ μικροῦ δεῖν τοῖσ αὐτοῖσ περιέβαλε συμπτώμασι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, ii. res macedoniae et graeciae

(폴리비오스, Histories, book 15, ii. res macedoniae et graeciae)

상위

목록

SEARCH

MENU NAVIGATION