Plutarch, Numa, chapter 15 4:

τούτουσ φασὶ χειρώσασθαι τὸν Νομᾶν, οἴνῳ καὶ μέλιτι κεράσαντα τὴν κρήνην ἀφ’ ἧσ ἔπινον συνήθωσ. ληφθέντασ δὲ πολλὰσ μὲν ἰδέασ τρέπεσθαι καὶ μετεκδύεσθαι τὴν αὑτῶν φύσιν, ἀλλόκοτα φάσματα καὶ φοβερὰ τῆσ ὄψεωσ προβαλλομένουσ· ἐπεὶ δὲ ἔγνωσαν ἑαλωκότεσ ἰσχυρὰν καὶ ἄφυκτον ἅλωσιν, ἄλλα τε προθεσπίσαι πολλὰ τῶν μελλόντων καὶ τὸν ἐπὶ τοῖσ κεραυνοῖσ ἐκδιδάξαι καθαρμόν, ὃσ ποιεῖται μέχρι νῦν διὰ κρομμύων καὶ τριχῶν καὶ μαινίδων.