Plutarch, Numa, chapter 22 5:

καὶ τῶν ἐπιθημάτων ἀποπεσόντων ἡ μὲν ἑτέρᾳ κενὴ παντάπασιν ὤφθη καὶ μέροσ οὐδὲν οὐδὲ λείψανον ἔχουσα τοῦ σώματοσ, ἐν δὲ τῇ ἑτέρᾳ τῶν γραμμάτων εὑρεθέντων ἀναγνῶναι μὲν αὐτὰ λέγεται Πετίλιοσ στρατηγῶν τότε, πρὸσ δὲ τὴν σύγκλητον κομίσαι, μὴ δοκεῖν αὐτῷ θεμιτὸν εἶναι λέγων μηδὲ ὅσιον ἔκπυστα πολλοῖσ τὰ γεγραμμένα γενέσθαι· διὸ καὶ κομισθείσασ εἰσ τὸ Κομίτιον τὰσ βίβλουσ κατακαῆναι.