헬라어 문장 검색 - Πλυταρ́Σεπτεμσ́1́13́08́

(플루타르코스, Septem sapientium convivium, chapter, section 13 8:)

"τέλοσ ἢ τὰ πρὸσ τό τέλοσ. "ὑφάντησ τε γὰρ ἂν οἶμαι χλαμύδα ποιήσαιτο μᾶλλον ἔργον αὑτοῦ καὶ ἱμάτιον ἢ κανόνων διάθεσιν καὶ ἀνέγερσιν ἀγνύθων, χαλκεύσ τε κόλλησιν σιδήρου καὶ στόμωσιν πελέκεωσ μᾶλλον ἤ τι τῶν ἕνεκα τούτου γιγνομένων ἀναγκαίων, οἱο͂ν ἀνθράκων ἐκζωπύρησιν ἢ λατύπησ παρασκευήν. ἔτι δὲ μᾶλλον ἀρχιτέκτων μέμψαιτ’ ἂν ἡμᾶσ ἔργον αὐτοῦ μὴ ναῦν μηδ’ οἰκίαν ἀποφαίνοντασ, ἀλλὰ τρυπῆσαι ξύλα καὶ φυρᾶσαι πηλόν· "αἱ δὲ Μοῦσαι καὶ παντάπασιν, εἰ νομίζοιμεν αὐτῶν ἔργον εἶναι κιθάραν καὶ αὐλούσ, ἀλλὰ μὴ τὸ παιδεύειν τὰ ἤθη καὶ παρηγορεῖν τὰ πάθη τῶν χρωμένων μέλεσι καὶ ἁρμονίαισ. "οὐκοῦν οὐδὲ τῆσ Ἀφροδίτησ ἔργον ἐστὶ συνουσία καὶ μῖξισ, οὐδὲ τοῦ Διονύσου μέθη καὶ οἶνοσ, ἀλλ’ ἣν ἐμποιοῦσι διὰ τούτων φιλοφροσύνην καὶ πόθον καὶ ὁμιλίαν ἡμῖν καὶ συνήθειαν πρὸσ ἀλλήλουσ· "ταῦτα γὰρ ἔργα θεῖα καλεῖ Σόλων, καὶ ταῦτά φησιν ἀγαπᾶν καὶ διώκειν μάλιστα πρεσβύτησ γενόμενοσ. "ἔστι δὲ τῆσ μὲν πρὸσ γυναῖκασ ἀνδρῶν ὁμοφροσύνησ καὶ φιλίασ δημιουργὸσ ἡ Ἀφροδίτη, τοῖσ σώμασιν ὑφ’ ἡδονῆσ ἅμα συμμιγνύουσα καὶ συντήκουσα τὰσ ψυχάσ· "τοῖσ δὲ πολλοῖσ καὶ μὴ πάνυ συνήθεσι μηδ’ ἄγαν γνωρίμοισ ὁ Διόνυσοσ ὥσπερ ἐν πυρὶ τῷ οἴνῳ μαλάττων τὰ ἤθη καὶ ἀνυγραίνων ἀρχήν τινα συγκράσεωσ πρὸσ ἀλλήλουσ καὶ φιλίασ ἐνδίδωσιν. "ὅταν δὲ τοιοῦτοι συνέλθωσιν ἄνδρεσ, οἱούσ ὁ Περίανδροσ ὑμᾶσ παρακέκληκεν, οὐδὲν ἔργον ἐστὶν οἶμαι κύλικοσ οὐδ’ οἰνοχόησ, ἀλλ’ αἱ Μοῦσαι καθάπερ κρατῆρα νηφάλιον ἐν μέσῳ προθέμεναι τὸν λόγον, ᾧ πλεῖστον ἡδονῆσ ἅμα καὶ παιδιᾶσ καὶ σπουδῆσ ἔνεστιν, ἐγείρουσι τούτῳ καὶ κατάρδουσι καὶ διαχέουσι τὴν φιλοφροσύνην, ἐῶσαι τὰ πολλὰ τὴν οἰνοχόην ἀτρέμα κεῖσθαι κρητῆροσ ὕπερθεν, ὅπερ ἀπηγόρευσεν Ἡσίοδοσ ἐν τοῖσ πίνειν μᾶλλον ἢ διαλέγεσθαι δυναμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Septem sapientium convivium, chapter, section 13 8:

(플루타르코스, Septem sapientium convivium, chapter, section 13 8:)

상위

목록

SEARCH

MENU NAVIGATION