Plutarch, Quaestiones Convivales, book 5, Τίνεσ οἱ περὶ ἅλα καὶ κύαμον· ἐν ᾧ καὶ διὰ τί τὸν ἅλα θεῖον ὁ ποιητὴσ εἶπεν. 9:

(플루타르코스, Quaestiones Convivales, book 5, Τίνεσ οἱ περὶ ἅλα καὶ κύαμον· ἐν ᾧ καὶ διὰ τί τὸν ἅλα θεῖον ὁ ποιητὴσ εἶπεν. 9:)

"θεῖον εἶναι, εἴπερ ἄρχει ὁ θεὸσ πάντων; "πρὸσ ὃ καὶ πεποίηκεν ὁ Ἐμπεδοκλῆσ φῦλον ἄμουσον ἄγουσα πολυσπερέων καμασήνων. "τὸν ἅλα οὐκ ὀλίγον πρὸσ γένεσιν συνεργεῖν οἰόνται, καθάπερ αὐτὸσ ἐμνήσθησ τῶν Αἰγυπτίων· "οἱ γοῦν τὰσ κύνασ φιλοτροφοῦντεσ, ὅταν ἀργότεραι πρὸσ συνουσίαν ὦσιν, ἄλλοισ τε βρώμασιν ἁλμυροῖσ καὶ ταριχευτοῖσ κρέασι κινοῦσι καὶ παροξύνουσι τὸ σπερματικὸν αὐτῶν ἡσυχάζον. "τὰ δ’ ἁληγὰ πλοῖα πλῆθοσ ἐκφύει μυῶν ἄπλετον, ὡσ μὲν ἔνιοι λέγουσι, τῶν θηλειῶν καὶ δίχα συνουσίασ κυουσῶν, ὅταν τὸν ἅλα λείχωσιν· "εἰκὸσ δὲ μᾶλλον ἐμποιεῖν τὴν ἁλμυρίδα τοῖσ μορίοισ ὀδαξησμοὺσ καὶ συνεξορμᾶν τὰ ζῷα πρὸσ τοὺσ συνδυασμούσ. διὰ τοῦτο δ’ ἴσωσ καὶ κάλλοσ γυναικὸσ τὸ μήτ’ ἀργὸν μήτ’ ἀπίθανον, ἀλλὰ μεμιγμένον χάριτι καὶ κινητικόν , ἁλμυρὸν καὶ δριμὺ καλοῦσιν. "οἶμαι δὲ καὶ τὴν Ἀφροδίτην ἁλιγενῆ τοὺσ ποιητὰσ προσαγορεύειν καὶ μῦθον ἐπ’ αὐτῇ πεπλασμένον ἐξενεγκεῖν, ὡσ ἀπὸ θαλάττησ ἐχούσησ τὴν γένεσιν, εἰσ τὸ τῶν ἁλῶν γόνιμον αἰνιττομένουσ. "καὶ γὰρ αὐτὸν τὸν Ποσειδῶνα καὶ ὅλωσ τοὺσ πελαγικοὺσ θεοὺσ πολυτέκνουσ καὶ πολυγόνουσ ἀποφαίνουσιν. "αὐτῶν δὲ τῶν ζῴων οὐδὲν ἂν χερσαῖον ἢ πτηνὸν εἰπεῖν ἔχοισ οὕτω γόνιμον, ὡσ πάντα τὰ θαλάττια·

상위

Quaestiones Convivales

목록

일치하는 문장이 없습니다.

SEARCH

MENU NAVIGATION