호흡부호 보기
강세부호 보기
장단부호 보기
작은 Iota 보기
모든 부호 보기
οἱ μὲν οὖν πλεῖστοι τῶν Ἰβήρων εὐθὺσ ᾤχοντο καὶ παρέδωκαν ἑαυτοὺσ ἐπιπρεσβευσάμενοι τοῖσ περὶ Πομπήϊον καὶ Μέτελλον τοὺσ δὲ συμμείναντασ ὁ Περπέννασ ἀναλαβὼν ἐπεχείρει τι πράττειν. χρησάμενοσ δὲ ταῖσ Σερτωρίου παρασκευαῖσ ὅσον ἐνασχημονῆσαι καὶ φανερὸσ γενέσθαι μήτε ἄρχειν μήτε ἄρχεσθαι πεφυκώσ, Πομπηϊῴ συνέβαλε· καὶ ταχὺ συντριβεὶσ ὑπ’ αὐτοῦ καὶ γενόμενοσ αἰχμάλωτοσ οὐδὲ τὴν ἐσχάτην ὑπέμεινε συμφορὰν ἡγεμονικῶσ, ἀλλὰ τῶν Σερτωρίου γραμμάτων κύριοσ γεγονώσ ὑπισχνεῖτο Πομπηϊῴ δείξειν ὑπατικῶν ἀνδρῶν καὶ μέγιστον ἐν Ῥώμῃ δυναμένων αὐτογράφουσ ἐπιστολάσ, καλούντων Σερτώριον εἰσ Ἰταλίαν, ὡσ πολλῶν ποθούντων τὰ παρόντα κινῆσαι καὶ μεταβαλεῖν τὴν πολιτείαν.
ἔργον οὖν ὁ Πομπήϊοσ οὐ νέασ φρενόσ, ἀλλ’ εὖ μάλα βεβηκυίασ καὶ κατηρτυμένησ ἐργασάμενοσ μεγάλων ἀπήλλαξε τὴν Ῥώμην φόβων καὶ νεωτερισμῶν, τὰσ μὲν γὰρ ἐπιστολὰσ ἐκείνασ καὶ τὰ γράμματα τοῦ Σερτωρίου συναγαγὼν ἅπαντα κατέκαυσεν οὔτε αὐτὸσ ἀναγνοὺσ οὔτε ἐάσασ ἕτερον·
αὐτὸν δὲ τὸν Περπένναν κατὰ τάχοσ ἀνεῖλε, φοβηθεὶσ μὴ τῶν ὀνομάτων ἐξενεχθέντων πρόσ τινασ ἀποστάσεισ καὶ ταραχαὶ γένωνται. τῶν δὲ τῷ Περπέννᾳ συνομοσαμένων οἱ μὲν ἐπὶ Πομπήϊον ἀναχθέντεσ διεφθάρησαν, οἱ δὲ φεύγοντεσ εἰσ Λιβύην ὑπὸ Μαυρουσίων κατηκοντίσθησαν.
διέφυγε δ’ οὐδεὶσ πλὴν Αὐφίδιοσ ὁ τοῦ Μαλλίου ἀντεραστήσ· οὗτοσ δὲ ἢ λαθὼν ἢ παραμεληθεὶσ ἔν τινι βαρβάρῳ κώμῃ πενόμενοσ καὶ μισούμενοσ κατεγήρασεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기