헬라어 문장 검색 - Πλυταρ́Νυμά17́

(플루타르코스, Numa, chapter 17)

τῶν δὲ ἄλλων αὐτοῦ πολιτευμάτων ἡ κατὰ τέχνασ διανομὴ τοῦ πλήθουσ μάλιστα θαυμάζεται, τῆσ γάρ πόλεωσ ἐκ δυεῖν γενῶν, ὥσπερ εἴρηται, συνεστάναι δοκούσησ, διεστώσησ δὲ μᾶλλον καὶ μηδενὶ τρόπῳ μιᾶσ γενέσθαι βουλομένησ μηδὲ οἱο͂ν ἐξαλεῖψαι τὴν ἑτερότητα καὶ διαφοράν, ἀλλὰ συγκρούσεισ ἀπαύστουσ καὶ φιλονεικίασ τῶν μερῶν ἐχούσησ, διανοηθεὶσ ὅτι καὶ τῶν σωμάτων τὰ φύσει δύσμικτα καὶ σκληρὰ καταθραύοντεσ καὶ διαιροῦντεσ ἀναμιγνύουσιν, ὑπὸ μικρότητοσ ἀλλήλοισ συμβαίνοντα μᾶλλον, ἔγνω κατατεμεῖν τομὰσ πλείονασ τὸ σύμπαν πλῆθοσ ἐκ δὲ τούτων εἰσ ἑτέρασ ἐμβαλὼν διαφορὰσ τὴν πρώτην ἐκείνην καὶ μεγάλην ἀφανίσαι ταῖσ ἐλάττοσιν ἐνδιασπαρεῖσαν. ἦν δὲ ἡ διανομὴ κατὰ τὰσ τέχνασ, αὐλητῶν, χρυσοχόων, τεκτόνων, βαφέων, σκυτοτόμων, σκυτοδεψῶν, χαλκέων, κεραμέων, τὰσ δὲ λοιπὰσ τέχνασ εἰσ ταὐτὸ συναγαγὼν ἓν αὐτῶν ἐκ πασῶν ἀπέδειξε σύστημα.

κοινωνίασ δὲ καὶ συνόδουσ καὶ θεῶν τιμὰσ ἀποδοὺσ ἑκάστῳ γένει πρεπούσασ, τότε πρῶτον ἐκ τῆσ πόλεωσ ἀνεῖλε τὸ λέγεσθαι καὶ νομίζεσθαι τοὺσ μὲν Σαβίνουσ, τοὺσ δὲ Ῥωμαίουσ, καὶ τοὺσ μὲν Τατίου, τοὺσ δὲ Ῥωμύλου πολίτασ, ὥστε τὴν διαίρεσιν εὐαρμοστίαν καὶ ἀνάμιξιν πάντων γενέσθαι πρὸσ πάντασ.

ἐπαινεῖται δὲ τῶν πολιτικῶν αὐτοῦ καὶ τὸ περὶ τὸν νόμον διόρθωμα τὸν διδόντα τοῖσ πατράσι τοὺσ παῖδασ πιπράσκειν, ὑπεξελομένου τοὺσ γεγαμηκότασ, εἰ τοῦ πατρὸσ ἐπαινοῦντοσ καὶ κελεύοντοσ ὁ γάμοσ γένοιτο, δεινὸν γὰρ ἡγεῖτο τὴν ὡσ ἐλευθέρῳ γεγαμημένην γυναῖκα δούλῳ συνοικεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Numa, chapter 17

(플루타르코스, Numa, chapter 17)

상위

목록

SEARCH

MENU NAVIGATION