헬라어 문장 검색 - Πλυταρ́Σεπτεμσ́1́19́

(플루타르코스, Septem sapientium convivium, chapter, section 19)

ὁ μὲν οὖν Περίανδροσ ἐκέλευσεν εὐθὺσ ἐξαναστάντα τὸν Γόργον εἰσ φυλακὴν ἀποθέσθαι τοὺσ ἄνδρασ οἷ μηδεὶσ αὐτοῖσ πρόσεισι μηδὲ φράσει τὸν Ἀρίονα σεσωσμένον· "ὦ Αἴσωπε·

"ταῦτα μέν, ὦ Διόκλεισ, ἐγγὺσ θεῶν ἔστω καὶ ὑπὲρ ἡμᾶσ ἀνθρώπινον δὲ καὶ πρὸσ ἡμᾶσ τὸ τοῦ Ἡσιόδου πάθοσ·

"ἀκήκοασ γὰρ ἴσωσ τὸν λόγον. εἶπον. "ἀλλὰ μὴν ἄξιον πυθέσθαι. "Μιλησίου γάρ, ὡσ ἐοίκεν, ἀνδρόσ, ᾧ ξενίασ ἐκοινώνει ὁ Ἡσίοδοσ καὶ διαίτησ ἐν Λοκροῖσ, τῇ τοῦ ξένου θυγατρὶ κρύφα συγγενομένου καὶ φωραθέντοσ ὑποψίαν ἔσχεν ὡσ γνοὺσ ἀπ’ ἀρχῆσ καὶ συνεπικρύψασ τὸ ἀδίκημα, μηδενὸσ ὢν αἴτιοσ, ὀργῆσ; "δὲ καιρῷ καὶ διαβολῆσ περιπεσὼν ἀδίκωσ. "ἀπέκτειναν γὰρ αὐτὸν οἱ τῆσ παιδίσκησ ἀδελφοὶ περὶ τὸ Λοκρικὸν Νέμειον ἐνεδρεύσαντεσ, καὶ μετ’ αὐτοῦ τὸν ἀκόλουθον, ᾧ Τρωίλοσ ἦν ὄνομα. "τῶν δὲ σωμάτων εἰσ τὴν θάλασσαν ὠσθέντων τὸ μὲν τοῦ Τρωίλου, εἰσ τὸν Δάφνον ποταμὸν ἔξω φορούμενον, ἐπεσχέθη περικλύστῳ χοιράδι μικρὸν ὑπὲρ τὴν θάλασσαν ἀνεχούσῃ · "καὶ μέχρι νῦν Τρωίλοσ ἡ χοιρὰσ καλεῖται· "τοῦ δ’ Ἡσιόδου τὸν νεκρὸν εὐθὺσ ἀπὸ γῆσ ὑπολαβοῦσα δελφίνων ἀγέλη πρὸσ τὸ Ῥίον κατὰ τὴν Μολύκρειαν ἐκόμιζε. "ἐτύγχανε δὲ Λοκροῖσ ἡ τῶν Ῥίων καθεστῶσα θυσία καὶ πανήγυρισ, ἣν ἄγουσιν ἔτι νῦν ἐπιφανῶσ περὶ τὸν τόπον ἐκεῖνον· "ὡσ δ’ ὤφθη προσφερόμενον τὸ σῶμα , θαυμάσαντεσ ὡσ εἰκὸσ ἐπὶ τὴν ἀκτὴν κατέδραμον, καὶ γνωρίσαντεσ ἔτι πρόσφατον τὸν νεκρὸν ἅπαντα δεύτερα τοῦ ζητεῖν τὸν φόνον ἐποιοῦντο διὰ τὴν δόξαν τοῦ Ἡσιόδου. "καὶ τοῦτο μὲν ταχέωσ ἔπραξαν, εὑρόντεσ τοὺσ φονεῖσ· "αὐτούσ τε γὰρ κατεπόντισαν ζῶντασ καὶ τὴν οἰκίαν κατέσκαψαν. "ἐτάφη δ’ ὁ Ἡσίοδοσ πρὸσ τῷ Νεμείῳ· "τὸν δὲ τάφον οἱ πολλοὶ τῶν ξένων οὐκ ἴσασιν, ἀλλ’ ἀποκέκρυπται ζητούμενοσ ὑπ’ Ὀρχομενίων, ὥσ φασι, βουλομένων κατὰ χρησμὸν ἀνελέσθαι τὰ λείψανα καὶ θάψαι παρ’ αὑτοῖσ. εἴπερ οὖν οὕτωσ ἔχουσιν οἰκείωσ καὶ φιλανθρώπωσ πρὸσ τοὺσ ἀποθανόντασ, ἔτι μᾶλλον εἰκόσ ἐστι τοῖσ ζῶσι βοηθεῖν, καὶ μάλιστα κηληθέντασ αὐλοῖσ ἤ τισι μέλεσι. "τουτὶ γὰρ ἤδη πάντεσ ἴσμεν, ὅτι μουσικῇ τὰ ζῷα ταῦτα χαίρει καὶ διώκει, καὶ παρανήχεται τοῖσ ἐλαυνομένοισ πρὸσ ᾠδὴν καὶ αὐλὸν ἐν εὐδίᾳ χορείαισ τερπόμενα. "χαίρει δὲ καὶ νήξεσι παίδων καὶ κολύμβοισ ἁμιλλᾶται. "διὸ καὶ νόμοσ ἀδείασ ἄγραφόσ ἐστιν αὐτοῖσ· "θηρᾷ γὰρ οὐδεὶσ οὔδε λυμαίνεται, πλὴν ὅταν ἐν δικτύοισ γενόμενοι κακουργῶσι περὶ τὴν ἄγραν , πληγαῖσ κολάζονται καθάπερ παῖδεσ ἁμαρτάνοντεσ. "μέμνημαι δὲ καὶ παρὰ Λεσβίων ἀνδρῶν ἀκούσασ σωτηρίαν τινὸσ κόρησ ὑπὸ δελφῖνοσ ἐκ θαλάττησ γενέσθαι· "ἀλλ’ ἐγὼ μὲν οὐκ ἀκριβῶ τἄλλα, ὁ δὲ Πιττακὸσ ἐπεὶ γιγνώσκει, δίκαιόσ ἐστι περὶ τούτων διελθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Septem sapientium convivium, chapter, section 19

(플루타르코스, Septem sapientium convivium, chapter, section 19)

상위

목록

SEARCH

MENU NAVIGATION