Plutarch, Numa, chapter 22

(플루타르코스, Numa, chapter 22)

πυρὶ μὲν οὖν οὐκ ἔδοσαν τὸν νεκρὸν αὐτοῦ κωλύσαντοσ, ὡσ λέγεται, δύο δὲ ποιησάμενοι λιθίνασ σοροὺσ ὑπὸ τὸ Ιἄνοκλον ἔθηκαν, τὴν μὲν ἑτέραν ἔχουσαν τὸ σῶμα, τὴν δὲ ἑτέραν τὰσ ἱερὰσ βίβλουσ ἃσ ἐγράψατο μὲν αὐτόσ, ὥσπερ οἱ τῶν Ἑλλήνων νομοθέται τοὺσ κύρβεισ, ἐκδιδάξασ δὲ τοὺσ ἱερεῖσ ἔτι ζῶν τὰ γεγραμμένα καὶ πάντων ἕξιν τε καὶ γνώμην ἐνεργασάμενοσ αὐτοῖσ, ἐκέλευσε συνταφῆναι μετὰ τοῦ σώματοσ, ὡσ οὐ καλῶσ ἐν ἀψύχοισ γράμμασι φρουρουμένων τῶν ἀπορρήτων. ᾧ λογισμῷ φασι μηδὲ τοὺσ Πυθαγορικοὺσ εἰσ γραφὴν κατατίθεσθαι τὰ συντάγματα, μνήμην δὲ καὶ παίδευσιν αὐτῶν ἄγραφον ἐμποιεῖν τοῖσ ἀξίοισ.

καὶ τῆσ γε περὶ τὰσ ἀπόρουσ καὶ ἀρρήτουσ λεγομένασ ἐν γεωμετρίᾳ μεθόδουσ πραγματείασ πρόσ τινα τῶν ἀναξίων ἐκδοθείσησ, ἔφασαν ἐπισημαίνειν τὸ δαιμόνιον μεγάλῳ τινὶ καὶ κοινῷ κακῷ τὴν γεγενημένην παρανομίαν καὶ ἀσέβειαν ἐπεξερχόμενον. ὥστε συγγνώμην ἔχειν πολλὴν τοῖσ εἰσ τὸ αὐτὸ Πυθαγόρᾳ Νομᾶν φιλοτιμουμένοισ συνάγειν ἐπὶ τοσαύταισ ὁμοιότησιν.

οἱ δὲ περὶ Ἀντίαν ἱστοροῦσι δώδεκα μὲν εἶναι βίβλουσ ἱεροφαντικάσ, δώδεκα δὲ ἄλλασ Ἑλληνικὰσ φιλοσόφουσ τὰσ εἰσ τὴν σορὸν συντεθείσασ. τετρακοσίων δέ που διαγενομένων ἐτῶν ὕπατοι μὲν ἦσαν Πόπλιοσ Κορνήλιοσ καὶ Μάρκοσ Βαίβιοσ· ὄμβρων δὲ μεγάλων ἐπιπεσόντων καὶ χώματοσ περιρραγέντοσ ἐξέωσε σε τὰσ σοροὺσ τὸ ῥεῦμα· καὶ τῶν ἐπιθημάτων ἀποπεσόντων ἡ μὲν ἑτέρᾳ κενὴ παντάπασιν ὤφθη καὶ μέροσ οὐδὲν οὐδὲ λείψανον ἔχουσα τοῦ σώματοσ, ἐν δὲ τῇ ἑτέρᾳ τῶν γραμμάτων εὑρεθέντων ἀναγνῶναι μὲν αὐτὰ λέγεται Πετίλιοσ στρατηγῶν τότε, πρὸσ δὲ τὴν σύγκλητον κομίσαι, μὴ δοκεῖν αὐτῷ θεμιτὸν εἶναι λέγων μηδὲ ὅσιον ἔκπυστα πολλοῖσ τὰ γεγραμμένα γενέσθαι·

διὸ καὶ κομισθείσασ εἰσ τὸ Κομίτιον τὰσ βίβλουσ κατακαῆναι. πᾶσι μὲν οὖν ἕπεται τοῖσ δικαίοισ καὶ ἀγαθοῖσ ἀνδράσι μείζων ὁ κατόπιν καὶ μετὰ τὴν τελευτὴν ἔπαινοσ, τοῦ φθόνου πολὺν χρόνον οὐκ ἐπιζῶντοσ, ἐν ίων δὲ καὶ προαποθνήσκοντοσ·

ὃσ μετὰ Νομᾶν ἐβασίλευσε, καὶ τὰ πλεῖστα τῶν ἐκείνου καλῶν, ἐν δὲ πρώτοισ καὶ μάλιστα τὴν περὶ τὸ θεῖον εὐλάβειαν, ἐπιχλευάσασ καὶ καθυβρίσασ ὡσ ἀργοποιὸν καὶ γυναικώδη, πρὸσ πόλεμον ν ἔτρεψε τοὺσ πολίτασ, οὐδ’ αὐτὸσ ἐνέμεινε τοῖσ νεανιεύμασι τούτοισ, ἀλλ’ ὑπὸ νόσου χαλεπῆσ καὶ πολυτρόπου τὴν γνώμην ἀλλασσόμενοσ εἰσ δεισιδαιμονίαν ἐνέδωκεν οὐδέν τι τῇ κατὰ Νομᾶν εὐσεβείᾳ προσήκουσαν, ἔτι δὲ μᾶλλον ἐνεποίησε τοῖσ ἄλλοισ τὸ τοιοῦτον πάθοσ, ὡσ λέγεται, καταφλεχθεὶσ ὑπὸ κεραυνῶν.

일치하는 문장이 없습니다.

SEARCH

MENU NAVIGATION