헬라어 문장 검색 - Πλυταρ́Νυμά09́

(플루타르코스, Numa, chapter 9)

Νομᾷ δὲ καὶ τὴν τῶν ἀρχιερέων, οὓσ Ποντίφικασ καλοῦσι, διάταξιν καὶ κατάστασιν ἀποδιδόασι, καί φασιν αὐτὸν ἕνα τούτων τὸν πρῶτον γεγονέναι. κεκλῆσθαι δὲ τοὺσ Ποντίφικασ οἱ μὲν ὅτι τοὺσ θεοὺσ θεραπεύουσι δυνατοὺσ καὶ κυρίουσ ἁπάντων ὄντασ· ὁ γάρ δυνατὸσ ὑπὸ Ῥωμαίων ὀνομάζεται πότηνσ· ἕτεροι δέ φασι πρὸσ ὑπεξαίρεσιν γεγονέναι τοὔνομα τῶν δυνατῶν, ὡσ τοῦ νομοθέτου τὰσ δυνατὰσ ἐπιτελεῖν ἱερουργίασ τοὺσ ἱερεῖσ κελεύοντοσ, ἂν δὲ ᾖ τι κώλυμα μεῖζον, οὐ συκοφαντοῦντοσ.

οἱ δὲ πλεῖστοι μάλιστα καὶ τὸ γελώμενον τῶν ὀνομάτων δοκιμάζουσιν, ὡσ οὐδὲν ἀλλ’ ἢ γεφυροποιοὺσ τοὺσ ἄνδρασ ἐπικληθέντασ ἀπὸ τῶν ποιουμένων περὶ τὴν γέφυραν ἱερῶν, ἁγιωτάτων καὶ παλαιοτάτων ὄντων πόντεμ γάρ οἱ Λατῖνοι τὴν γέφυραν ὀνομάζουσιν. εἶναι μέντοι καὶ τὴν τήρησιν αὐτῆσ καὶ τὴν ἐπισκευήν, ὥσπερ ἄλλο τι τῶν ἀκινήτων καὶ πατρίων ἱερῶν, προσήκουσαν τοῖσ ἱερεῦσιν.

οὐ γάρ θεμιτόν, ἀλλ’ ἐπάρατον ἡγεῖσθαι Ῥωμαίουσ τὴν κατάλυσιν τῆσ ξυλίνησ γεφύρασ, λέγεται δὲ καὶ τὸ πάμπαν ἄνευ σιδήρου κατὰ δή τι λόγιον συγγεγομφῶσθαι διὰ τῶν ξύλων, ἡ δὲ λιθίνη πολλοῖσ ὕστερον ἐξειργάσθη χρόνοισ ὑπ’ Αἰμιλίου ταμιεύοντοσ. οὐ μὴν ἀλλὰ καὶ τὴν ξυλίνην τῶν Νομᾶ χρόνων ἀπολείπεσθαι λέγουσιν, ὑπὸ Μαρκίου τοῦ Νομᾶ θυγατριδοῦ βασιλεύοντοσ ἀποτελεσθεῖσαν.

ὁ δὲ μέγιστοσ τῶν Ποντιφίκων οἱο͂ν ἐξηγητοῦ καὶ προφήτου, μᾶλλον δὲ ἱεροφάντου τάξιν εἴληχεν, οὐ μόνον τῶν δημοσίᾳ δρωμένων ἐπιμελούμενοσ, ἀλλὰ καὶ τοὺσ ἰδίᾳ θύοντασ ἐπισκοπῶν καὶ· κωλύων παρεκβαίνειν τὰ νενομισμένα, καὶ διδάσκων ὅτου τισ δέοιτο πρὸσ θεῶν τιμὴν ἢ παραίτησιν. ἦν δὲ καὶ τῶν ἱερῶν παρθένων ἐπίσκοποσ, ἃσ Ἑστιάδασ προσαγορεύουσι.

Νομᾷ γὰρ δὴ καὶ τὴν τῶν Ἑστιάδων παρθένων καθιέρωσιν καὶ ὅλωσ τὴν περὶ τὸ πῦρ τὸ ἀθάνατον, ὃ φυλάττουσιν αὗται, θεραπείαν τε καὶ τιμὴν ἀποδιδόασιν, εἴτε ὡσ καθαρὰν καὶ ἄφθαρτον τὴν τοῦ πυρὸσ οὐσίαν ἀκηράτοισ καὶ ἀμιάντοισ παρατιθεμένου σώμασιν, εἴτε τὸ ἄκαρπον καὶ ἄγονον τῇ παρθενίᾳ συνοικειοῦντοσ. καθάπερ Ἀθήνησι μὲν ἐπὶ τῆσ Ἀριστίωνοσ λέγεται τυραννίδοσ ἀποσβεσθῆναι τὸν ἱερὸν λύχνον, ἐν Δελφοῖσ δὲ τοῦ ναοῦ καταπρησθέντοσ ὑπὸ Μήδων, περὶ δὲ τὰ Μιθριδατικὰ καὶ τὸν ἐμφύλιον Ῥωμαίων πόλεμον ἅμα τῷ βωμῷ τὸ πῦρ ἠφανίσθη, οὔ φασι δεῖν ἀπὸ ἑτέρου πυρὸσ ἐναύεσθαι, καινὸν δὲ ποιεῖν καὶ νέον, ἀνάπτοντασ ἀπὸ τοῦ ἡλίου φλόγα καθαρὰν καὶ ἀμίαντον.

ἐξάπτουσι δὲ μάλιστα τοῖσ σκαφείοισ, ἃ κατασκευάζεται μὲν ἀπὸ πλευρᾶσ ἰσοσκελοῦσ ὀρθογωνίου τριγώνου κοιλαινόμενα, συννεύει δ̓ εἰσ ἓν ἐκ τῆσ περιφερείασ κέντρον.

ὅταν οὖν θέσιν ἐναντίαν λάβῃ πρὸσ τὸν ἥλιον, ὥστε τὰσ αὐγὰσ πανταχόθεν ἀνακοπτομένασ ἀθροίζεσθαι καὶ συμπλέκεσθαι περὶ τὸ κέντρον, αὐτόν τε διακρίνει τὸν ἀέρα λεπτυνόμενον, καὶ τὰ κουφότατα καὶ ξηρότατα τῶν προστιθεμένων ὀξέωσ ἀνάπτει κατὰ τὴν ἀντέρεισιν, σῶμα καὶ πληγὴν πυρώδη τῆσ αὐγῆσ λαβούσησ. ἔνιοι μὲν οὖν οὐδὲν ὑπὸ τῶν ἱερῶν παρθένων ἀλλ’ ἢ τὸ ἄσβεστον ἐκεῖνο φρουρεῖσθαι πῦρ νομίζουσιν ἔνιοι δὲ εἶναί τινὰ φασιν ἀθέατα τοῖσ ἄλλοισ ἱερὰ κρυπτόμενα, περὶ ὧν ὅσα καὶ πυθέσθαι καὶ φράσαι θεμιτὸν ἐν τῷ Καμίλλου βίῳ γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Numa, chapter 9

(플루타르코스, Numa, chapter 9)

상위

목록

SEARCH

MENU NAVIGATION