헬라어 문장 검색 - Πλυταρ́Νυμά21́

(플루타르코스, Numa, chapter 21)

περὶ δὲ παίδων αὐτοῦ καὶ γάμων ἀντιλογίαι γεγόνασι τοῖσ ἱστορικοῖσ. οἱ μὲν γὰρ οὔτε γάμον ἄλλον ἢ τὸν Τατίασ λαβεῖν αὐτὸν οὔτε παιδὸσ ἑτέρου γενέσθαι πατέρα πλὴν μιᾶσ θυγατρὸσ Πομπιλίασ λέγουσιν· οἱ δὲ πρὸσ ταύτῃ τέσσαρασ υἱοὺσ ἀναγράφουσιν αὐτοῦ, Πόμπωνα, Πῖνον, Κάλπον, Μάμερκον, ὧν ἕκαστον οἴκου διαδοχὴν καὶ γένουσ ἐντίμου καταλιπεῖν. εἶναι γάρ ἀπὸ μὲν τοῦ Πόμπωνοσ τοὺσ Πομπωνίουσ, ἀπὸ δὲ Πίνου τοὺσ Πιναρίουσ, ἀπὸ δὲ Κάλπου τοὺσ Καλπουρνίουσ, ἀπὸ δὲ Μαμέρκου τοὺσ Μαμερκίουσ, οἷσ διὰ τοῦτο καὶ Ῥῆγασ γενέσθαι παρωνύμιον, ὅπερ ἐστὶ βασιλέασ, τρίτοι δέ εἰσιν οἱ τούτων μὲν κατηγοροῦντεσ ὡσ χαριζομένων τοῖσ γένεσι καὶ προστιθέντων οὐκ ἀληθῆ στέμματα τῆσ ἀπὸ Νομᾶ διαδοχῆσ, τὴν δὲ Πομπιλίαν οὐκ ἐκ Τατίασ γεγονέναι λέγοντεσ, ἀλλ’ ἐξ ἑτέρασ γυναι‐ κόσ, ἣν ἤδη βασιλεύων ἔγημε, Λουκρητίασ·

πάντεσ δ̓ οὖν ὁμολογοῦσι τὴν Πομπιλίαν Μαρκίῳ γαμηθῆναι.

παῖσ δὲ ἦν ὁ Μάρκιοσ ἐκείνου Μαρκίου τοῦ Νομᾶν παρορμήσαντοσ ἐπὶ τὴν βασιλείαν καὶ γὰρ συμμετῴκησεν εἰσ Ῥώμην αὐτῷ καὶ τῆσ συγκλήτου μετέσχε τιμώμενοσ, καὶ μετὰ τὴν Νομᾶ τελευτὴν Ὁστιλίῳ περὶ τῆσ βασιλείασ εἰσ ἀγῶνα καταστὰσ καὶ ἡττηθεὶσ ἀπεκαρτέρησεν. ὁ δὲ υἱὸσ αὐτοῦ Μάρκιοσ ἔχων τὴν Πομπιλίαν κατέμεινεν ἐν Ῥώμῃ καὶ Μάρκιον Ἄγκον ἐγέννησεν, ὃσ μετὰ Τύλλον Ὁστίλιον ἐβασίλευσε. τοῦτον, ὡσ λέγεται, πενταετῆ καταλιπὼν ὁ Νομᾶσ ἐτελεύτησεν, οὐ ταχείασ οὐδ’ αἰφνιδίου γενομένησ αὐτῷ τῆσ τελευτῆσ, ἀλλὰ κατὰ μικρὸν ὑπὸ γήρωσ καὶ νόσου μαλακῆσ ἀπομαραινόμενοσ, ὡσ ἱστόρηκε Πείσων.

ἐτελεύτησε δὲ χρόνον οὐ πολὺν τοῖσ ὀγδοήκοντα προσβιώσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Numa, chapter 21

(플루타르코스, Numa, chapter 21)

상위

목록

SEARCH

MENU NAVIGATION