Plutarch, Numa, chapter 16 3:

καὶ ταύτην πᾶσαν ὁ Νομᾶσ διένειμε τοῖσ ἀπόροισ τῶν πολιτῶν, ὡσ ἀνάγκην τῆσ ἀδικίασ ἀφαιρῶν τὴν ἀπορίαν, καὶ τρέπων ἐπὶ γεωργίαν τὸν δῆμον ἅμα τῇ χώρᾳ συνεξημερούμενον. οὐδὲν γάρ ἄλλο τῶν ἐπιτηδευμάτων οὕτωσ ἔρωτα δριμὺν εἰρήνησ ἐργάζεται καὶ ταχὺν ὡσ ὁ ἀπὸ γῆσ βίοσ, ἐν ᾧ καὶ τῆσ πολεμικῆσ εὐτολμίασ τὸ μὲν ὑπερμαχητικὸν τοῦ οἰκείου διαμένει καὶ πάρεστι, τὸ δὲ εἰσ ἀδικίαν καὶ πλεονεξίαν ἀνειμένον ἐκκέκοπται.