헬라어 문장 검색 - Πλυταρ́ΜαρξυσΞ́27́

(플루타르코스, Marcus Cato, chapter 27)

πρὸσ τούτοισ φασὶ τὸν Κάτωνά καὶ σῦκα τῶν Λιβυκῶν ἐπίτηδεσ ἐκβαλεῖν ἐν τῇ βουλῇ, τὴν τήβεννον ἀναβαλόμενον· εἶτα θαυμασάντων τὸ μέγεθοσ καὶ τὸ κάλλοσ εἰπεῖν, ὡσ ἡ ταῦτα φέρουσα χώρα τριῶν ἡμερῶν πλοῦν ἀπέχει τῆσ Ῥώμησ. "δοκεῖ δέ μοι καὶ Καρχηδόνα μὴ εἶναι. τοὐναντίον δὲ Πόπλιοσ Σκηπίων ὁ Νασικᾶσ ἐπικαλούμενοσ ἀεὶ διετέλει λέγων καὶ ἀποφαινόμενοσ· "δοκεῖ μοι Καρχηδόνα εἶναι. πολλὰ γὰρ, ὡσ ἐοίκεν, ὕβρει τὸν δῆμον ὁρῶν ἤδη πλημμελοῦντα καὶ δι’ εὐτυχίαν καὶ φρόνημα τῇ βουλῇ δυσκάθεκτον ὄντα καὶ τὴν πόλιν ὅλην ὑπὸ δυνάμεωσ ὅπῃ ῥέψειε ταῖσ ὁρμαῖσ βίᾳ συνεφελκόμενον, ἐβούλετο τοῦτον γοῦν τὸν φόβον ὥσπερ χαλινὸν ἐπικεῖσθαι σωφρονιστῆρα τῇ θρασύτητι τῶν πολλῶν, ἔλαττον μὲν ἡγούμενοσ ἰσχύειν Καρχηδονίουσ τοῦ περιγενέσθαι Ῥωμαίων, μεῖζον δὲ τοῦ καταφρονεῖσθαι.

τῷ δὲ Κάτωνι τοῦτ’ αὐτὸ δεινὸν ἐφαίνετο, βακχεύοντι τῷ δήμῳ καὶ σφαλλομένῳ τὰ πολλὰ δι’ ἐξουσίαν πόλιν ἀεὶ μεγάλην, νῦν δὲ καὶ νήφουσαν ὑπὸ συμφορῶν καὶ κεκολασμένην ἐπικρέμασθαι καὶ μὴ παντάπασι τοὺσ ἔξωθεν ἀνελεῖν τῆσ ἡγεμονίασ φόβουσ, ἀναφορὰσ αὑτοῖσ πρὸσ τὰσ οἴκοθεν ἁμαρτίασ ἀπολιπόντασ.

οὕτω μὲν ἐξεργάσασθαι λέγεται τὸν τρίτον καὶ τελευταῖον ὁ Κάτων ἐπὶ Καρχηδονίουσ πόλεμον, ἀρξαμένων δὲ πολεμεῖν ἐτελεύτησεν, ἀποθεσπίσασ περὶ τοῦ μέλλοντοσ ἐπιθήσειν τῷ πολέμῳ τέλοσ ἀνδρόσ, ὃσ ἦν τότε μὲν νεανίασ, χιλίαρχοσ δὲ στρατευόμενοσ ἀπεδείκνυτο καὶ γνώμησ ἔργα καὶ τόλμησ πρὸσ τοὺσ ἀγῶνασ.

ἀπαγγελλομένων δὲ τούτων εἰσ Ῥώμην πυνθανόμενον τὸν Κάτωνά φασιν εἰπεῖν οἰο͂σ πέπνυται, τοὶ δὲ σκιαὶ ἀίσσουσι. ταύτην μὲν οὖν τὴν ἀπόφασιν ταχὺ δι’ ἔργων ἐβεβαίωσεν ὁ Σκηπίων·

ὁ δὲ Κάτων ἀπέλιπε γενεὰν ἕνα μὲν υἱὸν ἐκ τῆσ ἐπιγαμηθείσησ, ᾧ παρωνύμιον ἔφαμεν γενέσθαι Σαλώνιον, ἕνα δὲ υἱωνὸν ἐκ τοῦ τελευτήσαντοσ υἱοῦ. καὶ Σαλώνιοσ μὲν ἐτελεύτησε στρατηγῶν, ὁ δ’ ἐξ αὐτοῦ γενόμενοσ Μᾶρκοσ ὑπάτευσεν. ἦν δὲ πάπποσ οὗτοσ τοῦ φιλοσόφου Κάτωνοσ, ἀνδρὸσ ἀρετῇ καὶ δόξῃ τῶν κατ’ αὐτὸν ἐπιφανεστάτου γενομένου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 27

(플루타르코스, Marcus Cato, chapter 27)

상위

목록

SEARCH

MENU NAVIGATION