헬라어 문장 검색 - Πλυταρ́Νυμά12́

(플루타르코스, Numa, chapter 12)

οἱ δὲ Ποντίφικεσ καὶ τὰ περὶ τὰσ ταφὰσ πάτρια τοῖσ χρῄζουσιν ἀφηγοῦνται, Νομᾶ διδάξαντοσ μηδὲν ἡγεῖσθαι μίασμα τῶν τοιούτων, ἀλλὰ καὶ τοὺσ ἐκεῖ θεοὺσ σέβεσθαι τοῖσ νενομισμένοισ, ὡσ τὰ κυριώτατα τῶν ἡμετέρων ὑποδεχομένουσ ἐξαιρέτωσ δὲ τὴν προσαγορευομένην Λιβίτιναν, ἐπίσκοπον τῶν περὶ τοὺσ θνήσκοντασ ὁσίων θεὸν οὖσαν, εἴτε Περσεφόνην εἴτε μᾶλλον, ὡσ οἱ λογιώτατοι Ῥωμαίων ὑπολαμβάνουσιν, Ἀφροδίτην, οὐ κακῶσ εἰσ μιᾶσ δύναμιν θεοῦ τὰ περὶ τὰσ γενέσεισ καὶ τὰσ τελευτὰσ ἀνάπτοντεσ. αὐτὸσ δὲ καὶ τὰ πένθη καθ’ ἡλικίασ καὶ χρόνουσ ἔταξεν οἱο͂ν παῖδα μὴ πενθεῖν νεώτερον τριετοῦσ, μηδὲ πρεσβύτερον πλείονασ μῆνασ ὧν ἐβίωσεν ἐνιαυτῶν μέχρι τῶν δέκα, καὶ περαιτέρω μηδεμίαν ἡλικίαν, ἀλλὰ τοῦ μακροτάτου πένθουσ χρόνον εἶναι δεκαμηνιαῖον, ἐφ’ ὅσον καὶ χηρεύουσιν αἱ τῶν ἀποθανόντων γυναῖκεσ, ἡ δὲ πρότερον γαμηθεῖσα βοῦν ἐγκύμονα κατέθυεν ἐκείνου νομοθετήσαντοσ.

πολλὰσ δὲ καὶ ἄλλασ Νομᾶ καταδείξαντοσ ἱερωσύνασ ἔτι δυεῖν μνησθήσομαι, τῆσ τε Σαλίων καὶ τῆσ τῶν Φιτιαλέων, αἱ μάλιστα τὴν εὐσέβειαν τοῦ ἀνδρὸσ ἐμφαίνουσιν.

οἱ μὲν γάρ Φιτιαλεῖσ εἰρηνοφύλακέσ τινεσ ὄντεσ, ὡσ δ̓ ἐμοὶ δοκεῖ, καὶ τοὔνομα λαβόντεσ ἀπὸ τῆσ πράξεωσ, λόγῳ τὰ νείκη κατέπαυον, οὐκ ἐῶντεσ στρατεύειν πρότερον ἢ πᾶσαν ἐλπίδα δίκησ ἀποκοπῆναι. καὶ γὰρ εἰρήνην Γ̣

Ἕλληνεσ καλοῦσιν ὅταν λόγῳ, μὴ βίᾳ, πρὸσ ἀλλήλουσ χρώμενοι λύσωσι τὰσ διαφοράσ, οἱ δὲ Ῥωμαίων Φιτιαλεῖσ πολλάκισ μὲν ἐβάδιζον ὡσ τοὺσ ἀδικοῦντασ αὐτοὶ πείθοντεσ εὐγνωμονεῖν· ἀγνωμονούντων δὲ μαρτυράμενοι θεούσ, καὶ κατευξάμενοι πολλὰ καὶ δεινὰ καθ’ αὑτῶν αὐτοὶ καὶ τῆσ πατρίδοσ εἰ μὴ δικαίωσ ἐπεξίασιν, οὕτω κατήγγελλον αὐτοῖσ τὸν πόλεμον. κωλυόντων δὲ τούτων ἢ μὴ συναινούντων, οὔτε στρατιώτῃ θεμιτὸν οὔτε βασιλεῖ Ῥωμαίων ὅπλα κινεῖν, ἀλλὰ παρὰ τούτων ἔδει τὴν ἀρχὴν τοῦ πολέμου δεξάμενον ὡσ δικαίου τὸν ἄρχοντα, τότε σκοπεῖν περὶ τοῦ συμφέροντοσ, λέγεται δὲ καὶ τὸ Κελτικὸν ἐκεῖνο πάθοσ τῇ πόλει γενέσθαι τούτων τῶν ἱερέων παρανομηθέντων.

ἔτυχον μὲν γὰρ οἱ βάρβαροι Κλουσίνουσ πολιορκοῦντεσ·

ἐπέμφθη δὲ πρεσβευτὴσ Φάβιοσ Ἄμβουστοσ εἰσ τὸ στρατόπεδον διαλύσεισ πράξων ὑπὲρ τῶν πολιορκουμένων. λαβὼν δὲ ἀποκρίσεισ οὐκ ἐπιεικεῖσ καὶ πέρασ σχεῖν αὑτῷ τὴν πρεσβείαν οἰόμενοσ, ἐνεανιεύσατο πρὸ τῶν Κλουσίνων ὅπλα λαβὼν προκαλέσασθαι τὸν ἀριστεύοντα τῶν βαρβάρων. τὰ μὲν οὖν τῆσ μάχησ εὐτυχεῖτο καὶ καταβαλὼν ἐσκύλευσε τὸν ἄνδρα γνωρίσαντεσ δὲ οἱ Κελτοὶ πέμπουσιν εἰσ Ῥώμην κήρυκα τοῦ Φαβίου κατηγοροῦντεσ ὡσ ἐκσπόνδου καὶ ἀπίστου καὶ ἀκατάγγελτον ἐξενηνοχότοσ πρὸσ αὐτοὺσ πόλεμον.

ἐνταῦθα τὴν μὲν σύγκλητον οἱ Φιτιαλεῖσ ἔπειθον ἐκδιδόναι τὸν ἄνδρα τοῖσ Κελτοῖσ, καταφυγὼν δὲ ἐκεῖνοσ εἰσ τοὺσ πολλοὺσ καὶ τῷ δήμῳ σπουδάζοντι χρησάμενοσ διεκρούσατο τὴν δίκην. μετ’ ὀλίγον δὲ ἐπελθόντεσ οἱ Κελτοὶ τὴν Ῥώμην πλὴν τοῦ Καπιτωλίου διεπόρθησαν. ἀλλὰ ταῦτα μὲν ἐν τοῖσ περὶ Καμίλλου μᾶλλον ἀκριβοῦται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Numa, chapter 12

(플루타르코스, Numa, chapter 12)

상위

목록

SEARCH

MENU NAVIGATION