호흡부호 보기
강세부호 보기
장단부호 보기
작은 Iota 보기
모든 부호 보기
ἔκ τε δὴ τούτων θαυμαζόμενοσ ἠγαπᾶτο παρὰ τοῖσ βαρβάροισ ὁ Σερτώριοσ, καὶ ὅτι Ῥωμαϊκοῖσ ὁπλισμοῖσ καὶ τάξεσι καὶ συνθήμασιν ἀφαιρῶν τὸ μανικὸν καὶ θηριῶδεσ αὑτῶν τῆσ ἀλκῆσ ἀντὶ λῃστηρίου μεγάλου στρατὸν ἐποιεῖτο τὴν δύναμιν, ἔτι δ’ ἀργύρῳ χρώμενοσ ἀφειδῶσ καὶ χρυσῷ κράνη τε κατεκόσμει καὶ θυρεοὺσ αὑτῶν διεποίκιλλε, καὶ χλαμύσιν ἀνθιναῖσ καὶ χιτῶσι χρῆσθαι διδάσκων καὶ χορηγῶν εἰσ ταῦτα καὶ συμφιλοκαλῶν ἐδημαγώγει. μάλιστα δὲ εἷλεν αὐτοὺσ τὰ τῶν παίδων, τοὺσ γὰρ εὐγενεστάτουσ ἀπὸ τῶν ἐθνῶν συναγαγὼν εἰσ Ὄσκαν, πόλιν μεγάλην, διδασκάλουσ ἐπιστήσασ Ἑλληνικῶν τε καὶ Ῥωμαϊκῶν μαθημάτων ἔργῳ μὲν ἐξωμηρεύσατο, λόγῳ δὲ ἐπαίδευεν, ὡσ ἀνδράσι γενομένοισ πολιτείασ τε μεταδώσων καὶ ἀρχῆσ.
οἱ δὲ πατέρεσ ἥδοντο θαυμαστῶσ τοὺσ παῖδασ ἐν περιπορφύροισ ὁρῶντεσ μάλα κοσμίωσ φοιτῶντασ εἰσ τὰ διδασκαλεῖα, καὶ τὸν Σερτώριον ὑπὲρ αὑτῶν μισθοὺσ τελοῦντα, καὶ πολλάκισ ἀποδείξεισ λαμβάνοντα, καὶ γέρα τοῖσ ἀξίοισ νέμοντα, καὶ τὰ χρυσᾶ περιδέραια δωρούμενον ἃ Ῥωμαῖοι βούλλασ καλοῦσιν.
ἔθουσ δ’ ὄντοσ Ἰβηρικοῦ τοὺσ περὶ τὸν ἄρχοντα τεταγμένουσ συναποθνῄσκειν αὐτῷ πεσόντι, καὶ τοῦτο τῶν ἐκεῖ βαρβάρων κατάσπεισιν ὀνομαζόντων, τοῖσ μὲν ἄλλοισ ἡγεμόσιν ὀλίγοι τῶν ὑπασπιστῶν καὶ τῶν ἑταίρων, Σερτωρίῳ δὲ πολλαὶ μυριάδεσ ἀνθρώπων κατεσπεικότων ἑαυτοὺσ ἠκολούθουν.
λέγεται δὲ πρόσ τινι πόλει τροπῆσ γενομένησ καὶ τῶν πολεμίων ἐπικειμένων τοὺσ Ἴβηρασ ἀμελήσαντασ αὑτῶν τὸν Σερτώριον σῴζειν καὶ τοῖσ ὤμοισ ἐπαραμένουσ ἄλλουσ πρὸ ἄλλων ἀνακουφίσαι πρὸσ τὰ τείχη, γενομένου δ’ ἐν ἀσφαλεῖ τοῦ ἄρχοντοσ, οὕτω τρέπεσθαι πρὸσ φυγὴν ἕκαστον αὑτῶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기