헬라어 문장 검색 - Πλυταρ́Σεπτεμσ́1́18́05́

(플루타르코스, Septem sapientium convivium, chapter, section 18 5:)

ὑφ’ ἡδονῆσ τινοσ· ὡσ ἐοίκε καὶ σκιρτῶντεσ. "πολλοὶ μὲν διαταραχθέντεσ ἔφυγον ἀπὸ τῆσ θαλάσσησ, ὀλίγοι δὲ μετ’ ἐμοῦ θαρρήσαντεσ προσελθεῖν ἐγνώρισαν Ἀρίονα τὸν κιθαρῳδόν, αὐτὸν τοὔνομα φθεγγόμενον ἑαυτοῦ, καὶ τῇ στολῇ καταφανῆ γενόμενον τὸν γὰρ ἐναγώνιον ἐτύγχανεν ἀμπεχόμενοσ κόσμον, ᾧ κιθαρῳδῶν ἐχρῆτο. "κομίσαντεσ οὖν ἐπὶ σκηνὴν αὐτόν, ὡσ οὐδὲν εἶχε κακὸν ἀλλ’ ἢ διὰ τάχοσ καὶ ῥοῖζον ἐφαίνετο τῆσ φορᾶσ ἐκλελυμένοσ καὶ κεκμηκώσ, ἠκούσαμεν λόγον ἄπιστον ἅπασι πλὴν ἡμῶν τῶν θεασαμένων τὸ τέλοσ. "ἔλεγε γὰρ Ἀρίων ὡσ πάλαι μὲν ἐγνωκὼσ ἐκ τῆσ Ἰταλίασ ἀπαίρειν, Περιάνδρου δὲ γράψαντοσ αὐτῷ προθυμότεροσ γενόμενοσ ὁλκάδοσ Κορινθίασ παραφανείσησ εὐθὺσ ἐπιβὰσ ἀναχθείη, μετρίῳ δὲ πνεύματι χρωμένων ἡμέρασ τρεῖσ αἴσθοιτο τοὺσ ναύτασ ἐπιβουλεύοντασ ἀνελεῖν αὐτόν, εἶτα καὶ παρὰ τοῦ κυβερνήτου πύθοιτο κρύφα μηνύσαντοσ ὡσ τῇ νυκτὶ τοῦτο δρᾶν αὐτοῖσ εἰή δεδογμένον. "ἔρημοσ οὖν ὢν βοηθείασ καὶ ἀπορῶν ὁρμῇ τινι χρήσαιτο δαιμονίῳ τὸ μὲν σῶμα κοσμῆσαι καὶ λαβεῖν ἐντάφιον αὑπῷ τὸν ἐναγώνιον ἔτι ζῶν κόσμον, ἐξᾷσαι δὲ τὸν βίον τελευτῶν καὶ μὴ γενέσθαι κατὰ τοῦτο τῶν κύκνων ἀγεννέστεροσ. "ἐσκευασμένοσ οὖν καὶ προειπὼν ὅτι προθυμία τισ αὐτὸν ἔχοι τῶν νόμων διελθεῖν τὸν Πυθικὸν ὑπὲρ σωτηρίασ αὑτοῦ καὶ τῆσ νεὼσ καὶ τῶν ἐμπλεόντων, καταστὰσ παρὰ τὸν τοῖχον ἐν πρύμνῃ καί τινα θεῶν πελαγίων ἀνάκλησιν προανακρουσάμενοσ ᾄδοι τὸν νόμον. "καὶ ὅσον οὔπω μεσοῦντοσ αὐτοῦ καταδύοιτο μὲν ὁ ἥλιοσ εἰσ τὴν θάλατταν, ἀναφαίνοιτο δ’ ἡ Πελοπόννησοσ. "οὐκέτ’ οὖν τῶν ναυτῶν τὴν νύκτα περιμενόντων ἀλλὰ χωρούντων ἐπὶ τὸν φόνον, ἰδὼν ξίφη γεγυμνωμένα καὶ παρακαλυπτόμενον ἤδη τὸν κυβερνήτην, ἀναδραμὼν ῥίψειεν ἑαυτὸν ὡσ δυνατὸν ἦν μάλιστα πόρρω τῆσ ὁλκάδοσ. "πρὶν δ’ ὅλον καταδῦναι τὸ σῶμα δελφίνων ὑποδραμόντων ἀναφέροιτο, μεστὸσ ὢν ἀπορίασ καὶ ἀγωνίασ καὶ ταραχῆσ τὸ πρῶτον· "ἐπεὶ δὲ ῥᾳστώνη τῆσ ὀχήσεωσ ἦν, καὶ πολλοὺσ ἑώρα ἀθροιζομένουσ περὶ αὐτὸν εὐμενῶσ καὶ διαδεχομένουσ ὡσ ἀναγκαῖον ἐν μέρει λειτούργημα καὶ προσῆκον πᾶσιν, ἡ δ’ ὁλκὰσ ἀπολειφθεῖσα πόρρω τοῦ τάχουσ αἴσθησιν παρεῖχε, μήτε τοσοῦτον ἔφη δέουσ πρὸσ θάνατον αὐτῷ μήτ’ ἐπιθυμίασ τοῦ ζῆν ὅσον φιλοτιμίασ ἐγγενέσθαι πρὸσ τὴν σωτηρίαν, ὡσ θεοφιλὴσ ἀνὴρ φανείη καὶ λάβοι περὶ θεῶν δόξαν βέβαιον. "ἅμα δὲ καθορῶν τὸν οὐρανὸν ἀστέρων περίπλεων καὶ τὴν σελήνην ἀνίσχουσαν εὐφεγγῆ καὶ καθαράν, ἑστώσησ δὲ πάντῃ τῆσ θαλάσσησ ἀκύμονοσ ὥσπερ τρίβον ἀνασχιζόμενον τῷ δρόμῳ, διανοεῖσθαι πρὸσ αὑτὸν ὡσ οὐκ ἔστιν εἷσ ὁ τῆσ Δίκησ ὀφθαλμόσ, ἀλλὰ πᾶσι τούτοισ ἐπισκοπεῖ κύκλῳ ὁ θεὸσ τὰ πραττόμενα περὶ γῆν τε καὶ θάλατταν. "τούτοισ δὴ τοῖσ λογισμοῖσ ἔφη τὸ κάμνον αὐτῷ καὶ βαρυνόμενον ἢδη τοῦ σώματοσ ἀναφέρεσθαι, καὶ τέλοσ ἐπεὶ τῆσ ἄκρασ ἀπαντώσησ ἀποτόμου καὶ ὑψηλῆσ εὖ πωσ φυλαξάμενοι καὶ κάμψαντεσ ἐν χρῷ παρενήχοντο τῆσ γῆσ ὥσπερ εἰσ λιμένα σκάφοσ ἀσφαλῶσ κατάγοντεσ, παντάπασιν αἰσθέσθαι θεοῦ κυβερνήσει γεγονέναι τὴν κομιδήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Septem sapientium convivium, chapter, section 18 5:

(플루타르코스, Septem sapientium convivium, chapter, section 18 5:)

상위

목록

SEARCH

MENU NAVIGATION