Plutarch, Numa, chapter 1

(플루타르코스, Numa, chapter 1)

ἔστι δὲ καὶ περὶ τῶν Νομᾶ τοῦ βασιλέωσ χρόνων, καθ’ οὓσ γέγονε, νεανικὴ διαφορά, καίπερ ἐξ ἀρχῆσ εἰσ τοῦτον κατάγεσθαι τῶν στεμμάτων ἀκριβῶσ δοκούντων. ἀλλὰ Κλώδιόσ τισ ἐν ἐλέγχῳ χρόνων οὕτω γάρ πωσ ἐπιγέγραπται τὸ βιβλίον ἰσχυρίζεται τὰσ μὲν ἀρχαίασ ἐκείνασ ἀναγραφὰσ ἐν τοῖσ Κελτικοῖσ πάθεσι τῆσ πόλεωσ ἠφανίσθαι, τὰσ δὲ νῦν φαινομένασ οὐκ ἀληθῶσ συγκεῖσθαι δι’ ἀνδρῶν χαριζομένων τισὶν εἰσ τὰ πρῶτα γένη καὶ τοὺσ ἐπιφανεστάτουσ οἴκουσ ἐξ οὐ προσηκόντων εἰσβιαζομένοισ. Πυθαγόρου δὲ τὸν Σπαρτιάτην Ὀλύμπια νενικηκότα στάδιον ἐπὶ τῆσ ἑκκαιδεκάτησ Ὀλυμπιάδοσ, ἧσ ἔτει τρίτῳ Νομᾶσ εἰσ τὴν βασιλείαν κατέστη, πλανηθέντα περὶ τὴν Ἰταλίαν συγγενέσθαι τῷ Νομᾷ καὶ συνδιακοσμῆσαι τὴν πολιτείαν, ὅθεν οὐκ ὀλίγα τοῖσ Ῥωμαϊκοῖσ ἐπιτηδεύμασι τῶν Λακωνικῶν ἀναμεμῖχθαι Πυθαγόρου διδάξαντοσ, ἄλλωσ δὲ Νομᾶσ γένοσ μὲν ἦν ἐκ Σαβίνων, Σαβῖνοι δὲ βούλονται Λακεδαιμονίων ἑαυτοὺσ ἀποίκουσ γεγονέναι.

τοὺσ μὲν οὖν χρόνουσ ἐξακριβῶσαι χαλεπόν ἐστι, καὶ μάλιστα τοὺσ ἐκ τῶν Ὀλυμπιονικῶν ἀναγομένουσ, ὧν τὴν ἀναγραφὴν ὀψέ φασιν Ἱππίαν ἐκδοῦναι τὸν Ἠλεῖον, ἀπ’ οὐδενὸσ ὁρμώμενον ἀναγκαίου πρὸσ πίστιν ἃ δὲ παρειλήφαμεν ἡμεῖσ ἄξια λόγου περὶ Νομᾶ, διέξιμεν ἀρχὴν οἰκείαν λαβόντεσ.

일치하는 문장이 없습니다.

SEARCH

MENU NAVIGATION