Plutarch, Numa, chapter 13 4:

σάλιοι δὲ ἐκλήθησαν, οὐχ, ὡσ ἔνιοι μυθολογοῦσι, Σαμόθρᾳκοσ ἀνδρὸσ ἢ Μαντινέωσ, ὄνομα Σαλίου, πρώτου τὴν ἐνόπλιον ἐκδιδάξαντοσ ὄρχησιν, ἀλλὰ μᾶλλον ἀπὸ τῆσ ὀρχήσεωσ αὐτῆσ, ἁλτικῆσ οὔσησ, ἣν ὑπορχοῦνται διαπορευόμενοι τὴν πόλιν, ὅταν τὰσ ἱερὰσ πέλτασ ἀναλάβωσιν ἐν τῷ Μαρτίῳ μηνί, φοινικοῦσ μὲν ἐνδεδυμένοι χιτωνίσκουσ, μίτραισ δὲ χαλκαῖσ ἐπεζωσμένοι πλατείαισ καὶ κράνη χαλκᾶ φοροῦντεσ, ἐγχειριδίοισ δὲ μικροῖσ τὰ ὅπλα κρούοντεσ.