헬라어 문장 검색 - ΠολψβίΗιστορί15́019́

(폴리비오스, Histories, book 15, chapter 19)

Ταῦτα μὲν οὖν ὁ στρατηγὸσ εἶπε τῶν Ῥωμαίων τοῖσ πρεσβευταῖσ· οἱ δ’ ἀκούσαντεσ ἠπείγοντο καὶ διεσάφουν τοῖσ ἐν τῇ πατρίδι. καθ’ ὃν δὴ καιρὸν λέγεται, μέλλοντόσ τινοσ τῶν ἐκ τῆσ γερουσίασ ἀντιλέγειν τοῖσ προτεινομένοισ καὶ καταρχομένου, προελθόντα τὸν Ἀννίβαν κατασπάσαι τὸν ἄνθρωπον ἀπὸ τοῦ βήματοσ.

τῶν δὲ λοιπῶν ἐξοργισθέντων διὰ τὸ παρὰ τὴν συνήθειαν αὐτὸν τοῦτο πρᾶξαι, πάλιν τὸν Ἀννίβαν ἀναστάντα φασὶν ἀγνοεῖν μὲν ὁμολογῆσαι, δεῖν δὲ συγγνώμην ἔχειν, εἴ τι παρὰ τοὺσ ἐθισμοὺσ πράττει, γινώσκοντασ ὅτι τὴν μὲν ἔξοδον ἐκ τῆσ πατρίδοσ ἐνναέτησ ὢν ποιήσαιτο, πλείω δὲ τῶν πέντε καὶ τετταράκοντ’ ἐτῶν ἔχων εἰσ αὐτὴν ἐπανήκει.

διόπερ ἠξίου μὴ τοῦτο σκοπεῖν, εἴ τι παραπέπαικε τῆσ συνηθείασ, πολὺ δὲ μᾶλλον, εἰ τοῖσ τῆσ πατρίδοσ πράγμασιν ἀληθινῶσ συμπάσχει·

διὰ γὰρ ταῦτα καὶ νῦν εἰσ τὴν ἀλογίαν ἐμπεπτωκένει ταύτην. θαυμαστὸν γὰρ αὐτῷ φανῆναι καὶ τελέωσ ἐξηλλαγμένον, εἴ τισ ὑπάρχων Καρχηδόνιοσ καὶ συνειδὼσ τὰ βεβουλευμένα καὶ κοινῇ τῇ πατρίδι καὶ κατ’ ἰδίαν ἑκάστοισ ἡμῶν κατὰ Ῥωμαίων οὐ προσκυνεῖ τὴν τύχην, εἰ γεγονὼσ ὑποχείριοσ τοιούτων τυγχάνει φιλανθρώπων·

οὓσ εἴ τισ ὀλίγαισ πρότερον ἡμέραισ ἤρετο πόσ’ ἐλπίζουσι πείσεσθαι τὴν πατρίδα κρατησάντων Ῥωμαίων, οὐδ’ ἂν εἰπεῖν οἱοῖ́ τ’ ἦσαν διὰ τὸ μέγεθοσ καὶ τὴν ὑπερβολὴν τῶν προφαινομένων αὐτοῖσ κακῶν.

διόπερ ἠξίου καὶ νῦν μηδ’ ἐπὶ λόγον ἄγειν, ἀλλ’ ὁμοθυμαδὸν δεξαμένουσ τὰ προτεινόμενα θύειν τοῖσ θεοῖσ, καὶ πάντασ εὔχεσθαι βεβαιῶσαι ταῦτα τὸν δῆμον τῶν Ῥωμαίων.

φανέντοσ δὲ φρονίμωσ αὐτοῦ καὶ τοῖσ καιροῖσ οἰκείωσ συμβουλεύειν, ἔδοξε ποιεῖσθαι τὰσ συνθήκασ ἐπὶ τοῖσ προειρημένοισ.

καὶ τὸ μὲν συνέδριον παραυτίκα πρεσβευτὰσ ἐξέπεμπε τοὺσ ἀνθομολογησομένουσ ὑπὲρ τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 15, chapter 19

(폴리비오스, Histories, book 15, chapter 19)

상위

목록

SEARCH

MENU NAVIGATION