헬라어 문장 검색 - Πλυταρ́Νυμά20́

(플루타르코스, Numa, chapter 20)

ἔστι δὲ αὐτοῦ καὶ νεὼσ ἐν Ῥώμῃ δίθυροσ, ὃν πολέμου πύλην καλοῦσι. νομίζεται γάρ ἀνεῷχθαι μὲν αὐτὸν ὅταν ᾖ πόλεμοσ, κεκλεῖσθαι δὲ εἰρήνησ γενομένησ, ὃ δὴ χαλεπὸν ἦν καὶ σπανίωσ γινόμενον, ἀεί τινι συνηρτημένησ πολέμῳ τῆσ ἡγεμονίασ, διὰ μέγεθοσ τοῖσ κύκλῳ περικεχυμένοισ γένεσι βαρβάροισ ἀντερειδούσησ. πλὴν ἐπί γε τοῦ Σεβαστοῦ Καίσαροσ ἐκλείσθη καθελόντοσ Ἀντώνιον καὶ πρότερον ὑπατευόντων Μάρκου Ἀτιλίου καὶ Τίτου Μαλλίου χρόνον οὐ πολὺν εἶτα εὐθὺσ ἀνεῴχθη πολέμου συρραγέντοσ.

ἀλλ’ ἐπί γε τῆσ Νομᾶ βασιλείασ οὐδεμίαν ἡμέραν ἀνεῳγμένοσ ὤφθη, τρία δὲ καὶ τετταράκοντα ἔτη συνεχῶσ ἔμεινε κεκλεισμένοσ· οὐ γάρ μόνον ὁ Ῥωμαίων ἡμέρωτο καὶ κατεκεκήλητο τῇ δικαιοσύνῃ καὶ πρᾳότητι τοῦ βασιλέωσ δῆμοσ, ἀλλὰ καὶ τὰσ κύκλῳ πόλεισ, ὥσπερ αὔρασ τινὸσ ἐκεῖθεν ἢ πνεύματοσ ὑγιεινοῦ φέροντοσ, ἀρχὴ μεταβολῆσ ἔλαβε καὶ πόθοσ εἰσερρύη πάντασ εὐνομίασ καὶ εἰρήνησ καὶ γῆν φυτεύειν καὶ τέκνα τρέφειν ἐν ἡσυχίᾳ καὶ σέβεσθαι θεούσ, ἑορταὶ δὲ καὶ θαλίαι καὶ παρ’ ἀλλήλουσ ἀδεῶσ ἰόντων καὶ ἀναμιγνυμένων ὑποδοχαὶ καὶ φιλοφροσύναι τὴν Ἰταλίαν κατεῖχον, οἱο͂ν ἐκ πηγῆσ τῆσ Νομᾶ σοφίασ τῶν καλῶν καὶ δικαίων ἐπεισρεόντων εἰσ ἅπαντασ καὶ διαχεομένησ τῆσ περὶ ἐκεῖνον γαλήνησ·

ὥστε καὶ τὰσ ποιητικὰσ ὑπερβολὰσ ἐνδεῖν πρὸσ τὴν τότε κατάστασιν λέγουσιν·

"ἐν δὲ σιδαροδέτοισ πόρπαξιν αἰθᾶν ἀραχνᾶν ἔργα·

"εὐρὼσ δάμναται ἔγχεά τε λογχωτὰ ξίφεὰ τ’ ἀμφήκεα, χαλκεᾶν δὲ οὐκέτι σαλπίγγων κτύποσ, οὐδὲ συλᾶται μελίφρων ὕπνοσ ἀπὸ βλεφάρων. οὔτε γάρ πόλεμοσ οὔτε στάσισ οὔτε νεωτερισμὸσ περὶ πολιτείαν ἱστόρηται Νομᾶ βασιλεύοντοσ· ἀλλ’ εἴτε φόβοσ θεῶν προκήδεσθαι δοκούντων τοῦ ἀνδρὸσ εἴτε τῆσ ἀρετῆσ αἰδὼσ εἴτε δαιμόνιοσ τύχη, πάσησ κακίασ ἄθικτον ἐπ’ ἐκείνου καὶ καθαρὸν διαφυλάττουσα τὸν βίον, ἐναργὲσ ἐξήνεγκε παράδειγμα καὶ τεκμήριον τῆσ Πλατωνικῆσ φωνῆσ, ἣν ὕστερον ἐκεῖνοσ οὐκ ὀλίγοισ χρόνοισ γενόμενοσ ἐτόλμησεν ἀφεῖναι περὶ πολιτείασ, ὡσ μία κακῶν παῦλα καὶ λύσισ ἀνθρώποισ ἐστίν, ἔκ τινοσ τύχησ θείασ εἰσ ταὐτὸ διανοίᾳ φιλοσόφῳ βασιλικὴν συμπεσοῦσαν δύναμιν ἐγκρατῆ καὶ ὑπερδέξιον τῆσ κακίασ τὴν ἀρετὴν καταστῆσαι.

"μακάριοι δὲ οἱ συνήκοοι τῶν ἔκ τοῦ σωφρονοῦντοσ στόματοσ ἰόντων λόγων.

τάχα γὰρ οὐδὲ ἀνάγκησ τινὸσ δεῖ πρὸσ τοὺσ πολλοὺσ οὐδὲ ἀπειλῆσ, αὐτοὶ δὲ τὴν ἀρετὴν ἐν εὐδήλῳ παραδείγματι καὶ λαμπρῷ τῷ βίῳ τοῦ ἄρχοντοσ ὁρῶντεσ, ἑκουσίωσ σωφρονοῦσι καὶ συμμετασχηματίζονται πρὸσ τὸν ἐν φιλίᾳ καὶ ὁμονοίᾳ τῇ πρὸσ αὐτοὺσ μετὰ δικαιοσύνησ καὶ μετριότητοσ ἀμύμονα καὶ μακάριον βίον, ἐν ᾧ τὸ κάλλιστον ἁπάσησ πολιτείασ τέλοσ ἐστί, καὶ βασιλικώτατοσ ἁπάντων ὁ τοῦτον τὸν βίον καὶ ταύτην τὴν διάθεσιν τοῖσ ὑπηκόοισ ἐνεργάσασθαι δυνάμενοσ.

ταῦτα μὲν οὖν Νομᾶσ παντὸσ μᾶλλον φαίνεται συνεωρακώσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Numa, chapter 20

(플루타르코스, Numa, chapter 20)

상위

목록

SEARCH

MENU NAVIGATION