헬라어 문장 검색 - Πλυταρ́Νυμά10́

(플루타르코스, Numa, chapter 10)

πρῶτον μὲν οὖν ὑπὸ Νομᾶ καθιερωθῆναι λέγουσι Γεγανίαν καὶ Βερηνίαν, δεύτερον δὲ Κανουληϊάν καὶ Ταρπηϊάν· ὕστερον δὲ Σερβίου δύο προσθέντοσ ἄλλασ τῷ ἀριθμῷ διατηρεῖσθαι μέχρι τῶν χρόνων τούτων τὸ πλῆθοσ, ὡρίσθη δὲ ταῖσ ἱεραῖσ παρθένοισ ὑπὸ τοῦ βασιλέωσ ἁγνεία τριακονταέτισ, ἐν ᾗ τὴν μὲν πρώτην δεκαετίαν ἃ χρὴ δρᾶν μανθάνουσι, τὴν δὲ μέσην ἃ μεμαθήκασι δρῶσι, τὴν δὲ τρίτην ἑτέρασ αὐταὶ διδάσκουσιν. εἶτα ἀνεῖται τῇ βουλομένῃ μετὰ τὸν χρόνον τοῦτον ἤδη καὶ γάμου μεταλαμβάνειν καὶ πρὸσ ἕτερον τραπέσθαι βίον, ἀπαλλαγείσῃ τῆσ ἱερουργίασ, λέγονται δὲ οὐ πολλαὶ ταύτην ἀσπάσασθαι τὴν ἄδειαν, οὐδὲ ἀσπασαμέναισ χρηστὰ πράγματα συντυχεῖν, ἀλλὰ μετανοίᾳ καὶ κατηφείᾳ συνοῦσαι τὸν λοιπὸν βίον ἐμβαλεῖν τὰσ ἄλλασ εἰσ δεισιδαιμονίαν, ὥστε μέχρι γήρωσ καὶ θανάτου διατελεῖν ἐγκαρτερούσασ καὶ παρθενευομένασ.

τιμὰσ δὲ μεγάλασ ἀπέδωκεν αὐταῖσ, ὧν ἔστι καὶ τὸ διαθέσθαι ζῶντοσ ἐξεῖναι πατρὸσ καὶ τἆλλα πράττειν ἄνευ προστάτου διαγούσασ, ὥσπερ αἱ τρίπαιδεσ.

ῥαβδουχοῦνται δὲ προϊοῦσαι· κἂν ἀγομένῳ τινὶ πρὸσ θάνατον αὐτομάτωσ συντύχωσιν, οὐκ ἀναιρεῖται, δεῖ δὲ ἀπομόσαι τὴν παρθένον ἀκούσιον καὶ τυχαίαν καὶ οὐκ ἐξεπίτηδεσ γεγονέναι τὴν ἀπάντησιν. ὁ δὲ ὑπελθὼν κομιζομένων ὑπὸ τὸ φορεῖον ἀποθνήσκει, κόλασισ δὲ τῶν μὲν ἄλλων ἁμαρτημάτων πληγαὶ ταῖσ παρθένοισ ἰσ, τοῦ μεγίστου Ποντίφικοσ κολάζοντοσ ἔστιν ὅτε καὶ γυμνὴν τὴν πλημμελήσασαν, ὀθόνησ ἐν παλινσκίῳ παρατεινομένησ· ἡ δὲ τὴν παρθενίαν καταισχύνασα ζῶσα κατορύττεται παρὰ τὴν Κολλίνην λεγομένην πύλην ἐν ᾗ τισ ἔστιν ἐντὸσ τῆσ πόλεωσ ὀφρὺσ γεώδησ παρατείνουσα πόρρω·

καλεῖται δὲ χῶμα διαλέκτῳ τῇ Λατίνων, ἐνταῦθα κατασκευάζεται κατάγειοσ οἶκοσ οὐ μέγασ, ἔχων ἄνωθεν κατάβασιν.

κεῖται δὲ ἐν αὐτῷ κλίνη τε ὑπεστρωμένη καὶ λύχνοσ καιόμενοσ, ἀπαρχαί τε τῶν πρὸσ τὸ ζῆν ἀναγκαίων βραχεῖαί τινεσ, οἱο͂ν ἄρτοσ, ὕδωρ ἐν ἀγγείῳ, γάλα, ἔλαιον, ὥσπερ ἀφοσιουμένων τὸ μὴ λιμῷ διαφθείρειν σῶμα ταῖσ μεγίσταισ καθιερωμένον ἁγιστείαισ. αὐτὴν δὲ τὴν κολαζομένην εἰσ φορεῖον ἐνθέμενοι καὶ καταστεγάσαντεσ ἔξωθεν καὶ καταλαβόντεσ ἱμᾶσιν, ὡσ μηδὲ φωνὴν ἐξάκουστον γενέσθαι, κομίζουσι δι’ ἀγορᾶσ, ἐξίστανται δὲ πάντεσ σιωπῇ καὶ παραπέμπουσιν ἄφθογγοι μετά τινοσ δεινῆσ κατηφείασ οὐδὲ ἔστιν ἕτερον θέαμα φρικτότερον, οὐδ’ ἡμέραν ἡ πόλισ ἄλλην ἄγει στυγνοτέραν ἐκείνησ, ὅταν δὲ πρὸσ τὸν τόπον κομισθῇ τὸ φορεῖον, οἱ μὲν ὑπηρέται τοὺσ δεσμοὺσ ἐξέλυσαν, ὁ δὲ τῶν ἱερέων ἔξαρχοσ εὐχάσ τινασ ἀπορρήτουσ ποιησάμενοσ καὶ χεῖρασ ἀνατείνασ θεοῖσ πρὸ τῆσ ἀνάγκησ, ἐξάγει συγκεκαλυμμένην καὶ καθίστησιν ἐπὶ κλίμακοσ εἰσ τὸ οἴκημα κάτω φερούσησ.

εἶτα αὐτὸσ μὲν ἀποτρέπεται μετὰ τῶν ἄλλων ἱερέων τῆσ δὲ καταβάσησ ἥ τε κλίμαξ ἀναιρεῖται καὶ κατακρύπτεται τὸ οἴκημα γῆσ πολλῆσ ἄνωθεν ἐπιφορουμένησ, ὥστε ἰσόπεδον τῷ λοιπῷ χώματι γενέσθαι τὸν τόπον, οὕτω μὲν αἱ προέμεναι τὴν ἱερὰν παρθενίαν κολάζονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Numa, chapter 10

(플루타르코스, Numa, chapter 10)

상위

목록

SEARCH

MENU NAVIGATION