헬라어 문장 검색 - Πλυταρ́Θυαεστι

(플루타르코스, Quaestiones Convivales, book 5, Περὶ τῶν πολλοὺσ ἐπὶ δεῖπνον καλούντων. 7:)

"τὸ Ἀναξαγόρειον ἦν ὁμοῦ πάντα χρήματα τὸ σύνδειπνον ἐποίησεν. "οὐ μὴν ἀλλὰ κἂν τόποσ ὑπάρχῃ καὶ παρασκευή, τὸ πλῆθοσ αὐτὸ φυλακτέον, ὡσ ἄμικτον τὴν συνουσίαν ποιοῦν καὶ ἀπροσήγορον· "οἴνου γὰρ ἀνελεῖν ἧττόν ἐστι κακὸν ἢ λόγου κοινωνίαν ἐκ δείπνου. "διὸ καὶ Θεόφραστοσ ἀοίνα συμπόσια παίζων ἐκάλει τὰ κουρεῖα διὰ τὴν λαλιὰν τῶν προσκαθιζόντων. "λόγων δὲ κοινωνίαν ἀναιροῦσιν οἱ πολλοὺσ εἰσ ταὐτὸ συμφοροῦντεσ, μᾶλλον δ’ ὀλίγουσ ποιοῦσιν ἀλλήλοισ συνεῖναι· "καὶ κατὰ δύο γὰρ ἢ τρεῖσ ἀπολαμβάνοντεσ ἐντυγχάνουσι καὶ προσδιαλέγονται, τοὺσ δὲ πόρρω κατακειμένουσ οὐδ’ ἴσασιν οὐδὲ προσορῶσιν ἵππου δρόμον ἀπέχοντασ ἠμὲν ἐπ’ Αἰάντοσ κλισίασ Τελαμωνιάδαο ἠδ’ ἐπ’ Ἀχιλλῆοσ. "ὅθεν οὐκ ὀρθῶσ οἱ πλούσιοι νεανιεύονται κατασκευάζοντεσ οἴκουσ τριακοντακλίνουσ καὶ μείζουσ· "ἀμίκτων γὰρ αὕτη καὶ ἀφίλων δείπνων ἡ παρασκευὴ καὶ πανηγυριάρχου μᾶλλον ἢ συμποσιάρχου δεομένων. "ἀλλ’ ἐκείνοισ μὲν ταῦτα συγγνώμη ποιεῖν· "ἄπλουτον γὰρ οἰόνται τὸν πλοῦτον καὶ τυφλὸν ἀληθῶσ καὶ ἀνέξοδον, ἂν μὴ μάρτυρασ ἔχῃ, καθάπερ τραγῳδία, θεατάσ· "ἡμῖν δ’ ἂν ἰάμα γένοιτο τοῦ πολλοὺσ ὁμοῦ συνάγειν τὸ πολλάκισ κατ’ ὀλίγουσ παραλαμβάνειν. "οἱ γὰρ σπανίωσ καί δι’ Ἅρματοσ ὥσ φασιν ἑστιῶντεσ ἀναγκάζονται τὸν ὁπωσοῦν ἐπιτήδειον ἢ γνώριμον καταγράφειν οἱ δὲ συνεχέστερον κατὰ τρεῖσ ἤ τέτταρασ ἀναλαμβάνοντεσ, ὥσπερ πορθμεῖα τὰ συμπόσια κοῦφά τε ποιοῦσι. "ποιεῖ δέ τινα τοῦ πολλοῦ τῶν φίλων πλήθουσ διάκρισιν καὶ ὁ τῆσ αἰτίασ διηνεκὴσ ἐπιλογισμόσ· "ὡσ γὰρ ἐπὶ τὰσ χρείασ οὐ πάντασ ἀλλὰ τοὺσ ἁρμόττοντασ ἑκάστῃ παρακαλοῦμεν, βουλευόμενοι μὲν τοὺσ φρονίμουσ δικαζόμενοι δὲ τοὺσ λέγοντασ, ἀποδημοῦντεσ δὲ τοὺσ ἐλαφροὺσ μάλιστα τοῖσ βιωτικοῖσ καὶ σχολὴν ἄγοντασ· "οὕτωσ ἐν ταῖσ ὑποδοχαῖσ ἑκάστοτε τοὺσ ἐπιτηδείουσ παραληπτέον. "ἐπιτήδειοι δὲ τῷ μὲν ἡγεμόνι δειπνίζοντι συνδειπνεῖν οἵ τ’ ἄρχοντεσ, ἐὰν ὦσι φίλοι, καὶ οἱ πρῶτοι τῆσ πόλεωσ ἐν δὲ γάμοισ ἢ καὶ γενεθλίοισ οἱ κατὰ γένοσ προσήκοντεσ καὶ Διὸσ ὁμογνίου κοινωνοῦντεσ· "ἐν δὲ ταῖσ τοιαύταισ ὑποδοχαῖσ ἢ προπομπαῖσ τοὺσ ἐκείνων μάλιστα κεχαρισμένουσ εἰσ ταὐτὸ συνακτέον. "οὐδὲ γὰρ θεῷ θύοντεσ πᾶσι τοῖσ ἄλλοισ θεοῖσ, μάλιστα καὶ συννάοισ καὶ συμβώμοισ, κατευχόμεθα, ἀλλὰ τριῶν κρατήρων κιρναμένων, τοῖσ μὲν ἀπὸ τοῦ πρώτου σπένδομεν τοῖσ δ’ ἀπὸ τοῦ δευτέρου τοῖσ δ’ ἀπὸ τοῦ τελευταίου· "φθόνοσ γὰρ ἔξω θείου χοροῦ ἵσταται· "θεῖοσ δέ που καὶ ὁ τῶν φίλων χορὸσ εὐγνωμόνωσ διανεμόμενοσ ἐν ταῖσ συμπεριφοραῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 5, Περὶ τῶν πολλοὺσ ἐπὶ δεῖπνον καλούντων. 7:

(플루타르코스, Quaestiones Convivales, book 5, Περὶ τῶν πολλοὺσ ἐπὶ δεῖπνον καλούντων. 7:)

상위

목록

SEARCH

MENU NAVIGATION