Plutarch, Quaestiones Convivales, book 5, περὶ τῶν καταβασκαίνειν λεγομένων. 3:

(플루타르코스, Quaestiones Convivales, book 5, περὶ τῶν καταβασκαίνειν λεγομένων. 3:)

"τὸ μὲν διὰ τί γίγνεται τῷ λόγῳ μετιέναι, τὸ δ’ ὅτι γίγνεται παρὰ τῆσ ἱστορίασ λαμβάνειν. "ἱστορεῖται δὲ πολλὰ τοιαῦτα· "γιγνώσκομεν γὰρ ἀνθρώπουσ τῷ καταβλέπειν τὰ παιδία μάλιστα βλάπτοντασ, ὑγρότητι τῆσ ἕξεωσ καὶ ἀσθενείᾳ τρεπομένησ ὑπ’ αὐτῶν καὶ κινουμένησ ἐπὶ τὸ χεῖρον, ἧττον δὲ τῶν στερεῶν καὶ πεπηγότων ἤδη τοῦτο πασχόντων. "καίτοι τούσ γε περὶ τὸν Πόντον οἰκοῦντασ πάλαι Θιβεῖσ προσαγορευομένουσ ἱστορεῖ Φύλαρχοσ οὐ παιδίοισ μόνον ἀλλὰ καὶ τελείοισ ὀλεθρίουσ εἶναι· "καὶ γὰρ τὸ βλέμμα καὶ τὴν ἀναπνοὴν καὶ τὴν διάλεκτον αὐτῶν παραδεχομένουσ τήκεσθαι καὶ νοσεῖν· "ᾔσθοντο δ’ ὡσ ἐοίκε τὸ γιγνόμενον οἱ μιγάδεσ, οἰκέτασ ἐκεῖθεν ὠνίουσ ἐξάγοντεσ. "ἀλλὰ τούτων τὸ μὲν ἴσωσ ἧττόν ἐστι θαυμαστὸν ἡ γὰρ ἐπαφὴ καὶ συνανάχρωσισ ἔχει τινὰ φαινομένην πάθουσ ἀρχήν· "καὶ καθάπερ τὰ τῶν ἄλλων ὀρνέων πτερὰ τοῖσ τοῦ ἀετοῦ συντεθέντα διόλλυται ψηχόμενα καὶ ἀπανθεῖ τῶν πτίλων μυδώντων, οὕτωσ οὐδὲν ἀπέχει καὶ ἀνθρώπου ψαῦσιν τὴν μὲν ὠφέλιμον εἶναι τὴν δ’ ἀπηνῆ καὶ βλαβεράν· "τὸ δὲ καὶ προσβλεφθέντασ ἀδικεῖσθαι συμβαίνει μὲν ὥσπερ εἴρηκα, τῷ δὲ τὴν αἰτίαν ἔχειν δυσθήρατον ἀπιστεῖται.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION